მედიამონიტორინგი 1 5.01.2018
ტელევიზია
14.01.2018
არხი: იმედი
გადაცემა: იმედის კვირა
მოსახლეობის მეხუთედზე მეტი ხანდაზმულია. დაბერების მაჩვენებელი ყოველწლიურად იზრდება. შესაბამისად, სახელმწიფომ დროულად უნდა შეიმუშაოს ეფექტური პროგრამა, რომელიც ღირსეულ სიბერეზე იქნება ორიენტირებული. დედაქალაქის ქუჩებზე მრავლად შეხვდებით ხანდაზმულებს, რომლებიც სოციალურ დაჭირვებას, არასაკმარის პენსიას, ჯანმრთელობის პრობლემებს და სიბერეს თავშესაფარში მისვლით ცდილობენ გაუმკლავდნენ, თუმცა გადატვირთულობის გამო პანსიონატების კარი მათთვის ხშირ შემთხვევაში დაკეტილია. პრობლემებია რეგიონშიც. ბათუმში - 15, ქობულეთში კი 22 მოხუცი ითხოვს თავშესაფარში გადაყვანას.
http://mediamonitoring.ge/mms/includes/video/video.php?id=4978309
---
14.01.2018
არხი: რუსთავი 2
გადაცემა: კურიერი 18:00
ონკოლოგიური ავადმყოფი, პენსიონერი ეთერ ზარქუა, სოციალური დახმარების აღდგენას რამდენიმე თვეა, უშედეგოდ ითხოვს. ერთადერთი საარსებო წყარო პენსიონერს მისთვის გაურკვეველი მიზეზებით შეუწყდა.
http://mediamonitoring.ge/mms/includes/video/video.php?id=4978264
---
13.01.2018
არხი: I არხი
გადაცემა: მოამბე 21:00
ვინ უნდა უზრუნველყოს მშენებლობებზე დასაქმებულთა უსაფრთხოება და ვის ეკისრება პასუხისმგებლობა უბედურ შემთხვევებზე – ეს არის მთავარი კითხვა, რომელიც ამ დრომდე პასუხგაუცემელია. ბოლო ერთი თვის განმავლობაში მარტო ქუთაისში ობიექტებზე მუშაობისას 3 ადამიანი დაიღუპა. გარდაცვლილთა ოჯახები და შრომის ინსპექციის წარმომადგენლები უმძიმეს ვითარებაზე საუბრობენ და რეგულაციების გამკაცრებას ითხოვენ.
http://mediamonitoring.ge/mms/includes/video/video.php?id=4977771
---
13.01.2018
არხი: ტვ პირველი
გადაცემა: დღის ამბები 17:00
10 თვის ვაჩე ბუხნუიკაშვილს დაუდგინდა კომბინირებული იმუნოდეფიციტი, თანდაყოლილი, პირველადი. პატარას ესაჭიროება ძვლის ტვინის გადანერგვა, რომელიც გერმანიაში ტარდება და ოჯახს 100 000 აშ დოლარი ესაჭიროება.
http://mediamonitoring.ge/mms/includes/video/video.php?id=4977563
---
12.01.2018
არხი: რუსთავი 2
გადაცემა: კურიერი 18:00
ფსიქიკური ჯანმთელობისა და ნარკომანიის პრევენციის ცენტრში ფსიქოსოციალური რეაბილიტაციის ბენეფიციარების ნამუშევრების გამოფენა გაიმართა. რეაბილიტაციის ცენტრში არსებული სერვისების გამოყენებით და დახმარებით ბენეფიციარებს საშუალება ეძლევათ მოახდინონ საზოგადოებაში ინტეგრირება.
http://mediamonitoring.ge/mms/includes/video/video.php?id=4976207
ერთსულოვნება - სიახლენი 22:00-
http://mediamonitoring.ge/mms/includes/video/video.php?id=4976456
ერთსულოვნება - სიახლენი 19:00-
http://mediamonitoring.ge/mms/includes/video/video.php?id=4976281
---
12.01.2018
არხი: მაესტრო
გადაცემა: ახალი ამბები 13:00
ქართველი ექიმები ახალი ვირუსების გავრცელებას პროგნოზირებენ. მიუხედავად იმისა რომ საქართველში ბე ტიპის ვირუსის ლაბორატორიული არცერთი შემთხვევა არ დადასტურებულა, ჯერჯერობით მედიკოსები ვარაუდობენ რომ ევროპაში გავრცელებული ინფექცია შესაძლოა ქვეყანაში მალე გავრცელდეს. ახალი ამბების სტუმარია დაავადებათა კონტროლის ცენტრის გადამდებ დაავადებათა დეპარტამენტის უფროსი ხათუნა ხაზაშვილი.
http://mediamonitoring.ge/mms/includes/video/video.php?id=4975679
---
12.01.2018
არხი: ტვ პირველი
გადაცემა: დღის ამბები 13:00
სოციალური მუშაოების შესახებ კანონთპროექტთან დაკავშირებით პარლამენტში სამუშაო შეხვედრა იმართება. კანონპროექტი ადამიანის უფლებათა დაცვის კომიტეტის ინიციატივით მომზადდა და საჯარო, ასევე კერძო სექტორში დასაქმებულ სოციალურ მუშაკებზე ვრცელდება. განსაზღვრავს სამართლებრივ სტატუსს, ფუნქციებს, უფლებებსა და მოვალეობებს. შეხვედრაზე მიწვეულები არიან სასამართლო და აღმასრულებელი ხელისუფლების, არასამტავრობო, საერთაშორისო და საგანმანათლებლო დაწესებულების წარმომადგენლები. პროექტი პარლამენტში ჯერ ინიცირებული არ არის.
http://mediamonitoring.ge/mms/includes/video/video.php?id=4975762
---
12.01.2018
არხი: ტელეკომპანია იბერია
გადაცემა: ახალი ამბები 13:00
უნდა შეჩერდეს თუ არა ნარკოპოლიტიკის ლიბერალიზაციის მიზნით დაგეგმილი საკანონმდებლო ცვლილებების განხილვა? საპატრიაარქოს მოწოდების შემდეგ, შეფასებებს კანონმდებლები და ჯანდაცვის სამინისტროს წარმომადგენლები აკეთებენ.
http://mediamonitoring.ge/mms/includes/video/video.php?id=4975519
I არხი -მოამბე 21:00- http://mediamonitoring.ge/mms/includes/video/video.php?id=4976466
---
ინტერნეტი
13.01.2018
მედიასაშუალება: http://reportiori.ge/inside.php?menuid=2&id=62101
დიმიტრი ხუნდაძე: ღირს, რომ ნარკოპოლიტიკის შესახებ კანონპროექტისთვის მეტი დრო დაიხარჯოს…
„ნარკოპოლიტიკის შესახებ კანონპროექტი ქვეყანაში ნარკომომხმარებელთა რაოდენობის შემცირებას უნდა ემსახურებოდეს და არა - ზრდას", - ამის შესახებ პარლამენტის ჯანდაცვის კომიტეტის თავმჯდომარის მოადგილემ, დიმიტრი ხუნდაძემ მეცნიერებათა აკადემიაში ნარკოპოლიტიკის კანონპროექტზე მსჯელობის შემდეგ განაცხადა. როგორც ხუნდაძემ განაცხადა, ღირს, რომ კანონპროექტისთვის მეტი დრო დაიხარჯოს. „ჩვენ უნდა გადავხედოთ ნარკოპოლიტიკას, მაგრამ ის უნდა იყოს თანმიმდევრული, ადეკვატური და ეფექტური. ვფიქრობ, ღირს ამ კანონპროექტისთვის მეტი დრო დავხარჯოთ, რათა საზოგადოებაშიც იყოს აზრი შეჯერებული. ვფიქრობ, პოზიციების შეჯერება შესაძლებელია, მაგრამ მთავარია, წარმოდგენილი კანონპროექტი არ შეიცავდეს რისკებს და ემსახურებოდეს ქვეყანაში ნარკომომხმარებელთა რაოდენობის შემცირებას და არა პირიქით - გაზრდას. ამ საკითხთან დაკავშირებით არ შეიძლება კონკრეტული ვადების დადგენა, იმდენი დროა საჭირო, რამდენიც კანონპროექტის დახვეწას დასჭირდება", - განაცხადა დიმიტრი ხუნდაძემ.
---
14.01.2018
აკაკი ზოიძე - ნარკოპოლიტიკის შესახებ კანონპროექტის განხილვა პარლამენტში მას შემდეგ გაგრძელდება, რაც საპარლამენტო უმრავლესობა საკითხზე შეჯერდება
ჯანდაცვის კომიტეტის თავმჯდომარის, აკაკი ზოიძის განცხადებით, ნარკოპოლიტიკის შესახებ კანონპროექტის განხილვა პარლამენტში მას შემდეგ გაგრძელდება, რაც საპარლამენტო უმრავლესობა ამ საკითხზე შეჯერდება. თუმცა, ზოიძე ვარაუდობს, რომ განხილვა საგაზაფხულო სესიაზე მოესწრება. "განხილვის შემდგომი ნაბიჯი არის იურიდიული კომიტეტი, შემდეგ პლენარული სხდომა. არ მოხდება ეს განხილვა ვიდრე უმრავლესობა არ შეჯერდება პოზიციაზე. უმრავლესობა, ღრმად ვარ დარწმუნებული, შეჯერდება კანონპროექტზე და შემდეგ განახლდება საკანონმდებლო განხილვა. შეჯერება მოხდება იმ პრინციპებოს გარშემო, რაც გამოითქვა დღესაც, გუშინაც, რომ ნარკოტიკების გასაღებასთან უნდა გაგრძელდეს დაუნდობელი ბრძოლა, პრევენცია უნდა იყოს ნარკოპოლიტიკის ქვაკუთხედი და მის მოხმარებაზე ადამიანებს უნდა დავეხმაროთ და არა დავიჭიროთ",- განაცხადა ზოიძემ.
---
13.01.2018
მედიასაშუალება: http://www.livepress.ge/ka/akhali-ambebi/article/22141-pacientissachivrisshemdegjandacvissaministromzugdidshimkurnalieqimigaafrthkhila.html
პაციენტის საჩივრის შემდეგ, ჯანდაცვის სამინისტრომ ზუგდიდში მკურნალი ექიმი გააფრთხილა
ზუგდიდის სოფელ დარჩელის მცხოვრებ ჯუმბერ კორკელიას საჩივართან დაკავშირებით, სსიპ სამედიცინო საქმიანობის სახელმწიფო რეგულირების სააგენტომ მოკვლევა დაასრულა. საქმე ეხება მოქალაქის პრეტენზიებს თვალის მიკროქირურგიის ჯავრიშვილის კლინიკა „ოფთალმიჯის“ ზუგდიდის ფილიალის მიმართ. შესაბამისი მასალა „ლაივპრესმა“ შარშან, ივლისის თვეში გამოაქვეყნა. კერძოდ, მისი მტკიცებით, აქ კატარაქტის ოპერაცია გაუკეთეს, თუმცა შემდგომი პროცედურების გამო თვალის არეში ძლიერ ტკივილებს გრძნობდა, რის მიზეზადაც არასათანადო მკურნალობას მიიჩნევდა ჯუმბერ კორკელიამ სიცოცხლე რამდენიმე თვის წინ თვითმკვლელობით დაასრულა, პასუხი კი ჯანდაცვის სამინისტროსგან მისმა ძმამ, გურამ კორკელიამ მიიღო. დოკუმენტში ვკითხულობთ: „2017 წლის 27 დეკემბრის, საქართველოს შრომის, ჯანმრთელობის და სოციალური დაცვის სამინისტროს პროფესიული განვითარების საბჭომ განიხილა აღნიშნული საკითხი და საბჭოს გადაწყვეტილებით, შპს „თვალის მიკროქირურგიის ჯავრიშვილის კლინიკა ოფთალმიჯის“ ექიმ გივი ქაჯაიას მიეცა წერილობითი გაფრთხილება“. ამ პასუხით უკმაყოფილოა გარდაცვლილის ძმა. ამბობს, რომ მოკვლევის შედეგად კვლავ უცნობი დარჩა მთავარი კითხვა - რამ გამოიწვია მისი ძმის მოწამვლა. ამბობს, რომ გაჩერებას არ აპირებს და სამართლებრივი დავის გაგრძელებას გეგმავს. "ამ განცხადების პასუხი ეს არ არის", - გვითხრა გურამ კორკელიამ. თავის დროზე ჯუმბერ კორკელიას კლინიკაში, როგორც „ლაივპრესთან“ საუბარში ირწმუნებოდა, უთხრეს, რომ მოიწამლა. რის გამო, ამის შესახებ არაფერი იცოდა, გარდა ვარაუდებისა. ერთი ვერსიის მიხედვით, ამოსარეცხი ხსნარი უვარგისი იყო, რადგან მასში როგორც განუმარტეს - „ჰაერი გაიპარა“, მეორე ვერიის თანახმად კი, რომლისაც პაციენტს უფრო მეტად სჯერა, ლაზერული აპარატი დეზინფიცირების გარეშე გამოიყენეს. მის ბრალდებებს და პრეტენიზებს არ დაეთანხმნენ „ოფთალმიჯში“. კლინიკის ზუგდიდის ფილიალის მენეჯერმა ეკატერინე კორკელიამ „ლაივპრესს“ განუცხადა, რომ პაციენტის თვალის მდგომარეობის გართულება რეალურად არა მათმა არასათანადო მოპყრობამ, არამედ ოპერაციის შემდეგ არასათანადო მოვლამ გამოიწვია. ჯუმბერ კორკელია თავს დაზარალებულად მიიჩნევდა და საქმის გამოძიების თხოვნით სამეგრელო-ზემო სვანეთის საოლქო პროკურატურას შარშან, 7 აპრილს მიმართა. ის კომპენსაციას, სულ ცოტა 30 ათასი ლარის ოდენობით ითხოვს მორალური ზიანისთვის, ასევე ექიმების დასჯას. საქართველოს მთავარ პროკურატურაში „ლაივპრესს“ მაშინ დაუდასტურეს, რომ განცხადება მათ ნამდვილად მიიღეს ჯუმბერ კორკელიას საქმესთან დაკავშირებით, თუმცა შემდგომი რეაგირებისთვის წერილი ჯანდაცვის სამინისტროში გადააგზავნეს.
---
13.01.2018
,,როცა პაციენტი შემოაკვდება, დარჩება მარტო და ვეღარავინ უშველის”_ წერილები ჯანდაცვის სამინისტროს
ამ წერილით შეიტყობთ, რა კითხვები აქვთ მოქალაქეებს ჯანდაცვის სამინისტროსთან და როგორ პასუხობენ იქ მომუშავე ადამიანები მათ. ვერ ვიტყვით, დასკვნა თქვენთვის მოგვინდვიაო, რადგან ჩვენ უკვე გავაკეთეთ დასკვნა და გვინდა, თქვენც გაგიზიაროთ. კითხვა-პასუხიდან იკვეთება ერთი რამ, რომ ჯანდაცვის სამინისტროს, რომელიც ერთი შეხედვით ქვეყანაში ჯანდაცვის პოლიტიკას მართავს, ამ სფეროში დასმულ არცერთ კითხვაზე პასუხი არ გააჩნია და მოქალაქეებს სხვადასხვა უწყებებისკენ უთითებს. თუ ასეა, იბადება კითხვა, რისთვის არსებობს ეს სამინისტრო? რატომ იხარჯება ბიუჯეტის თანხები ამ უწყებისთვის? იმისთვის ხომ არა, გარკვეულ პირთა ჯიბეები ხალხმა ავსოს, ავსოს და ვერ ამოავსოს? აი, რას წერენ მოქალქეები ჯანდაცვის სამინისტროს ვებგვერდზე და როგორ პასუხუბენ ისინი: Nini Andriashvili გამარჯობათ, მე უბრალოდ არ მესმის, ასეთი რა გაუჭირდა ჯანდაცვის სამინისტროს, რომ კლინიკებში ასეთი დაბალი ხელფასები აქვთ? მეტს ითხოვენ, ნაკლებს უხდიან. სასაცილოა პირდაპირ, 250 ლარი რომ გექნება თვეში. პენსიას თითქმის იღებ, ასე გამოდის, გინდ ექთნის დამხმარეები, გინდ სანიტრები, ზოგი საწყლად ორ ადგილას აბავენ, რომ რამენაირად თავი ირჩინონ. ეს მართლა სასაცილოა და კიდევ ის, რომ 1-თვე გამოდის მოხალისედ გატარებენ და მერე ან დაგტოვებენ ან უარს გეტყვიან. გამოასწორეთ, ეს მართლად რომ საშინელებაა. ჯანდაცვის სამინისტრო Ministry Of Labour,Health&Social Affairs Of Georgia მოგესალმებით. კლინიკების უმრავლესობა გახლავთ კერძო დაწესებულებები, შესაბამისად ხელფასების ოდენობას ადგენს თავად კლინიკის ადმინისტრაცია და არა ჯანდაცვის სამინისტრო. სამინისტრო ჯანდაცვის პროგრამების ფარგლებში ანაზღაურებს კლინიკების მიერ ჩატარებულ მომსახურებებს, რის შემდეგაც კლინიკის ხელმძღვანელი გასცემს ხელფასს საკუთარი გადაწყვეტილებით. პატივისცემით. Tavisupali Saqartvelo რა ხდება ქალაქში, სასწრაფოს გამოძახებას 50 წუთი უნდა? ჯანდაცვის სამინისტრო Ministry Of Labour,Health&Social Affairs Of Georgia მოგესალმებით. თუ სასწრაფო გამოიძახეთ თბილისში, მიმართეთ დედაქალაქის მერიას. პატივისცემით. Mzia Nozadze მე- 8 დღეა ექიმთა დიპლომისშემდგომი საკვალიფიკაციო და სასერტიფიკაციო გამოცდები მიმდინარეობს სრულიად სამარცხვინო დონეზე! ურთულესი ხელობა საბედისწერო გამოცდების, რისკის და მოულოდნელობების წინაშე ყოველდღიურად გაყენებს ექიმს და სახელმწიფო რეგულირების სააგენტოს 6 დღიანი საგამოცდო მარათონისათვის საკმარისი 1200 ტესტის მოფიქრებაზეც არც ამჯერად შეუწუხებია თავი. რადგან ტესტები მეორდება გამოცდა მხოლოდ პირველ დღესაა ნამდვილი და რთულიც, როცა ექიმებმა არ იციან რა ბილეთს გახსნიან. მერე ტესტები გამოაქვთ და პასუხები ბაზრდება. ბოლო ნაკადი შევა დღეს გამოცდაზე, როცა პასუხების დიდი ნაწილი უკვე ინტერნეტში ყრია და გამოტანილი მაღალი ქულაც აღარაფერს ნიშნავს. 6 წლის განმავლობაში ნასწავლი საგნების საფუძვლიანი სწავლა კი არა, კითხვა-კითხვით მოგროვილი ან პირდაპირ საიტებზე დადებული მზა პასუხების დაზეპირებაა საჭირო და რეზიდენტურაში ჩაბარებაც გარანტირებულია. თავად გამოცდებზეც ისეთი ბარდაგია, ტესტის ფოტოს გამოგზავნასაც კი ახერხებენ გარედან დახმარების მისაღებად. ეს მერე, როცა პაციენტი შემოაკვდება ვიღაცას, დარჩება მარტო და ვეღარავინ უშველის. აღარავინ გაიყოფს მის მაგივრად პასუხისმგებლობას. ბარიერი 150 ქულაა (75%), მაგრამ ყველა, ვისაც რამდენიმე ქულა დააკლდა პირველ დღეს, მომდევნო დღეებში რეზიდენტურაში მოხვდებოდა. თუ ჩემს შვილი საკმარისი ცოდნა არ აღმოაჩნდებოდა ვერ გავიმეტებდი ამ პროფესიისთვის, მერჩივნა გაეცხრილა მკაცრ ტესტირებას . ჯობდა სხვა გზას დასდგომოდა. მთელი წლის განმავლობაში თუ ახალი 1200 ტესტის შესადგენი ტვინი არ ჰყოფნის სახელმწიფო რეგულირების სააგენტოს, ეროვნული სარეზიდენტო გამოცდის ფალსიფირება რომ არ მოხდეს, ყველა 1 დღეს, ერთდროულად უნდა გამოსცადონ. ასეთი მარაზმის გაგრძელება ექიმის პროფესიაში დაუშვებელია. სამედიცინო საქმიანობის რეგულირების სააგენტო Mzia Nozadze მოგესალმებით, ერთიანი დიპლომისშემდგომი საკვალიფიკაციო გამოცდის ჩატარების წესის (მინისტრის N295/ნ) თანახმად, გამოსაცდელი უფლებამოსილია განცხადებით მიმართოს სააპელაციო კომისიას გამოცდის დამთავრებიდან არა უგვიანეს 24 საათის განმავლობაში. განაცხადი ითვალისწინებს, საგამოცდო ბილეთიდან სააპელაციო (გასაპროტესტებელი) ტესტ-კითხვარების წარმოდგენას. საგამოცდო ტესტ-კითხვარების შემუშავება მიმდინარეობს სამინისტროს ჯანმრთელობის დაცვის დეპარტამენტის ორგანიზებით და სააგენტოს საგამოცდოდ გადმოეცემა საბოლოო ფორმით. აღსანიშნავია, რომ საგამოცდო ბილეთში „დაფარული“ ტესტ-კითხვარები არ არის თანმიმდევრულად წარმოდგენილი, არამედ, შერეული ფორმატით. შესაბამისად, საგამოცდო ბილეთში არასაჯარო ტესტების იდენტიფიცირება პრაქტიკულად შეუძლებელია, რადგან დადარება უნდა მოხდეს 4000-ზე მეტი საჯარო კითხვართან. ამასთან, 12 დეკემბრის ჩათვლით, საკვალიფიკაციო გამოცდების შედეგები, პროფილით „სამკურნალო საქმე“ უარყოფითი შედეგი თითქმის 60%-ია. პატივისცემით Qeti Meladze სამედიცინო საქმიანობის რეგულირების სააგენტო ხალხს მიხედეთ !!! დაწყებული ორსულთა სრული პატრონაჟით, დამთავრებული დაბადებიდან სიკვდილამდე ! უნდა უზრუნველყოფილი იყოს მოქალაქე სოც.დახმარებითაც და დაზღვევით.
12.01.2018
ზაზა სოფრომაძე - არ ვფიქრობ, რომ ნარკოპოლიტიკის კანონპროექტის განხილვა შეჩერდება, თუმცა საზოგადოების ფართო ჩართულობა მნიშვნელოვანია
არ ვფიქრობ, რომ კანონპროექტის განხილვის მთლიანად შეჩერება მოხდება, თუმცა საზოგადოების ფართო ჩართულობა მნიშვნელოვანია, - ამის შესახებ ჯანდაცვის მინისტრის მოადგილე ზაზა სოფრომაძემ ჟურნალისტებს განუცხადა, რითაც ის საპატრიარქოს მიერ გავრცელებულ განცხადებას გამოეხმაურა. როგორც სოფრომაძემ აღნიშნა, ნარკორეალიზატორების მიმართ სიმკაცრეა საჭირო, ხოლო მომხმარებლების მიმართ შემწყნარებლები უნდა ვიყოთ. "ბუნებრივია საპატრიარქოს განცხადება ყურადსაღებია, რადგან ეს არის ძალიან მნიშვნელოვანი კანონპროექტი. ეს კანონპროექტი ზოგადად მიეკუთვნება ისეთი ნორმატიული აქტების კატეგორიას, რომელთა განხილვა საზოგადოების სხვადასხვა პირების მიერ აუცილებელია. მე არ ვფიქრობ, რომ კანონპროექტის განხილვის მთლიანად შეჩერება მოხდება, თუმცა ვიმეორებ, რომ საზოგადოების ფართო ჩართულობა ძალიან მნიშვნელოვანია. რაც შეეხება ზოგადად მიდგომებს, ყველა ვთანხმდებით იმაზე, რომ ნარკორეალიზატორების მიმართ უნდა ვიყოთ ძალიან მკაცრები, უკომპრომისოები, რაც შეეხება ნარკომომხმარებლებს, აქ, რა თქმა უნდა, უფრო შემწყნარებლები უნდა ვიყოთ", - განაცხადა სოფრომაძემ. მისივე თქმით, კანონპროექტის ამოქმედებისთვის საჭიროა მეტი მზაობა. საქართველოს საპატრიარქო ნარკოპოლიტიკის ლიბერალიზაციასთან დაკავშირებით პარლამენტში ინიცირებული საკანონმდებლო პაკეტის განხილვის შეჩერებას ითხოვას. საქართველოს საპატრიარქო ნარკომანიის საკითხებზე საზოგადოებრივი განხილვის ინიციატივით გამოდის, რომელშიც მონაწილეობას ხელისუფლების წარმომადგენლები, ფსიქოლოგები, ექიმები, იურისტები, სასულიერო პირები, ადამიანის უფლებადამცველები, ჟურნალისტები, პედაგოგები, ასევე, ინტელიგენცია და სამართალდამცველები მიიღებენ. როგორც საპატრიარქოს მიერ გუშინ გავრცელებულ განცხადებაშია აღნიშნული, დისკუსიის მიზანია, ნაჩქარევმა გადაწყვეტილებებმა ქვეყანა დიდი განსაცდელის წინაშე არ დააყენოს.
კვირა.ჯი- http://kvira.ge/375474
რეპორტიორი.ჯი- http://reportiori.ge/inside.php?menuid=2&id=62060
---
12.01.2018
მედიასაშუალება: http://reportiori.ge/inside.php?menuid=3&id=62062
10 თვის ვაჩე ბუხნიკაშვილს საზოგადოების დახმარება სჭირდება
10 თვის ვაჩე ბუხნიკაშვილს დაუდგინდა კომბინირებული იმუნოდეფიციტი (თანდაყოლილი, პირველადი), პატარას სასწრაფოდ ესაჭიროება ძვლის ტვინის გადანერგვა. ოპერაცია საქართველოში არ კეთდება და ძალიან დიდ თანხებს უკავშირდება, რის საშუალებაც ოჯახს არ აქვს. „გთხოვთ, ყველა ერთად დავეხმაროთ, ჩავრიცხოთ თუნდაც 1 ლარი და შევაგროვოთ სიცოცხლის გადასარჩენად აუცილებელი თანხა", - მიმართავენ საზოგადოებას ბავშვის ახლობლები. ანგარიშის ნომერი GE20TB7380945061100005 მიმღების დასახელება: ზურაბ ბუხნიკაშვილი
---
12.01.2018
მედიასაშუალება: https://imedinews.ge/ge/interview/131/saqartveloshi-b-tipis-virusis-gavrtselebas-elodebian
საქართველოში B ტიპის ვირუსის გავრცელებას ელოდებიან
ექიმების პროგნოზით, საქართველოში, სავარაუდოდ, გრიპის ახალი ვირუსი გავრცელდება, მიუხედავად იმისა, რომ ქვეყანაში ჯერჯერობით B ტიპის ვირუსის ლაბორატორიული და დადასტურებული არც ერთი შემთხვევა არ დაფიქსირებულა. მედიკოსების აზრით, ევროპაში გავრცელებული ვირუსული ინფექცია შესაძლოა ჩვენთანაც მალე გავრცელდეს. თემაზე „მაესტროს კითხვებს დაავადებათა კონტროლის ეროვნული ცენტრის გადამდებ დაავადებათა დეპარტამენტის უფროსმა ხათუნა ზახაშვილმა უპასუხა. პირველ რიგში, საინტერესოა რა სიმპტომები აქვს, როგორია კლინიკა B ტიპის ვირუსის და როგორი გამოუვლინდებათ ის პაციენტებს, თუ ვირუსი შეხვდათ? უპირველეს ყოვლისა, ალბათ, მოქალაქეები უნდა დავამშვიდოთ, რომ B გრიპის ვირუსი სულაც არ არის რაიმე ახალი. ეს არის ჩვეულებრივი სეზონური გრიპის ვირუსი, რომელიც ამჟამად ცირკულირებს უპირატესად ევროპის რეგიონში. უპირატესი ცირკულაცია გამოვლინდა დასავლეთ ევროპის, სამხრეთ ევროპისა და აღმოსავლეთ ევროპის რიგ ქვეყანებში და რა თქმა უნდა, ეს სეზონური თავისებურებაა, რომ თავისებურად ოდესმე გაჩნდება საქართველოშიც, გრიპით ავადობა მიაღწევს მაქსიმალურ ნიშნულებს და შემდგომ ისევ შემცირდება. ამჯერად, გრიპის არანაირი ცირკულაცია საქართველოში ჯერჯერობით დადგენილი არ გვაქვს. რაც შეეხება სიმპტომატიკას, ეს არის ჩვეულებრივი გრიპი, რომელიც მიმდინარეობს ძალიან ჩვეულებრივად და როგორც ჩვეულებრივ, მთავრდება სრული გაჯანსაღებით იმ ადამიანებში, რომლებიც ავად ხდებიან. უბრალოდ, განსაკუთრებული სიფრთხილის ზომები მართებთ იმ ადამიანებს, რომლებიც მიეკუთვნებიან გართულებების მაღალი რისკის კატეგორიას. ესენი არიან: უპირველეს ყოვლისა, მცირე ასაკის ბავშვები, ხანდაზმულები, ქრონიკული დაავადების მქონე ადამიანები, ორსულები. უბრალოდ ისინი დროულად და ადრეულ ეტაპზე თუ მიმართავენ ექიმს და ჩაიტარებენ სპეციალიზებულ მკურნალობას, რასაც ექიმი დანიშნავს, ამ შემთხვევაშიც ძირითად უმრავლესობაში შემთხვევები დასრულდება სრული განკურნებით ყოველგვარი გართულების გარეშე. როდისთვისაა მოსალოდნელი ამ ვირუსის გავრცელება საქართველოში? რამდენად ცნობილია და დადასტურებულია თუ არა, რომ ბოლო დღეებში მონაცემები არ შეცვლილა და საქართველოში ამ ვირუსით დაინფიცირების არც ერთი ფაქტი არ არის აღრიცხული? ჯერერობით არ არის აღრიცხული ვირუსის ცირკულაცია საქართველოში. ზედამხედველობა მიმდინარეობს მუდმივ რეჟიმში, რაც ნიშნავს იმას, რომ მუდმივად ხდება გარკვეული შემთხვევების ლაბორატორიული კვლევა და ზუსტი ინფორმაცია გვექნება მუდმივად, გამოჩნდება თუ არა ვირუსი ქვეყნის ტერიტორიაზე. გამოჩენის შემთხვევაში ინფორმირებული იქნება საზოგადოებაც ზოგადად და ასევე სამედიცინო პერსონალი, რომელსაც ეცოდინება ამ შემთხვევაში როგორ უნდა მოიქცეს. რა განსხვავებაა იმ არსებულ ვირუსს, რომელიც გავრცელებულია ზამთრის სეზონზე საქართველოში და B ტიპის ვირუსს შორის? როგორც გითხარით, B ტიპი უბრალოდ ჰქვია გრიპის ერთ-ერთ ვირუსს. ამჯერად გრიპის არანაირი ვირუსი არ ცირკულირებს საქართველოში. ამჟამად, რაც ჩვენთვის ცნობილია, ცირკულირებაშია ოთხი, ხუთი ტიპის სხვადასხვა ვირუსი, რომელიც იწვევს რესპირაციული სიმპტომებით მიმდინარე დაავადებას. რეალურად, ადამიანისათვის, რომელიც ავად ხდება, პრაქტიკული განსხვავება არ აქვს რომელი ვირუსი აზიანებს მას. ის ამ შემთხვევაში ავად არის და დაავადების შემთხვევაში უნდა ჩაატაროს ჩვეულებრივი სტანდარტული ღონისძიებები იმისთვის, რომ არ გაავრცელოს დაავადება და არ გადასდოს მის გარშემო ჯანმრთელ მოსახლეობას და ასევე იგივე, მიმართოს დროულად ექიმს, რომ თავიდან რაიმე შესაძლო გართულება აირიდოს. მკურნალობის კურსთან დაკავშირებით რეკომენდირებულია იგივე, მაგალითად სითხეების მიღება, რა თქმა უნდა ექიმის მეთვალყურეობით? რაიმე განსაკუთრებული სახის პრეპარატების მიღება ხომ არ არის საჭირო ამ ტიპის ვირუსის დროს? გრიპის ვირუსის გავრცელების შემთხვევაში, როგორც უკვე გითხარით, შემთხვევათა ძირითადი უმრავლესობა დასრულდება სრული გაჯანსაღებით ერთ კვირაში ყოველგვარი სპეციალიზებული სამედიცინო დახმარების გარეშე. ასეთი შემთხვევები იმართება ჩვეულებრივ იგივე ჭარბი სითხეების მიღებით, ტკივილგამაყუჩებელი და სიცხის დამწევი პრეპარატებით, თუ ამის საჭიროება არსებობს. იშვიათ შემთხვევაში, თუ ადგილი აქვს თანმხლებ ქრონიკულ დაავადებას, ან ადამიანი მიეკუთვნება გრიპის გართულების მაღალი რისკის კატეგორიას, რომელიც განსაზღვრულია ექიმის მიერ, ამ შემთხვევაში შეიძლება საჭირო გახდეს სპეციალური ანტივირუსული პრეპარატების დანიშვნა და ამ დანიშვნას განსაზღვრავს მკურნალი ექიმი. ხომ არ გაქვთ სტატისტიკა და მონაცემები ვირუსულ დაავადებებთან დაკავშირებით სეზონზე? რამდენად ნორმის ფარგლებში ჯდება ვირუსული დაავადებების აღრიცხული ფაქტები? ასეთ სტატისტიკას ცენტრი ზედამხედველობის ფარგლებში, რა თქმა უნდა, ყოველკვირეულად აწარმოებს და შემიძლია გითხრათ, რომ გრიპის მაგვარი დაავადებებით ამბულატორიული ან პოლიკლინიკური მიმართვიანობა არის ჩვეული ნორმის ფარგლებში, რაც შეესაბამება წლის ამ პერიოდს, რომელიც ასეთი ტემპერატურებით გამოირჩევა. მისი მატება, როგორც წესი, დაკავშირებულია ხოლმე შემდგომ გრიპის ვირუსის გაჩენასთან და ვინაიდან ახლა გრიპის ვირუსი არ ცირკულირებს, შესაბამისად ეს ავადობაც არ არის მომატებული.
---
ბეჭდვითი მედია
15.01.2018
მედიასაშუალება: ასავალ-დასავალი
ო, დრონი ! ო, ზნეობანი ! სერგეენკოს ექიმებს მიცვალებულები აერიათ !!! ვინ იძლევა იმის გარანტიას, რომ სერგეენკოს ექიმებს სამშობიარო სახლში ახალშობილებიც არ აერევათ და შინ სხვის შვილს არ გამოგვატანენ ?
2018 წლის 4 იანვარს, ახალი წლის კვირაძალზე, 70 წელს გადაცილებულ ორ პატიოსან იმერელ კაცს - ზესტაფონელ ცეზარ ცერცვაძესა და ქვედა საქარელ ომარ რუხაძეს საშინლად არ გაუმართლათ - ერთიც და მეორეც ქუთაისის ინტერვენციული მედიცინის ცენტრში დაიღუპა. "პახმელიაზე" მყოფმა, მთვრალმა ან ნახევრად მთვრალმა და მოტიალებულმა ქუთაისელმა ექიმებმა, რომლებსაც საქართველოს ჯანდაცვის მინისტრი დავით სერგეენკო არყის, კონიაკის, შნაპსის, ვისკისა თუ მოპსის სმაში, შესაძლოა, პირადად ავარჯიშებს, მიცვალებულები ერთმანეთში აურიეს და ცერცვაძეებს ზესტაფონში ცხონებული ომარ რუხაძის ცხედარი გაატანეს, ხოლო რუხაძეებს ქვედა საქარაში - აწ განსვენებული ზესტაფონელი ცეზარ ცერცვაძის გვამი.
---
15.01.2018
მედიასაშუალება: კვირის პალიტრა
"როცა ჩემი შვილი ვნახე, თავზარი დამეცა"
10 იანვარს 7 წლის გახდა. რაც უფრო იზრდება, მით ბევრი კითხვა უჩნდება, რომლებზეც პასუხი არავის აქვს, მათ შორის, მშობლებს... ის, რომ სხვა ბავშვებისგან განსხვავებულია, უკვე იცის, მაგრამ ისიც იცის, რომ მალე გერმანიაში წავა და მის ტანჯვას ბოლო მოეღება. მანამდე კი ოჯახმა საამისო თანხა უნდა გამონახოს... ეს გოგონა, რომელსაც უიშვიათესი დაავადება სჭირს, ანი მახარაძეა. მისი დიაგნოზი იქთიოზია, ანუ თევზის დაავადება, რის გამოც კანი მუდმივად გამომშრალი აქვს. ამას გაუსაძლისი ტკივილი, სხეულზე ნახეთქები, სისხლდენა და ქრონიკული უძილობა ემატება... ყველაფერი მაშინ დაიწყო, როცა ლევან მახარაძესა და ნათია დვალს მეორე გოგონა შეეძინათ. ნათია დვალი, ანის დედა: - რვა თვის ორსული ვიყავი, სამშობიარო ტკივილი რომ დამეწყო და კლინიკაში წამიყვანეს. როცა ანი გაჩნდა, ექიმებმა მითხრეს, ბავშვი განსხვავებულია და ჯერ ჩვენც არ ვიცით, რასთან გვაქვს საქმეო. როცა ჩემი შვილი ვნახე, თავზარი დამეცა - ბავშვი მთლიანად წითელი იყო, კანი წყლულებით ჰქონდა დაფარული და სითხე სდიოდა... როგორც შემდეგ გავიგეთ, ეს დაავადება ორსულობის პერიოდში ყალიბდება, თუმცა ჩვენთვის არაფერი უთქვამთ. ბოლოს დიაგნოზი გენეტიკოსმა დასვა. მაშინ პირველად გავიგეთ ამ დაავადების შესახებ. ექიმებმა გვირჩიეს, ბავშვი საავადმყოფოში დაგვეტოვებინა, რადგან დიდხანს ვერ იცოცხლებს და ვერც განვითარდება, სმენის, მხედველობისა და კიდევ სხვა პათოლოგიები განუვითარდებაო. მე და ჩემს მეუღლეს ერთი წამითაც არ გვიფიქრია ანის დატოვება. დღენაკლულობის გამო, რამდენიმე თვე ინკუბატორში იყო, მერე შინ წამოვიყვანეთ და მასთან ერთად დავიწყეთ ახალი ცხოვრება... საქართველოს მასშტაბით, თითქმის ყველა დერმატოლოგთან გვყავდა, უამრავი რამ ვცადეთ, მათ შორის ექიმბაშების ხსნარები, თუმცა, უშედეგოდ. ანის კანზე მუდმივად ანთებითი პროცესი მიმდინარეობს. სულ ექავება სხეული, ღამით კი ქავილი უმწვავდება. წარმოიდგინეთ, ეს ყველაფერი რამხელა სტრესს აყენებს... ამას ემატება უძილობის პრობლემა და ძილის წინ ყოველთვის დამამშვიდებელს ვასმევთ. თუმცა, მიუხედავად მისი ასაკისა, იმდენად ბრძოლისუნარიანია, ვერ წარმოიდგენთ. გონებრივად საოცრად განვითარებულია. დედაჩემი საბავშვო ბაღში პედაგოგად მუშაობს, მისი წყალობით ჩემმა შვილმა სრულფასოვნად გაიარა საბავშვო ბაღის ეტაპი. უბედურება იცით, რა არის? დღემდე არ ვიცით, როგორ ვუმკურნალოთ. ახლა მხოლოდ დამატენიანებელს ვუსვამთ, რომელიც მცირე ხნით ჰგვრის შვებას. მკურნალობა სწორი გზით რომ წარიმართოს, საჭიროა გერმანიაში, კანის კლინიკაში მისი ჩაყვანა... თავდაპირველად, ქუჩაში რომ გაგვყავდა, ძალიან მთრგუნავდა საზოგადოების დამოკიდებულება - ზოგი შეიცხადებდა, ზოგიც მწუხარებასა და სინანულს გამოთქვამდა... ბავშვს ასაკის მატებასთან ერთად კითხვები უჩნდება, რატომ არის განსხვავებული და როდის უნდა მორჩეს. ჩვენც ვაიმედებთ, რომ მალე მორჩება და ამ დროს ყველაზე ბედნიერია... ზაფხულობით ნუნისში დაგვყავს, ბალნეოლოგიურ კურორტზე. ძალიან შველის, გამომშრალ კანს აშორებს და დროებით შვებას აძლევს. ნიკოლოზ მახარაძე, ანის მამა: - ყველგან გვყავდა, მაგრამ ჯერ ისიც ვერ დავადგინეთ, როგორ ვუმკურნალოთ. გერმანიაში კანის კლინიკას დავუკავშირდით, სადაც ამ უიშვიათეს დაავადებას მკურნალობენ. მოგვწერეს, ბავშვი ჩამოიყვანეთ და გამოკვლევები ჩავუტაროთო. მხოლოდ ანალიზებისთვის 1.500 ევროა საჭირო, ამას ემატება მგზავრობისა და ცხოვრების ხარჯები... უნდა დაისვას დიაგნოზი და მკურნალობის მეთოდებიც განისაზღვროს. რა დაჯდება ეს ყველაფერი, ჯერ არ ვიცით. ოთხი შვილის მამა ვარ და ხომ წარმოგიდგენიათ, პატარებს რამდენი რამ სჭირდებათ... ძალიან ბევრი ადამიანი გვეხმარება, რომ რაც შეიძლება დროულად წავიყვანოთ ანი გერმანიაში. თქვენი გაზეთის მეშვეობით, მინდა დიდი მადლობა გადავუხადო ყველას. მჯერა, კეთილი ადამიანების დახმარებით ანი სრულფასოვანი ცხოვრების გაგრძელებას შეძლებს. P.S. დაავადებას გოგონა დიდი ადამიანივით ებრძვის. სჯერა, რომ ერთ დღესაც გაიღვიძებს და ისეთივე ჯანმრთელი იქნება, როგორიც მისი თანატოლები არიან. ოცნების ასრულებაში კი ჩვენი მხარდაჭერაა საჭირო. ერთად დგომით ჩვენ ანის ცხოვრებას შევცვლით! GE22TB3560136512500007 მიმღები ნიკოლოზ მახარაძე (ანის მამა)
---