ბატონო დავით, შეთანხმებისამებრ გიგზავნით, გერმანიის ქ. ბრემენში მდებარე ლაბორატორიაში ( InphA), გადაგზავნილი საქართველოს ბაზარზე დაშვებული (მიმოქცევაში არსებული) 12 დასახელების ფარმაცევტული პროდუქტის ლაბორატორიული კვლევის შედეგებს. ექსპერტიზის დასკვნების თანახმად, 4 დასახელების სამკურნალო საშუალება არ შეესაბამება ხარისხის სტანდარტებს. კერძოდ:

1.      ვარფარინი-ჰუმანითი 2,5 მგ.    N10 ტაბ; მწარმოებელი „Celogen gemerics Privatwe limited” - ინდოეთი, სავაჭრო ლიცენზიის მფლობელი „ჰუმანითი საქართველო“, სერია 160052. აღწერილობითი (ვიზუალური დათვალიერება), ხსნადობის (I ფაზა), დოზირების ერთგვაროვნებისა და რაოდენობრივი განსაზღვრის ტესტებით მიღებული პარამეტრებით, არ შეესაბამება სტანდარტით განსაზღვრულ მონაცემებს;

2.  სალუფონ-ჰუმანითი (ცეტირიზინი) 10 მგ. N20 ტაბ; მწარმოებელი „ Unimax Laboratories” - ინდოეთი, სავაჭრო ლიცენზიის მფლობელი „ჰუმანითი საქართველო“, სერია 6625. ხსნადობისა (I ფაზა) და მინარევების შემცველობის განსაზღვრის ტესტებით მიღებული პარამეტრებით, არ შეესაბამება სტანდარტით განსაზღვრულ მონაცემებს;

3.      კაპტოპრილი 25 მგ. N30 ტაბ; მწარმოებელი „გამა“ - საქართველო, სერია 1415123. მინარევების შემცველობის განსაზღვრის ტესტით მიღებული პარამეტრებით, არ შეესაბამება სტანდარტით განსაზღვრულ მონაცემებს. ასევე ხსნადობის ტესტის ჩატარება შეუძლებელია მწარმოებლის მიერ წარმოდგენილი მეთოდით.

4.   სილტეგრა (სილდენაფილი) 100 მგ. N4 ტაბ; მწარმოებელი “SR Medicare” ინდოეთი, სერია SM 511. ხსნადობისა (I ფაზა) და მინარევების შემცველობის განსაზღვრის ტესტებით მიღებული პარამეტრებით, არ შეესაბამება სტანდარტით განსაზღვრულ მონაცემებს.

დანართის სახით წარმოგიდგენთ ექსპერტიზის დასკვნებს.

პატივისცემით,