•           საქართველოს მთავრობის ძალისხმევით საერთაშორისო საზოგადოების მხრიდან მყისიერი გამოხმაურება მოჰყვა არჩილ ტატუნაშვილის საქმესა და საოკუპაციო რეჟიმის მხრიდან ორი მოქალაქისთვის თავისუფლების უკანონოდ აღკვეთის ფაქტს.

•           ამ ფაქტიდან მოყოლებული აღმასრულებელი და საკანონმდებლო ხელისუფლება ყველა შესაძლო ბერკეტს იყენებს გარდაცვლილის გადმოსასვენებლად და დაკავებული პირების საქართველოს კონტროლირებად ტერიტორიაზე გადმოსაყვანად.

•           ინფორმაციის გავრცელებიდან რამდენიმე წუთში სუს-მა ცხელი ხაზის მეშვეობით დე ფაქტო ხელისუფლების და რუსეთის საოკუპაციო ძალების მხრიდან კატეგორიულად მოითხოვა არჩილ ტატუნაშვილის გარდაცვალებისა და საქართველოს ორი უკანონოდ დაკავებული  მოქალაქის დაკავების შესახებ ზუსტი და ამომწურავი ინფორმაციის მიღება.

•           საქართველოს ხელისფულების წარმომადგენლები მყისიერად გამოეხმაურნენ ამ ტრაგიკულ ფაქტს.

•           განცხადებები გაკეთდა პრემიერის, პრეზიდენტის, თავდაცვის, საგარეო საქმეთა, შერიგებისა და სამოქალაქო თანასწორობისა და სხვა სამსინიტროების მხრიდან. მკაფიო პოზიციები დააფიქსირეს პარლამენტის წევრებმა .

•           მათ გარდაცვლილის  ოჯახს მიუსამძიმრეს და  საერთაშორისო საზოგადოებას არსებული ბერკეტების ასამოქმედებლად მიმართეს.

•           შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი ოკუპირებულ ცხინვალში გარდაცვლილი არჩილ ტატუნაშვილის ოჯახს ტრაგიკული შემთხვევის მეორე დღესვე შეხვდა.

 

საერთაშორისო თანამეგობრობასთან აქტიური კომუნიკაციის შედეგად:

•           ნატოს გენერალური მდივნის სპეციალური წარმომადგენელი ჯეიმს აპატურაი მყისიერად გამოეხმაურა მომხდარს და ქართულ მხარეს სრული მხარდაჭერა აღუთქვა;

•           მიხეილ ჯანელიძემ ჟენევაში არჩილ ტატუნაშვილის საკითხი დღის წესრიგში დააყენა, რასაც გაეროს ადამიანის უფლებათა უმაღლესი კომისრის ოფისის მკაფიო რეაქცია მოყვა. გაერო ტატუნაშვილის გარდაცვალების ფაქტების სარწმუნო და გამჭვირვალე გამოძიებას მოითხოვს და, მზადყოფნას გამოვთქვამს, მხარი დავუჭიროს ამ პროცესს.

•           საქართველოს პარლამენტის დელეგაცია ბრიუსელში გაემგზავრა. ბრიუსელში ვიზიტის ფარგლებში საქართველოს დელეგაციამ ევროპარლამენტარებთან ორმხრივი შეხვედრები გამართა, რომლის მთავარი თემა მომხდარი ტრაგიკული შემთხვევა იყო.

•           საქართველოს ხელისუფლების აქტიურობას მოჰყვა ევროკავშირის საგარეო პოლიტიკისა და უსაფრთხოების საკითხებში უმაღლესი წარმომადგენლის, ფედერიკა მოგერინისა და ლიტვის საგარეო საქმეთა მინისტრის, ლინას ლინკევიჩუსის განცხადებები.

•           ევროკავშირი მზად არის თავისი მონიტორინგის მისიის მეშვეობით (EUMM), მხარი დაუჭიროს მიმდინარე გამოძიებას. სრული მხარდაჭერა გამოაცხადა  ევროკავშირის წარმომადგენლობის ხელმძღვანელმა იანოშ ჰერმანმა.

•           ამერიკის და ბრიტანეთის საელჩო, გერმანიის საგარეო საქმეთა სამინისტრო, ლატვიის საგარეო საქმეთა სამინისტრო, ესტონეთის საგარეო საქმეთა სამინისტრო და საერთაშორისო თანამეგობრობის უდიდესი ნაწილი ერთსულოვანია და საქართველოს მთავრობას სრულ მხარდაჭერას უცხადებს. ავტორიტეტული საერთაშორისო ორგანიზები მზადყოფნას გამოთქვამენ მიმდინარე გამოძიებებს მხარი დაუჭირონ.

•           საერთაშორისო თანამეგობრობის სწრაფი და მკაფიო, პრინციპული რეაგირება ნათლად აჩვენებს, რომ მთავრობა ყველა შესაძლო ბერკეტს იყენებს შესაბამისი რეაგირებისთვის.

•           საგარეო და ძალოვანი  უწყებები უწყვეტ რეჟიმში მუშაობენ ყველა შესაძლო მხარესთან. რაც ყველაზე მნიშვნელოვანია, სამთავრობო უწყებები მუდმივ კონტაქტზე არიან გარდაცვლილის ოჯახის წევრებთან და მიმდინარე პროცესის შესახებ საქმის კურსში აყენებენ მათ.

•           გარდა საერთაშორისო აქტივობებისა, ლტოლვილთა და განსახლების მინისტრი  სოზარ სუბარი და მცხეთის მაჟორიტარი დიმიტრი ხუნდაძე მოსახლეობასა და ოჯახის წევრებს სოფელ ნატახტართან უშუალოდ შეხვდნენ.

•           პრემიერის დავალებით, შინაგან საქმეთა მინისტრი, გიორგი გახარია არჩილ ტატუნაშვილის მამას შეხვდა და მიაწოდა ინფორმაცია .

•           ყველას უნდა ახსოვდეს, რომ ჩვენი მოქალაქეების სიცოცხლისა და თავისუფლების ხელყოფის ნებისმიერ გამოვლინებაზე ჩვენ ხელისუფლება, საერთაშორისო თანამეგობრობასთან ერთად, ყველა არსებულ ბერკეტს გამოიყენებს და მოითხოვს უმკაცრეს რეაგირებას!