მოგესალმებით,

მეც გილოცავთ განვლილ დღესასწაულებს, წარმატებული წელი გვქონოდეს!

10 დღეა გვაქვს მოლაპარაკებები სამხარაულთან, წარმოიშვა გარკვეული პრობლემები, დღეს დილით გვქონდა შეხვედრა ბადრი ლეფსაიასთან (სამხარაულის საინჟინრინრო ექსპერტიზის ინსტიტუტის ხელმძღვანელი).

სიტუაცია არის შემდეგი:

• ჩვენ 28 დეკემბერს ჩავაბარეთ განაცხადი ექსპერტიზაზე;
  
• 9 იანვარს დაგვიბარეს შეხვედრაზე, გვითხრეს ჩვენ კი შეგპირდით 1 თვეს, მაგრამ არ გამოვაო. მოგვთხოვეს თორმეტსართულიანი შენობის სართულების მიხედვით აზომვითი ნახაზი და პროექტის კონსტრუქციული ნაწილი, ასევე შეგვპირდნენ რომ თვითონაც მოიძიებდნენ თუ რაიმე მასალა ჰქონდათ უკვე ჩატარებულ კვლევაზე;
  
• მიუხედავად ბევრი მცდელობისა (ცენტრალური არქივი, თბილისის არქივი, საჯარო რეესტრის ტექბიუროს არქივი, ეკონომიკის სამინისტრო, კლინიკის არქივი) ამ ეტაპზე პროექტის კონსტრუქციული ნაწილი ვერ მოვიპოვეთ, მხოლოდ ტექბიუროს არქივში ვნახეთ აზომვითი ნახაზები სართულების მიხედვით, დავასკანერეთ და ჩავაბარეთ სამხარაულს;
  
• დღეს ლეფსაიამ საუბარში მითხრა, რომ მათ არანაირი მასალა ამ მიმართულებით არ აქვთ. სავარაუდოდ, მათგარეშე 2005-2006 წლებში ჩატარებულია შენობის ტექნიკური გამოკვლევა და შესაძლოა ეს დოკუმენტი და კონსტრუქციული ნაწილიც ჰქონდეს ბლოკ-ჯორჯიასო, ასევე გვითხრა კიდევ სხვა საპროექტო შპს-ც. ვესაუბრეთ სოსო ბარნაბიშვილსაც, მე ეს მასალები არ მაქვსო.

• იმ შემთხვევაში თუ ვერ მოვიპოვეთ კონსტრუქციული ნაწილი და ტექნიკური მდგომარეობის დასკვნა, სამხარაული იწყებს ყველაფერს თავიდან, აკეთებს გეოლოგიას, ასევე პარალელურად კონსტრუქციების შესწავლას, რასაც ჯამში მინიმუმ 2 თვე დაჭირდება;
  
• იმ შემთხვევაში თუ მოვიპოვეთ კონსტრუქციული ნაწილი ან შენობის ადრე ჩატარებული ტექნიკური კვლევა, დასკვნა გვექნება 3 კვირაში;

პატივისცემით,

თეა