მოგესალმებით ბატონო დავით,

შესათანხმებლად გიგზავნით ელ. მთავრობის პროგრამის საკითხებს:

1. ეკონომიკა 19251  - სს „სუფსა ენერჯის“ აღნაგობის უფლებით, 49 წლის ვადით გადაეცემა ჩოხატაურის მუნიციპალიტეტში მდებარე 9 ერთეული, ჯამში 18985 კვ.მ. არასასოფლო-სამეურნეო დანიშნულების მიწის ნაკვეთი, რაც ხელს შეუწყობს, ჩოხატაურის მუნიციპალიტეტში, მდინარე ბარამიძისწყალზე ჰიდროელექტროსადგური „ბარამიძისწყალის“ (ბარამიძე ჰესი) მშენებლობას.
2. ფინანსები 19225 - მაღალმთიან დასახლებებში ინფრასტრუქტურული ობიექტების რეაბილიტაციის მიზნით, მაღალმთიანი დასახლებების განვითარების ფონდიდან მუნიციპალიტეტებს გამოეყოფად 8 762 156  ლარი.
3. ფინანსები 19205 -  სოციალურად დაუცველი მოსახლეობის მიერ მოხმარებული ელექტროენერგიის ღირებულების ნაწილობრივი სუბსიდირების მიზნით, საქართველოს მთავრობის სარეზერვო ფონდიდან, საქართველოს შრომის, ჯანმრთელობისა და სოციალური დაცვის სამინისტროს გამოეყოფა 1 359 590.0 ლარი.
   პროექტი შესათანხმებლად გაიგზავნა ეკონომიკურ დეპარტამენტში, რაზეც შენიშვნები არ გააჩნიათ.
4. მთავრობა 19187 - სსიპ საქართველოს მეცნიერებათა ეროვნულ აკადემიას მიეცემა თანხმობა ოცდაექვსი კონდიციონერის შესყიდვაზე (27 655  ლარის ფარგლებში).

ხელმოსაწერი:

1. 19303 - პარლამენტს რატიფიცირებისათვის წარედგინება „დასაბეგრი ბაზის შემცირებისა და მოგების გადატანის აღკვეთის მიზნით საგადასახადო ხელშეკრულებასთან დაკავშირებული ღონისძიებების დანერგვის შესახებ“ მრავალმხრივი კონვენცია.
2. 19302 - საქართველოს პრეზიდენტს წარედგინება წინადადება 2018 წლის 1 ოქტომბრიდან გრიგორ ტაბატაძის იორდანიის ჰაშიმიტურ სამეფოში საქართველოს საგანგებო და სრულუფლებიანი ელჩის თანამდებობიდან გათავისუფლების შესახებ.

კანონპროექტი:

1.     19280 - პარლამენტის წევრები ზაზა გაბუნია, კახაბერ კუჭავა და ნინო წილოსანი

„საქართველოს ადმინისტრაციულ სამართალდარღვევათა კოდექსში ცვლილების შეტანის შესახებ“ ცვლილების პროექტი

პროექტი ითვალისწინებს  საქართველოს პარლამენტის 2018  წლის საგაზაფხულო სესიაზე განხორციელებული სხვა ცვლილებების ტექნიკურ ასახვას, რათა „საქართველოს  ადმინისტრაციულ სამართალდარღვევათა კოდექსის“ რიგ ნორმებში არ  მოხდეს გადაფარვა და  მოხდეს უკვე მიღებული კანონპროექტების შესაბამისობაში მოყვანა  იურიდიული ტექნიკისა და კოდიფიკაციის  თვალსაზრისით.

2.     განათლება 19265 - „საჯარო სამსახურის შესახებ“ ცვლილების პროექტი
საქართველოში არსებული ყველა საჯარო სამართლის იურიდიული პირის, მათ შორის საქართველოს განათლებისა და მეცნიერების, გარემოს დაცვისა და სოფლის მეურნეობის, ეკონომიკისა და მდგრადი განვითარების, კულტურისა და სპორტის და საგარეო საქმეთა სამინისტროების სისტემაში შემავალ საჯარო სამართლის იურიდიული პირების მიმართ, დაწესდება ერთგვაროვანი გარდამავალი პერიოდი - 2018 წლის 31 დეკემბრამდე.
3.        19272  - პარლამენტის წევრები: მარიამ ჯაში, გენადი მარგველაშვილი და სიმონ ნოზაძე
„ზოგადი განათლების შესახებ“ ცვლილების პროექტი -
პროექტის მიზანია, მასწავლებლის  საქმიანობის დაწყების, პროფესიული განვითარებისა და  კარიერული წინსვლის სქემისფარგლებში დაგეგმილი ცვლილებებისათვის  შესაბამისი სამართლებრივი საფუძველების შექმნა  და მასწავლებლის პროფესიაში შესვლის გზების გამრავალფეროვნების  აუცილებლობა.

პროექტი შესათანხმებლად გაიგზავნა სოციალურ დეპარტამენტში.

პატივისცემით,  

ნათია ხმალაძე