გზავნილი (დასაწყისი):

ხორავას ქუჩაზე მოხმდარი ტრაგედია  და ამ საქმეზე მიმდინარე გამოძიება თითოეული ჩვენგანისთვის და მთელი საზოგადოებისთვის ძალიან მნიშვნელოვანი და მგრძნობიარეა, თუმცა ყველა უნდა ვეცადოთ ემოციური მიდგომის ნაცვლად, მაქსიმალურად დავეხმაროთ სიმართლის დადგენას.

ბოლოდროინდელი მოვლენების შედეგად, ქმედითი და ძალიან მნიშვნელოვნი, შემდეგი ნაბიჯები გადაიდგა:

1)      შეიქმნა საპარლამენტო საგამოძიებო კომისია, რომელშიც უმცირესობა უმრავლესობით არის წარმოდგენილი. აღნიშნული ნაბიჯი სწორედ იმისთვის გადაიდგა, რომ არანაირი კითხვის ნიშანი არ არსებობდეს ხელისუფლების ინტერესებთან დაკავშირებით. აღნიშნული ფორმატი სწორედაც რომ გამორიცხავს მსგავს თეორიულ შესაძლებლობასაც კი.

კომისია უპრეცენდენტო მოვლენაა ჩვენი საპარლამენტო ცხოვრების პროცესში. ამ ფორმატს საკმაოდ დიდი მანდატი გააჩნია და უახლოეს მომავალში დეპუტატები ინტენსიურ მუშაობას დაიწყებენ.

2)       პარალელურად შსს-ში ინტენსიურად  მიმდინარეობს გამოძიება ხორავას საქმეზე შესაძლო მომხდარ შემთხვევასთან დაკავშირებით. გამოძიება დანაშაულის შესაძლო დაფარვის, გამოძიებასა და მოწმეებზე ზემოქმედებაზე.

შსს-ს მხრიდან უკვე არაერთი პირი დაიკითხა და დაკითხვის პროცესი კვლავაც გრძელდება. ყველას უნდა ესმოდეს, რომ საგამოძიებო  პროცედურებს დრო სჭირდება. ვერავინ იტყვის და არასერიოზულია რომ რამდენიმე დღეში შესაძლებელი იყოს ასეთი რთული და  კომპლექსური საქმის თითოეული დეტალის დადგენა.

3)      ძალიან მნიშვნელოვანია, რომ მთავარმა პრკურორმა გამოიჩინა პასუხისმგებლობის მაღალი სტანდარტი და თანამდებობა დატოვა. ეს ნაბიჯი ადასტურებს, რომ ჩვენი ხელისუფლებისთვის მთავარია ხალხის ნდობა და არა თანამდებობა.

 

მოგეხსენებათ, რომ კანონით დადგენილი პროცედურების შესაბამისად, მიმდინარეობს ახალი მთავარი პროკურორის არჩევის პროცესი.

 

4)      ამ მოვლენების პარალელურად, ჩვენ ვიცით, რომ საზოგადოების მხრიდან მიმდინარე გამოსვლების ფონზე,  აპოლიტიკური ახალგაზრდების ჯგუფმა, საკუთარი ინიციატივით  საზოგადოებრივი საგამოძიებო კომისია შექმნა, სადაც ზაზა სარალიძეც მიიწვიეს.

 

მისასალმებელია, რომ საზოგადოებრივი კონტროლის ეს ფორმატი თავად  საზოგადოებაშივე შეიქმნა. ჩვენ მხოლოდ მივესალმებით საზოგადოების კონსტრუქციულ და ჯანსაღ ჩართულობას მიმდინარე გამოძიების მონიტორინგის პროცესში.

5)      პროცესში აქტიურად არის ჩართული სახალხო დამცველის აპარატი. ომბუდსმენი თავის მხრივ აწარმოებს საქმის დამოუკიდებელ მოკვლევას და ამავდროულად გამოხატავს მზაობას, რომ აქტიურად ითანამშრომლებს  საპარლამენტო საგამოძიებო კომისიასთან.

ამ ყველაფრის ერთობლიობა გვაძლევს საფუძველს, რომ ეს საქმე ბოლომდე იქნება მიყვანილი, ისე, რომ არავის არანაირი კითხვის ნიშანი და უსამართლობის განცდა არ დარჩეს.