ხორავას ქუჩაზე მომხდარ ტრაგედიასთან დაკავშირებით:

- რა თქმა უნდა, ახალგაზრდა ადამიანების გარდაცვალება უდიდესი ტრაგედიაა. ჩვენი გუნდის თითოეული წევრი ვიზიარებთ იმ მოსაზრებას, რომ ასეთი რეზონანსული საქმე სრულყოფილად უნდა იქნას გამოძიებული და დარწმუნებული ვარ ჩვენი სამართალდამცავები ყველაფერს აკეთებენ და გააკეთებეს ამ მიზნის მისაღწევად.

- სამწუხაროდ ჩვენს ქვეყანაში აღარავის უკვირს, რომ ნაციონალური მოძრაობის წევრები, ასეთ ტრაგედიას, ადამიანების უბედურებას საკუთარი ვიწროპარტიული ინტერესებისთვის იყენებენ და ცდილობენ, საზოგადოების თვალში ქულები დაიწერონ - სწორედ ამას ეხებოდა კახა კალაძის მესიჯიც.

- რა თქმა უნდა, ქვეყანაში ძალიან დიდი ტრაგედია დატრიალდა, მაგრამ გირგვლიანისა და ამ კონკრეტული საქმის ერთმანეთთან გაიგივება ყოვლად დაუშვებელია. სანდრო გირგვლიანის წამება და მკვლელობა, სწორედ „ნაციონალური მოძრაობის“ კრიმინალური რეჟიმის ძალის დემონსტრირება იყო საკუთარი მოქალაქის წინააღმდეგ.

- ხორავას ქუჩაზე მომხდარი ტრაგედია, მოზარდებს შორის დაპირისპირების შედეგია, რაც ნამდვილად საზარელი შემთხვევაა და ზუსტად ვიცით, რომ შესაბამისი ინსტიტუციები ყველა კითხვაზე სათანადო, დასაბუთებულ პასუხს გასცემენ.

 

კახა კალაძის სტატუსზე კითხვის დასმის შემთხვევაში:

- კახი კალაძის სტატუსი, არანაირად არ გულისხმობს გირგვლიანისა და ამ კონკრეტული საქმის ერთმანეთთან გაიგივებას - ორივეში უდიდესი ადამიანური ტრაგედიაა, მაგრამ სწორედ ხელისუფლების რეაგირების ნაწილი აჩვენებს იმ რადიკალურ განსხვავებას, რაც არსებობს ჩვენსა და ჩვენი წინამორბედებს შორის.

- გირგვლიანი იყო მაშინდელი ხელისუფლების პირდაპირი ძალადობა ადამიანზე - რომელსაც ხელისუფლების ცინიკური დამოკიდებულება მოჰყვა. ხორავას ქუჩაზე მოხდა ტრაგიკული ფაქტი მოზარდებს შორის და ხელისუფლება ყველაფერს აკეთებს, რომ ყველა კითხვას პასუხი გაეცეს და ღიაა ნებისმიერი კომუნიკაციისთვის.

 

დამატებითი გზავნილი ხორავას ქუჩაზე მომხდარ ტრაგედიასთან დაკავშირებით:

 - სამარცხვინოა, როდესაც „ნაციონალური მოძრაობის“ ძალადობრივი რეჟიმი, რომლისთვისაც ადამიანის სიცოცხლე არანაირ ღირებულებას არ წარმოადგენდა, დღეს უკვე კონკრეტული ადამიანების პირადი ტრაგედიით მანიპულირებს და პოლიტიკური ქულების ჩაწერას ცდილობს.

- ბუნებრივია, რომ საზოგადოება განსაკუთრებით სენსიტიურია მოზარდებს შორის მომხდარი ასეთი ტრაგიკული შემთხვევების დროს და სწრაფად ითხოვს პასუხებს. თუმცა, ყველას კარგად უნდა გვესმოდეს, რომ ასეთი საქმეების რეალური და სწორი გამოძიება დროს მოითხოვს.

- ყველას კარგად ახსოვს საქმეებს ვითომდა 1 და 2 კვირაში გამოძიების პრაქტიკა ამ ქვეყანაში, როცა რეალურად ყველამ წინასწარ იცოდა რა შედეგი უნდა დაედო პროკრუატურას და არანაირი გამოძიება არ ხდებოდა.

- ჩვენი ხელისულება გამორჩეულად ღიაა ურთიერთობისა და კომუნიკაციისთვის. ჩვენი ხელისუფლების წარმომადგენლები, იქნება ეს საპარლამენტო თუ სხვა, მზადაა ბუნებრივია შეხვდეს ნებისმიერ პირს, რომელსაც მსგავსი ტრაგედია შეეხო.

- პროკურატურაც, ბუნებრივია, მზად არის შეხვდეს ამ საკითხით დაინტერესებულ ადამიანებს, თუმცა ეს შეხვედრა საქმეზე უნდა იყოს ორიენტირებული და მიზნად არ უნდა ისახავდეს სხვადასხვა ანგაჟირებული ჯგუფების მიერ ტრაგედიით მანიპულირებას და პოლიტიკური ან სატელევიზიო შოუს დადგმას.