მოგესალმებით ბატონო დავით და კიდევ ერთხელ მოგილოცავთ ახალ 2018 წელს.
დიახ დაახლოებით საქმის კურსში ვარ ამ პრობლემის. ვეცდებით დეტალურად გავერკვიოთ, ჩამოვყალიბდეთ და მოგახსენებთ.
მიუხედავად იმისა როგორც ბრძანებთ 2006 წლიდან ეს პრობლემა გამოვიდა ჯანდაცვის კომპეტენციიდან და სამწუხაროდ ადამიანური რესურსის სერიოზული დეფიციტია ამ მიმართებით როგორც ჩვენთან, ისე მთლიანად ქვეყანაში მაინც რაღაცა რომ "მწვავდება" ისევ ჯანდაცვას მიმართავენ და სასურველია გავაძლიეროთ ამ მხრივ მუშაობა.
2018-ში ჩვენი კომეტენციის ფარგლებში ტყვიაზე გარკვეულ აქტივობებს ვაპირებთ. მინდა რომ საქმის კურში იყოთ და რაღაცა დროს იქნებ უფრო დეტალურად გავიაროთ:
1. დეკებმერში დავიწყეთ ისევ იაშვილის ბაზაზე იმ ბავშვების სისხლში ტყვიის კონცენტრაციის გადამოწმება, რომლებიც ჩართული იყვნენ 2015-ის კვლევაში და ჰქონდათ მომატებული რაოდენობა (80-მდეა ასეთი და ვნახოთ რამდენი მოვა, აქტიურად იწვევენ კვლევაზე, უკვე 20-მდე იქნა გამოკვლეული). გარდა ადგილზე კვლევისა მათი სისხლი გაიგზავნება ატლანტაში (CDC) უფრო მაღალტექნოლოგიური მეთოდით კვლევისთის. ვისაც ექნება მომატებული რაოდენობა მათი გარემოს სინჯებიც იქნება გამოკვლეული (ჰაერი, კედლების ჩამონაფხეკი და ა.შ.) , რასაც გააკეთებენ გარემოს სააგენტო და სურსათის უვნებლობის სააგენტო;
2. მოლაპარაკებები მიმდინარეობს ამერიკის CDC თან და ალბათ მომავალი კვირის დასაწყისში გვექნება პასუხი დაახლოებით რა რაოდენობის ტესტ-სისტემების მოწოდება შეეძლებათ და რა პირობებით (ჰუმანიტარულად თუ ანაზღაურებით), რომ გარკვეული კატეგორიების ბავშვეში (კრიტერიუმებზე ვმუშაობთ) დავიწყოთ სკრინინგი.
3. ასევე CDC-თან ვმუშაობთ, რომ ტყვია დაემატოს იმ სენტინელურ კვლევებს, რომლითაც ვსწავლობთ ბავშვებისა და ორსულების ნუტრიციოლოგიურ სტატუსს.
4. თითქმის გადაწყვეტილია, რომ ტყვიის კომპონენტი ჩაჯდება 2018-ში UNICEF-ის მიერ დაფინანსებულ ე.წ. მიქს კვლევაში (მულტიინდიკატორული კვლევა ბავშვებში), რომელიც მოგვცემს სრულ სურათს თუ რა მაშტაბის პრობლემასთან გვქვს საქმე ქვეყანაში ტყვიის ქრონიკული ინტოქსიკაციის თვალსაზრისით.
5 ამ ყველაფრის პარალელურად გაგრძელდება საინფორმაციო-საგანმანათლებლო კამპანიები.
წინა კვირაში ყველა ამ პრობლემასთან დაკავშირებით მქონდა შეხვედრა ამ საკითხთან დაკავშირებულ ექსპერტებთან (ტოქსიკოლოგები, გარემოს ჰიგიენის სპეციალისტები და სხვა) მაგრამ ვფიქრობ სასურველია დაიგეგმოს თქვენთან შეხვედრის, რათა უფრო მაღალ რეგისტრში წარმოჩინდეს პრობლემა და დაისახოს სამოქმედო გეგმა.
პატივისცემით