შინაგან საქმეთა სამინისტროს მიერ მომზადებული გზავნილები მეტროს ინციდენტთან დაკავშირებით გავრცელებულ კადრებზე:

·        სოც-ქსელში გავრცელებული კადრები, თითქოსდა მეტროში პოლიციელების მხრიდან რაიმე უკანონო ქმრდებას ჰქონდა ადგილი დაკავებული მოქალაქის მიმართ, რეალობას სრულიად აცდენილია, რაზეც შსს-მ შესაბამისი განცხადება უკვე გააკეთა. •შსს-ს განცხადებით აღნიშნულმა მოქალაქეებმა შეურაცხყოფა მიაყენეს პოლიციელს, როდესაც ის სხვა სამსაზურებრივ მოვალეობას ახორციელებდა.

·        გავრცელებულ ვიდეოში ასახულია მხოლოდ ამის შემდგომი მოვლენები. სადაც სხვათაშორის ასევე ნათლად ჩანს, თუ როგორი ცილისმწამებლური, პროვოკაციული და აგრესიული გამონათქვამებით ცდილობს მოქალაქე საზოგადოების ყურადღების მიქცევას.

· ყველამ უნდა იცოდეს, რომ პოლიციელის შეურაცხყოფა, მის მიმართ აგრესია, ან სამსახურებრივი უფლებამოსილების განხორციელებაში ხელის შეშლა ისჯება კანონით.

·  თუ გვსურს ვცხოვრობდეთ სამართლებრივ და უსაფრთხო გარემოში, ჩვენ აუცილებლად უნდა დავიცვათ, როგორც მოქალაქეების უფლებები, ასევე პატივი ვცეთ პოლიციელის პროფესიულ ვალდებულებას, რომ განახორციელოს თავისი კანონიერი უფლებამოსილება. სხვაგვარად ჩვენ დემოკრატიულ, სამართლებრივ სახელმწიფოს ვერ შევქმნით. პრობლემას არ წარმოადგენს ის ფაქტი, რომ რიგითმა მოქალაქემ მისთვის საინტერესო ეპიზოდი აღბეჭდა ვიდეოზე და ეს ვიდეო საკუთარ ფეისბუქ-გვერდზე განათავსა. პრობლემას წარმოადგენს საზოგადოების გარკვეული ნაწილის რეაქცია ამ ვიდეოზე, როდესაც მთლიანი სურათის დანახვის გარეშე საზოგადოების დიდი ნაწილი ბრალს სდებს პოლიციელებს უკანონო ქმედებაში. აღნიშნული არის შედეგი იმ ცილისმწამებლური კამპანიისა, რომელსაც საზოგადოების ცალკეული წევრები ეწევიან პოლიციელების წინააღმდეგ და რასაც ჩვენ ამ ბოლო პერიოდში ყველა ერთად ვხედავთ.

·   ამიტომ ყველას მოვუწოდებთ, თავი შეიკავონ მსგავსი სიცრუის ტირაჟირებისა და პოლიციელთა დისკრედიტაციის უსამართლო და მიზანმიმართული მცდელობისგან.