ქართული პრესის მონიტორინგი

21.05.2018

სარჩევი:

კვირის პალიტრა. - 6 -

"მგონია, რომ აგრესიული დაჯგუფებები ზოგიერთი სახელისუფლებო სტრუქტურების პირმშოები არიან" (კვირის პალიტრა) - 6 -

"პირველად საქართველოს უახლოეს ისტორიაში ორივე მხარემ უკან დაიხია" (კვირის პალიტრა) - 7 -

"პროტესტი აშკარად გასცდა ადეკვატურ ზღვარს" (კვირის პალიტრა) - 8 -

რა "ნაღმებია" ჩადებული ნარკოპოლიტიკის კანონპროექტში?! (კვირის პალიტრა) - 10 -

ნარკორეალიზატორების საქმე: მთავარი მოწმის ჩვენება (კვირის პალიტრა) - 11 -

მსესხებელი რომ არ "აყირავდეს"... (კვირის პალიტრა) - 12 -

ცენზურის დაკანონების მცდელობა?! (კვირის პალიტრა) - 13 -

"მშობლები შვილების ქართულ სექტორზე მიყვანას ვეღარ ბედავენ" (კვირის პალიტრა) - 14 -

ალია. - 15 -

„ირაკლი შოთაძეს მესიჯიც მისწერეს, პატრიარქს სურს თქვენთან საუბარიო და არც კი უპასუხა“ - რატომ არ პასუხობენ მაღალჩინოსნები სატელეფონო ზარებსა და მესიჯებს და რას ამბობს ილია მეორე? (ალია) - 15 -

„კალაძე გაცოფებული იყო, არ მალავდა, რომ გახარიამ „შეუსრულა“ და ამბობდა, ამას მარტო ეგ ვერ მოიფიქრებდა, მებრძვიანო“  - ეს არის გეგმა, რომელსაც ივანიშვილი აუცილებლად განახორციელებს (ალია) - 17 -

რა ვითარებაში გააცნო გია ხუხაშვილმა ბიძინა ივანიშვილს გიორგი გახარია? - ვინ ვის ძირავს ხელისუფლებაში (ალია) - 19 -

გადაუხადე ამ ხალხს ხელფასი წესიერად, გახარია, ვერ არჩენენ, ბოდიშ და, მადლობით ოჯახს, ტაქსაობენ შსს-ს თანამშრომლები - სირცხვილია! (ალია) - 21 -

კობა დავითაშვილი: საქართველოს მოსახლეობის უმრავლესობა არის იდიოტი და ეს არის არა შეურაცხყოფა, არამედ, ფაქტი! – „რეპი და ბიძინა ივანიშვილის შვილობა შეუთავსებელია, ეტყობა, მას არავინ ეუბნება და იძულებული ვარ, მე ვუთხრა“ (ალია) - 21 -

17 მაისს ამ ხელისუფლებამ და ბიძინა ივანიშვილმა საბოლოოდ, მკაფიოდ და საქვეყნოდ გააკეთეს არჩევანი - დაუპირისპირდნენ და გაემიჯნენ ეკლესიას, პატრიარქს, ხალხს - „ბიძინა ივანიშვილის დღეს არის ერის მოღალატე, ერის მტერი, ის თავის სიმდიდრეს უფრთხილდება და ყველაფერს აკეთებს, რომ ქართველი ერი გაანადგუროს“ (ალია) - 24 -

„ამ ქვეყანაში მხოლოდ ერთ ადამიანს, ილია მეორეს შეუძლია ამ უბედურებას წერტილი დაუსვას! უკვე დროა, მრევლს მოუწოდოს, რომ გავიდნენ და ქვეყანა გადაარჩინონ!“ – „მე 6 წლის წინათ ვამბობდი, „ალიასთან“ რომ ბერა და ბერას ოჯახი იყო ლიბერასტების მთავარი ბუდე საქართველოში. მაშინ ამის გამო, ნახევარი საქართველო მეუბნებოდა, დაბოღმილი ხარ ბიძინა ივანიშვილზე და ამიტომ ლაპარაკობ ეგრეო“ (ალია) - 25 -

„ყველა ეროვნულად მოაზროვნე უნდა გაერთიანდეს ამ მთავრობის ჩამოსაგდებად! არ გადადგება ეს თავისით, არა!“ – „საქართველოს ხელისუფლება არის უგარყვნილესი პრეზიდენტიან-პრემიერიანად, არჩეულიანად და აწი ასარჩევიანად! (ალია) - 26 -

საქართველოს „ელგებეტე“ მოძრაობის პიონერი არის ედუარდ შევარდნაძე, ხოლო ნარკოტიკების მოხმარების დაკანონების - „ეროვნულ დემოკრატიული პარტიის“ ყოფილი თავმჯდომარე გიორგი ჭანტურია (ალია) - 26 -

„გააქტიურდება ტერორისტული ორგანიზაციები“ – (ალია) - 27 -

2012 წლამდე გამოშვებული მანქანებით ტაქსაობა აიკრძალება?! - არც ამას გამოვრიცხავ, ტაქსის მძღოლების ასაკზეც დაწესდეს შეზღუდვა (ალია) - 27 -

რომელ ქვეყნებშია აკრძალული ნაცისტური მისალმება და როგორ სჯიან კანონდამრღვევებს? (ალია) - 28 -

სკანდალი - „რეანომობილი რომ დაეჯახა, ჩემი ძმა ადგილზე არ გარდაცვლილა! შველას ითხოვდა და ექიმი არც კი გადმოვიდა! (ალია) - 28 -

პრაიმტაიმი. - 28 -

„ქართული ოცნების“ მთავარი სახეები / რა კრიზისები დაძლიეს შს მინისტრმა, თბილისის მერმა და პარლამენტის თავმჯდომარემ (პრაიმტაიმი) - 29 -

ადამიანების სიკვდილით გამდიდრებული „ბარიგები“ / ვინ, სად და რა ფასად ასაღებს მძიმე ნარკოტიკებს? / საქართველოს შავ ბაზარზე წელიწადში 25 მილიონის ღირებულების ნარკოტიკი ტრიალებს (პრაიმტაიმი) - 29 -

"ჩვენ ვაწვებით ფაშიზმს" / ვინ არის ფაშისტური მოძრაობის მწიგნობართუხუცესი გიგა ჭელიძე?. - 30 -

რას გვატყუებს „გირჩი“? (პრაიმტაიმი) - 30 -

ცესკომ ხმაურიანი ინიციატივა დაარეგისტრირა (პრაიმტაიმი) - 31 -

პარლამენტის სკანდალური კანონი (პრაიმტაიმი) - 31 -

განათლების სამინისტრო მიიჩნევს, რომ აბიტურიენტებისთვის ინფრასტრუქტურის მოწყობა  მისი კომპეტენცია არ არის (პრაიმტაიმი) - 32 -

ასავალ-დასავალი. - 33 -

ელიზბარ ჯაველიძე: ჩემთვის კვირიკაშვილი კარგა ხანია, დამთავრებულია! („ასავალ-დასავალი“) - 33 -

გია ხუხაშვილი: გიორგი გახარია, როგორც პოლიტიკური ფიგურა სერიოზულად გაძლიერდა! („ასავალ-დასავალი“) - 34 -

დღეს ერის რისხვას ათასი კელი და ბასი ანელებს, თორემ სულ გავასახლებდით აქედან „ბასიანელებს“!//ბიძინა ივანიშვილისა და ჟანი სიხარულიძის გაბაასება! („ასავალ-დასავალი“) - 35 -

კახა კუკავა: ამ ომში გამარჯვება ნარკოპროპაგანდისტებისა და ჰომოსექსუალისტების სექტას დარჩა! („ასავალ-დასავალი“) - 35 -

ნიკოლოზ მჟავანაძე: ის პარლამენტი, რომელმაც ნინო ლომჯარიას ხმა მისცა, პირისაგან მიწისა უნდა აღიგავოს! („ასავალ-დასავალი“) - 36 -

ალექსანდრე ახალკაცი: პირადად მე პირველივე შანსს გამოვიყენებ, რომ სააკაშვილის სიცოცხლე ხელვყო! („ასავალ-დასავალი“) - 36 -

ოლეგ იაძე:  მე რომ შინაგან საქმეთა მინისტრი ვყოფილიყავი, ბიდიშს არ მოვიხდიდი! („ასავალ-დასავალი“) - 37 -

ვაჟა ოთარაშვილი: ქვეყანაში სიგარეტის მოწევა ავკრძალეთ და ნარკოტიკების ლეგალიზაციას ვახდენთ? („ასავალ-დასავალი“) - 38 -

თამარ იოვაშვილი: დავით საგანელიძემ პირობა მომცა - ამ ბიჭების პირველი დამცველი მე ვიქნებიო და პირობა კაცურად შეასრულა - სასამართლოს ქართული მარშის წევრების გათავისუფლების თხოვნთ მიმართა//ყოჩარ საგანელიძევ! („ასავალ-დასავალი“) - 38 -

ჭუტა წერეთელი ბიძინა ივანიშვილის მაგინებელ „ფეხმძიმე კაცს“ „ტვ პირველში“ ხელფასს უხდის! („ასავალ-დასავალი“) - 39 -

გია თვალავაძე: გარწმუნებთ ყველა დამნაშავე გამოვლინდება და ყველას მოეთხოვება უმკაცრესი პასუხი! („ასავალ-დასავალი“) - 39 -

რეზონანსი. - 40 -

აბაშიძე-კარასინის შეხვედრაზე რუსეთთან 3 დერეფნის ამოქმედებას განიხილავენ (რეზონანსი) - 40 -

ფაშინიანი თვის ბოლოს თბილისში ჩამოდის (რეზონანსი) - 41 -

იგორ კვესელავა: მთავრობის მეთაურს გახარიას უნარები სჭირდება (რეზონანსი) - 42 -

კახაბერ ჯაყელი: "ბიძინა ივანიშვილი დაბრუნდა, რომ "ოცნება" ჭაობიდან ამოათრიოს (რეზონანსი) - 43 -

"ჩემი შვილი ქრისტეს და საქართველოს შეურაცხყოფას არავის აპატიებს“ - დედა, რომლის შვილი ლგბტ აქტივისტს თავს დაესხა (რეზონანსი) - 44 -

პუტინმა ქვეყანა, ფაქტობრივად, "კაგებეშნიკებს" ჩააბარა (რეზონანსი) - 44 -

რას წერს რუსეთის პრესა "პატრიოტთა ალიანსის" წევრების მოსკოვურ ვიზიტზე (რეზონანსი) - 45 -

მეტროს პარალიზების საფრთხე არ გამქრალა (რეზონანსი) - 45 -

ახალი თაობა. - 46 -

ვიღაცას გახარიას ჩაძირვა უნდოდა(ახალი თაობა) - 46 -

სოსო ცინცაძე: „რუსეთისთვის დღეს საქართველოს მიმართულება პრიორიტეტი არ არის“ ( ახალი თაობა) - 47 -

ინგა გრიგოლია: „მოძალადე მემუქრება, რომ თუ არ დავუბრუნებ ქონებას, სახლის კარს შემომიმტვრევს“ (ახალი თაობა) - 47 -

დოდო გუგეშაშვილი შს მინისტრთან შეხვედრას ითხოვს (ახალი თაობა) - 48 -

 

კვირის პალიტრა

"მგონია, რომ აგრესიული დაჯგუფებები ზოგიერთი სახელისუფლებო სტრუქტურების პირმშოები არიან" (კვირის პალიტრა)

ავტ. ნათია დოლიძე

ინტერვიუ მამუკა არეშიძესთან.

ექსპერტი მამუკა არეშიძე საქართველოში ბოლო დღეების განმავლობაში განვითარებულ მოვლენებს აფასებს. მისი განმარტებით, ის პროცესები, რაც ბოლო ერთი კვირის განმავლობაში ვითარდებოდა ქვეყანაში, იყო ერთგვარი ტესტი როგორც საზოგადოებისთვის, ისე ხელისუფლებისა და საზოგადოდ, ქვეყნისთვის, რადგან გამოჩნდა საზოგადოების სხვადასხვა სეგმენტის რეალური სახე, ასევე, ხელისუფლების რეაქცია ამ ტიპის გამოწვევებზე. ექსპერტი ასევე ამბობს, რომ მომხდარმა აჩვენა, თუ რა მძიმე ფსიქოლოგიური ფონია ქვეყანაში.
„სამაგიეროდ, ვფიქრობ, გამოცდა კარგად ჩააბარა სახელმწიფომ. რომ არა ხელისუფლების ჩემთვისაც მოულოდნელი, მოქნილი მოქმედება, ალბათ, კვლავაც იმგვარი კატასტროფის წინაშე აღმოვჩნდებოდით, რაც რუსთაველზე არაერთხელ გვინახავს.“ - აღნიშნავს რესპონდენტი.

არეშიძე დარწმუნებულია, რომ 12-13 მაისის აქციაში პოლიტიკოსების ჩართულობის ხარისხი, როგორც ოპოზიციიდან, ასევე ხელისუფლებიდან, საკმაოდ მაღალი იყო. ის ასევე ეჭვობს, რომ გიორგი გახარიას აქციაზე მისვლა არ იყო ხელისუფლების ერთიანი გადაწყვეტილება და შესაძლოა, ზოგიერთი ჯგუფი ცდილობდა კიდეც, ეს აქტივობა არ შემდგარიყო. ექსპერტის შეფასებით, მინისტრმა მოახერხა ძალიან რთული რამ, - აშკარად სანდო მინისტრი გახდა, შესაბამისად, მისი უწყებისადმი დამოკიდებულებაც გაცილებით პოზიტიური გახდება.

რაც შეეხება ულტრანაციონალური ჯგუფების კონტრაქციას, არეშიძე თვლის, რომ ფაშისტური სიმბოლიკისა და აზროვნების ხალხი აუცილებლად კანონის მთელი სიმკაცრით უნდა დაისაჯოს. მისივე თქმით, როგორც წესი, აგრესიული დაჯგუფებები ზოგიერთი სახელისუფლებო სტრუქტურების პირმშოები არიან.

რესპონდენტი საუბრობს შს მინისტრის პოლიტიკურ მომავალზეც. მისი განმარტებით, დროდადრო ესმის ინფორმაცია, რომ შესაძლოა, მან გიორგი კვირიკაშვილი ჩაანაცვლოს პრემიერ-მინისტრის პოსტზე. მამუკა არეშიძე აცხადებს, რომ ახლა გახარიას სხვა პოსტზე გადაყვანა არავითარ შემთხვევში არ შეიძლება, რადგან ის ერთ დღეში იქცა საიმედო მინისტრად და ამას გამართლება სჭირდება. 

ექსპერტი ეხმაურება პრეზიდენტ გიორგი მარგველაშვილის განცხადებას, რუსეთის პრეზიდენტთან შეხვედრის სურვილზე. მისი მოსაზრებით, ეს იყო განცხადება განცხადებისთვის, სავარაუდოდ, გათვლილი საზოგადოების იმ ნაწილისთვის, რომელიც ფიქრობს, რომ რუსეთთან ურთიერთობის გაუმჯობესება აუცილებელია და თუ მარგველაშვილი მეორე ვადით აპირებს კენჭისყრას, შესაძლოა, ეს განცხადება აქტივში ჩაეთვალოს. 

 

"პირველად საქართველოს უახლოეს ისტორიაში ორივე მხარემ უკან დაიხია" (კვირის პალიტრა)

ავტ. რუსუდან შელია

ინტერვიუ რამაზ საყვარელიძესთან.

ფსიქოლოგი რამაზ საყვარელიძე თბილისში ბოლო დროს განვითარებული მოვლენების შეფასებისას აღნიშნავს, რომ 12-13 მაისის საპროტესტო აქციებმა დაადასტურა  საზოგადოებაში პროტესტის მუხტის დაგროვება - ხელისუფლების მიმართ ნეგატიური მუხტი არსებობს როგორც ახალგაზრდებში, ისე ე.წ. რადიკალურ ჯგუფებში, რომლებიც იმდენად საშიშ ორგანიზაციებად არიან ჩამოყალიბებული, რომ სისხლისღვრასაც არ ერიდებიან. მისივე განმარტებით, ეს ჯგუფი თავად მთავრობისთვისაა საშიში, რადგან დიდია ალბათობა, რომ მას სწორედ სახელისუფლებო შტოები მართავენ.  
ექსპერტის თქმით, ვითარების სირთულე სწორად გააანალიზა­ შს მინისტრმა და პირველად საქართველოს უახლოეს ისტორიაში ორივე მხარემ, როგორც ხელისუფლებამ, ისე აქციის მონაწილეებმა, საკუთარი ინტერესები დათმეს და უკან დაიხიეს.
„თავდაპირველად, სახელისუფლებო შტოები მართლაც დაბნეული ჩანდნენ. თუნდაც ის ფაქტი, რომ თითქმის 48 საათის განმავლობაში არც ერთი ლიდერი არ გამოჩენილა, უკვე მეტყველებდა მათ უსუსურობაზე. ეს "ქართული ოცნების" დამახასია­თებელი თვისებაა - როდესაც საქმეს აფუჭებენ, რეაქცია მხოლოდ მას შემდეგ აქვთ და საზოგადოებისთვის მიუღებელი­ ხდება მათი მოქმედების ფორმა.“ - აღნიშნავს რესპონდენტი.

საყვარელიძე დასძენს, რომ ხელისუფლება უნდა დაფიქრდეს პრევენციაზე, როგორ არ მიიყვანოს საქმე დაპირისპირებამდე, თუმცა არც პრინციპულ გადაწყვეტილებებზე უნდა  თქვას უარი.

 

 

 

 

"პროტესტი აშკარად გასცდა ადეკვატურ ზღვარს" (კვირის პალიტრა)

ავტ. ეკა ასათიანი

ინტერვიუ კოტე ჯანდიერთან.

მწერალი კოტე ჯანდიერი პოლიტიკაში ბიძინა ივანიშვილის დაბრუნებას, ბოლო დღეების განმავლობაში თბილისში განვითარებულ მოვლენებს და ქვეყანაში არსებულ ზოგად ვითარებას აფასებს.
მწერალი ამბობს, რომ ჯერ კიდევ იმ დროს, როცა ქართულ პოლიტიკურ სივრცეში ბიძინა ივანი­შვილი გამოჩნდა, არ გასჩენია მოლოდინი, რომ საზოგადოებაში არსებული ყველა პრობლემა გაქრებოდა, მას მხოლოდ იმედი ჰქონდა, რომ ქვეყნის ანტიეროვნული, ანტიდემოკრატიული და ანტიადამიანური რეჟიმი დასრულდებოდა და ეს მოლოდინი გამართლდა კიდეც, რისთვისაც ივანიშვილს დიდი მადლობა ეკუთვნის.
„ბიძინა ივანიშვილი ხედავს ამ სახელმწიფოებრივად სახიფათო სიტუაციას, ანგარიშს უწევს მმართველი ძალის მორყეულ რეიტინგს, ითვალისწინებს მოახლოებული საპრეზიდენტო არჩევნების დიდ სიმბოლურ დატვირთვას და მისთვის ძალიან არასასურველ, თუმცა ქვეყნისთვის უდავოდ პოზიტიურ ნაბიჯს დგამს.“ - ამბობს რესპონდენტი.

ჯანდიერი სინანულს გამოთქვამს, რომ საზოგადოება და ხელისუფლება სათანადოდ ვერ აანალიზებს საგარეო საფრთხეებს, კერძოდ, რუსულ-ამერიკულ დაპირისპირებას საერთაშორისო სივრცეში, რომელსაც ლოკალურ დონეზე მოჰყვება გართულებები და შესაძლოა ეს საქართველოსაც შეეხოს. მისი თქმით, ივანიშვილის გარდა, ვერავის ხედავს, ვისაც ამ ძალიან რთულ პოლიტიკურ გზაგასაყარზე ისეთი სიმტკიცე და მოქნილობა ექნება, რომ ვექტორი ან ერთ, ან მეორე მხარეს არ გადახაროს. 

ჯანდიერი, რომელიც შეწყალების კომისიის წევრია, აცხადებს, რომ სრულად იზიარებს მორალურ პასუხისმგებლობას ბარნოვის ქუჩაზე მომხდარ მკვლელობასთან დაკავშირებით, რადგან ერთადერთი ეჭვმიტანილი სწორედ კომისიის მიერ შეწყალებული პირია. მისი თქმით, მომხდარმა შემზარავმა ფაქტმა შეწყალების მექანიზმის ხარვეზები აჩვენა. უმთავრეს მიზეზად კი, შეწყალების კომისიასა და სასჯელაღსრულების დაწესებულებებს შორის არასაკმარის კომუნიკაციას ასახელებს.
„ფაქტობრივად, გააფთრებული შეტევა მიდის მარგველაშვილზე, რაც, სამწუხაროდ, შეწყალების იდეის პიარდასამარებით ხდება. ამ კარგად "მოფიქრებულ პიარაქციაში "ქართული ოცნების"" ახალგაზრდა ფალავნები აღმოჩნდნენ აქტიურად ჩართული.“ - ამბობს მწერალი.

ჯანდიერი კომენტარს აკეთებს თბილისის ღამის კლუბებში ჩტარებულ სპეცოპერაციაზეც და ამბობს, რომ ჯერჯერობით არ აქვს პასუხი, რამდენად აუცილებელი იყო ნარკორეალიზატორების ამ უკიდურესი ფორმით აყვანა. ის ასევე თვლის, რომ ახალგაზრდების პროტესტი გაცდა ზღვარს და დაემსგავსა არა თავისუფლებისთვის ბრძოლას, არამედ პოლიტიკური კრიზისისა და დესტაბილიზაციის შექმნის მცდელობას.
რესპონდენტის განმარტებით, გახარიამ გამოავლინა კრიზისული ვითარების მართვის უნარი, გონიერება, გამბედაობა და დიპლომატია და ვინც მას ბოდიშის მოხდის გამო აკრიტიკებს, პოლიციური სახელმწიფოსა და ძალადობის მომხრეა. 

 

 

რა "ნაღმებია" ჩადებული ნარკოპოლიტიკის კანონპროექტში?! (კვირის პალიტრა)

ავტ. რუსუდან შელია

ინტერვიუ ლაშა კილაძესთან.

"ნარკომანიის პრევენციის ცენტრის" ხელმძღვანელი ლაშა კილაძე გამოცემასთან ინტერვიუში ნარკოპოლიტიკის კანონპროექტის რეფორმირების თანამდევ რისკებზე და ნარკოდამოკიდებულთა შემცირებისთვის ბრძოლის მეთოდებზე საუბრობს. მისი მოსაზრებით, ნარკოტიკული საშუალების მოხმარების დეკრიმინალიზაცია მნიშვნელოვნად წინგადადგმული­ ნაბიჯი იქნება, რადგან ნარკომომხმარებ­ლები, რომლებიც ახლა კანონმდებლობისა და დაკავების შიშით ერიდებიან სამედიცინო დაწესებულებებში სამკურნალოდ მისვლას, ჩრდილიდან გამოვლენ და საკუთარი­ თავის გადარჩენისთვის დაიწყებენ ბრძოლას. „თუმცა ჩემთვის მიუღებელია კანონპროექტში ჩანაწერი, რომლის მიხედვითაც 70 გრამი მარიხუანას ქონა დასაშვები უნდა იყოს. თუ ნარკომანიასთან ბრძოლა გვსურს, სწორედ მინიმალური ოდენობა უნდა განვსაზღვროთ დასაშვებად. 70 გრამი მარიხუანას, იმავე კანაფის, ტარების დაშვება­ კი უპრეცედენტოდ დიდი ოდენობის ნარკოტიკული საშუალების ლეგალიზებას ნიშნავს.“ - დასძენს რესპონდენტი.

მოძრაობა „თეთრი ხმაურის“ დამფუძნებელი ბექა წიქარიშვილი თვლის, რომ ნარკოდამოკიდებულ ადამიანებს დახმარება სჭირდებათ და არა ციხე, რომელსაც მხოლოდ უკუშედეგი მოაქვს. მისივე განმარტებით, დეკრიმინალიზაცია ნიშნავს ადამიანების მიმართ დამოკიდებულების შეცვლას და არა ნარკოტიკების მიმართ ლიბერალურ პოლიტიკას. ის დასძნეს, რომ ნარკორეალიზაცია მკაცრად უნდა ისჯებოდეს და ამაზე განსხვავებული აზრი არ არსებობს.

 

ნარკორეალიზატორების საქმე: მთავარი მოწმის ჩვენება (კვირის პალიტრა)

ავტ. თეა ხურცილავა

სტატიაში საუბარია 12 მაისს ნარკორეალიზაციის ბრალდებით დაკავებული პირების საქმეებზე. გამოცემა ციტირებს მათ წინააღმდეგ მოწმეების მიერ მიცემულ ჩვენებებს, ასევე, მოყვანილია ფრაგმენტები ბრალდებულების წერილობითი ჩვენებიდან.
სტატიაში ნათქვამია, რომ გამოძიების მთავარი მოწმე ვინმე სოლომონ მათიკაშვილია. ის ბრალდებულების უმრავლესობას ამხელს. მათიკაშვილი არაერთ საკონტროლო შესყიდვაში გამოიყენეს ძალოვანებმა. მასთან უამრავი კითხვა ჰქონდათ ადვოკატებს და მისი პასუხების მოსმენას საქმის არსებითი განხილვის დროს აპირებდნენ. თუმცა, სრულიად მოულოდნელად, ადვოკატებს 18 მაისს შეატყობინეს, რომ მოწმის დაკითხვა სასამართლოში სასწრაფო წესით დაინიშნა და მას მაგისტრი მოსამართლე დაკითხავდა.

„კვირის პალიტრამ“ ექსკლუზიურად მოიპოვა გამოძიების მთავარი მოწმის, სოლომონ მათიკაშვილის დაკითხვის ოქმები, სადაც ის ამხელს ვიქტორ ჟამუტაშვილს, ლაშა მამულაიშვილს, მიხეილ მიქაძეს და ქეთევან მურუსიძეს. მოწმე ამბობს, რომ საზღვარგარეთ სამუშაოდ მიდის, ამიტომ ითხოვს წინასწარ დაკითხვას. ადვოკატები ეჭვობენ, რომ პროკურატურა მას სპეციალურად უშვებს ქვეყნიდან, რადგან იცის, რომ ექსპერტიზის შემდეგ მასთან უამრავი­ კითხვა ექნებათ. მათიკაშვილი ჩვენებებში წერს, რომ ნასამართლევი არ არის, თუმცა ადვოკატების თქმით, ის ნასამართლევია და ამჟამად გაქარწყლებული აქვს. სტატიის თანახმად, არსებობს მოსაზრება, რომ მათიკაშვილი პოლიციას სწორედ ნარკოტიკით ვაჭრობისთვის ჰყავდა დაკავებული და შემდეგ თანამშრომლობისთვის გამოიყენა.

 

მსესხებელი რომ არ "აყირავდეს"... (კვირის პალიტრა)

ავტ. ემა ტუხიაშვილი

სტატიის თანახმად, საქართველოს ეროვნულმა ბანკმა შეიმუშავა "ფიზიკურ პირებზე სესხების გაცემის შესახებ დებულების" პროექტი, რომლის მიხედვითაც იცვლება სესხის დაფარვის წესი, მისი გაცემის კრიტერიუმები, მაქსიმალური ვადები და შემოდის ე.წ. ბოლო საცხოვრისის ცნება. ცვლილებების ავტორებისა და ინიციატორების აზრით, ამით მომხმარებელს დაიცავენ ჭარბვალიანობისგან, ექსპერტები კი ფიქრობენ, რომ ბანკებში სესხის აღება მნიშვნელოვნად გართულდება.

საქართველოს ბანკების ასოციაციის აღმასრულებელი დირექტორი გიორგი ცუცქირიძე თვლის, რომ თუ შემოთავაზებული სიახლეები დამტკიცდება, მნიშვნელოვნად შემცირდება ბანკების საკრედიტო პორტფელი, რაც ქვეყნის ეკონომიკაზეც უარყოფითად აისახება.
"საზოგადოება და ბანკების" საბანკო პროდუქტების ექსპერტი ანი ალიბეგაშვილი ამბობს, რომ შესაძლოა, ქვეყანაში მართლაც არის ჭარბვალიანობა, თუმცა, მოსახლეობის დიდი ნაწილი სწორად იყენებს სესხს, მათ შორის, ბიზნესდანიშნულებით, შესაბამისად, სესხებზე ხელმისაწვდომობა არ უნდა შეიზღუდოს. მისი განმარტებით, რეგულაციების მყისიერად მიღება გაუმართლებელია.

 

 

ცენზურის დაკანონების მცდელობა?! (კვირის პალიტრა)

ავტ. რუსუდან შელია

"საქართველოს კლინიკების ასოციაცია" "საექიმო საქმიანობის შესახებ" კანონში ცვლილებების შეტანას ითხოვს, საკანონმდებლო წინადადება პარლამენტში წარდგენილია და მისი განხილვა ჯანმრთელობის დაცვისა და სოციალურ საკითხთა კომიტეტს დაევალა. ასოცი­აციის აზრით, ექიმის საქმიანობის შესახებ ინფორმაცია მხოლოდ არგუმენტირებული ფაქტებითა და ექსპერტიზის დასკვნაზე ან სასამართლო გადაწყვეტილებაზე დაყრდნობით უნდა შუქდებოდეს. 

"საქართველოს კლინიკების ასოციაციის" დამფუძნებელი და პრეზიდენტი ვილი პაჭკორია ამბობს, რომ ყველა ექიმის მიზანია პაციენტის ჯანმრთელობის გაუმჯობესება, თუმცა ხშირად ეს მხოლოდ ექიმზე აღარ არის დამოკიდებული, ხოლო  მედ­იამ სასამართლოს ან ექსპერტიზის დასკვნის გარეშე ექიმი არ უნდა დაადანაშაულოს პაციენტის მკურნალობის ფატალურ დასასრულში.

"საქართველოს კლინიკების ასოციაციის" ინიციატივას გაუგებარს უწოდებს არასამთავრობო ორგანიზაცია "საერთაშორისო გამჭვირვალობა-საქართველოს" ანალიტიკოსი მამუკა ანდღულაძე. მისი განმარტებით, თავად სამედიცინო პერსონალი უნდა იყოს დაინტერესებული, რაც შეიძლება სწორი ინფორმაცია მიაწოდოს მედიის წარმომადგენლებს, ან მედიაში გავრცელებული ინფორმაციის საფუძველზე აღმოაჩინოს დამნაშავე ექიმები და სწრაფი რეაგირებით არ მისცს პროფესიის შეურაცხყოფისა და იმიჯის შელახვის შესაძლებლობა. 

 

"მშობლები შვილების ქართულ სექტორზე მიყვანას ვეღარ ბედავენ" (კვირის პალიტრა)

ავტ. გელა მამულაშვილი

გამოცემის ინფორმაციით, ცოტა ხნის წინ საინგილოში კახის რაიონის მკვიდრმა ბესო კუზიბაბაშვილმა ქართული მედიის საშუალებით ადგილობრივი პოლიციის განყოფილებაში მისი ეთნიკური ნიშნით სასტიკად ცემის ფაქტი გაახმაურა, რასაც თბილისში, აზერბაიჯანის საელჩოს წინ, საპროტესტო აქცია მოჰყვა. კახის რაიონის მკვიდრი რესპონდენტი ამბობს, რომ რაიონში მართლმადიდებელი ქართველების რაოდენობა ყოველწლიურად მცირდება და  დღეს მშობლებს ბავშვებისთვის ქართული სახელების დარქმევასაც უკრძალავენ. ის  ასევე ამბობს, რომ ზაქა­თალასა და ბელაქანში მთავარი­ სამიზნე ქართული სასკოლო სექტ­­ორებია.
„საქართველოს ხელისუფლება ინგილო ბავშვებს ყოველწლიურად საერთაშორისო საზაფხულო ბანაკებში ეპატიჟება,­ მაგრამ იმდენს ვერ მია­ღწიეს, რომ საინგილოს სო­ფლებში ოფიციალურად ჩავ­იდნენ და თანამე­მამულე ბავშვები წამოიყვანონ.“ - ამბობს ერთ-ერთი ადგილობრივი.
ადგილობრივები „კვირის პალიტრასთან“ ერთხმად აცხადებენ, რომ  ჰერეთში ერთიან ქართულ ფესვებს საფრთხე ემუქრება და ამაზე საქართველოს ხელისუფლებამ რეაგირება უნდა მოახდინოს.

 

ალია

რა ვითარებაში გააცნო გია ხუხაშვილმა ბიძინა ივანიშვილს გიორგი გახარია? - ვინ ვის ძირავს ხელისუფლებაში (ალია)

ავტ.: ნინო სამხარაძე

ინტერვიუ გია ხუხაშვილთან

გია ხუხაშვილი გიორგი მარგველაშვილის განცხადებაზე საუბრობს, სადაც მან ვლადიმერ პუტინთან შეხვედრაზე გაამახვილა ყურადღება. ხუხაშვილის აზრით, პრეზიდენტის ინიციატივა გაუგებარი, ლოგიკას მოკლებული და სიბრიყვის ნიმუშია, ისე როგორც თავის დროზე პრემიერის მიერ დაწერილი წერილი და მისი ბებიის რუსულ წარმოშობაზე „ცრემლების ღვრა“ იყო სიბრიყვის მაგალითი. – „ეს ყველაფერი, რა თქმა უნდა, ძალიან ბრიყვულად გამოიყურებოდა, რაც ჟენევაში წინ დაგვხვდა, რუსებმა პირდაპირ თქვეს, თქვენ რა „საყვარელი“ პრემიერ-მინისტრი გყავთ, პირდაპირ ამბობს, აფხაზებსა და ოსებს მე დაველაპარაკები და ჩვენ რაღაცებს რომ გვაბრალებთ, ხომ ხედავთ, არაფერ შუაში არა ვარო“.

გია ხუხაშვილი ფიქრობს, რომ რუსეთთან დიალოგისთვის საქართველო ამ ეტაპზე მზად არ არის.

რესპონდენტი საქართველოში პრორუსული ძალების გააქტიურებაზეც საუბრობს. ამბობს, რომ ვითარების დრამატიზება ხდება და ჩვენს ქვეყანაში არა პრორუსები, არამედ, ევროსკეპტიკოსები ჭარბობენ. მისი თქმით, არასწორი და საშიშია რიტორიკა, თითქოს ოჯახის სიწმინდე მხოლოდ რუსეთის ფასეულობაა.

გია ხუხაშვილი გასული კვირის აქციებსაც ეხმაურება. იგი მიიჩნევს, რომ გიორგი გახარიამ კრიზის მენეჯმენტის კარგი მაგალითი აჩვენა. რაც შეეხება გავრცელებულ ჭორს, რომ  გახარიას ბიძინა ივანიშვილი ხუხაშვილმა გააცნო, რესპონდნეტი ამ ფაქტს ადასტურებს, თუმცა, დეტალებზე საუბრისგან თავს იკავებს და ხაზს უსვამს, რომ მისი ჩართულობა მხოლოდ გაცნობით შემოიფარგლა.

ხუხაშვილი აქვე ხაზს უსვამს, რომ ნარკოტიკის დეკრიმინალიზაციისა თუ ლეგალიზების საკითხი ბერა ივანიშვილის სიმღერასთან არ უნდა გაიგივდეს - „ბერას ლექსი კი არ არის პრობლემა, ამ შემთხვევაში, მონური ფსიქოლოგიის ადამიანების პრობლემაა, რომლებიც ბერას ტექსტს ბუკვალურად იგებენ და რაღაცნაირად ცდილობენ, მას ასიამოვნონ“, - აცხადებს ხუხაშვილი და დასძენს, რომ ბერასთვის შემოქმედებითი თავისუფლება ძალიან მნიშვნელოვანია და მისი პოლიტიზება თავად ექსპრემიერის შვილისთვისაც მიუღებელია, ამიტომ კარგი იქნება თუკი ის მომავალში მსგავს საკითხებთან მიმართებით სიფრთხილეს გამოიჩენს.

გია ხუხაშვილი სახელისუფლებო გუნდში არსებულ დაპირისპირებაზეც საუბრობს. მისი თქმით, ხელისუფლების კლანებს შორის დაპირისპირება არსებობს და ცალკეული ჯგუფები ცდილობენ ბიძინა ივანიშვილს გიორგი გახარიას მსგავსი ძლიერი ელემენტები ჩამოაცილონ. რესპონდენტის აზრით, არ არის გამორიცხული, სპეცოპერაციის შემდეგ გამართული აქცია გარკვეული პერიოდის შემდეგ ხელისუფლების ერთი ნაწილის მიერ ყოფილიყო მართული, რადგან ცალკეული პირები მოლაპარაკებაზე უარს ამბობდნენ და პირდაპირ მინისტრის გადადგომას ითხოვდნენ.

კითხვაზე, გახდება თუ არა გახარია პრემიერ-მინისტრი, ხუხაშვილი პასუხობს, ასე გადაჭრით თქმა არ არის საჭირო, რადგან შსს-ც საკმაოდ რთულად მართვადი უწყებაა, რომელსაც კარგი მენეჯერი სჭირდება.

გია ხუხაშვილი ხაზს უსვამს, რომ ბიძინა ივანიშვილის პოლიტიკაში დაბრუნება „ქართულ ოცნებაში“ ბევრს არ გახარებია, რადგან გუნდის წევრებს უკვე ქვეყნის გაყოფა ჰქონდათ გადაწყვეტილი, ექსპრემიერის გამოჩენით კი გეგმა ჩაეშალათ.

რესპონდენტის აზრით, ბიძინა ივანიშვილმა პოლიტიკაში დაბრუნებით კიდევ ერთხელ დაამტკიცა, რომ ეს ქვეყანა უყვარს და არც არაკომფორტული გადაწყვეტილების მიღებას ერიდება.

გია ხუხაშვილი სამთავრობო ცვლილებების ორ სცენარზე საუბრობს. მისი აზრით, არ არის გამორიცხული, ცვლილებები არჩევნებამდე განხორციელდეს, ან მთავრობა ზედმეტ რყევებს მოერიდოს და სისტემური ცვლილება პრეზიდენტის არჩევის შემდეგ დაიწყოს. რესპონდენტი ამბობს, რომ ხელისუფლებაში ყოფნისას ცალკეულმა პირებმა სხვადასხვა ქვეყანაში გავლენიანი მოკავშირეები მოიძიეს და მათთვის სკამის ჩამორთმევა მარტივი პროცესი არ იქნება.

კითხვაზე, ვინ არის ბიძინა ივანიშვილის საყრდენი სამთავრობო გუნდში, გია ხუხაშვილი შემდეგ პირებს ასახელებს. ესენი არიან: მაია ცქიტიშვილი, გიორგი გახარია, მამუკა ბახტაძე და კახი კახიშვილი.

 

 

„ირაკლი შოთაძეს მესიჯიც მისწერეს, პატრიარქს სურს თქვენთან საუბარიო და არც კი უპასუხა“ - რატომ არ პასუხობენ მაღალჩინოსნები სატელეფონო ზარებსა და მესიჯებს და რას ამბობს ილია მეორე? (ალია)

ავტ.: ლევან ჯავახიშვილი

ინტერვიუ ლაშა ამირეჯიბთან

ლაშა ამირეჯიბი ფიქრობს, რომ კლუბ „ბასიანში“ ჩატარებული სპეცოპერაცია კანონის ფარგლებს არ გასცდენია. მისი თქმით, სამწუხაროა, რომ შს მინისტრი გახარია კლუბებში არსებული მდგომარეობით მხოლოდ ბერას „ფეისბუქ-პოსტის“ შემდეგ დაინტერესდა და ეს არის მთავრობის წევრი, რომელიც არა კანონის მიხედვით, არამედ, ვიღაცის, ამ შემთხვევაში ბიძინა ივანიშვილის რიდითა და ხათრით მოქმედებს. რესპონდენტის განცხადებით, სპეცოპერაცია სწორედ ბერას პოსტს დაემთხვა, რათა საზოგადოებაში გავრცელებული ჭორებით, თითქოს კლუბი ექსპრემიერის შვილს ეკუთვნის, ბიძინა ივანიშვილის ოჯახს ჩრდილი არ მისდგომოდა.

ლაშა ამირეჯიბის აზრით, შსს-მ სპეცოპერაციის ჩატარებით დაამტკიცა, რომ ხელმძღვანელობამ ძალიან კარგად იცის თუ სად და როგორ იყიდება ნარკოტიკი, თუმცა, ამ კუთხით აქტიური მუშაობა არ მიმდინარეობს, რაც ადასტურებს ეჭვს, რომ უწყება ნარკობიზნესს „კრიშავს“. – „მარტო ფონიჭალიდან თბილისში შემოდის დღეში 1000-1500 „ჩეკი“, ეს დაახლოებით 150 000-225 000 ლარია. ეს რომ ამოკეტო, ძალიან დიდი საქმეა. „ქართულმა მარშმა“ შარშან ამ დროს დაიწყო „ბასიანზე“ ლაპარაკი და ამ კლუბის დახურვის მოთხოვნა. სად იყვნენ მთელი ეს ერთი წელი?“ - აცხადებს ამირეჯიბი და დასძენს, რომ ხელისუფლებას ნარკოტიკებისგან შემოსული ფული ხან არჩევნებისთვის, ხან კი სხვა საჭიროებებისთვის უნდა და ამიტომაც მფარველობს ნარკობიზნესს სახელისუფლებო გუნდი.

რესპონდენტის მტკიცებით, ქართული ნარკოკარტელიც კი გაჩნდა ცოტა ხნის წინ, რომელიც მხოლოდ ადგილობრივებთან თანამშრომლობს და ხელისუფლება მასაც „კრიშავს“.

„პრემიერ-მინისტრმა კონტროლზე უნდა აიყვანოს ეს ქვეყნისათვის სასიცოცხლო საკითხი და ყველა სფერო გააკონტროლოს, ვინც ჩართულია ნარკოტიკების შემოტანასთან“, - აცხადებს ლაშა ამირეჯიბი, რომლის თქმითაც შემოსავლების სამსახური, მესაზღვრე, მებაჟე, პოლიციელი და სუს-ი არის გარეული ნარკობიზნესში და უწყებები შეთანხმებულად მოქმედებენ.

ლაშა ამირეჯიბი დარწმუნებულია, რომ ვახტანგ გომელაური ნარკობიზნესში ჩახედული არ არის. მისი მტკიცებით, ამ სფეროს სოსო გოგაშვილი და მისი გარემოცვა აკონტროლებს. რესპონდენტის განცხადებით, სუს-ის უფროსის მოადგილედ მუშაობს შსს-ს ყოფილი თანამშრომელი ნარკოტიკთან ბრძოლის დეპარტამენტის ყოფილი უფროსი ალეკო ტაბატაძე და თუკი ასეთ პროფესიონალებს მიანდობენ პრობლემის მოგვარებას, ბრძოლა წარმატებული იქნება, თუმცა, მანამდე ბიძინა ივანიშვილმა უნდა მოსთხოვოს ძალოვანებს ნარკომაფიასთან ომი.

ამირეჯიბის აზრით, ბიძინა ივანიშვილმა არც კი იცის რა ხდება ნარკობიზნესთან დაკავშირებით, რადგან ეს ინფორმაცია გომელაურსაც კი არ გააჩნია.

კითხვაზე, უნდა მოეხადა თუ არა გიორგი გახარიას ბოდიში აქციის მონაწილეებისთვის, სადაც შეკრებილთა უმეტესობა ნარკომანი და „პედერასტი“ იყო, ლაშა ამირეჯიბი პასუხობს, რომ შესაძლოა მინისტრს თავადაც არ სიამოვნებდა ბოდიშის მოხდა, მაგრამ იმ მომენტში სხვა გამოსავალი არ არსებობდა, რადგან იქ სისხლი დაიღვრებოდა.

ლაშა ამირეჯიბი პატრიარქისა და დაკავებული „ქართული მარშის“ წევრების ახლობლების შეხვედრაზეც საუბრობს. ამბობს, რომ შეხვედრას თავად ესწრებოდა და ნახა თუ როგორ ურეკავდნენ ხელისუფლების წარმომადგენლებს კათოლიკოს პატრიარქის სახელით, თუმცა, მის ზარებს მხოლოდ სოსო გოგაშვილმა უპასუხა და თქვა, რომ საკითხზე პრემიერ-მინისტრთან და ვახტანგ გომელაურთან შეხვედრა მომდევნო დღეს იგეგმებოდა. ამირეჯიბის ცნობით, პატრიარქის წარმომადგენელმა გიორგი კვირიკაშვილსაც მისწერა შეტყობინება  საიდანაც პასუხი მოვიდა, რომ პრემიერი თათბირზე იყო და ილია მეორეს მოგვიანებით დაუკავშირდებოდა - „კვირიკაშვილი არ მოატყუებდა პატრიარქს, ეს ნამდვილად ვიცი, დაურეკავდა“, - აცხადებს ამირეჯიბი და დასძენს, რომ ილია მეორე მოგვიანებით დაკავებული „მარშელების“ საკითხზე  ირაკლი შოთაძესაც ესაუბრა, თუმცა, რაზე შეთანხმდნენ, მისთვის უცნობია.

 

„კალაძე გაცოფებული იყო, არ მალავდა, რომ გახარიამ „შეუსრულა“ და ამბობდა, ამას მარტო ეგ ვერ მოიფიქრებდა, მებრძვიანო“  - ეს არის გეგმა, რომელსაც ივანიშვილი აუცილებლად განახორციელებს (ალია)

ავტ.: ანი დვალიშვილი

სტატიაში ნათქვამია, რომ კახა კალაძის პოლიტიკურ ფიგურად ჩამოყალიბებაზე ბოლო დროს საზოგადოებაში აქტიურად საუბრობენ, რადგან მან პოლიტიკის სპეციალისტებთან ერთად კარიერის შექმნაზე აქტიურად იმუშავა. გამოცემის ცნობით, კახა კალაძესთან ბრძოლაში დამარცხდნენ ირაკლი ღარიბაშვილი და გიორგი კვირიკაშვილი ახლა კი, „გიორგი გახარიას სახით ივანიშვილი მესამე ფალავანს ამზადებს“.

„ალიას“ კონფიდენციალური წყარო ამბობს, რომ გეგმის თანახმად, 13 ივნისს საპროტესტო აქციაზე შეკრებილებისთვის ჯერ შს მინისტრს უნდა მიემართა ახალგაზრდებისთვის, შემდეგ კი ქალაქის მერსა და მთავრობის წევრს ერთად უნდა მოეწოდებინათ მანიფესტანტებისთვის პროტესტის შეწყვეტისაკენ, თუმცა, გახარიამ კახა კალაძის გამოსვლამდე „მოაყომარა“ ყველაფერი და თბილისის მერი „დეკორაციად დატოვა“, რასაც მისი უკიდურესი გაღიზიანება მოჰყვა - „არ მალავდა, რომ გახარიამ „შეუსრულა“ და ამბობდა, ამას მარტო ეგ ვერ მოიფიქრებდა, მებრძვიანო. კახა იმანაც გააცოფა, რომ რამდენიმე დღეში გახარიას ბანაკში მისი რამდენიმე თანამოაზრე გადაბარგდა. ახლა ყველა ელოდება, როდის დაასახელებენ შს მინისტრს პრემიერობის კანდიდატად, რადგან ამაზე უკეთეს დროს ივანიშვილი, უბრალოდ ვერ შეარჩევს“, - აცხადებს კონდფიდენციალური წყარო და დასძენს, რომ სანამ მინისტრს გაუხსნელ მკვლელობებს შეახსენებენ, მოქმედებაა საჭირო.

ანონიმი რესპონდენტის მტკიცებით, ბიძინა ივანიშვილის პოლიტიკაში გამოჩენის შემდეგ გიორგი კვირიკაშვილს ფრეთები შეეკვეცა და პრემიერი ვერ ხვდება რა გეგმები აქვს მასთან დაკავშირებით ექსპრემიერს - აღმოჩნდება ისიც ირაკლი ღარიბაშვილივით ჩრდილში თუ პრეზიდენტობის კანდიდატად დასახელდება. წყაროს ინფორმაციით, შესაძლოა, გიორგი კვირიკაშვილმა ოპოზიციაშიც გადაინაცვლოს, თუმცა, თავადაც იაზრებს, რომ არსებული რესურსით  წარმატების შანსი არ აქვს.

კონფიდენციალური წყაროს განცხადებით, გიორგი კვირიკაშვილს რომ შეეძლოს, სიამოვნებით გავიდოდა შვებულებაში, თუმცა, მას ახლა არავინ დაასვენებს. რესპონდენტის აზრით, პრემიერი კამერების წინ განცხადებების კეთებისგან თავს იკავებს და იმის მოლოდინშია, თუ რას გადაწყვეტს მასთან მიმართებით ბიძინა ივანიშვილი.

„ბატონი ბიძინას განცხადება, პრემიერს არ შევცვლიო, ბევრისმთქმელი არ არის, რადგან მას მარტივად შეუძლია თქვას, კვირიკაშვილმა ბიზნესში დაბრუნება მთხოვა და მე უარი ვეღარ ვუთხარიო. მინისტრთა კაბინეტის წევრების აბსოლუტური უმრავლესობაც უკვე გახარიას მხარესაა და რა თქმა უნდა, პრემიერს ესეც თრგუნავს“, - აცხადებს კონფიდენციალური წყარო.

სტატიის თანახმად, მართალია ჯერ არსად ყოფილა ამაზე საუბარი, მაგრამ ბიძინა ივანიშვილი ოპოზიციასთან მოლაპარაკებას მართავს და ცდილობს რაც შეიძლება მეტი კანდიდატი იყოს საპრეზიდენტო არჩევნებზე, შესაბამისად, საარჩევნო მარათონში დაახლოებით ათი კაცი ჩაერთვება, რაც ყველაზე მეტად „ქართულ ოცნებას“ აწყობს.

გამოცემა წერს, რომ მაღალკონკურენტიანი საპრეზიდენტო არჩევნები საერთაშორისო საზოგადოებისთვის მისაღებია და ეს „ქართული ოცნებისთვის“ სასარგებლო იქნება, თუმცა, ბიძინა ივანიშვილის პოლიტიკაში დაბრუნება რეალურად 2020 წლის არჩევნებს უკავშირდება.

ჟურნალისტის ცნობით, „ნაციონალური მოძრაობა“, მიხეილ სააკაშვილი და მისი სატელიტი პარტიებიც სწორედ 2020 წლის არჩევნებზე აკეთებენ გათვლას, რათა კვალიფიციური სუბიექტის სტატუსი და ბიუჯეტიდან დაფინანსება მიიღონ.

„ალიას“ კიდევ ერთი კონფიდენციალური წყარო, „ნაციონალური მოძრაობის“ პოლიტსაბჭოს წევრი, ამბობს, რომ მიხეილ სააკაშვილი პარტიის რებრენდინგის გარდა საერთაშორისო ლობისტების მოძიებაზეც მუშაობს და სწორედ ამიტომ დადის ექსპრეზიდენტი ევროპის ქვეყნებში. რესპონდენტის ინფორმაციით, ექსპრეზიდენტს ლობისტების „პოსლეზე“ მოძიებაში კარლ ბილდტი ეხმარება და ქართული მხარე ყოფილ ლობის არწმუნებს, რომ ხელისუფლებაში დაბრუნების შემთხვევაში იმაზე მეტი თანხა გადაირიცხება, ვიდრე 2012 წლამდე ირიცხებოდა. თუმცა, განხორციელდება თუ არა მიხეილ სააკაშვილის ეს გეგმა, ამ დროისთვის რთული სათქმელია.

 

გადაუხადე ამ ხალხს ხელფასი წესიერად, გახარია, ვერ არჩენენ, ბოდიშ და, მადლობით ოჯახს, ტაქსაობენ შსს-ს თანამშრომლები - სირცხვილია! (ალია)

ავტ.: თამო კეშელავა

სტატიის ავტორი გასული კვირის მოვლენებს სატირულ ჟანრში მიმოიხილავს და წერს, რომ გაუგებარია ამ ქვეყანაში ვინ, რის თავისუფლებას იცავს, თუმცა, გიორგი გახარიამ ბერას „მწვანე მელოდიებით“ შეძლო ამ ეტაპზე „თეთრი ხმაურის“ დაშოშმინება, რაც დიდხანს არ გასტანს და ამჯერად აქციის მონაწილეები პოლიტიკოსებსაც გამოიყვანენ ქუჩაში. – „ასე მწვანე მელოდიებით დაიყოლია თეთრი ხმაური გახარიამ - ხოდა, გახარიამ მოგიხაროთ ქედი. მაგას, ამბობენ, დიდი ქედი აქვს და მალე კიდევ უფრო დიდი ქედი ექნებაო, აი, კვირიკაშვილისხელა ქედი ექნებაო და ვნახოთ...“, - ნათქვამია სტატიაში.

თამო კეშელავა აქვე ხაზს უსვამს, რომ გასულ კვირას ტაქსით მგზავრობისას, მძღოლი ძალოვანი უწყების თანამშრომელი აღმოჩნდა, რომელიც თავისუფალ დროს დამატებით შემოსავალს ტაქსაობით შოულობს, რაც სამარცხვინოა. სტატიის ავტორი ფიქრობს, რომ პოლიციელებს ღირსეული ხელფასი უნდა ჰქონდეთ.

ჟურნალისტი მასალაში ეკა ბესელიასა და ლევან გოგიჩაიშვილის ინიცირებულ კანონპროექტსაც მიმოიხილავს. მისი აზრით, ხელოვანის ნებისმიერ ნაწარმოებში შეიძლება გამოჩნდეს პასაჟი, რომელსაც რელიგიურ, ეთნიკურ, რასობრივ შუღლს დაარქმევ და ამის გამო ნაშრომის აკრძალვა ცენზურაა.

„აქამდე მივდიოდით სამსახურებში დილით, მოვდიოდით საღამოს, ვსხდებოდით და ვიწყებდით იმაზე ფიქრს, - სად და როგორ გვეშოვა ფული... ახლა დაემატა დარდი ფაშისტებზე, დაბოლილებზე, ლგბტ-ებზე, 9 აპრილის მემორიალზე, ეკა ბესელიას ცენზურაზე, უცენზურო ჯაფარიძეზე...“, - წერს სტატიის ავტორი.

 

 

 

კობა დავითაშვილი: საქართველოს მოსახლეობის უმრავლესობა არის იდიოტი და ეს არის არა შეურაცხყოფა, არამედ, ფაქტი! – „რეპი და ბიძინა ივანიშვილის შვილობა შეუთავსებელია, ეტყობა, მას არავინ ეუბნება და იძულებული ვარ, მე ვუთხრა“ (ალია)

ავტ.: ნინო სამხარაძე

ინტერვიუ კობა დავითაშვილთან

კობა დავითაშვილი მიიჩნევს, რომ 12 მაისს კლუბებში ჩატარებული სპეცოპერაცია მართებული იყო, მინისტრის ქმედება კი მისი პოლიტიკური ალღოს დამადასტურებელი. დავითაშვილი მიიჩნევს, რომ საკითხის დასმა, რომ კლუბი და ნარკოტიკი ერთმანეთისგან განუყოფელია, არასწორია და ნარკოტიკის მოხმარება თავისუფლებასთან არ უნდა იგივდებოდეს. – „თუ ვიღაცისთვის კლუბი და ნარკოტიკი ერთია, მაშინ ნარკოტიკი კი არ უნდა დავუშვათ, კლუბი უნდა ავკრძალოთ“, - აცხადებს დავითაშვილი, რომელიც აქვე სააფთიაქო ნარკომანიაზეც საუბრობს და ფიქრობს, რომ შინაგან საქმეთა სამინისტრომ ღონისძიებები ამ კუთხითაც უნდა გაატაროს.

კობა დავითაშვილის მტკიცებით, საქართველოში ნარკოტიკების ლეგალიზაცია არ მოხდება, იმიტომ, რომ ამას ქვეყნის მოსახლეობის დიდი ნაწილი არ ემხრობა. დავითაშვილის თქმით, ბერა ივანიშვილს შეუძლია ამ თემაზე სიმღერები წეროს და ძმაკაცებთან თავი მოიწონოს, მაგრამ ამ შემთხვევაში ის მამამისისგან უნდა დისტანცირდეს, რადგან ალოგიკურია თვითონ საპროტესტო ჟანრს - რეპს მღეროდეს, მამამისი კი ქვეყნის ლიდერი იყოს. – „მისი, როგორც ახალგაზრდის ძალიან კარგად მესმის, ძალიან ძნელია მამის ჩრდილში ცხოვრება. ზვიად გამსახურდიასაც აწუხებდა კონსტანტინე გამსახურდიას ჩრდილში ყოფნა და ზოგადად, დიდ პიროვნებებს აწუხებთ ეს საკითხი, მაგრამ, ბერა ივანიშვილს უნდა ესმოდეს, რომ ის არის ბიძინა ივანიშვილის შვილი, ეს არის მოცემულობა და ახლა თუ კაი ბიჭის სახელი უნდა თავის საძმაკაცოში, რაც არ უნდა რთული იყოს ამის თქმა, მაშინ ოჯახთან უნდა გააკეთოს დისტანცირება. მე თვითონ არ ვიცი, შესაძლებელია თუ არა ეს, ძალიან რთულია ასეთი რჩევის მიცემა ადამიანისთვის, არა იმიტომ, რომ ბერაა... მე რომ ვინმემ მითხრას მამაშენისგან გააკეთე დისტანცირებაო, გავბრაზდები და შეიძლება ცუდი რეაქცია მქონდეს, მაგრამ, ბიძიკო, თუ მამიკოსთვის სიკეთე გინდა, ამ რეპს საერთოდ თავი დაანებე, იმიტომ, რომ შენი ეს რეპები არანაირ საზღვრებში არ ჯდება“, - აცხადებს კობა დავითაშვილი.

კობა დავითაშვილი ინტერვიუში დეკრიმინალიზაციის საკითხსაც განიხილავს. მისი თქმით, დეკრიმინალიზაცია უნდა იყოს მკაცრი, ისეთი, როგორი მოდელიც 2013 წელს თავად შესთავაზა პარლამენტს, თუმცა კანონპროექტი ორივე მხარემ დაიწუნა, რადგან დეკრიმინალიზაციის მომხრეები პორტუგალიურ მოდელს, ანუ უფრო ლიბერალურ პოლიტიკას ითხოვენ, მოწინააღმდეგეები კი მიიჩნევენ, რომ ნარკოდანაშაულის სისხლის სამართლის პასუხისმგებლობისგან გათავისუფლება არ უნდა მოხდეს.

ყოფილი დეპუტატი მიიჩნევს, რომ პორტუგალიური მოდელი ზედმეტად ლიბერალურია და ის ნარკომომხმარებელთა რიცხვს კიდევ უფრო გაზრდის. მისივე აზრით, ასევე გაუმართლებელია სახელმწიფომ ციხეში 8-20 წელი არჩინოს ადამიანები, რომლებიც წამალს მოიხმარენ, ამიტომაც, უნდა არსებობდეს მკაცრი დეკრიმინალიზაცია, ნარკომომხმარებლებმა გადაიხადონ მნიშვნელოვანი ფულადი ჯარიმა, ამ თანხით კი სარეაბილიტაციო ცენტრები აშენდეს და ვისაც მკურნალობის სურვილი ექნება, იმკურნალოს.

რესპონდენტი განმარტავს, რომ „თეთრი ხმაურის მოძრაობის“ წევრებისა და მსხვილი ნარკორეალიზატორების ერთმანეთთან გაიგივება დანაშაულია. მისი თქმით, რეალიზატორებს ნარკოტკის არც დეკრიმინალიზაცია და არც ლეგალიზება არ აწყობთ, რადგან ამ შემთხვევაში ნარკოტიკის ფასი დაეცემა, რაც მათ ბიზნესინტერესებში არ შედის. პოლიტიკოსის აზრით, დეკრიმინალიზაციის მომხრეები ე.წ. წვრილი რეალიზატორები არიან, რადგან როგორც წესი მათ მფარველები არ ჰყავთ და ციხეშიც ძირითადად ისინი ხვდებიან.

კითხვაზე - რატომ დადგა დღის წესრიგში ნარკოტიკის თემა, კობა დავითაშვილი პასუხობს, რომ ამ საკითხთან ევროპა და დასავლური ღირებულებები არაფერ კავშირშია და ამაზე მსჯელობა უმცირესობებმა დაიწყეს - „ჩვენი საზოგადოება არის კონფორმისტი და მთხლე, ამიტომ დღის წესრიგს კარნახობენ უმცირესობები“.

კობა დავითაშვილი ბიძინა ივანიშვილის პოლიტიკაში დაბრუნებასა და „ქართულ ოცნებაში“ არსებულ დაპირისპირებაზეც საუბრობს. მისი თქმით, ექსპრემიერს არც დაუმალავს, რომ დაბრუნება გუნდში არსებული უთანხმოების გამო გადაწყვიტა. დავითაშვილი იხსენებს, რომ უთანხმოება ადრეც იყო, თუმცა, მაშინ პრობლემა საერთო წესების არარსებობაში იყო, ახლა კი როგორც ჩანს, უმრავლესობის ცალკეული წევრები ცდილობენ დანარჩენების უფროსად თავის წარმოჩენას, რაც, ბუნებრივია უკმაყოფილებას იწვევს.

„მე ვერც მათ მწუხარებას ვიზიარებ, ვინც მისი დაბრუნების გამო უკმაყოფილოა და ვერც აღტაცებას. მე მგონია, რომ მას ჰქონდა ძალიან კონკრეტული ამოცანა, საარჩევნო წელია, საპრეზიდენტო არჩევნები ახლოვდება, უმრავლესობის შიგნით, იმის ნაცვლად, რომ კონსოლიდაცია იყოს, არის არეულობა, მოვიდა და დაამყარა წესრიგი, მეტი არაფერი არ შეიცვლება. თავისთავად, საპარლამენტო უმრავლესობისა და „ქართული ოცნებისთვის“ ეს იქნება კარგი, იმიტომ, რომ კონსოლიდაცია უკეთესია“, - აცხადებს კობა დავითაშვილი და დასძენს, რომ რომელიმე პოლიტიკოსის მოსვლით ან წასვლით ქვეყანაში არაფერი იცვლება და თუკი ხალხს ცვლილებები სურს, კონფორმიზმსა და გულგრილობაზე, პოზიციის არქონაზე, ანუ იდიოტობაზე უნდა თქვას უარი.

კობა დავითაშვილი ლგბტ პირების აქციაზეც საუბრობს. მისი აზრით, არასამართლიანია 50 000 კაცი 100 ადამიანს მისდევდეს და ცემით ემუქრებოდეს, თუმცა, არც გარყვნილების პროპაგანდა უნდა ხდებოდეს და ეს ყველაფერი კანონით დასარეგულირებელია.

 

17 მაისს ამ ხელისუფლებამ და ბიძინა ივანიშვილმა საბოლოოდ, მკაფიოდ და საქვეყნოდ გააკეთეს არჩევანი - დაუპირისპირდნენ და გაემიჯნენ ეკლესიას, პატრიარქს, ხალხს - „ბიძინა ივანიშვილის დღეს არის ერის მოღალატე, ერის მტერი, ის თავის სიმდიდრეს უფრთხილდება და ყველაფერს აკეთებს, რომ ქართველი ერი გაანადგუროს“ (ალია)

ავტ.: ლევან ჯავახიშვილი

ინტერვიუ რამაზ გაგნიძესთან

ინტერვიუს შესავალში ჟურნალისტი წერს, რომ 16 მაისს საპატრიარქომ კიდევ ერთხელ გამოაცხადა, რომ 17 მაისს ოჯახის სიწმინდის დღესთან დაკავშირებით მსვლელობა გაიმართებოდა, რის შემდეგაც ლგბტ თემმა კანცელარიასთან დაანონსებული აქცია ჩაშალა, თუმცა, მთავრობამ ათეულ ათასობით ქართველსა და საპატრიარქოს ბრძოლა გამოუცხადა და დედაქალაქის მერიამ უმცირესობის წარმომადგენლებს აქციის ჩასატარებლად ყვითელი ავტობუსები გამოუყო. ჟურნალისტის თქმით, ამ ჟესტით „ქართულ ოცნებას“ ახალი არაფერი უთქვამს, მაგრამ კიდევ ერთხელ დადასტურდა, რომ ეს პარტია მოქალაქეებისთვის ცრუ დაპირებების გაცემითა და დასავლეთის ხელშეწყობით მოვიდა ხელისუფლებაში, ახლა კი ლიბერასტების დაკვეთას ასრულებს. 

რამაზ გაგნიძე აცხადებს, რომ ხელისუფლებამ და მინისტრმა გახარიამ ლიბერასტები შეაგულიანეს და პატრიარქისა და ქართველი ხალხის საწინააღმდეგო აქცია გაამართინეს, რაც სახელმწიფოს წინაშე ჩადენილი ღალატია. გაგნიძის თქმით, 16 მაისს პოლიციასა და ლიბერასტებს შორის ფარული შეხვედრა შედგა და სწორედ იქ დაიგეგმა ლგბტ თემის აქცია, რომლის გაპროტესტებასაც ეროვნული ძალები ცდილობდნენ, თუმცა, პოლიციამ, ფაქტობრივად, ყველა ლიდერი ერთობლივად დააკავა. გაგნიძე დარწმუნებულია, რომ ამ ყველაფრის შესახებ ბიძინა ივანიშვილი ინფორმირებული იყო, მაგრამ ის ღიად ლობირებს ლიბერასტებს და მომხდარზე არ რეაგირებს.

რამაზ გაგნიძე ინტერვიუში ხაზს უსვამს, რომ პოლიციამ დაახლოებით 7 საათის განმავლობაში თავისუფლება აღუკვეთა 42 ადამიანს, თითქოსდა იდენტიფიცირების მიზნით, რაც აბსურდია. გაგნიძის თქმით, ნორმალურ სახელმწიფოში მოქალაქეების პოლიციის მხრიდან გატაცებასა და მათთვის თავისუფლების შეზღუდვაზე გამოძიება დაიწყებოდა, თუმცა, აქ შეუძლებელია, რადგან მინისტრი გახარია, კახა კალაძე თუ სხვებიც ლიბერასტების ინტერესების დამცველები არიან.

რამაზ გაგნიძე ეროვნულ ძალებს გაერთიანებისკენ მოუწოდებს და ამბობს, რომ ხალხმა მთავრობას ვადამდელი არჩევნების დანიშვნა უნდა აიძულოს, რათა ხელისუფლება რაც შეიძლება მალე შეიცვალოს.

 

 

„ამ ქვეყანაში მხოლოდ ერთ ადამიანს, ილია მეორეს შეუძლია ამ უბედურებას წერტილი დაუსვას! უკვე დროა, მრევლს მოუწოდოს, რომ გავიდნენ და ქვეყანა გადაარჩინონ!“ – „მე 6 წლის წინათ ვამბობდი, „ალიასთან“ რომ ბერა და ბერას ოჯახი იყო ლიბერასტების მთავარი ბუდე საქართველოში. მაშინ ამის გამო, ნახევარი საქართველო მეუბნებოდა, დაბოღმილი ხარ ბიძინა ივანიშვილზე და ამიტომ ლაპარაკობ ეგრეო“ (ალია)

ავტ.: ლევან ჯავახიშვილი

ინტერვიუ კახა კუკავასთან

კახა კუკავა ამბობს, რომ წინა კვირას, რუსთაველის გამზირზე სამარცხვინო ფაქტები ხდებოდა, პოლიციას ორი დღის განმავლობაში უკანასკნელი სიტყვებით ლანძღავდნენ ადამიანები, რომლებსაც მოგვიანებით მინისტრმა ბოდიში მოუხადა, თუმცა, გაუგებარია რატომ, რადგან სპეცოპერაციისას სამართალდამცველების მხრიდან კანონდარღვევას ადგილი არ ჰქონია. კუკავას მტკიცებით, მინისტრის ბოდიში პოლიციელების დემორალიზებას გამოიწვევს.

„თავისუფალი საქართველოს“ ლიდერი მიიჩნევს, რომ საქართველოში მთავარი ლიბერასტები არა მიხეილ სააკაშვილი ან გიგა ბოკერია, არამედ, ბერა და ბიძინა ივანიშვილის ოჯახია. მისი თქმით, ჰომოსექსუალიზმისა და ნარკოტიკების პროპაგანდა მიხეილ სააკაშვილის დროსაც იყო, თუმცა, ამ ყველაფერს ტოტალური ხასიათი არ ჰქონდა. კახა კუკავას განცხადებით, ქვეყანას ჰყავს მთავრობა, რომელიც ბერა ივანიშვილის კლიპებით იმართება, სადაც ნარკოპროპაგანდას ეწევა მომღერალი.

კახა კუკავა „ალიასთან“ ინტერვიუში ილია მეორეს სთხოვს, რომ მისცეს საზოგადოებას კურთხევა და მოწოდება, დაიცვან ეროვნული ფასეულობები, გამოვიდნენ ქუჩაში და დაასრულონ ის, რაც დღეს ქვეყანაში ხდება.

 

„ყველა ეროვნულად მოაზროვნე უნდა გაერთიანდეს ამ მთავრობის ჩამოსაგდებად! არ გადადგება ეს თავისით, არა!“ – „საქართველოს ხელისუფლება არის უგარყვნილესი პრეზიდენტიან-პრემიერიანად, არჩეულიანად და აწი ასარჩევიანად! (ალია)

ავტ.: ნინო ლაბარტყავა

ინტერვიუ მიტროპოლიტ მელქისედეკთან

მიტროპოლიტი მელქისედეკი ხელისუფლების შეცვლის აუცილებლობაზე საუბრობს და ამბობს, რომ მთელი მთავრობა გარყვნილია, ამიტომაც, იგი ეროვნულად მოაზროვნე ადამიანებს გაერთიანებისა და მთავრობის შეცვლისაკენ მოუწოდებს.

 

საქართველოს „ელგებეტე“ მოძრაობის პიონერი არის ედუარდ შევარდნაძე, ხოლო ნარკოტიკების მოხმარების დაკანონების - „ეროვნულ დემოკრატიული პარტიის“ ყოფილი თავმჯდომარე გიორგი ჭანტურია (ალია)

ავტ.: ნანა სულავა

სტატიაში ნათქვამია, რომ „ოცნება“ როგორც პოლიტიკურ-სოციალური კონგლომერატი თავიდანვე აფერას წარმოადგენდა და ამას ქართველი ხალხი მაშინ უნდა მიხვედრილიყო, როცა ამ კოალიციაში ყველა ტიპისა თუ იდეოლოგიის პარტია გაერთიანდა, მათ რიგებში კი გია ჟორჟოლიანი და დიმიტრი ცქიტიშვილი გამოჩდნენ, რომლებიც არა სოციალ-დემოკრატიასთან, არამედ მხედრიონთან და ნარკოტიკების ლეგალიზაციასთან ასოცირდებიან.

ჟურნალისტი წერს, რომ საქართველოში „ელგებეტე“ პირების პასუხისმგებლობის შესახებ მუხლი ედუარდ შევარდნაძემ ამოიღო კანონიდან, ნარკოტიკების მოხმარების დაკანონებას კი გიორგი ჭანტურია ითხოვდა.

„ოცნება“ პოლიტიკური ნაგავია და თუკი ნაგავი არ იქნა ოჯახიდან გატანილი, აქოთდება იქაურობა. ამიტომაც ყარს ყველაფერი გარშემო და სადაცაა ინფექცია წაგვლეკავს“, - ნათქვამია სტატიაში.

 

„გააქტიურდება ტერორისტული ორგანიზაციები“ – (ალია)

ავტ.: მაია იასეშვილი

ინტერვიუ ასტროლოგ დავით ბუტიკაშვილთან

ასტროლოგი დავით ბუტიკაშვილი „ალიას“ მკითხველს კვირის ასტროლოგიურ პროგნოზს აცნობს. მისი თქმით, მიმდინარე კვირაში გააქტიურდება ძალაუფლებისთვის ბრძოლა, რამაც შესაძლოა აგრესიული ხასიათიც მიიღოს. რესპონდენტი არ გამორიცხავს, რომ ოპოზიციის მხრიდან პოლიციისა და სხვა ძალოვანი სტრუქტურების დისკრედიტაცია დაიწყოს და კომპრომატული მასალები გამოქვეყნდეს.

 

 

 

 

 

2012 წლამდე გამოშვებული მანქანებით ტაქსაობა აიკრძალება?! - არც ამას გამოვრიცხავ, ტაქსის მძღოლების ასაკზეც დაწესდეს შეზღუდვა (ალია)

ავტ.: ნინო ლაბარტყავა

ინტერვიუ „საქართველოს ტრანსპორტისა და გზების ასოციაციის“ პრეზიდენტ დავით მესხიშვილთან

დავით მესხიშვილი ტაქსის რეგულაციებთან დაკავშირებით კახა კალაძის გაკეთებულ განცხადებებს აკრიტიკებს და ამბობს, რომ ლიცენზირებით ვერ მოგვარდება ის საკითხები, რაც ჰაერის დაბინძურებას, საცობების განტვირთვასა თუ სხვა პრობლემებს ეხება. მესხიშვილი იხსენებს, რომ სამუშაო ჯგუფის შეხვედრებზე საუბარი იყო მანქანის გამოშვების თარიღის მიხედვით აკრძალვის დაწესებაზე, ასევე მძღოლებისთვის ჯანმრთელობის, ნასამართლეობისა თუ სხვა ინფორმაციის მოპოვებაზე, რაც რესპონდენტის აზრით, დისკრიმინაციულია.

 

რომელ ქვეყნებშია აკრძალული ნაცისტური მისალმება და როგორ სჯიან კანონდამრღვევებს? (ალია)

გამოცემა მკითხველს ნაცისტური სიმბოლიკისა და ჟესტების შესახებ სხვადასხვა ქვეყანაში არსებულ კანონმდებლობას აცნობს.

სტატიაში ნათქვამია, რომ საქართველოში “თავისუფლების ქარტიის“ კანონი კომუნისტური ტოტალიტარული და ფაშისტური სიმბოლიკის გამოყენებას და ამ იდეოლოგიების პროპაგანდას კრძალავს. დოკუმენტში კონკრეტული სიმბოლიკის ჩამონათვალი არ არის, უცნობია ასევე ითვალისწინებს თუ არა ქართული კანონმდებლობა სასჯელს კონკრეტულად „ნაცისტური მისალმებისათვის“. მასში აღწერილია ის, თუ სად და რა ფორმით არ შეიძლება კომუნისტური და ფაშისტური სიმბოლიკის გამოყენება.

 

სკანდალი - „რეანომობილი რომ დაეჯახა, ჩემი ძმა ადგილზე არ გარდაცვლილა! შველას ითხოვდა და ექიმი არც კი გადმოვიდა! (ალია)

ავტ.: ნინო ლაბარტყავა

ერთი თვის წინ ხონში, სასწრაფო სამედიცინო დახმარების ავტომობილის დაჯახების შედეგად 37 წლის მამაკაცი გარდაიცვალა. გარდაცვლილის და, ნატო ანდრიაძე შემთხვევის დეტალებზე „ალიასთან“ საუბრობს და ამბობს, რომ ავტომანქანის დაჯახების შემდეგ ახალგაზრდა გონზე იყო, სასწარაფო დახმარების თანამშრომლებს რეაგირებას სთხოვდა, თუმცა, მათ პროფესიული ვალდებულება არ შეასრულეს და დაშავებულს პირველადი დახმარება არ აღმოუჩინეს. რესპონდენტი დარწმუნებულია, რომ სასწრაფოს თანამშრომლები პასუხისმგებლობას გაურბიან, საქმის ჩაფარცხვას ცდილობენ და ავრცელებენ ცრუ ინფორმაციას, თითქოს დაშავებული დაჯახებისთანავე გარდაიცვალა. ნატო ანდრიაძე დამნაშავეების დასჯას ითხოვს.

 

პრაიმტაიმი

„ქართული ოცნების“ მთავარი სახეები / რა კრიზისები დაძლიეს შს მინისტრმა, თბილისის მერმა და პარლამენტის თავმჯდომარემ (პრაიმტაიმი)

ავტ. ქეთი ხატიაშვილი

სტატიაში ნათქვამია, რომ ხელისუფლებაში მოსვლიდან მეშვიდე წელს შესაძლოა, „ქართულ ოცნებაში“ ძლიერი და საინტერესო გუნდი ჩამოყალიბდეს. ჟურნალისტი წერს, რომ  უკვე გამოიკვეთა რამდენიმე ლიდერის სახე და მათ შორისაა შს მინისტრი. სტატიის თანახმად, გიორგი გახარია იმ მინისტრის შთაბეჭდილებას ტოვებს, რომელიც კარგად ხედავს, რა გამოწვევების წინაშე დგას სამინისტრო და ამას პარლამენტში მისი გამოსვლაც ადასტურებს.
ექსპერტი არჩილ გამზარდიას შეფასებით, გახარიას გამოსვლა პრ­ეზიდენტის გამოსვლაზე უფრო საინტერესო იყო.

სტატიის ავტორი მიიჩნევს, რომ მმართველი გუნდიდან ლიდერის სახით გამოირჩევიან კახა კალაძე და ირაკლი კობახიძეც. კალაძემ რამდენიმეჯერ მოახერხა დაპირისპირების თავიდან აცილება, მათ შორის, 12 მაისის ღამეს, როცა განაცხადა, რომ მეტროს ფუნქციონირების შესახებ გადაწყვეტილებას თავად მიიღებდა,   დაპირისპირებულ მხარეებს კი დიალოგისკენ მოუწოდა და ის პირველი იყო ხელისუფლებიდან, ვინც მიმდინარე პროცესებს გამოეხმაურა.
კობახიძის სახელს კი საკონსტიტუციო ცვლილებები უკავშირდება. სტატიაში ნათქვამია, რომ მას სერიოზული და სახიფათო უთანხმოება ჰქონდა პრეზიდენტთან და დღემდე ასე გრძელდება.
სტატიის ავტორის შეფასებით, საინტერესო ფიგურაა მამუკა ბახტაძეც, თუმცა, წინ პარტიული რეფორმებია, რის შემდეგაც გამოჩნდება, ვინ მიიღებს გუნდში მთავარი მიმართულებებით მნიშვნელოვან გადაწყვეტილებებს.

 

ადამიანების სიკვდილით გამდიდრებული „ბარიგები“ / ვინ, სად და რა ფასად ასაღებს მძიმე ნარკოტიკებს? / საქართველოს შავ ბაზარზე წელიწადში 25 მილიონის ღირებულების ნარკოტიკი ტრიალებს (პრაიმტაიმი)

ავტ. მირიან ბოქოლიშვილი

სტატიის თანახმად, ხმაურიანი საპროტესტო აქციების შემდეგ საქართველოს ხელისუფლებამ ნარკოპოლიტიკის ლიბერალიზაციის მიმართულებით კონკრეტული ნაბიჯების გადადგმა გადაწყვიტა. ცნობილია, რომ ჰუმანური მიდგომა მხოლოდ ნარკოდამოკიდებულ პირებს შეეხებათ, რეალიზატორების მიმართ კი კანონმდებლობა შესაძლოა, პირიქით, კიდევ უფრო გამკაცრდეს.
შს მინისტრის თქმით, საქართველოში „ჰეროინი“ ძირითადად ირანიდან შემოდის, შავ ბაზარზე გავრცელებული სინთეტიკური ნარკოტიკების მთავარი წყარო კი თურქეთია. ამავე უწყების მონაცემებით, ერთი წლის განმავლობაში საქართველოს შავ ბაზარზე დაახლოებით 25 მილიონი ლარის ღირებულების ნარკოტიკი ტრიალებს.  

რაც შეეხება თბილისის ღამის კლუბებში ჩატა­რებული სპეცოპერაციის დროს ნარკორეალიზაციის ბრალდებით დაკავებულ რვა პირს, საგამოძიებო ორგანოს მიერ გავრცელებული ინფორმაციით, ისინი ამ სქემის მხოლოდ ერთ, მცირე რგოლს წარმოადგენენ, რომლებიც უშუალოდ ადგილზე ასაღებდნენ ნარკოტიკულ საშუალებებს. როგორ და ვისგან შეიძინეს გადამყიდველებმა ეს ნარკოტიკები და მოხდება თუ არა მთავარი მთავარი სარეალიზაციო გზის გადაკეტვა, ამ კითხვას გამოძიებამ მალე უნდა უპასუხოს.

 

"ჩვენ ვაწვებით ფაშიზმს" / ვინ არის ფაშისტური მოძრაობის მწიგნობართუხუცესი გიგა ჭელიძე?

ავტ. მირიან ბოქოლიშვილი

გამოცემის ცნობით, "საქართველოს ეროვნული ერთობა", რომელიც საკუთარ თავს ფაშისტურ ორგანიზაციას უწოდებს, 2016 წელს დაფუძნდა. საჯარო რეესტრის მიხედვით ირკვევა, რომ ორგანიზაციის მმართველობით რგოლს წარმოადგენს მთავარი დარბაზი, სადაც შედიან თორნიკე კივილაძე (მეთაური), გიორგი, იგივე გიგა ჭელიძე (მწიგნობართუხუცესი) და ირაკლი ბექაური (წევრი). 
სტატიაში ნათქვამია, რომ "საქართველოს ეროვნული ერთობისა" და მისი პარტნიორი ორგანიზაციების შესახებ ანგარიში გამოაქვეყნა "საერთაშორისო გამჭირვალეობა საქართველომ", სადაც აღნიშნული ჯგუფების მიერ ქსენოფობიური, ფაშისტური და ძალადობრივი შინაარსის განცხადებები და ქმედებები არის მიმოხილული.  
სტატიაში მოყვანილია ამონარიდები ორგანიზაციის ანგარიშიდან.

 

რას გვატყუებს „გირჩი“? (პრაიმტაიმი)

სტატიაში ნათქვამია, პოლიტიკური ცენტრი „გირჩის“ წევრები მუდმივად აპელირებენ დასავლეთის გამოცდილებაზე და ამტკიცებენ, რომ ხელისუფლებებმა, რომლებმაც ნარკოტიკების დეკრიმინალიზაციის გადაწყვეტილება მიიღეს, გონივრული ნაბიჯები გადადგეს.
ამის საპირისპიროდ, სტატიაში მოყვანილია ამონარიდები ექიმი ინფექციონისტი გიორგი კანდელაკის საპარლამენტო გამოსვლიდან, სადაც მან ვრცლად ისაუბრა რეალურ სურათზე, ევროპული ქვეყნების მაგალითებზე და დამდგარ შედეგებზე. მისი განმარტებით, დეკრიმინალიზაცია ერთმნიშვნელოვნად, ზრდის სხვადასხვა სპექტრის ნარკოტიკების მოხმარების ტენდენციებს, მათ შორის, განსაკუთრებით მოსახლეობის ისეთ მნიშვნელოვან სეგმენტშიც, როგორიცაა სკოლის ასაკის ბავშვები. დეკრიმინალიზაცია ასევე მკვეთრად უარყოფითი ტენდენციებით აისახება ყველა ძირითადი ეპიდემიოლოგიური მაჩვენებელის კუთხით.
კანდელაკისთვის გაუგებარია, რატომ უნდა განხორციელდეს საქართველოში ასეთი რადიკალური რეფორმა, როდესაც ევროპის ქვეყნების სრულ უმრავლესობაში არაფერი მსგავსი არ მომხდარა, მითუმეტეს მაშინ, როცა უკვე ცნობილია სხვა ქვეყნებში ანალოგიური რეფორმის უარყოფითი შედეგების შესახებ.

 

ცესკომ ხმაურიანი ინიციატივა დაარეგისტრირა (პრაიმტაიმი)

ავტ. ქეთი ხატიაშვილი

სტატიის თანახმად, ცესკო-მ იმ საინიციატივო ჯგუფის წინადადება დაარეგისტრირა, ვინც პრეზიდენტის პირდაპირი არჩევის წესზე რეფერენდუმის გამართვას ითხოვს.
ცესკოში დარეგისტრირებული ინიციატივის მიხედვით, სარეფერენდუმო კითხვა ასეა ჩამოყალიბებული: „თანახმა ხართ თუ არა, რომ საქართველოს პრეზიდენტის არჩევა მოხდეს საყოველთაო, თანასწორი და პირდაპირი საარჩევნო უფლების საფუძველზე ფარული კენჭისყრით?“ საინიციატივო ჯგუფში შედიან სოსო მანჯავიძე, ზვიად ტომარაძე, შოთა გლურჯიძე, მერაბ შათირიშვილი და სხვ.

იურისტი ლევან ალაფიშვილის განმარტებით, თუ ახლა რეფერენდუმი ჩატარდება, ის უკვე ვეღარ შედგება ვერც აფხაზეთში და ვერც ცხინვალის რეგიონში.
სტატიის ავტორი წერს, რომ კანონის მიხედვით, რეფერენდუმი საქართველოს მთელ ტერიტორიაზე უნდა ჩატარდეს. მისივე განმარტებით, არსებობს პლებისციტის ფორმაც, რომელიც მხოლოდ ერთ რომელიმე რეგიონში ტარდება, ან ყველგან, ოკუპირებული ტერიტორიის გარდა, თუმცა, განსხვავება ის არის, რომ რეფერენდუმის შედეგის შესრულება სავალდებულოა, პლებისციტის კი – არა.

 

 

პარლამენტის სკანდალური კანონი (პრაიმტაიმი)

ავტ. ეკა პატარაია

სტატიაში საუბარია პარლამენტში ინიცირებულ ცვლილებებზე, რომელიც კულტურის შესახებ კანონში უნდა შევიდეს და რომლის თანახმად, ის სასამართლოს უფლებას მისცემს,  ნებისმიერი წიგნი, სპექტაკლი და ფილმი დააყადაღოს. აკრძალვა ეხება იმ შემოქმედებით ნაწარმოებებს, რომლებიც ეროვნულ, ეთნიკურ, რელიგიურ და რასობრივ შუღლს აღვივებს.
კანონპროექტის ერთ-ერთი ავტორი ლევან გოგიჩაიშვილი განმარტავს, რომ კონსტიტუციის ცვლილებიდან გამომდინარე, საჭირო გახდა დაცვის გაზრდილ სტანდარტებთან მოქმედი კანონმდებლობის ჰარმონიზება. შესაბამისად, რიგ საკანო­ ნმდებლო აქტებში უნდა შევიდეს  ტექნიკური ხასიათის ცვლილება და მათში სრულად ინტეგრირდეს ახალი კონსტიტუციის ჩანაწერი.

რეჟისორი ავთანდილ ვარსიმაშვილი ამბობს, რომ ეს კანონი ყველა ცივილიზებულ ქვეყანაშია და დღეს მომძლავრებული ფაშიზმის გამო, ასეთი კანონის არსებობა საჭიროცაა საზოგადოებისთვის, თუმცა, მხარს არ უჭერს ცვლილბას, რადგან შიშობს, რომ შესაძლოა, მომავალში ის ბოროტად გამოიყენონ.

„ფორმულა კრეატივის“ დამფუძნებელი ირაკლი საღინაძე ამბობს: „ეს არის კატასტროფა და ხელისუფლების სრული უგუნურებისა და არაკომპეტენტურობის ზეიმი. მეტის თქმა ძალიან შორს წაგვიყვანს“.

მწერალი ნოდარ დუმბაძის ქალიშვილი ქეთევან დუმბაძე ფიქრობს, რომ შემოქმედებითი ნაწარმოების ავტორს ცენზურა ვერაფერს დააკლებს, კანონპროექტის ავტორი კი თავს იღუპავს და დასაცინად სწირავს.

 

განათლების სამინისტრო მიიჩნევს, რომ აბიტურიენტებისთვის ინფრასტრუქტურის მოწყობა  მისი კომპეტენცია არ არის (პრაიმტაიმი)

ავტ. ეკა პატარაია

შეფასებისა და გამოცდების ეროვნული ცენტრის დირექტორის მოადგილე ივა მინდაძე „პრაიმტაიმს“ 2018 წლის გამოცდებზე დაგეგმილ სიახლეებზე ესაუბრება. ცენტრის ინფორმაციით, ეს იქნება მცირედი ცვლილებები, რაც, ძირითადად, ზოგად უნარებს, ქართულ ენასა და ლიტერატურას, ასევე, მათემატიკის გამოცდას შეეხება. მინდაძე თითოეულ მათგანს დეტალურად განმარტავს.
ჟურნალისტის კითხვაზე, ზრუნავს თუ არა განათლების სამინისტრო იმ გარემოს გაუმჯობესებაზე, რომელშიც აბიტურიენტს საგამოცდო პროცესის გავლა მოუწევს, რესპონდენტი ამბობს, რომ ეროვნული გამოცდები ტარდება სკოლებში, შესაბამისად, ინფრასტრუქტურული საკითხების მოგვარება, მაგ. საგამოცდო ოთახებში კონდიცირების პრობლემის აღმოფხვრა უწყების კომპეტენციაში არ შედის.

 

 

ასავალ-დასავალი

ელიზბარ ჯაველიძე: ჩემთვის კვირიკაშვილი კარგა ხანია, დამთავრებულია! („ასავალ-დასავალი“)

ავტ. გიორგი გიგაური

ელიზბარ ჯაველიძე აცხადებს, რომ გიორგი კვირიკაშვილი „არის პაიკი, რომელსაც სადაც უნდათ, იქეთ გადადგამენ. ჩვენ არ გვყავს დამოუკიდებელი სახელმწიფო! ჩვენ არ გვყავს დამოუკიდებელი ხელისუფლება! ესენი არიან გლობალისტური იმპერიის მარიონეტები... ეს ანა სუბელიანი, რომელიც ჩემთვის გლდანის ციხის ჯალათებისაგან არაფრით განსხვავდება, თავისუფლებაზე როგორ მელაპარაკება?... ესენი  მსოფლიოს მოქალაქეები კი არა, ნაგვები არიან! ნაგვის გარდა ვინ აძვრებოდა 9 აპრილის გმირთა მემორიალზე?... ესენი ითხოვენ მამათმავლობის, ბოზობის, ნარკომანობის თავისუფლებას! ჩვენ ვითხოვთ ნაგვისაგან სამშობლოს თავისუფლებას!... ჩემი ინფორმაციით, ჭუტას ტელევიზიას დავით კეზერაშვილი აფინანსებს და ამიტომაც მიჰყავთ იქ პარადი ნაცებსა და ბოკერიას სექტას... რელიგიურ გრძნობების შეურაცხყოფა კანონით უნდა ისჯებოდეს... არავის დაავიწყდეს და ყველამ კარგად გაიგოს - ეს ჩვენი სამშობლოა, ქართველი ხალხის სამშობლო!“

 

გია ხუხაშვილი: გიორგი გახარია, როგორც პოლიტიკური ფიგურა სერიოზულად გაძლიერდა! („ასავალ-დასავალი“)

ავტ. ჯაბა ხუბუა

გია ხუხაშვილი ბოლო პერიოდში განვითარებულ მოვლენებზე დაკვირვებით ვარაუდობს, რომ „საპროტესტო აქციების ორგანიზატორების ნაწილი დაპროგრამებული იყო ხელისუფლების შიგნით არსებული გარკვეული ჯგუფისაგან, რომელიც ცდილობს გახარიას, როგორც პოლიტიკურ ფიგურას, კვანტი დაუდოს და ზიანი მიაყენოს...  ქართული ოცნების ხელისუფლება ერთიანი არ არის და შიგნით არსებობენ ჯგუფები, რომლებიც ძალაუფლების გაფართოებას ცდილობენ... არცერთი ამ ჯგუფისათვის გახარია კომფორტული ფიგურა არ არის, რადგან იგი ხელისუფლებაში არსებულ არცერთ დაჯგუფებას არ მიეკუთვნება, დამოუკიდებელი პერსონაა და შიდა ინტრიგებში არ მონაწილეობს... ოცნების შიგნით არსებული გარკვეული ჯგუფისათვის, რომელსაც ილუზია გაუჩნდა, რომ ქვეყანა უნდა ჩაიბაროს და მართოს, ბიძინა ივანიშვილის დაბრუნება კატასტროფის ტოლფასი იყო, რადგან ამ მოვლენამ მათ გეგმებსა და ამბიციებს ცივი წყალი გადაასხა. ოცნების ე.წ. ახალი სახეები, მიუხედავად იმისა, რომ მათ ივანიშვილის მიმართ მძიმე განწყობა აქვთ, ბიძინასთან ღიად დაპირისპირებას ვერ ბედავენ, რის გამოც სამიზნედ აირჩიეს გახარია... სიტუაციის განმუხტვა გახარიამ თავის თავზე აიღო და საკმაოდ რთული ამოცანა გადაჭრა... პრემიერმა კვირიკაშვილმა განცხადება კი გააკეთა, მაგრამ ვერავინ გაიგო, რაზე ილაპარაკა, ხოლო დანარჩენი პოლიტელიტა საერთოდ დაიმალა, სეირს უყურებდა და ელოდებოდა, გახარიას ფეხი როდის დაუცდებოდა... გახარიას რომ ძლიერი მხარეები აქვს, ეს აშკარად გამოჩნდა, მაგრამ რამდენად არის ის მზად პრემიერ-მინისტრობისათვის... ექსპერიმენტების ჩატარების ფუფუნება აღარ გვაქვს და ისიც გვეყოფა, პრემიერი კვირიკაშვილი სრულ გაუგებრობაში რომ იმყოფება... ივანიშვილის პოლიტიკაში დაბრუნება ქვეყნაში დისციპლინასა და ინსტიტუციური წესრიგის აღდგენასთან უნდა ასოცირდებოდეს...  ივანიშვილის ამოცანა ახლა კი ის არის, რომ ხელისუფლება ხალხის თვალში დაშლილ ხუხულად და გაუგებარი ადამიანების დაჯგუფებად კი არა, ერთიან ორგანიზმად გამოიყურებოდეს“.

 

დღეს ერის რისხვას ათასი კელი და ბასი ანელებს, თორემ სულ გავასახლებდით აქედან „ბასიანელებს“!//ბიძინა ივანიშვილისა და ჟანი სიხარულიძის გაბაასება! („ასავალ-დასავალი“)

ავტ. ჟანი სიხარულიძე

გალექსილ დიალოგში საუბარია გასული კვირის მანძილზე განვითარებული მოვლენების, ასევე ზოგადად, ჰომოსექსუალიზმისა და ნარკომანიის შესახებ. „კვირკაშვილის მთავრობა „პარავოზია“ დაშლილი, არც ვასილ პავლოვიჩია და აღარაც ღარიბაშვილი,“ - აღნიშნულია დიალოგში.

 

კახა კუკავა: ამ ომში გამარჯვება ნარკოპროპაგანდისტებისა და ჰომოსექსუალისტების სექტას დარჩა! („ასავალ-დასავალი“)

ავტ. ჯაბა ხუბუა

კახა კუკავა აცხადებს, რომ „მინისტრმა გახარიამ ყველაფერი ისე გააკეთა, როგორც უნდა გაეკეთებინა, გარდა იმ ბოდიშისა, რომელიც ლიბერასტებს აბსოლუტურად უადგილოდ მოუხადა... მათთან მოლაპარაკების მაგიდასთან დაჯდომით გახარიამ ლიბერასტული სექტა რანგში ასწია... საქართველოში არსებული ყველა ინსტიტუცია ლგბტ სექტის ხელშია, ვისი დაპყრობაც მათ ჯერჯერობით ვერ მოახერხეს, ეს ქართველი ხალხია... ხვალ ქართულმა ოცნებამ ბექა წიქარიშვილი და ბაია პატარაია დეპუტატებოს კანდიდატებად რომ დაასახელოს, ქართველი ხალხის დიდი ნაწილი მათ ისევე აირჩევს, როგორც 2016 წელს კობახიძე და ჩუგოშვილი აირჩიეს... გახარიამ პოლიციელებისათვის მადლობის გადახდით ნაწილობრივ გამოასწორა ის შეცდომა, რაც ლიბერასტებისათვის ბოდიშის მოხდით დაუშვა... ნებისმიერი სახის ნარკოტიკის ლეგალიზაცია დაუშვებელია... ივანიშვილი პოლიტიკაში არა სრულფასოვნად, არამედ ცალი ფეხით დაბრუნდა... ივანიშვილისადმი ჩემი რჩევა იქნება, რომ მოიქცეს არა შევარდნაძესავით, არამედ ელცინივით.“

 

ნიკოლოზ მჟავანაძე: ის პარლამენტი, რომელმაც ნინო ლომჯარიას ხმა მისცა, პირისაგან მიწისა უნდა აღიგავოს! („ასავალ-დასავალი“)

ავტ. ნატო ფოცხიშვილი

ნიკოლოზ მჟავანაძე არასწორ საქციელად მიიჩნევს  გიორგი გახარიას ბოდიშს. მჟავანაძე ქართული ოცნების დეპუტატებისაგან მოითხოვს თანამდებობას ჩამოაშორონ „სოდომისტი“ ნინო ლომჯარია, რომელმაც ხმა არ ამოიღო, როდესაც ქართული მარშის 7 წევრი დააკავეს. მჟავანაძე აცხადებს, რომ სოროსის ფრთა თამარ ჩუგოშვილის ხელმძღვანელობით ახალი რევოლუციის მოწყობას ცდილობს. მჟავანაძე ფიქრობს, რომ ბიძინა ივანიშვილს არ აქვს ინფორმაცია იმ საფრთხის შესახებ, რომლის წინაშეც საქართველო დგას და სთხოვს მას, ქართველ ხალხს მოუსმინოს.

 

ალექსანდრე ახალკაცი: პირადად მე პირველივე შანსს გამოვიყენებ, რომ სააკაშვილის სიცოცხლე ხელვყო! („ასავალ-დასავალი“)

ავტ. ნატო ფოცხიშვილი

ყოფილი პოლიტპატიმარი, მწერალი ალექსანდრე ახალკაცი  აცხადებს, რომ გიორგი გახარიამ ნარკომოვაჭრეებისათვის ბოდიშის მოხდით პატრულის მუნდირი შეარცხვინა. ახალკაცის აზრით, სამართალი რომ არსებობდეს, ხათუნა კალმახელიძე და ციხის ბევრი თანამშრომელი, რომელთა კისერზეც ათეულობით გვამია, ციხეში უნდა იჯდეს. ახალკაცი ეჭვობს, რომ გუგული მაღრაძე და  თამარ ჩუგოშვილი  ნაციონალების აგენტები არიან. ახალკაცი ივანიშვილს მიმართავს: „ - ბატონო ბიძინა, თუ გსურთ, ხალხს ისევე უყვარდეთ, როგორც 2012-13 წლამდე უყვარდით, ქართული ოცნების პოლიტიკური ელიტა უნდა გაუშვათ იმ სანაგვეზე, საიდანაც ამოათრიეთ“.

 

ოლეგ იაძე:  მე რომ შინაგან საქმეთა მინისტრი ვყოფილიყავი, ბიდიშს არ მოვიხდიდი! („ასავალ-დასავალი“)

ავტ. დიტო ჩუბინიძე

სამბისტი ოლეგ იაძე აცხადებს, რომ ხელისუფლება სწორად მოიქცა, როცა ღამის კლუბებში სპეცოპერაცია ჩაატარა. „ - სად გაგონილა, რომ ნარკომანები და პედერასტები პრემიერ-მინისტრისა და შინაგან საქმეთა მინისტრის გადადგომას მოითხოვდნენ? ასე იცის ზედმეტმა დემოკრატიამ... ბატონ მინისტრს ბოდიში მოსახდელი არ ჰქონდა!.. 17 მაისის აქციამ დაამტკიცა, რომ არანაირად არ გამოვა ჩვენი გაევროპელება და არც არის საჭირო... ბატონი ბიძინა პარტიის საქმიანობაში არ ერეოდა. ახლა უკვე ჩაერევა და დარწმუნებული ვარ, მისი ჩარევა ქვეყანას აუცილებლად სასიკეთოდ წაადგება“ - აცხადებს იაძე. იაძემ ინტერვიუში ძიუდოს ფედერაციაში შექმნილი ვითარების შესახებაც ისაუბრა, მისი აზრით,  ქევხიშვილმა თანამდებობა უნდა დატოვოს, რადგან ფაქტია, რომ ქართველი სპორტსმენები შეჯიბრებებიდან მედლების გარეშე დაბრუნდნენ. იაძე კულტურის სამინისტროს მოუწოდებს აქტიურად ჩაერიოს პროცესებში.

 

ვაჟა ოთარაშვილი: ქვეყანაში სიგარეტის მოწევა ავკრძალეთ და ნარკოტიკების ლეგალიზაციას ვახდენთ? („ასავალ-დასავალი“)

ავტ. დიტო ჩუბინიძე

ვაჟა ოთარაშვილი: „ – 17-მა გვიჩვენა, რომ ქართველი ხალხისათვის მიუღებელია ნარკომანობა, პედერასტობა, ლესბოსელობა და ქვეყნის დაღუპვა... რაც 12 და 13 მაისს მთელმა მსოფლიომ ნახა, ეს იყო ნარკომანებისა და პედერასტების დოღი, რომელსაც ქართველი ტელემეძავები პირდაპირ ეთერში გადასცემდნენ“.

 

 

თამარ იოვაშვილი: დავით საგანელიძემ პირობა მომცა - ამ ბიჭების პირველი დამცველი მე ვიქნებიო და პირობა კაცურად შეასრულა - სასამართლოს ქართული მარშის წევრების გათავისუფლების თხოვნთ მიმართა//ყოჩარ საგანელიძევ! („ასავალ-დასავალი“)

ავტ. ჯაბა ხუბუა

ლადო სადღობელაშვილის დედა თამარ იოვაშვილი მადლობას უხდის დავით საგანელიძეს თანადგომისათვის. ის აცხადებს, რომ მისი შვილის მდგომარეობა შიმშილობის შედგად დამძიმდა და ის ციხის საავადმყოფოში გადაიყვანეს. ლადო სადღობელაშვილმა შიმშილობა პატრიარქის თხოვნით შეწყვიტა. თამარ იოვაშვილი ფიქრობს, რომ ხელისუფლებას სურს ქართული მარში, როგორც ლიბერალებთან დაპირისპირებული ეროვნული ძალა დაშალოს და გაანეიტრალოს. ის ამბობს, რომ ლადოს და მის მეგობრებს თავდებში დაუდგნენ: ბიძინა გეგიძე, დავით ჭიჭინაძე, გია ჟორჟოლიანი, ემზარ კვიციანი, ადა მარშანია, ასევე თამაზ მეჭიაური და დავით საგანელიძე. იოვაშვილი იმედოვნებს, რომ 7 ივნისს სასამართლო ქართული მარშის 7-ივე წევრს წინასწარი პატიმრობიდან გაათავისუფლებს.

 

ჭუტა წერეთელი ბიძინა ივანიშვილის მაგინებელ „ფეხმძიმე კაცს“ „ტვ პირველში“ ხელფასს უხდის! („ასავალ-დასავალი“)

ავტ. გიორგი გიგაური

პუბლიკაციის ავტორი წერს, რომ დავით კოვზირიძე, რომელსაც „ტაბულაში“ მიჰყავდა გადაცემა „მძიმე კაცთან“, ამჟამად ჭუტა წერეთლის კუთვნილ „ტვ პირველში“ მუშაობს და  საზოგადოებას რევოლუციისაკენ მოუწოდებს. მისი მოწოდებები ბიძინა ივანიშვილის პოლიტიკაში დაბრუნების მეორე დღეს გაისმა. ავტორი აღნიშნავს, რომ მიტინგზე „ნაცლიბერასტი“ კოვზირიძე ელისო კილაძის გვერდით იდგა და  „რუსთავი-2-ის პირდაპირ ეთერში სულ დედის ტრ...  აგინა ბიძინა ივანიშვილის ქართული ოცნების ხელისუფლებას! ანუ მაშინ, როდესაც გინებისათვის ქართული მარშის 7 წევრი ორი თვეა, გლდანის ციხეშ იმყოფება, ეს  ფეხმძიმე კაცი, დღისით-მზისით, დედის ტყ...ით რევოლუციისაკენ მოუწოდებს და ის ჯერ პოლიციაშიც არ დაუბარებიათ დასაკითხად“.

 

გია თვალავაძე: გარწმუნებთ ყველა დამნაშავე გამოვლინდება და ყველას მოეთხოვება უმკაცრესი პასუხი! („ასავალ-დასავალი“)

ავტ. მეგი საჯაია

გია თვალავაძე საუბრობს კაპანაძის გახმაურებულ საქმეზე და აცხადებს, რომ პაციენტ შოთა კაპანაძის საკითხის შესწავლა მოხდა იმ დოზით, რა დოზითაც თავად პაციენტმა მიაწოდა ინფორმაცია სამედიცინო რეგულირების სააგენტოს. თვალავაძე მოუწოდებს კაპანაძეს სააგენტოს სრულყოფილი ინფორმაცია მიაწოდოს, რის საფუძველზეც მოხდება სააგენტოს რეაგირება. თვალავაძის თქმით, დასადგენია, რამდენად ჰქონდა ექიმ ქარაზანაშვილს იმ ოპერაციის ჩატარების უფლება, რის შედეგადაც კაპანაძე დაინვალიდდა. გია თვალავაძე აბსურდს უწოდებს მოსაზრებას, თითქოს გურამ ქარაზანაშვილს, როგორც თანაკურსელს მფარველობს და გამორიცხავს საკუთარ ბრალეულობას ქარაზანაშვილის მფარველობის საქმეში. თვალავაძე არ გამორიცხავს საკითხის სამართლებრივ ჭრილში გადასვლასაც და ამბობს, რომ „ასავალ-დასავალი“ უცილობლად იქნება ინფორმირებული განვითარებული მოვლენების შესახებ ქარაზანაშვილი-კაპანაძის დაპირისპირების საქმეში და ადასტურებს სამინისტროს კეთილ ნებას კაპანაძის დასახმარებლად, რომელიც არასწორად ჩატარებული ოპერაციის შედეგად დაინვალიდდა.

 

რეზონანსი

აბაშიძე-კარასინის შეხვედრაზე რუსეთთან 3 დერეფნის ამოქმედებას განიხილავენ (რეზონანსი)

ავტ. ეკატერინე   ბასილაია

24 მაისს პრაღაში აბაშიძე-კარასინს შორის მორიგი შეხვედრა იმართება.  ცნობილია, რომ ამ შეხვედრაზე ოკუპირებულ ტერიტორიებზე საბაჟო მონიტორინგის შესახებ შვეიცარიელებთან გაფორმებული ხელშეკრულების დეტალებზე იქნება საუბარი, რასაც 8-წლიანი უარის შემდეგ   18 მაისს უკვე რუსეთმაც მოაწერა ხელი. რაც შეეხება ტატუნაშვილის საკითხს,  პრაღაში ცხინვალში წამებით მოკლული არჩილ ტატუნაშვილის, მათ შორის გარდაცვლილის შინაგანი ორგანოების რუსეთიდან დაბრუნების, საკითხის განხილვა არ მოხდება.

როგორც პრემიერ-მინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე "რეზონანსთან" ამბობს, ტატუნაშვილის თემაზე ის "შესაბამისი" განცხადებით, რა თქმა უნდა, გამოვა, მაგრამ განხილვა მოსალოდნელი არ არის, რადგან პრაღის ფორმატი ეკონომიკურ-ჰუმანიტარულ საკითხებზე მსჯელობისთვის შეიქმნა, ტატუნაშვილის თემა კი პოლიტიკური საკითხია და არა ჰუმანიტარული, ამიტომ მისი განხილვა ჟენევის ფორმატს ეხება.

„რეზონანსი“ წერს, რომ 2011 წლის ხელშეკრულებაში საუბარია 3 დერეფნის ამოქმედებაზე. ერთი უნდა დაიწყოს სოჭთან ახლოს, რომელიც ოკუპირებულ აფხაზეთს გაივლის და ზუგდიდთან დასრულდება; მეორე დერეფანი დაიწყება ჩრდილოეთ ოსეთში, სოფელ ნართან, გაივლის ოკუპირებულ ცხინვალს და გორში დასრულდება. მესამე დერეფანი კი ყაზბეგში, ზემო ლარსთან, იქნება. ხელშეკრულების მიხედვით, მონიტორებს მხოლოდ ტვირთის აღრიცხვის უფლება ექნებათ. „რეზონანსის“ შენიშვნით,  2017 წლის დეკემბერში, როდესაც ქართულმა მხარემ ხელი მოაწერა ხელშეკრულებას, თბილისში გაჩნდა ინფორმაცია, რომ, მონიტორინგის გარდა, შეთანხმება მოხდა ოკუპირებული სამხრეთ ოსეთის მიმართულებით სომხური ტვირთის ტრანზიტის დაშვებაზეც, რაც ოპოზიციამ გააკრიტიკა და ხელისუფლებას ხელმოწერის დოკუმენტის გასაჯაროება მოსთხოვა.

ზურაბ აბაშიძე ამბობს, რომ 2011 წლის შეთანხმების ტექსტი არ შეცვლილა და ვერც შეიცვლებოდა.

"ჩვენ ვაგრძელებთ იმ საქმეს, რაც წინა ხელისუფლებამ წამოიწყო და არ მესმის, კრიტიკა რატომ უნდა იყოს. დამატებით არანაირი დოკუმენტი არ შექმნილა. ვისი ტვირთის გატარება უნდა მოხდეს, ამაზე არ არის ეს შეთანხმება. მოხდება ყველა ტვირთის მონიტორინგი, რაც გაივლის ამ სავაჭრო კორიდორებში. გაივლის თუ არა ტვირთი ამ კორიდორებში, ეს უკვე სხვა საკითხია. ეს ხელშეკრულება ავტომატურად არ გულისხმობს ოკუპირებულ ტერიტორიებზე ტვირთის გატარებას, თუკი ოდესმე გაივლის ამ კორიდორებში ტვირთი, შვეიცარიული კომპანიის ვალდებულება იქნება მისი მონიტორინგი" - ამბობს აბაშიძე.

 

ფაშინიანი თვის ბოლოს თბილისში ჩამოდის (რეზონანსი)

ავტ. ია აბულაშვილი

26 მაისს საქართველოს დამოუკიდებლობის გამოცხადების 100 წლის იუბილესთან დაკავშირებით თბილისს შვიდი ქვეყნის პრეზიდენტი და მაღალი თანამდებობის პირები ეწვევიან. მათ შორის იქნება სომხეთის პრეზიდენტი არმენ სარგსიანი, ხოლო რამდენიმე დღის შემდეგ, სავარაუდოდ, 30 მაისს, თბილისს ოფიციალური ვიზიტით ეწვევა სომხეთის ახლად არჩეული პრემიერ-მინისტრი ნიკოლ ფაშინიანი.

ქართველი პოლიტოლოგები ფაშინიანის ვიზიტს მნიშვნელოვან მოვლენად აფასებენ და არ გამორიცხავენ, რომ მას შორს მიმავალი პოზიტიური შედეგები მოჰყვეს.

„მე არ ველოდები, რომ მომავალი ვიზიტის მსვლელობისას გაფორმდება სომხეთ-საქართველოს თანამშრომლობის ფართომასშტაბიანი პაკეტები, მაგრამ დიპლომატიაში ცნობილია არაერთი შემთხვევა, როდესაც ოფიციალური შეთანხმების გარეშეც ამა თუ იმ ვიზტს შორს მიმავალი შედეგები მოჰყოლია სახელმწიფოთა შორის," - ამბობს „რეზონანსთან“ სოსო ცინცაძე.

პარლამენტის ყოფილი წევრის, სომხური სათვისტომოს ერთ-ერთი ლიდერის - ვან ბაიბურთის თქმით, თავად ის ფაქტი, რომ უახლოეს მომავალში თბილისს ეწვევა სომხეთის პრეზიდენტი არმენ სარგსიანი და შემდეგ ახლად არჩეული პრემიერ-მინისტრი ნიკოლ ფაშინიანი, იმაზე მეტყველებს, რომ საქართველო-სომხეთის ურთიერთობა ახალ ფაზაში შედის.

ვან ბაიბურთი: "მნიშვნელოვანია, რომ სომხეთის პრეზიდენტი მონაწილეობას მიიღებს საქართველოს დამოუკიდებლობის გამოცხადების 100 წლის იუბილესადმი მიძღვნილ ღონისძიებაში. ამ ფაქტს სიმბოლური დატვირთვაც აქვს, რადგან 100 წლის წინ თბილისში, დღევანდელ მოსწავლე-ახალგაზრდობის სასახლეში, საქართველომ და სომხეთმა სახელმწიფოებრიობა აღადგინეს და პირველი რესპუბლიკა შექმნეს. რამდენიმე თვე სომხეთის ხელმძღვანელობა თბილისში მოღვაწეობდა და შემდეგ გადავიდნენ ერევანში. თბილისში ჩამოსვლას აპირებს სომხეთის ახლად არჩეული პრემიერ-მინისტრი ნიკოლ ფაშინიანი. ამ კონტექსტში უნდა ვივარაუდოთ, რომ საქართველო-სომხეთის ურთიერთობა ახალ ფაზაში, ახალ რეალობაში შედის, რაც კარგი ნიშანია. ახლად არჩეული პრემიერის ვიზიტი, სავარაუდოდ, სამუშაო ფორმატში გაიმართება, რაც მეტყველებს იმაზე, რომ საქართველო იბრუნებს კავკასიაში მთავარი მოთამაშის როლს.

 

იგორ კვესელავა: მთავრობის მეთაურს გახარიას უნარები სჭირდება (რეზონანსი)

ავტ. ნინი ქეთელაური

პოლიტოლოგი  იგორ კვესელავა  ქვეყანაში მიმდინარე პროცესებზე მსჯელობს და მიუთითებს, რომ  ნარკოტიკების ლეგალიზება არ უნდა მოხდეს.  რესპოდენტი თვლის, რომ კლუბებში მოწყობილი ოპერაციის დროს  სახელმწიფომ სწორად იმოქმედა.

იგორ კვესელავა ( ვარაუდზე, რომ გიორგი გახარია შესაძლოა პრეზიდენტობის კანდიდატად დასახელდეს):   ჩემი აზრით, გახარია არ უნდა დასახელდეს პრეზიდენტობის კანდიდატად. პრეზიდენტის ინსტიტუტი საპარლამენტო რესპუბლიკაში შესუსტებულია, ამიტომ ახალგაზრდა კაცი, რომელსაც გამოცდილება აქვს, ჰუმანიტარული და ეკონომიკური განათლება აქვს, საპრეზიდენტო კანდიდატად არ უნდა დასახელდეს. გახარია ქვეყანას შინაგან საქმეთა მინისტრად სჭირდება, ის კარგად მოერგო თავის სამსახურს. თუმცა თუ მომავალზე ვიმსჯელებთ, შესაძლოა, გახარია ძალიან კარგი პრემიერი იყოს. ამიტომ თუ ქვეყანას დასჭირდა, ის უნდა გახდეს პრემიერ-მინისტრი. ამ პოსტზე მისი კანდიდატურა სრულიად მისაღებია, სწორედ მისი უნარები სჭირდება მთავრობის მეთაურს.

 

კახაბერ ჯაყელი: "ბიძინა ივანიშვილი დაბრუნდა, რომ "ოცნება" ჭაობიდან ამოათრიოს (რეზონანსი)

ავტ. ია აბულაშვილი

"საქართველოში ბოლო დროს განვითარებულმა მოვლენებმა აჩვენა საზოგადოების, ფაქტობრივად, ფრაგმენტულად დაშლის პროცესი. ქართული საზოგადოება კი ფრაგმენტებად დაშალა მიუღწეველმა პიროვნულმა მიზანმა, განუხორციელებელმა ფუნქციამ, გადაშენების პირას მდგარმა ტრადიციულმა ფასეულობებმა, რაც გამოჩნდა "თეთრი ხმაურისა" და "ნაცისტების" დაპირისპირების დროს," - ამბობს  „რეზონანსთან“ მიმდინარე პოლიტიკურ მოვლენებზე საუბრისას პოლიტიკური მარკეტინგის სპეციალისტი, პროფესორი კახაბერ ჯაყელი. ჯაყელის აზრით, საზოგადოების ფრაგმენტულად დაშლის ერთ-ერთი მიზეზია "ქართული ოცნებაც", რადგან  „ოცნების“ წარმომადგენლებმა შექმნეს ილუზია იმისა, რომ ქვეყანა სწრაფად აშენდებოდა.

რესპოდენტი თვლის, რომ „ბოლო პერიოდში განვითარებული მოვლენებით "ოცნებამ" ვერ დაინახა, რომ მოდიან ძალები, რომლებიც მოითხოვენ ახლებურ ინტელექტუალურ მოძრაობას და მათი გაგება საჭიროა.“ „ამ ყველაფრის არდანახვა ძალიან გაურთულებს "ქართულ ოცნებას" პოლიტიკური პროდუქტის ბაზარზე გაყიდვას“.-ასკვნის პოლიტოლოგი.

კახაბერ ჯაყელი (ყოფილი პრემიერის  აქტიურ პოლიტიკაში დაბრუნების მიზეზებზე):   როგორც ჩანს, თავად  ივანიშვილს პოლიტიკა ეზიზღება, მაგრამ მის დაბრუნებას ხელი შეუწყო "ქართული ოცნების" არაპროფესიონალიზმმა და თავად ივანიშვილის კულუარული მმართველობის არაეფექტურობამ... იგი ალბათ დაბრუნდა, რომ "ოცნება" ჭაობიდან ამოათრიოს. მან მემკვიდრეობით მიიღო გაუფასურებული პოლიტიკური ფასეულობები პოლიტიკურ ბაზარზე, გაღატაკებული საზოგადოება ეკონომიკურ ბაზარზე და ნაცარქექიული ბალ-მასკარადი, რომელსაც მისი პარტია სთავაზობს საზოგადოებას. პარტიას, რომელმაც არ იცის, რა გზას მიმართოს, როდესაც სოციალურ ჯგუფებს შორის დაპირისპირება მატულობს, წინა ხაზზე გამოჰყავს რაღაც ძალიან მოძველებული ჯგუფები, რომელთა განცხადებებიც მე-16 საუკუნის ადამიანის ნააზრევს წააგავს. ეს არის პარტია, რომლის წევრებმაც და ლიდერებმაც ვერ შეძლეს საერთო სარგებლობის დაყენება გამორჩენაზე მაღლა. აქედან გამომდინარე, სავარაუდოდ, ივანიშვილი დაბრუნდა სახლის გაწმენდის ფუნქციით, გაწმინდოს იმ უკეთურებისგან, რომელიც არა მარტო ქართულ პოლიტიკას ემუქრება ქაოსში გადავარდნით, არამედ ემუქრება მის ადგილს მსოფლიო მილიარდერთა სიაში.

 

"ჩემი შვილი ქრისტეს და საქართველოს შეურაცხყოფას არავის აპატიებს“ - დედა, რომლის შვილი ლგბტ აქტივისტს თავს დაესხა (რეზონანსი)

„ჩემი შვილი ქართულ ოჯახში იზრდება, სადაც სამშობლოსთვის თავდადებას ვასწავლით, სადაც სამშობლოს და საქართველოს სიყვარულს ვასწავლით.…ჩემი შვილი ქრისტიანია და ქრისტეს და საქართველოს შეურაცხყოფას არავის აპატიებს“ - ასეთია ლგბტ აქტივისტზე მოძალადე 15 წლის ბიჭის სერგი კ.-ს დედის პოზიცია.

„რეზონანსის“ ცნობით, ამჟამად 15 წლის სერგი კ.-ის მიმართ საგამოძიებო მოქმედებები მიმდინარეობს. რაც შეეხება მისი გათავისუფლების მიზეზს, უწყებაში ამბობენ, რომ ამას არასრულწლოვანთა კოდექსი კრძალავს.

„ს. კ. პასუხს აგებს 126-ე მუხლით (ძალადობა) გათვალისწინებული სანქციების შესაბამისად. არ განიხილება არც მუხლის გადაკვალიფიცირება, არც რაიმე შემამსუბუქებელი ღონისძიება. ის დაისჯება კანონით გათვალისწინებული პროცედურებით“ - ამბობენ სამინისტროში.

როგორც ადვოკატები აცხადებენ, სავარაუდოდ, ეს იქნება ფულად ჯარიმა, რომლის ოდენობასაც სასამართლო ადგენს ჩადენილი დანაშაულის სიმძიმისა და მსჯავრდებულის მატერიალური მდგომარეობის გათვალისწინებით.

 

პუტინმა ქვეყანა, ფაქტობრივად, "კაგებეშნიკებს" ჩააბარა (რეზონანსი)

ავტ. ეკატერინე ბასილაია

ანალიტიკოსი ვახტანგ მაისაია „რეზონანსთან“ საუბრისას ამბობს, რომ  პუტინის გადაწყვეტილება  მმართველობაში  ე. წ. კაგებეშნიკების გააქტიურებასთან დაკავშირებით მიუთითებს იმას, რომ რუსეთი  კვლავ ძალადობისთვის ემზადება და  მისი სამიზნე, შესაძლოა იყოს როგორც უკრაინა, ასევე საქართველო.

 ვახტანგ მაისაია: „სილოვიკების" დაჯგუფება გაძლიერდა 2007 წელს და ჩვენ 2008 წელს მივიღეთ აგვისტოს ომი. ახლაც ეს ყველაფერი ნიშნავს, რომ პუტინი რაღაცისთვის ემზადება. რადგან ახლა მან ძალოვნებზე დადო ფსონი, ეს ნიშნავს, რომ კიდევ უფრო გააძლიერებს საგარეო პოლიტიკურ აგრესიულ მიმართულებებს და როგორც ჩანს, ელოდება, რომ დასავლეთთან დაპირისპირება სამხედრო დაპირისპირების რაღაც დონეზეც გადავიდეს. რუსები უკრაინასა და საქართველოში სიტუაციას უყურებენ ამერიკასთან დაპირისპირების პრიზმაში.

 

რას წერს რუსეთის პრესა "პატრიოტთა ალიანსის" წევრების მოსკოვურ ვიზიტზე (რეზონანსი)

რამდენიმე დღის წინ "პატრიოტთა ალიანსის" წევრები ადა მარშანია, ნატო ჩხეიძე და გიორგი ლომია მოსკოვში გაემგზავრნენ. რუსეთის დედაქალაქში მათ დავით თარხან-მოურავი დახვდათ. ბოლო ერთი წლის განმავლობაში ეს "პატრიოტთა ალიანსის" უკვე მესამე მოსკოვური სტუმრობაა.

„რეზონანსის“ ცნობით, ორი დღის წინ ამ თემას გამოცემა "ნეზავისიმაია გაზეტა" შეეხო და ქართველთა მოსკოვურ ვიზიტს სპეციალური წერილი მიუძღვნა. წერილში ყურადღება გამახვილდა ადა მარშანიას კომენტარზე. „პატრიოტთა ალიანსის“ წევრი ამბობდა, რომ მათი გუნდი მოსკოვში მწვავე საკითხების, მათ შორის არჩილ ტატუნაშვილის  თემის წამოწევას აპირებდა.

„გაზეტას“ პოზიციით, „არსებობს ამ პიროვნების(არჩილ ტატუნაშვილი) გარდაცვალების ოფიციალური ვერსია და ყველაფერი უკვე საბოლოოდ დადგენილია“.  გამოცემის თქმით, „საინტერესოა, რის განხილვასა და დაზუსტებას ცდილობენ "პატრიოტთა ალიანსის" წევრები? თუ მოსკოვში მათი სტუმრობა ამ თემას ეხება, გასაკვირია. რა უნდა განიხილონ, რა უნდა შეიტყონ ახალი და, საერთოდ, რაში ესაჭიროებათ ტატუნაშვილის თემის ხელახლა წამოტივტივება."

 

მეტროს პარალიზების საფრთხე არ გამქრალა (რეზონანსი)

რადიო თავისუფლების მასალა

თბილისის მეტროპოლიტენი კვლავ პარალიზების საფრთხის წინაშეა. მემანქანეების პროფესიული კავშირი „ერთობა 2013“ გაფიცვის დასაწყებად სასამართლოს მიერ დათქმული ვადის, 3 ივნისის, გასვლას ელოდება, მანამდე კი, 22 მაისს, მეტროსადგურ „რუსთაველთან“ მეტროს თანამშრომლების მხარდამჭერი აქცია გაიმართება.

„თავისუფლების“ ცნობით, თბილისის მეტროპოლიტენის მემანქანეები ჯერ კიდევ 3 მაისს უნდა გაფიცულიყვნენ, მაგრამ თბილისის სატრანსპორტო კომპანიამ 1 მაისს საქალაქო სასამართლოს განცხადებით მიმართა და მეტროს თანამშრომელთა გაფიცვის ერთი თვით გადადება მოითხოვა შრომის კოდექსის 50-ე მუხლის შესაბამისად, რაც მოსამართლემ იმავე დღეს დააკმაყოფილა, თუმცა, როგორც „ერთობა 2013“-ის თავმჯდომარის მოადგილე ვასილ ვარსიმაშვილი ამბობს, მეტროს მემანქანეთა მდგომარეობა კვლავ სავალალოა და არაფერი შეცვლილა.

არასამთავრობო ორგანიზაციების („სოლიდარობის ქსელი - მშრომელთა ცენტრი“, „ადამიანის უფლებების სწავლებისა და მონიტორინგის ცენტრი (EMC)“, „აუდიტორია 115“) მიერ გავრცელებული განცხადებით, მეტროს თანამშრომელთა გაფიცვა სრულიად კანონიერია.

მეტროპოლიტენის მემანქანეები საათობრივი ანაზღაურების 7-დან 10 ლარამდე გაზრდას მოითხოვენ, რასაც კატეგორიულად ეწინააღმდეგება სატრანსპორტო კომპანია და თბილისის მერია. კახა კალაძე ამბობს, რომ მემანქანეების ხელფასი (1300-1400 ლარი) შეიძლება მაღალი ხელფასი არაა, მაგრამ გასათვალისწინებელია ის, რომ, ქვეყნის ეკონომიკური მდგომარეობიდან გამომდინარე, სხვა არანაკლებ მნიშვნელოვან და საპასუხისმგებლო უბნებზე დასაქმებულთა ხელფასი არ აღემატება 700 ლარს.

 

 

ახალი თაობა

ვიღაცას გახარიას ჩაძირვა უნდოდა(ახალი თაობა)

ავტ. გულიკო ბალაძე

ინტერვიუ დავით ლორთქიფანიძესთან

დავით ლორთქიფანიძეს გამოცემა ბოლო დროს განვითარებულ მოვლენებზე და კლუბებში განხორციელებულ ოპერაციაზე ესაუბრება.

ა. თ.: სოციალურ ქსელებში წავიკითხე,   გახარიას პრემიერობისთვის რეიტინგი აუმაღლდაო, თქვენ რას ფიქრობთ?

დავით ლორთქიფანიძე: ათასი აზრი არსებობს. ზოგი ამბობს, ამ პროცესებით გახარიას ჩაძირვა უნდოდათო. შეიძლება ვიღაცის თავებში ეს იხარშებოდა, მაგრამ ფაქტია რომ გახარიამ მართვის კარგი უნარი გამოავლინა. გახარიას მრავალმხრივი გამოცდილება აქვს სხვადასხვა სფეროში, მაგრამ იმ პირობებში, როცა დღეს რეალური პრემიერი გვყავს, ამაზე საუბარი სწორი არ იქნება.

ა. თ. საუბრობენ იმაზე , რომ ოცნების ერთ ჯგუფს სურდა გახარიას ჩაძირვა. შეიძლება ოცნებაში მოხარშულიყო გახარიას ჩაძირვის იდეა?

არა, ვფიქრობ ეს შედიოდა გარკვეული ჯგუფების ინტერესებში.

 

 

 

სოსო ცინცაძე: „რუსეთისთვის დღეს საქართველოს მიმართულება პრიორიტეტი არ არის“ ( ახალი თაობა)

ავტ. ნათია ხურცილავა

ინტერვიუ სოსო ცინცაძესთან

 სოსო ცინცაძე პრეზიდენტ გიორგი მარგველაშვილის რუსეთის  ლიდერთან შესაძლო შეხვედრის თაობაზე გაკეთებულ განცხადებაზე  საუბრისას ამბობს, რომ მარგველაშვილის განცხადება არ იყო სპეციალური განცხადება, ეს იყო სტუდენტის კითხვაზე პასუხი და ამ სიტყვებზე  სერიოზული  მსჯელობა არ არის  მართებული. პოლიტოლოგი თვლის, რომ საქართველომ უკვე გაუშვა   რუსეთთან საკუთარ ინტერესებზე მსჯელობის შანსი. ახლა კი რუსეთისთვის საქართველოს მიმართულება პრიორიტეტული არ არის.

„აქედან რუსეთს საფრთხე არ ელის. როგორც ჩანს, კრემლში გადაწყვიტეს რომ ძალიან დიდი ხნით საქართველოს ნატოში გაწევრიანება რეალური არ არის“- ამბობს ცინცაძე.

პოლიტოლოგი  ყურადღებას  მოსკოვში  „პატრიოტთა ალიანსის“ წარმომადგენელთა ვიზიტზე ამახვილებს და კატეგორიულად ითხოვს, რომ ქართველი დეპუტატების შეხვედრები (ოფიციალურია ის თუ არაოფიციალური) არა დესეთეს კომიტეტში, არამედ საერთაშორისო ურთიერთობათა კომიტეტში მაინც  იმართებოდეს.

 

ინგა გრიგოლია: „მოძალადე მემუქრება, რომ თუ არ დავუბრუნებ ქონებას, სახლის კარს შემომიმტვრევს“ (ახალი თაობა)

ჟურნალისტი ინგა გრიგოლია 20 მაისს შსს-ს მთავარ სამმართველოში გამოკითხვაზე მივიდა.

გამოკითხვაზე შესვლამდე ინგა გრიგოლიამ  თქვა, რომ მისთვის უცნობი კაცი ემუქრება და შსს-ს მიმართავს, რომ დაიცვან. ჟურნალისტმა აღნიშნა, რომ პოლიციელებს მან წარსულშიც მიმართა, თუმცა, ამას არანაირი შედეგი არ მოჰყოლია და უკვე წლებია, ფსიქოლოგიური ზეწოლის ქვეშ ცხოვრობს. შსს-ში ინგა გრიგოლიას  ვიზიტს წინ უსწრებდა   ჟურნალისტის ფეისბუქ პოსტი, რომელშიც გრიგოლია აღნიშნავდა, რომ  უცნობი მამაკაცი  მას პირველად 2011 წელს, ციხიდან დაუკავშირდა, 2013 წლის ამნისტიის შედეგად კი საპატიმრო დატოვა და შევიწროება და მუქარა განაგრძო.  შინაგან საქმეთა სამინისტროს ცნობით გამოძიება მუქარის ფაქტზე არის დაწყებული (სსკ-ს 151-ე მუხლით).

 

დოდო გუგეშაშვილი შს მინისტრთან შეხვედრას ითხოვს (ახალი თაობა)

  გუგეშაშვილი ამბობს, რომ საკუთარ  ადვოკატთან ერთად  შვილის მკვლელობის საქმეში გარკვეული დეტალები გაარკვია და მცირე დროის შემდეგ სურს გახარიასთან შეხვედრა.

დოდო გუგეშაშვილი: გავარკვიეთ  საგამოძიებო  ორგანოსთან შეუთანხმებლად, გვაქვს ჩვენი ვარაუდები. 10 სამუშაო დღე გვჭირდება, რაღაც გარემოებასთან დაკავშირებით  მე და ჩემს ადვოკატს და ამის შემდეგ უკვე ბატონი გახარია შეგვიძლია ჩავაყენოთ საქმის კურსში.

 

 

 

 

 

 

პატივისცემით,

ნანა ჩინჩილაკაშვილი

სტრატეგიული კომუნიკაციის დეპარტამენტის უფროსი

საქართველოს გარემოს დაცვისა და სოფლის მეურნეობის სამინისტრო

მარშალ გელოვანის გამზირი 6. 0159 თბილისი

მობ: +995 599502619

E-mail: nana.chinchilakashvili@mepa.gov.ge

Web: www.mepa..gov.ge