აშშ-ს სახელმწიფო დეპარტამენტის ანგარიშიდან: "სიტყვისა და გამოხატვის თავისუფლება - 
იმის მიუხედავად, რომ საზოგადოება, ჩვეულებრივ თავისუფალია რეპრესიების გარეშე აკრიტიკოს ხელისუფლება, არასამთავრობო ორგანიზაციებმა გამოხატეს წუხილი, რომ ხელისუფლებისა და ყოფილი ხელისუფლების ჩინოვნიკების საჯარო კრიტიკამ და მათ შორის, ამ ორგანიზაციების ლიდერების მოწოდებამ ცალკეული საქმეების გამოძიების შესახებ, ჟურნალისტები და სამოქალაქო საზოგადოების წარმომადგენლები თვითცენზურამდე მიიყვანა"
ანუ არასამთავრობოებმა წუხილი გამოხატესო, რომ ახლანდელი და ყოფილი ჩინოვნიკები დაზაფრეს ჟურნალისტებიო

2017-03-01 12:31 GMT+04:00 INFORM.B INFORM.B <inform.ge@gmail.com>:

საერთაშორისო სავალუტო ფონდის ორკვირიანი მისიის შეჯამებასთან დაკავშირებით:

მოლაპარაკებები საქართველოს მთავრობას, ეროვნული ბანკსა და საერთაშორისო სავალუტო ფონდის მისიას შორის ახალი პროგრამის „გაფართოებული დაფინანსების მექანიზმის“ შესახებ წარმატებით დასრულდა.

· ორი კვირის განმავლობაში სავალუტო ფონდთან კონსულტაციები დატვირთულ რეჟიმში მიმდინარეობდა ხელისუფლების ეკონომიკური გუნდის წარმომადგენლებთან, რაც საბოლოო ჯამში პროდუქტიული შედეგით დასრულდა. კონსულტაციებისას ქართულმა მხარემ წარმოადგინა დამაჯერებელი და ამომწურავი არგუმენტები მიმდინარე და დაგეგმილი ეკონომიკური რეფორმების შესახებ.

·  მნიშვნელოვანია, რომ სავალუტო ფონდმა გაიზიარა საქართველოს მთავრობის ხედვა ეკონომიკის განვითარების შესახებ, რაც აისახება თანამშრომლობის სამწლიან პროგრამაში. 

· სავალუტო ფონდთან  ახალი პროგრამის დაწყება საქართველოს მისცემს შესაძლებლობას, სხვა საერთაშორისო დონორ და საფინანსო ინსტიტუტებთან უფრო მეტად გააღრმავოს თანამშრომლობა ქვეყანაში რეფორმების მხარდაჭერისა და რაც განსაკუთრებით მნიშვნელოვანია, მასშტაბური ინფრასტრუქტურული პროექტების ინვესტირების მიმართულებით.

·  ფონდის ახალი პროგრამის დაწყება კარგი სიგნალია საერთაშორისო ინვესტორებისთვის, რათა მათ საქართველოში გააბანდონ კაპიტალი, აამოქმედონ ახალი საწარმოები და შექმნან ახალი სამუშაო ადგილები. 

· სავალუტო ფონდის გადაწყვეტილებები უმნიშვნელოვანესია საქართველოსა და სხვა საერთაშორისო საფინანსო ორგანიზაციების თანამშრომლობის განვითარებისთვის.

· სავალუტო ფონდის ახალი პროგრამა უახლოესი სამი წლის განმავლობაში საქართველოს მთავრობის ეკონომიკური პოლიტიკის მხარდასაჭერად იქნა ინიცირებული.

· მნიშვნელოვანია, რომ სავალუტო ფონდის მისიამ სრულად გაიზიარა და მხარი დაუჭირა საქართველოს მთავრობის ეკონომიკურ პოლიტიკას, რომელიც ქვეყანაში მდგრადი ეკონომიკური ზრდას უზრუნველყოფს. 

·   საყურადსაღებოა ის გარემოება, რომ ფონდის ახალი პროგრამა მთავრობის რეფორმების ოთხპუნქტიან გეგმას ეფუძნება.

· პროგრამის ფარგლებში სავალუტო ფონდი იქნება ჩვენი ქვეყნის პარტნიორი მთავრობის ეკონომიკური პოლიტიკის გატარებაში.

·    ფონდის მისიამ მოიწონა მთავრობის ეკონომიკური და სტრუქტურული რეფორმები, რომელთა მიზანია  მაკროეკონომიკური სტაბილურობის შენარჩუნება და ეკონომიკური ზრდის მხარდაჭერა.

· პროგრამის ფარგლებში მთავრობა ქვეყნის ეკონომიკური ზრდისათვის უმნიშვნელოვანეს სტრუქტურულ რეფორმებს განახორციელებს.

· მნიშვნელოვანია, რომ სავალუტო ფონდმა მხარი დაუჭირა უმნიშვნელოვანესი რეფორმების განხორციელებას, მათ შორისაა, საპენსიო რეფორმა, კაპიტალის ბაზრის რეფორმა, დეპოზიტების დაზღვევის სისტემის შექმნა, მიწის რეფორმა, კერძო და საჯარო თანამშრომლობის სისტემის შექმნა და სხვ.

·  სავალუტო ფონდის მხარდაჭერა მნიშვნელოვნად დაეხმარება საქართველოს მთავრობას დასახული სტრატეგიული მიზნების მიღწევაში.

·  ძალიან მნიშვნელოვანია, რომ სავალუტო ფონდის შეფასებით ფისკალური რეფორმებისა და ზრდის ხელშემწყობი ღონისძიებების ფონზე, 2017 წელს 4 პროცენტიანი ეკონომიკური ზრდა მიღწევადია.  

 

 

ინფორმაციისთვის:

ორკვირიანი სამუშაო ვიზიტის ფარგლებში, საქართველოს მთავრობამ, ეროვნულ ბანკთან ერთად ნაყოფიერად იმუშავა სავალუტო ფონდის მისიასთან, რომლის დროსაც განხილულ იქნა  საქართველოში საერთაშორისო სავალუტო ფონდის მისიის მუშაობის საკითხები, ქვეყნის ფისკალური და მონეტარული პოლიტიკის ძირითადი მიმართულებები, ასევე, ყურადღება გამახვილდა საქართველოს ეკონომიკურ მაჩვენებლებზე და განხორციელებულ და მიმდინარე ფისკალურ და სტრუქტურულ რეფორმებზე. ფონდის მისიასთან შეხვედრებზე, კიდევ ერთხელ ხაზი გაესვა საქართველოს მაკროეკონომიკური სტაბილურობის მიღწევისა და ეკონომიკის გაჯანსაღების მიმართულებით საერთაშორისო სავალუტო ფონდის მხარდაჭერის აუცილებლობას;

მისიის დროს მხარეებმა განიხილეს ისეთი მნიშვნელოვანი თემები, როგორიცაა: მონეტარული და ფისკალური ინსტრუმენტების ურთიერთქმედება, საგადასახადო და ინსტიტუციური რეფორმების მიმდინარეობა, საშუალოვადიან და გრძელვადიან პერიოდში დაგეგმილი მაკროეკონომიკური პარამეტრები, 2017 წლის ბიუჯეტის შესრულება, ქვეყნის ეკონომიკაში არსებული მდგომარეობა და სამომავლო პერსპექტივა;

სავალუტო ფონდის მისიასთან გამართულ შეხვედრებზე კიდევ ერთხელ აღინიშნა მთავრობის  4-პუნქტიანი გეგმისა და 2017 წელს ქვეყნის ფისკალური სტაბილურობის და სწრაფი ეკონომიკური განვითარების უზრუნველსაყოფად, ბიუჯეტში დამატებითი რესურსების მობილიზების მიმართულებით საგადასახადო კანონმდებლობაში განხორციელებული ცვლილებების მნიშვნელობა (მოგების გადასახადის რეფორმა, შემოსავლების მობილიზების კუთხით განხორციელებული რეფორმები) რომელიც ითვალისწინებს ჩვენი ქვეყნის ეკონომიკის აქსელერაციას,

ბიზნესის მხარდაჭერას (მოგების გადასახადის რეფორმა) გადასახადების მიმართულებით, ასევე ხარჯების შემცირების მიმართულებით მთავრობის მხრიდან გადადგმულ კონკრეტული ნაბიჯები და შედეგები, რომელიც  ემსახურება ძირითად მიზანს - ქვეყნის სწრაფ ეკონომიკურ ზრდას, მოსახლეობის კეთილდღეობის უზრუნველყოფას; 

განსაკუთრებით უნდა აღინიშნოს, რომ საქართველოს მთავრობისა და ეროვნული ბანკის ეკონომიკური და ფინანსური პოლიტიკის მხარდამჭერ პროგრამაში (EFF), რომელზედაც მისიის განმავლობაში მიმდინარეობდა მუშაობა, მთლიანად ასახულია ქვეყნის ეკონომიკური ზრდის დაჩქარებისა და მაკროეკონომიკური სტაბილურობისთვის საქართველოს მთავრობის მიერ განხორციელებული რეფორმები, მთავრობის 4-პუნქტიანი გეგმით გათვალისწინებულ ღონისძიებები და აღნიშნული პროგრამის მიზანია, საქართველოს მთავრობის 4-პუნქტიანი გეგმის ფარგლებში განხორციელებული სტრუქტურული რეფორმების მხარდაჭერა მაკროსტაბილურობის უზრუნველყოფის პირობებში.  ფონდი მიესალმება საქართველოს მთავრობის აღნიშნულ რეფორმებს  და ეკონომიკური და ფინანსური პოლიტიკის მემორანდუმში  აღნიშნავს, რომ ფისკალური რეფორმებისა და ზრდის ხელშემწყობი ღონისძიებების ფონზე ქვეყნის მთავრობა და ეროვნული ბანკი შეძლებენ პროგნოზირებულ ეკონომიკური ზრდის მიღწევას,  ბიუჯეტის დეფიციტის მართვას,  მოგების გადასახადის რეფორმის წარმატებით იმპლემენტაციას,  საშუალოვადიან პერიოდში ინფლაციის სამიზნე მაჩვენებელთან შესაბამისობაში მოქცევას. ამავე დროს,  განხორციელებული ფისკალური რეფორმების შედეგად, ბიუჯეტში დაგეგმილი შემოსავლების მობილიზებას და რეგიონში არსებული რთული ეკონომიკური ვითარების მიუხედავად, ლიდერი ქვეყნის პოზიციების შენარჩუნებას ეკონომიკური ზრდის მიმართულებით. სავალუტო ფონდი მიესალმება მთავრობის მიერ განხორციელებულ ნაბიჯებს, რომელიც ითვალისწინებს აქცენტის გადატანას მიმდინარე ხარჯებიდან კაპიტალურ ხარჯებზე.

მისიის დროს გამართული შეხვედრებისას ხაზი გაესვა საქართველოს მთავრობის 4-პუნქტიანი გეგმის მნიშვნელობას და ეფექტურობას ქვეყანაში ეკონომიკური ზრდის დაჩქარების მიმართულებით. სწორედ 4-პუნქტიანი გეგმა ითვალისწინებს  ეკონომიკურ რეფორმას, განათლების რეფორმას, სივრცითი მოწყობის გეგმას და საჯარო მმართველობის რეფორმას. ყველა ეს ოთხი კომპონენტი აუცილებელია ქვეყნისათვის სასურველი შედეგის მისაღწევად. სივრცითი მოწყობის გეგმა მთავრობის ოთხპუნქტიანი რეფორმების გეგმის ყველაზე მასშტაბური კომპონენტია. სივრცითი მოწყობა  რაციონალურ, მდგრად და დაბალანსებულ დაგეგმვას, ასევე, ტრანსპორტის, მშენებლობის, ენერგეტიკის, ტურიზმის, წარმოების და სხვა სექტორების ინტეგრირებულ და ტერიტორიულ განვითარებას, ქალაქებსა და სოფლებს შორის კავშირების გაუმჯობესებას ითვალისწინებს. სწორი სივრცითი დაგეგმარება, რეგიონებში თანაბარი ეკონომიკური განვითარების სტიმულირებას შეუწყობს ხელს, ხოლო ქვეყანას, არსებული პოტენციალის სრულად რეალიზების საშუალებას მისცემს. სივრცითი მოწყობის გეგმის განხორციელება ქვეყანაში, ეკონომიკური და სოციალური მდგომარეობის გაუმჯობესებასთან ერთად, ინვესტიციების და განვითარებისთვის სტაბილურ გარემოს უზრუნველყოფს. განათლების რეფორმა ითვალისწინებს სახელმწიფო რესურსების განაწილებას იმ ძირითად მიმართულებებზე, რომლებზეც დღეს შეინიშნება მზარდი მოთხოვნა და ამავე დროს მომავალ წლებში იქნება მზარდი მოთხოვნა ქვეყნის ეკონომიკაში. ეკონომიკური რეფორმების პაკეტი ორიენტირებულია კერძო სექტორის მაქსიმალურ წახალისებასა და მის გაძლიერებაზე. საჯარო მმართველობის რეფორმა აუცილებელია კერძო სექტორისათვის სერვისების გაუმჯობესებისათვის.

სავალუტო ფონდი მიესალმება აღნიშნული გეგმით დაგეგმილი ღონისძიებების განხორციელებას და მათი შეფასებით, თუ მოხდება 2017 წლის ბიუჯეტით გათვალისწინებული ღონისძიებების ეფექტურად განხორციელება (შემოსავლების მობილიზების მიმართულებით, ხარჯების კუთხით, ბიუჯეტის დეფიციტის მართვა) საგადასახადო კუთხით განხორციელებული რეფორმების წარმატებით იმპლემენტაცია, შესაძლებელია ქვეყნის ეკონომიკური ზრდის უზრუნველყოფა, რაც ნიშნავს ახალი სამუშაო ადგილების შექმნას, მოსახლეობის კეთილდღეობის ზრდას.

საქართველოს ფინანსთა სამინისტრო აქტიურად პარტნიორობს საერთაშორისო სავალუტო ფონდის  ფისკალურ დეპარტამენტთან და ხდება მათი რეკომენდაციების გათვალისწინება, რათა ჩვენ მიერ შემუშავებული საგადასახადო პოლიტიკა შესაბამისობაში იყოს მოყვანილი საერთაშორისო სავალუტო ფონდის წინადადებებთან და რეკომენდაციებთან; 

უნდა აღინიშნოს, რომ ქვეყნის ეკონომიკური ზრდის ტემპის შეფასებისას, აუცილებელია რეგიონში არსებული ვითარების გათვალისწინება, რადგან რეგიონის მასშტაბით ეკონომიკური ზრდის ტენდენციები ნებისმიერ ქვეყანაზე ახდენს გავლენას, თუმცა საქართველოს მთავრობის 2017 წლის ძირითადი ეკონომიკური და ფინანსური ინდიკატორები ოპტიმისტური სცენარით დაგეგმა 4%-იან ზრდაზე და დაგეგმილი რეფორმები სწორედ უზრუნველყოფს ეკონომიკური ზრდის ტემპის დაჩქარებას;

საქართველოს მთავრობა და ეროვნული ბანკი გააგრძელებენ აქტიურ კომუნიკაციას სავალუტო ფონდთან საშუალოვადიან და გრძელვადიან პერიოდში ქვეყანაში დაგეგმილი რეფორმებისა და მაკროეკონომიკური პარამეტრების მხარდაჭერის მიმართულებით.