გზავნილი:

•         საუბარი, თითქოს „ოთხოზორია-ტატუნაშვილის სია“ ჟენევის პროცესს რაიმე ფორმით საფრთხეს უქმნის სრული აბსურდია. რეალურად, პროცესს საფრთხე მხოლოდ რუსეთის მხრიდან საერთაშორისოდ ნაკისრი ვალდებულებების შეუსრულებლობითა და იმ დესტრუქციული ქმედებებით ექმნება, რომელსაც საოკუპაციო რეჟიმის წარმომადგენლები ჟენევის დისკუსიების მსვლელობის დროს მიმართავენ.

•         „ტატუნაშვილი-ოთხოზორიას სია“ სწორედ იმ განუკითხაობის შედეგია, რომელსაც ოკუპირებულ ტერიტორიებზე აქვს ადგილი. შელახულია ადამინის უფლებები, მათ შორის უმთავრესი, სიცოცხლის უფლება და ეთნიკური ნიშნით  ნებისმიერი სახის დანაშაულია წახალისებული.

•         აღსანიშნავია, რომ საერთაშორისო მონიტორებს ოკუპირებულ ტერიტორიაზე შესვლისა და მონიტორინგის განხორციელების შესაძლებლობა არ აქვთ. ამ ფონზე კი საქართველოს ქმედებები კონფლიქტის მოწესრიგების კუთხით თანმიმდევრული და საერთაშორისო ვალდებულებების შესაბამისია.

•         რაც შეეხება სიის შემადგენლობაზე ოპოზიციური ძალების უპასუხისმგებლო და პოპულისტურ განცხადებებს, არსებობს კონკრეტული პირობები, რომლის მიხედვითაც შედგა სია:

1.    სიაში შესული პირი ბრალდებული ან მსჯავრდებული უნდა იყოს.

2.    მითითებული უნდა იყოს სისხლის სამართლის კონკრეტული მუხლი.

3.    დანაშაული ჩადენილი უნდა იყოს ოკუპირებულ ტერიტორიებზე.

აქედან გამომდინარე ხელისუფლება საკუთარი შეხედულებისამებრ ვერ იხელმძღვანელებდა.

•       სიის შედგენის საფუძველი არა რომელიმე პოლიტიკური ძალის შეხედულებები  თუ ეთნიკურ ნიშნით წარმოავლობა,  არამედ სამართალდამცავების მიერ მოწოდებული კონკრეტული სისხლის სამართლის საქმეები და  მტკიცებულებები გახდა.

•       რა თქმა უნდა, ყველა ამ სამართალდარღვევაზე, ასევე იმ ფაქტზე, რომ საქართველოს ოკუპირებულ ტერიტორიებზე სამართლის აღსრულება ვერ ხორციელდება პასუხისმგებლობა რუსეთს და მთლიანად საოკუპაციო რეჟიმს ეკისრება.

•       რაც შეეხება სიაში გარდაცვლილი პირების მოხვედრას: თუ მათი გარდაცვალების შესახებ ოფიციალური დასტური არ არსებობს, აღნიშნული პირების სიიდან ამოღება ვერ მოხდება.

•       ხაგასმით უნდა აღინიშნოს, რომ სია არ არის დახურული, სხვადასხვა საქმეზე მიმდინარეობს გამოძიება და, შესაძლოა, მომავალში მისი შემადგენლობა კიდევ უფრო გაფართოვდეს. ეს არის პირველი ნაბიჯი და სამომავლოდ სიას არამხოლოდ დანაშაულის ჩამდენი პირები, არამედ ის ადამიანებიც დაემატებიან, რომლებიც დანაშაულს ფარავენ.

•          შესაბამისად, ოპოზიციური ძალების მხრიდან „ოთხოზორია-ტატუნაშვილის“ სიასთან დაკავშირებით სპეკულაციები სრულიად გაცდენილია როგორც, პოლიტიკურ, ისე მორალურ ჩარჩოებს. დაუშვებელია, რომ ასეთ სენსიტიურ საკითხთან დაკავშირებით რიგი ძალები მოსახლეობის შეცდომაში შეყვანასა და პოლიტიკური ქულების დაწერას ცდილობენ.