მედიამონიტორინგი 15.02.2018
ტელევიზია
15.02.2018
არხი: ტვ პირველი
გადაცემა: საქმიანი დილა
საქართველოს ხელისუფლება, რომელიც ერთ-ერთ მთავარ მიღწევად საყოველთაო ჯანდაცვის სახელმწიფო პროგრამას მიიჩნევს, 2017 წელს პროგრამის მთავარი პრინციპი - საყოველთაობა - მიზნობრივი მიდგომით ჩაანაცვლა და საყოველთაო ჯანდაცვის პროგრამა მაღალშემოსავლიან მოქალაქეებზე აღარ ვრცელდება.
http://mediamonitoring.ge/mms/includes/video/video.php?id=5041747
---
15.02.2018
არხი: იმედი
გადაცემა: იმედის დილა
ისტორია, რომელსაც ახლა გიამბობთ, ექიმების მხრიდან სავარაუდო გადაცდომის შემთხვევას ეხება. საუბარია 13 წლის მოზარდის გარდაცვალებაზე. ოჯახს ეჭვი აქვს, რომ ბავშვი გლანდების ოპერაციის დროს დაიღუპა. პაციენტი ოპერაციიდან 2 დღის შემდეგ გადაიყვანეს ციციშვილის კლინიკაში. მომხდარზე დაწყებულია გამოძიება. გურიანოვის ოჯახის ადვოკატი ჯანდაცვის სამინისტროს ფაქტზე დროულ გამოძიებას სთხოვს.
http://mediamonitoring.ge/mms/includes/video/video.php?id=5042002
---
15.02.2018
არხი: რუსთავი 2
გადაცემა: კურიერი 09:00
შრომითი უსაფრთხოების შესახებ კანონპროექტის ირგვლივ პარლამენტში მწვავე დებატებია მოსალოდნელი. განხილვა დღეს ჯანდაცვის კომიტეტის სხდომაზე გაიმართება, თუმცა წინასწარ ცნობილია რომ ოპოზიცია პროექტს მხარს არ უჭერს. დეპუტატები ამბობენ, რომ დასაქმებულების პრობლემა ამ რეგულაციებით ვერ მოგვარდება, რადგან მთავარი სირთულე ხშირ შემთხვევაში კორუფციული გარიგებებია. სახელისუფლებო გუნდში კი დარწმუნებულები, არიან რომ საკანონმდებლო ნორმით, დასაქმებულისა და დამსაქმებლის უფლებები თანაბრად დაცული იქნება.
http://mediamonitoring.ge/mms/includes/video/video.php?id=5041799
იმედი - ქრონიკა 09:00- http://mediamonitoring.ge/mms/includes/video/video.php?id=5041729
---
14.02.2018
არხი: ტელეკომპანია იბერია
გადაცემა: ბიზნესკოდი
ხარვეზები საარსებო შემწეობის სისტემაში, ჯანდაცვის მინისტრი აცხადებს, რომ სისტემური ცდომილება ათჯერ შემცირდა. თუმცა არის თუ არა ასე ამ თემასთან დაკავშირებით პოლიტიკური პლათფორმა- ახალი საქართველოს წარმოამდგენელი თეონა ჭალიძე საუბრობს.
http://mediamonitoring.ge/mms/includes/video/video.php?id=5039680
---
14.02.2018
არხი: იმედი
გადაცემა: ქრონიკა 20:00
შრომის უსაფრთხოების შესახებ ახალი კანონის რაც შეიძლება მალე მოტოვნით აქცია მსვლელობები ერთმაეთის პარლალეურად ამ წუთებში ბათუმსა და თბილისში იმართება. მესამე სექტორი დოკუმენტის შინაარსობრივბი მხარის შეცვლასაც ითხოვს და ამასი დახმარებას ევროკისრევბს სთხოვს. ისინი მიიჩნევენ რომ არსებული სახით კანონპროექტი რეალურ სურათს ვერ შეცლვის.დღეს მიმდინარე აქციის სახელმწოდება 1209 ოყო რაც ამ მხირ საგანგაშო სტატისტიკას ასახავს.
http://mediamonitoring.ge/mms/includes/video/video.php?id=5041566
რუსთავი 2-კურიერი 21:00- http://mediamonitoring.ge/mms/includes/video/video.php?id=5041573
ტელეკომპანია აჭარა - მთავარი 21:00-
http://mediamonitoring.ge/mms/includes/video/video.php?id=5041563
ტვ პირველი - დღის ამბები 16:00-
http://mediamonitoring.ge/mms/includes/video/video.php?id=5041110
კავკასია - დღეს 20:30-
http://mediamonitoring.ge/mms/includes/video/video.php?id=5041643
იმედი - იმედის დღე- http://mediamonitoring.ge/mms/includes/video/video.php?id=5039804
კავკასია - თქვენი დრო-
http://mediamonitoring.ge/mms/includes/video/video.php?id=5041169
---
14.02.2018
არხი: ტელეკომპანია იბერია
გადაცემა: თავისუფალი სივრცე
უსაფრთხო შრომის კანონის მოთხოვნით ახალგაზრდები ქუჩაში გამოდიან. შემაშფოთებელი სტატისტიკა 480-ზე მეტი დაღუპული და 800-ზე მეტი მძიმეთ დაშავებული ბოლო 6 წლის მანძილზე. რას აკეთებს უკვე 2-ჯერ რეფორმირებული შრომის პირობების მონიტორინგის სამსახური. 8 თვიანი უშედეგო განხილვა, რატომ ვერ იცავს კანონი დასაქმებულის სიცოცხლის უფლებას. შეცვლის თუ არა სახელმწიფო მიდგომებს
http://mediamonitoring.ge/mms/includes/video/video.php?id=5041555
---
14.02.2018
არხი: ტელეკომპანია იბერია
გადაცემა: ახალი ამბები არჩილ გამზარდიასთან ერთად 13:30
"გახადე შრომა უსაფრთხო" -ამ სახელწოდების აქციით აუდიტორია 115-ის საპროტესტო მსვლელობას რკინიგზელთა კავშირის წევრებიც უერთდებიან. აქციის მონაწილეების თქმით, შრომის უსაფრთხოების შესახებ კანონპროექტი, რომელზეც მუშაობა პარლამენტში მინდინარეობს, ინსპექტირების ეფექტურ მექანიზმს არ შეიცავს და შეუსაბამოა შრომის საერთაშორისო სტანდარტებთან.
http://mediamonitoring.ge/mms/includes/video/video.php?id=5033165
---
14.02.2018
არხი: ტელეკომპანია აჭარა
გადაცემა: მთავარი 21:00
შრომითი უფლებების დაცვის მექანიზმების ეფექტიანობაზე ვისაუბრეთ ჩვენ “მთავარში” გასულ კვირას, რომელიც სახელმწიფო აუდიტის სამსახურმა შეამოწმა. დასკვნაში პირდაპირაა მითითებული, რომ დამსაქმებელთა და დასაქმებულთა ურთიერთობებში ინტერესთა ბალანსი დამსაქმებლის სასარგებლოდაა დარღვეული. აუდიტი მიუთითებს შრომის ინსპექციის მცირე უფლებებსა და ნაკლოვანებებზე, ამასთან საუბარია ევროკავშირის მიერ დაწესებულ დირექტივებზე.
http://mediamonitoring.ge/mms/includes/video/video.php?id=5041601
---
14.02.2018
არხი: იმედი
გადაცემა: ქრონიკა 17:00
პასუხობს თუ არა შრომის უსაფრთხოების კანონპროექტი ასოცირების შეთანხმების პირობებს, არასამთავრობო ორგანიზაციებს მიაჩნიათ, რომ არა, ისინი საკითხით დაინტერესებას ევროკომისრებს სთხოვენ, მესამე სექტორში ამბობენ, რომ კანონპროექტი რეალურად შრომის უსაფრთხოებას ვერ უზრუნველყოფს, განსხვავებულია მოსაზრება ჯანდაცვის კომიტეტში, აკაკი ზოიძის განცხადებით სადავო საკითხებზე შეთანხმება მოხერხდა, კანონპროექტის განხილვა კომიტეტის სხდომაზე ხვალ გაგრძელდება.
http://mediamonitoring.ge/mms/includes/video/video.php?id=5041086
---
14.02.2018
არხი: I არხი
გადაცემა: მოამბე 21:00
ბოლო მონაცემებით, საქართველოს მოსახლეობის 12%-ს სოციალურად დაუცველი ფენა შეადგენს. ამ ადამიანებს 2017 წლის პირველი ივნისიდან ჯანდაცვის სამინისტროს სოციალური მომსახურების სააგენტოს მიერ შექმნილი საიტი დასაქმების შანსს აძლევს, თუმცა, სტატისტიკა აჩვენებს, რომ შეთავაზებულ სამუშაო ადგილებზე მოთხოვნა არცთუ ისე მაღალია. ხშირ შემთხვევაში, სოციალურად დაუცველი მოქალაქეებისთვის სტატუსი და ამ სტატუსით გარანტირებული შემწეობა და შეღავათები დასაქმებაზე უფრო მნიშვნელოვანია
http://mediamonitoring.ge/mms/includes/video/video.php?id=5041483
---
14.02.2018
არხი: მაესტრო
გადაცემა: ახალი ამბები 18:00
თბილისის სამედიცინო დაწესებულებებში, პაციენტების ისტორიების ელექტრონიზაცია წლის ბოლომდე სავალდებულო გახდება. ჯადაცვის მინისტრის განცხადებით, ამ ეტაპზე პროექტი ოთხ კლინიკაში, სატესტო რეჟიმში მიმდინარეობს. მომავალი წლიდან კი პაციენტის ისტორიების ელექტრონული ფორმატში გადატანა მთელი ქვეყნის მასშტაბით გახდება სავალდებულო.
http://mediamonitoring.ge/mms/includes/video/video.php?id=5041295
---
14.02.2018
არხი: ტვ პირველი
გადაცემა: საქმიანი დილა TV1
ბაღებსა და სკოლებში მოსწავლეებს წითელას ვაქცინაციაზე შესაბამის ცნობას სთხოვენ. წინააღმდეგ შემთხვევაში ბავშვები შესაძლოა სასწავლო დაწესებულებებში არ დაუშვან. ამის მიზეზად წელს წინა წელთან შედარებით, წითელას ვირუსის განსაკუთრებული ზრდა სახელდება.
http://mediamonitoring.ge/mms/includes/video/video.php?id=5039655
---
ინტერნეტი
15.02.2018
ლევან ლორთქიფანიძე: "2018 წელს, ცხრა დღეში ერთი მუშა იღუპება"
სამწუხაროდ, საქართველოს მთავრობას ესმის მიტინგის, დემონსტრაციის და ქუჩაში ყვირილის ენა, რომელსაც ისინი დღესაც მიიღებენ - ამის შესახებ აუდიტორია 115-სი წევრმა ლევან ლორთქიფანიძემ გადაცემაში "თავისუფალ სივრცე" განაცხადა. მისი თქმით, აქციის მონაწილები ითხოვენ შრომითი უფლებების რეგულირებას, ნორმალურ ხელფასს, ზეგანაკვეთურ ანაზღაურებას, შვებულების უფლების დაცვას და ა.შ "ამ ტიპის აქციების ჩატარება აუცილებელია იმიტომ რომ ჯანდაცვის სამინისტრო კი არა, პარლამენტი კი არა, არამედ საქართველოს ეკონომიკის სამინისტრო აფერხებს ყველაფერს. სამინისტრო ნაცვლად იმისა, რომ ბალანსი მაინც დაიცვას დამსაქმებლის და დასაქმებულის არის, დამსაქმებლების, ინვესტორების მხარეს და მათ მხარეს ყოფნას გამოხატავს იმაში რომ არანაირ რეგულაციებს არ იღებს შრომის უსაფრთხოების უზრუნველსაყოფად, რაც შედეგად გვაძლევს იმას, რომ უკვე 2018 წელს, ცხრა დღეში იღუპება ერთი მუშა ან მაღაროში, ან სხვა სამუშაო ადგილზე" - განაცხადა ლორთქიფანიძემ. ლევან ლორთქიფანიძე მოუწოდებს პარლამენტის წევრებს, რომ "დადგნენ იმ ადამიანების გვერდით, რომლებიც მათ მხარდაჭერას მოელიან და ბოლომდე კბილებით გაიტანონს ეს საკითხი". მისი თქმით, აუდიტორია 115 შეეცდება ხვალ შესაბამის სხდომას დაესწრონ და მიმდინარე მოვლენები გააპროტესტონ
---
15.02.2018
მედიასაშუალება: http://kvira.ge/381159
გიორგი მარგველაშვილი: ვხედავ რასაც აკეთებს სერგეენკო, ვხედავ რომ პენიტენციურ სისტემაში არ აწამებენ
ვხედავ იმას, რასაც აკეთებს სერგეენკო – არაჩვეულებრივი რამ გაკეთდა ჯანდაცვის სფეროში. ვხედავ, რომ პენიტენციურ სისტემაში არ აწამებენ, ბიზნესი არ იდევნება,- ამის შესახებ პრეზიდენტმა გიორგი მარგველაშვილმა გადაცემა “360 გრადუსი” სტუმრობისას განაცხადა. მისი განცხადებით, არის მიმართულებები, სადაც ”ქართულმა ოცნებამ” ბევრი მნიშვნელოვანი ცვლილება განახორციელა. “აღფრთოვანებული ვიყავი პირველ წელს, როდესაც მომეცა შესაძლებლობა უფასო სახელმძღვანელოები მიმეცა ბავშვებისთვის, მომეცა შესაძლებლობა უფასო ფაკულტეტები შემომეღო უმაღლესში. მე ეს შესაძლებლობა მომეცა როგორც მინიტრს. მე ვხედავდი და ვხედავ იმას, რასაც აკეთებს სერგეენკო – არაჩვეულებრივი რამ გაკეთდა ჯანდაცვის სფეროში. ვხედავ, რომ პენიტენციურ სისტემაში არ აწამებენ, ბიზნესი არ იდევნება, ეს ხომ ყველაფერი ის იყო, რასაც მე ვებრძოდი. როგორ არ გააკეთეს კარგი?!”, – აღნიშნა გიორგი მარგველაშვილმა.
---
15.02.2018
პარლამენტის ჯანდაცვის კომიტეტი დღეს “შრომის უსაფრთხოების შესახებ“ კანონპროექტის მეორე მოსმენით განხილვას გეგმავს
დღეს, პარლამენტის ჯანდაცვის კომიტეტი “შრომის უსაფრთხოების შესახებ“ კანონპროექტის მეორე მოსმენით მუხლობრივ განხილვას გეგმავს. შესაბამისად, დღეს უნდა გახდეს ცნობილი პროექტის გარშემო სამთავრობო უწყებებს შორის შეჯერებული პოზიცია. ჯანდაცვის კომიტეტს “შრომის უსაფრთხოების შესახებ“ კანონპროექტზე გასულ კვირას უნდა ემსჯელა, თუმცა განხილვა მთავრობის მოთხოვნით ერთი კვირით გადადო. როგორც ჯანდაცვის მინისტრის მოადგილე თამილა ბარკალაიამ განაცხადა, რიგ საკითხებზე სამინისტროებს შორის პოზიციები შეჯერებული არ არის. ამ არგუმენტით მან განხილვის ერთი კვირით გადადება მოითხოვა. როგორც საკომიტეტო სხდომაზე გაირკვა, პროექტთან დაკავშირებით, რიგი საკითხების გარშემო განსხვავებული პოზიციები გააჩნია ეკონომიკის სამინისტროს. “ჯანდაცვის სამინისტრო ერთადერთი სამინისტრო არ არის, რომელიც არის პასუხისმგებელი ორგანო შრომის უსაფრთხოების უზრუნველყოფაზე. სწორედ ამიტომ ძალიან მნიშვნელოვანია ყველა სახელმწიფო უწყების ერთობლივი ხედვა და ერთობლივი შეჯერებული ქმედებები შრომის უსაფრთხოების უზრუნველსაყოფად. აღნიშნულ კანონპროექტში არის ნიუანსები, რომელიც ჩვენსა და ეკონომიკის სამინისტროს შორის უნდა შეთანხმდეს. საქმე ეხება სანქცირების წესებს, სანქცირების რაოდენობას. ეს ყველაფერი კარგად უნდა გაითვალოს იმისთვის, რომ კანონი იყოს ქმედითი და ხარისხიანი“, - განაცხადა თამილა ბარკალაიამ.
---
14.02.2018
მედიასაშუალება: http://bfm.ge/akhalgazrda-advokatebi-saqartveloshi-kompania-sinohydro-s-saqmianobaze-21-sistemur-darghvevas-aqveynebs/
„ახალგაზრდა ადვოკატები“ საქართველოში კომპანია „Sinohydro”-ს საქმიანობაზე 21 სისტემურ დარღვევას აქვეყნებს
ორგანიზაცია „ახალგაზრდა ადვოკატები“ კომპანია „Sinohydro Corporation Limited“-ის საქართველოს ინფრასტრუქტურულ პროექტებში საქმიანობის შესახებ კვლევის შუალედურ შეფასებას აქვეყნებს და საზოგადოებისთვის საჯაროდ ხდის კომპანიისა და მის მიმდებარედ საწარმოო ტერიტორიაზე დარღვევების ჩამონათვალს, რომელის შემოწმებაც უკანასკნელად 2016 წლის 16 მარტს განხორციელდა. „ახალგაზრდა ადვოკატების“ ინტერესს წარმოადგენდა სახელმწიფოს შესაბამისი უწყებების მიერ შემოწმებულ იქნა თუ არა კომპანია „Sinohydro Corporation Limited”-ის საქმიანობის პროცესში შრომის უსაფრთხოება და გაცემულა თუ არა რეკომენდაციები დასაქმებული პირების შრომითი უფლებების უზრუნველყოფის მიმართულებით. ორგანიზაცია საქართველოს შრომის, ჯანმრთელობისა და სოციალური დაცვის სამინისტროს შრომის პირობების ინსპირირების დეპარტამენტის ინფორმაციის ანალიზის საფუძველზე აღნიშნავს, რომ გამოკვეთილია 21 საკითხი, რომელიც უხეში დარღვევის სახით დადგენილია კომპანია „Sinohydro Corporation Limited“-ის საქართველოში საქმიანობიდან. მეტიც, ორგანიზაციის კვლევის ფარგლებში დადგენილია, რომ კომპანია „Sinohydro Corporation Limited”-ში არასრულფასოვნადაა დანერგილი შრომის უსაფრთხოებისა და ჯანმრთელობის დაცვის სისტემა. კომპანია ვერ წარმოადგენს თანამდებობრივ და საწარმოო ინსტრუქციებს. ინსტრუქტაჟის ჩატარების წესი და შინაარსი ბუნდოვანია. შრომის უსაფრთხოებაზე პასუხისმგებელი პირები საუბრობენ დასაქმებულთათვის უცხო ენაზე, რაც იწვევს ეფექტური კომუნიკაციის დეფიციტს. აღნიშნული განაპირობებს შრომის დაბალ კულტურასა და არაჯანსაღ სამუშაო პროცესს. „ახალგაზრდა ადვოკატები“ საზოგადოებას მიუთითებს იმ 21 დარღვევაზე, რომელიც კომპანია „Sinohydro Corporation Limited”-ის საქართველოში საქმიანობის ფარგლებში დადასტურებულია: დასაქმებულები არ გადიან სავალდებულო პერიოდულ სამედიცინო შემოწმებას; სამუშაო ადგილები არ არის მომარაგებული პირველადი სამედიცინო დახმარების საშუალებებით; საწარმოში მოსაწესრიგებულია სახანძრო უსაფრთხოება; საწარმოში მოსაწესრიგებელია ელექტროუსაფრთხოება; საწარმოს ტერიტორიაზე და საამქროებში არ არის საკმარისი რაოდენობის და შესაბამისი ხასიათის მქონე ამკრძალავი, სავალდებულო, სარეკომენდაციო და დამხმარე ხასიათის ნიშნები; ჟანგბადის და პროპანის ავზები მიმოფანტულია საწარმოს ტერიტორიაზე უკონტროლოდ. ექსპლუატაციაში მყოფ მაღალი წნევის ქვეშ მომუშავე მოწყობილობებს არ უტარდება ტექნიკური შემოწმება უსაფრთხოების კომპონენტზე; საწარმოს ტერიტორიაზე არსებული რეზერვუარები და სანიაღვრე არხი არ არის შემოღობილი ჯებირებით, შესაძლებელია პერსონალის ჩავარდნა და ტრამვირება; საწარმოოში წარმოქმნილი ნახმარი წყლები გაედინება ყოველგვარი გაწმენდა-გაუვნებლობის გარეშე; საწარმოს კუთვნილი მძიმე ტექნიკის ნაწილი საჭიროებს ტექნიკურად სრულ გამართვას; ამწე-მოწყობილობების ტექნიკური გამართულობა გაურკვეველია, ვერ წარმოადგინეს ტექნიკური შემოწმების დამადასტურებელი დოკუმენტაცია; არმატურის საამქრო წარმოადგენს არაკაპიტალურ, ტენტით ნაწილობრივ გადახურულ ფარდულს. შიდა და გარე პერიმეტრი გადატვირთულია სამრეწველო მასალით (არმატურით), ერგონომიკა მოუწესრიგებელია, დასაქმებულები მუშაობენ სამოქალაქო ტანსაცმელში, იდს-ების გამოყენების გარეშე, ელექტროგაყვანილობა მოსაწესრიგებელია. პრაქტიკულად უგულებელყოფილია შრომის დაცვის მინიმალური ნორმები.საწარმოო პროცესები არამექანიზმებულია და არ არის გათვალისწინებული ნაკადულობა; დასაქმებულებს სპეცტანსაცმელი და ინდივიდუალური დაცვის საშუალებები ეძლევათ დაგვიანებით (სამითვის ვადის გასვლის შემდეგ), არასრული კომპლექტაციით და უხარისხო. პერსონალი საწარმოო სივრცეში გადაადგილდება და დაკისრებულ მოვალეობას ასრულებს სამოქალაქო ტანსაცმლით, იდს-ების გარეშე.სპეციალურ სამუშაოებს ასრულებენ სათანადო აღჭურვილობის გარეშე; საწარმოს პერიმეტრი საჭიროებს კეთილმოწყობასა და დასუფთავებას; ადმინისტრაციული შენობის მიმდებარე პერიმეტრზე, მოუწყობელ პოლიგონზე წარმოებს ორგანიზაციის კუთვნილი ავტოსატრანსპორტო საშუალებების რეცხვა ინდივიდუალური დაცვის საშუალებების გამოყენების გარეშე; სასადილო არადამაკმაყოფილებელ მდგომარეობაშია. საჭიროებს კოსმეტიკურ რემონტს, მოსაწყობია ეფექტური სავენტილაციო სისტემა. შენობის კედლები დაფარულია სოკოს ფენით. არ არის სრულად გათვალისწინებული სურსათის უვნებლობის წესები. არ მოწმდება კვების ბლოკში დასაქმებულთა ჯანმრთელობის მდგომარეობა. საწარმოო სათავსებში ადგილი აქვს თამბაქოს მოხმარებას; ბეტონის საამქროში სამუშაო ადგილი მოწყობილია უშუალოდ ბეტონის ჩამომსხმელ დანადგარის სივრცეში. მოწყობილობების ტექნოლოგიური პროცესის ერთ-ერთ ძირითად ელემენტს წარმოადგენს ვიბრაცია, მტვერის წარმოქმნა, ხმაური. საწარმოო პროცესში გამოიყენება მოვიბრირე ხელის იარაღი. არ არის გათვალისწინებული მოწყობილობა სამუშაო ტანსაცმლის გაუმტვერიანებისათვის, არ გამოიყენებენ იდს-ებს: რესპირატორს, სმენის ორგანოს დამცავს, ვიბრომომაიზოლირებელ ხელთათმანებს, სათვალეს/ფარს. სიმაღლეზე ამსვლელი კიბეები არ არის შემოფარგლული ვარდნის საწინააღმდეგო მყარი სალტეებით. მოსაწესრიგებელია ელექტროობა; საწარმოო სათავსში მოსაწყობია რაციონალური განათება და არ ხორციელდება განათების გაზომვა; სამუშაო პროცესში გამოყენებული საწარმოო პროცესების მავნე ფაქტორებით (მტვერი, სახვადასხვა აეროზოლები, ნავთობპროდუქტები და სხვა) დაბინძურებული ტანსაცმელი ირეცხება საყოფაცხოვრებო პირობებში (ოჯახში) დასაქმებულების მიერ ინდივიდუალურად, რაც განაპირობებს მეორადი მტვერის და სხვა მავნეობის მესამე პირებთან (ოჯახის წევრები) კონტაქტს; დასაქმებულები არ არიან უზრუნველყოფილნი სანიტარული ნორმების შესაბამისი საყოფაცხოვრებო დანიშნულების ფართებით.კვების ბლოკი გამოიყენება მხოლოდ დასაქმებულთა ნაწილის მიერ, ხოლო დანარჩენს ეზღუდება მასზე წვდომა და იკვებება შეუსაბამო ჰიგიენურ პრობებში – საამქროებში მოწყობის მცირე ფარდულის ტიპის ფართებში ან / და უშუალოდ საამქროებში. დასაქმებულთა ნაწილს არ აქვს წვდომა საწარმოს პერიმეტრზე არსებულ საცხოვრებელ კომპლექსში საშხაპეებთან და ვერ იცავენ ელემენტარულ ჰიგიენურ ნორმებს. მოუგვარებელია მუშა-მოსამსახურეთა გასახდელების საკითხიც და პრაქტიკულად გასახდელად და გამოსაკვებად ერთიდაიგივე ფართს გამოიყენებენ; ორგანიზაცია არ ახორციელებს სამუშაო ადგილების მიკროკლიმატის მაჩვენებლებზე საწარმოს კონტროლს; ორგანიზაცია არ აწარმოებს სამუშაო სივრცეში მავნე ნივთიერებების ზღვრულად დასაშვები კონცენტრაციების კონტროლს. „ახალგაზრდა ადვოკატების“ კვლევით დადგენილია, რომ კომპანია „Sinohydro Corporation Limited“ სამშენებლო საქმიანობას ახორციელებს აგარა-ზემო ოსიაურის მონაკვეთის გაუმჯობესების, ავტომაგისტრალის რუისი-აგარა-აგარის შემოვლითი გზის მონაკვეთის გაუმჯობესების, ბათუმის შემოვლითი გზის მშენებლობის, ძირულა-ხარაგაული-მოლითი-ფონა-ჩუმათელეთის შიდასახელმწიფოებრივი გზის ძირულა-მოლითის მონაკვეთის რეაბილიტაციის, ბათუმი (ანგისა)-ახალციხე შიდასახელმწოფოებრივი გზის ხულო-ზარზმის მონაკვეთის სარეაბილიტაციო-სამშენებლო სამუშაოების, ქობულეთის შემოვლითი გზის მონაკვეთის მშენებლობის, სამტრედია-გრიგოლეთის საავტომობილო გზის მონაკვეთის მშენებლობისა და ავტომაგისტრალის ზემო ოსიაური-ჩუმათელეთის მონაკვეთის მშენებლობის ტერიტორიულ ერთეულებში. ცნობისთვის: „ახალგაზრდა ადვოკატებმა“ კომპანია „Sinohydro Corporation Limited“-ისა და საქართველოს საავტომობილო გზების დეპარტამენტის მიმართ, სამართლებრივი დავა 2018 წლის 1 თებერვალს დაიწყო, რომელიც ეხება საქართველოში მიმდინარე მსხვილ ინფრასტრუქტურულ პროექტებში დაზარალებული მესაკუთრეთა უფლებების დაცვას და სახელმწიფოს უმოქმედობის შეჩერებას. ორგანიზაცია სწავლობს – შესაძლოა იკვეთებოდეს ტენდერებში მონაწილე კომპანიის არაკეთილსინდისიერი ქმედებები, რაც გამოიხატება გამოცხადებულ სატენდერო კონკურსებში გამარჯვების მიზნით, პროექტის სრულყოფილად განხორციელებისთვის საჭირო რეალურ თანხაზე გაცილებით ნაკლების შეთავაზებით, ამ ფორმით, იოლი გამარჯვებით, ხოლო შემდგომ პროექტისთვის აუცილებელი საკმარისი ფინანსური სახსრების არ არსებობის გამო, მისი მნიშვნელოვანი ხარვეზებით განხორციელებით. ორგანიზაცია „Sinohydro Corporation Limited“-ს მიმართ საზოგადოებას მსოფლიოს სხვადასხვა ქვეყანაში განხორციელებული პროექტების მიმართ არსებულ მდგომარეობის ანალიზსაც წარმოუდგენს. საკითხზე კვლევა 2018 წლის მარტში გამოქვეყნდება.
კვირა.ჯი- http://kvira.ge/381081
---
14.02.2018
მედიასაშუალება: http://ghn.ge/com/news/view/197155
„ქართულ ოცნებას“ არ უნდა შრომის უსაფრთხოების ნორმების დარღვევისთვის ვინმეს დასჯა - ჭიაბერაშვილი
„ქართულ ოცნებას“ არ უნდა შრომის უსაფრთხოების ნორმების დარღვევისთვის ვინმეს დასჯა, - ამის შესახებ "ევროპული საქართველოს" წევრმა ზურაბ ჭიაბერაშვილმა შრომის უსაფრთხოების პრობლემებთან დაკავშირებით განაცხადა. მისი თქმით, სწორედ ამაში მდგომარეობს პრობლემა. "დღეს სწორედ პრობლემა მდგომარეობს იმაში, რომ ქართულ ოცნებას არ უნდა თუნდაც დღეს არსებული ნორმებით ვინმეს დასჯა. თუ კი დაისჯებოდა შესაბამისი კომპანიები ყოველ ასეთ ძალიან სავალალო შემთხვევებზე, მაშინ ეს იქნებოდა ყველაზე საუკეთესო პრევენცია იმისათვის, რომ აღარ მოხდეს ასეთი ფაქტები ან მნიშვნელოვნად შემცირდეს", - განაცხადა ზურაბ ჭიაბერაშვილმა.
---
14.02.2018
მედიასაშუალება: http://liberali.ge/news/view/34294/tetri-khmauri--sakhelmtsifo-gulgrili-rcheba-dasaqmebulta-uflebebis-mimart
„თეთრი ხმაური“: სახელმწიფო გულგრილი რჩება დასაქმებულთა უფლებების მიმართ
„თეთრი ხმაურის მოძრაობა“ დღევანდელ აქციას ეხმაურება. „ლიბერალი“ განცხადებას უცვლელად გთავაზობთ: „უკანასკნელი ხუთი წლის განმავლობაში 1209 ადამიანი დაიღუპა და დასახიჩრდა სამუშაო ადგილებზე. სულ რამდენიმე დღის წინ, მშენებლობამ 26 წლის ახალგაზრდის სიცოცხლე იმსხვერპლა. ეს ტრაგიკული შემთხვევები არ არის შემთხვევითი ხასიათის, ის პირდაპირი გამოძახილია ქვეყანაში არსებული ეკონომიკური და სოციალური უთანასწორობის მაღალი მაჩვენებლის, რაც სიღარიბეში მყოფ მოსახლეობას სიცოცხლისთვის საშიშ, უსაფრთხოების ნორმების არარსებობის პირობებში შრომას აიძულებს. ნაცვლად იმისა, სახელმწიფომ თვალი გაუსწოროს არსებულ საგანგაშო ვითარებას და ყველა გზას მიმართოს საკუთარი მოსახლეობის სიცოცხლის უზრუნველსაყოფად, ის გულგრილი რჩება დასაქმებულთა უფლებების მიმართ და ადამიანებს მონური პირობებისთვის, სიკვდილისთვის წირავს. ხელისუფლებას არათუ სისტემური ნაბიჯები გადაუდგამს მოსახლების კეთილდღეობის უზრუნველსაყოფად, პარლამენტი დღემდე აჭიანურებს და არასრულყოფილი ფორმით ცდილობს გაიტანოს კანონი შრომის უსაფრთხოების პირობების შესახებ, რომელსაც ქვეყანას ევროკავშირთან ასოცირების ხელშეკრულებაც ავალდებულებს. თეთრი ხმაურის მოძრაობა იყო და იქნება სოლიდარული ყველა იმ საკითხის მიმართ, რომელიც ჩვენს მოსახლეობას უმძიმეს ტვირთად აწევს. სამწუხაროდ დღეს ქვეყანაში სიმწვავის ხაზი არათუ შრომის ღირსეულ პირობებსა და სათანადო ანაზღაურებაზე, არამედ ადამიანთა სიცოცხლის შენარჩუნებაზე გადის. ყველა იმ ადამიანს, ვინ იაზრებს პრობლემის ტრაგიკულობას და ვისთვისაც მტკივნეულია დასაქმების ადგილებზე ჩვენი მოქალაქეების დაუსრულებელი გარდაცვალებისა თუ ჯანმრთელობის დაზიანების ფაქტები, მოგიწოდებთ მხარდაჭერა გამოხატოთ და შეუერთდეთ დღევანდელ აქციას“,- ნათქვამია „თეთრი ხმაურის მოძრაობის“ მიერ გვარცელებულ განცხადებაში. დღეს, თსუ-ის პირველი კორპუსიდან პარლემენტის მიმართულებით საპროტესტო-აქცია მსვლელობა იმართება.
---
14.02.2018
მედიასაშუალება: http://liberali.ge/news/view/34305/1209--samushao-adgilze-mushebis-daghupvis-gamo-saprotesto-aqtsia-mimdinareobs
„1209" - სამუშაო ადგილზე მუშების დაღუპვის გამო საპროტესტო აქცია მიმდინარეობს
„აუდიტორია 115-ის ორგანიზებით, თსუ-ს პირველი კორპუსის ეზოდან პარლამენტისკენ დაღუპული მუშების სოლიდარობისთვის მსვლელობა მიმდინარეობს. „2011 წლიდან 2017 წლამდე 1209 მშრომელი დაიღუპა და დასახიჩრდა სახელმწიფოს ეკონომიკური პოლიტიკისა და შრომის უსაფრთხოების არარსებობის გამო. ეს არის ომი ხალხსა და ბიზნეს-ელიტის ინტერესებზე მორგებულ სახელმწიფოს შორის. მაშინ როცა გვარწმუნებენ არჩევანის თავისუფლებაში, მოქალაქეებს არჩევანის გაკეთება შიმშილსა და უმძიმეს პირობებში შრომას შორის უწევთ. ეს არ არის არჩევანი! ეს არ არის თავისუფლება! სახელმწიფო თავისი უმოქმედობით გვაიძულებს ვაშენოთ ისეთი მკვლელი სახლები, რომელიც მსხვერპლად მშენებლების სიცოცხლეს ითხოვს! მოთმენას აღარ ვაპირებთ, არ შევეგუებით ადამიანების ყოველდღიურ მკვლელობას! სიჩუმე მკვლელობაში თანამონაწილეობაა", - აცხადებენ ორგანიზატორები.
---
14.02.2018
მედიასაშუალება: http://liberali.ge/news/view/34307/parlamentis-tsin-gardatsvilili-mushebis-amsakhveli-fugurebi-daatsyves
პარლამენტის წინ გარდაცვილილი მუშების ამსახველი ფუგურები დააწყვეს
პარლამენტის წინ, სადაც სამუშაო ადგილზე მუშების დაღუპვის გამო საპროტესტო აქცია მიმდინარეობს, აქციის მონაწილეებმა სტენსილი დახატეს და გარდაცვილილი მუშების ამსახველი ფუგურები დააწყვეს. „ნუ ამახინჯებთ ქალაქს", - პოლიციამ აქციის მონაწილეებს სიტყვიერი შენიშვნა მისცა. „2011 წლიდან 2017 წლამდე 1209 მშრომელი დაიღუპა და დასახიჩრდა სახელმწიფოს ეკონომიკური პოლიტიკისა და შრომის უსაფრთხოების არარსებობის გამო. ეს არის ომი ხალხსა და ბიზნეს-ელიტის ინტერესებზე მორგებულ სახელმწიფოს შორის. მაშინ როცა გვარწმუნებენ არჩევანის თავისუფლებაში, მოქალაქეებს არჩევანის გაკეთება შიმშილსა და უმძიმეს პირობებში შრომას შორის უწევთ. ეს არ არის არჩევანი! ეს არ არის თავისუფლება! სახელმწიფო თავისი უმოქმედობით გვაიძულებს ვაშენოთ ისეთი მკვლელი სახლები, რომელიც მსხვერპლად მშენებლების სიცოცხლეს ითხოვს! მოთმენას აღარ ვაპირებთ, არ შევეგუებით ადამიანების ყოველდღიურ მკვლელობას! სიჩუმე მკვლელობაში თანამონაწილეობაა", - აცხადებენ ორგანიზატორები.
---
14.02.2018
მედიასაშუალება: http://reportiori.ge/inside.php?menuid=68&id=64209
დავით სერგეენკო: გამოიყენეთ C ჰეპატიტის ელიმინაციის პროგრამით სარგებლობის შესაძლებლობა!
„მოგმართავთ ყველას, გამოიყენეთ C ჰეპატიტის ელიმინაციის პროგრამით სარგებლობის უნიკალური შესაძლებლობა, რადგან ის უსასრულოდ არ გაგრძელდება", - ამის შესახებ ჯანდაცვის მინისტრმა, დავით სერგეენკომ გადაცემაში „აქტუალური თემა მაკა ცინცაძესთან ერთად" სტუმრობისას განაცხადა. „შესაძლოა, მერე დაავადებასთან ერთი-ერთზე დარჩეთ და გადასახდელი გაგიხდეთ თანხა, რომელიც ჯერ კიდევ ძალიან მაღალია. ჩვენ გვქონდა რაღაც ჩამოყალიბებული ტრადიცია შიდსთან მიმართებით, როდესაც ეს უკიდურესად დახურული საზოგადოება იყო და, სამწუხაროდ, ნაწილობრივ, ასეც რჩება. იგივე იყო C ჰეპატიტის შემთხვევაშიც, მაგრამ ჩვენ გარღვევა მოვახერხეთ და ახლა ბევრი მხარდამჭერი გვყავს. სტიგმის გარღვევა არანაკლები მნიშვნელობის იყო, ვიდრე საკუთრივ მედიკამენტზე ხელმისაწვდომობა", - განაცხადა დავით სერგეენკომ. სერგეენკომ ასევე აღნიშნა, რომ სახელმწიფო სისხლში ტყვიის შემცველობის ანალიზის მასშტაბური კვლევის დაფინანსებას გეგმავს. „ეს კვლევა წელსვე დაიწყება და მასში მონაწილეობას მიიღებს ჯანდაცვის სამინისტრო, დაავადებათა კონტროლის ცენტრი და გაერო-ს ბავშვთა დაცვის ფონდი", - განაცხადა დავით სერგეენკომ.
მედიანიუს.ჯი- http://medianews.ge/ge/djandatsvis-ministri-mosakhleobas-c-hepatitis-eliminatsiis-programit-sargeblobisken-moutsodebs/39462
---
14.02.2018
მედიასაშუალება: http://reportiori.ge/inside.php?menuid=68&id=64211
დავით სერგეენკო: კერძო კლინიკების საწინააღმდეგო არაფერი მაქვს, მაგრამ...
„დღესდღეობით, კლინიკების 90%-ზე მეტი კერძოა და თუ ეს პარიტეტი გაგრძელდა, სისტემის მართვა ძალიან გართულდება", - განაცხადა ჯანდაცვის მინისტრმა, დავით სერგეენკომ გადაცემაში „აქტუალური თემა მაკა ცინცაძესთან ერთად" სტუმრობისას. „კერძო კლინიკების საწინააღმდეგო არაფერი მაქვს, მაგრამ როცა წელიწადზე ნაკლებ დროში ასეთი ქანქარისებური ეფექტი ხდება და სახელმწიფოს სახელმწიფო დაწესებულებების საყრდენი აღარ რჩება, სადაც ფასისა და ხარისხის ეტალონურ თამასას შექმნის, რასაც სხვებიც გაუსწორდებიან, ამ მდგომარეობით მომავალში სისტემის მართვა ძალიან გართულდება. ხარჯები მუდმივად გაიზრდება და ხარისხი, ალბათ, კლებისკენ წავა, ამიტომ, გეგმაში გვაქვს, სახელმწიფო საპირწონეები შევქმნათ. ამიტომ, ჩვენ სელექტიური კონტრაქტირების მოდელის გამოყენება დავიწყეთ. სანებართვო პირობების ზევით ვაწესებთ თამასას და ვთანამშრომლობთ მხოლოდ ისეთ კლინიკებთან, რომლებიც ამ თამასას დააკმაყოფილებენ. ამ თამასის დაკმაყოფილება კი მხოლოდ ძალიან მაღალი კლასის კლინიკებს შეუძლიათ, რომლებსაც ნაკლები გართულება, შესაბამისად, ნაკლები ხარჯი და მოვლის მაღალი ხარისხი აქვთ", - განაცხადა სერგეენკომ.
---
14.02.2018
მედიასაშუალება: http://reportiori.ge/inside.php?menuid=2&id=64205
დავით სერგეენკო: პენსიონერები და შშმ პირები მედიკამენტებს ნახევარ ფასად მიიღებენ
სოციალურად დაუცველი პირები, რომელთა სარეიტინგო ქულა 100 000-ზე ნაკლებია მედიკამენტებს სიმბოლურ ფასად 1 ლარად იღებენ, საყოველთაო ჯანდაცვის პროგრამის ფარგლებში ცვლილების შემდეგ კი მიმღებთა სიას შეზღუდული შესაძლებლობის მქონე ადამიანები და პენსიონერებიც ემატება, თუმცა ერთი განსხვავებით, ისინი მედიკამენტებს არა 1 ლარად, არამედ ნახევარ ფასში მიიღებენ. ამ საკითხზე ჯანდაცვის მინისტრმა დავით სერგეენკომ პირველი არხს განუცხადა. „თუ მოსარგებლეები მხოლოდ 100 000-ზე ნაკლები ქულის მქონენი იყვნენ, ახლა მათ უკვე პენსიონერები და შშმ პირები დაემატება, მაგრამ, ალბათ, პარამეტრები საშუალებას არ მოგვცემს, მედიკამენტები მათაც სიმბოლურ ფასად, ერთ ლარად მივცეთ. ისინი დაახლოებით, ნახევარ ფასს გადაიხდიან", - განაცხადა მინისტრმა.
---
14.02.2018
მედიასაშუალება: http://liberali.ge/news/view/34287/daavadebata-kontrolis-erovnuli-tsentri-tsitelas-atsrastan-dakavshirebit-skolebs-mimartavs
დაავადებათა კონტროლის ეროვნული ცენტრი წითელას აცრასთან დაკავშირებით სკოლებს მიმართავს
დაავადებეთა კონტროლის ცენტრმა (NCDC) განათლებისა და მეცნიერების სამინისტროს მიმართა, სკოლებში შეგროვდეს ინფორმაცია წითელაზე აცრილი და აუცრელი მოსწავლეების შესახებ. როგორც განათლებისა და მეცნიერების სამინისტროში „ლიბერალს“ განუმარტეს, ინფორმაციას სკოლის ექიმები აგროვებენ, იმ სკოლებში კი, სადაც ექიმი არაა, სკოლის დამრიგებლები. იმ მოსწავლეების მშობლებს, რომლებიც აცრილები არ არიან, აწოდებებ ინფორმაციას აცრის საჭიროების შესახებ. მიმდინარე წლის 30 იანვარს დაავადებათა კონტროლისა და საზოგადოებრივი ჯანმრთელობის ეროვნულ ცენტრში წითელას შემთხვევების ზრდისა და იმუნიზაციის საკითხებზე პრესკონფერენცია გაიმართა. პრესკონფერენციაზე ითქვა, რომ 2018 წელს, 29 იანვრის მდგომარეობით, ქვეყანაში უკვე აღირიცხა წითელას 102 შემთხვევა, მათ შორის აჭარაში - 86. „აჭარაში ეპიდაფეთქებაა და ეს გავრცელდება მთელ საქართველოში, თუ ადამიანები არ იქნებიან აცრილები. რეკომენდაცია არის აცრა. 2008 წელს იმუნიზაციის კამპანიის ჩაშლამ განაპირობა ის, რომ ეს ჩვენ კიდევ დიდი ხანი გაგვყვება“, - განაცხადა დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ. ამავე სტატისტიკით, შემთხვევათა 34% მოდის 20 წლის ზევით ასაკობრივ ჯგუფში, მაღალია ასევე 1 წლამდე ასაკობრივი ჯგუფის წილი 19,5%. რომელშიც ასევე ყველაზე მაღალია ავადობის მაჩვენებელი 100000 მოსახლეზე - 58.5, რაც თანდაყოლილი იმუნიტეტის დეფიციტზე მიუთითებს. დაავადებათა კონტროლის ცენტრის ინფორმაციით, აუცრელი ბავშვები, განსაკუთრებით ჩვილები, წარმოადგენენ მაღალი რისკის ჯგუფს წითელათი დაავადების, მისი გართულებებისა და გარდაცვალების მხრივ. ასევე, დაავადების განვითარების მაღალი რისკის ქვეშ იმყოფებიან არავაქცინირებული ორსული ქალები. დაავადების შემდგომი გავრცელების შეზღუდვის მიზნით წითელას ყველა შემთხვევის ირგვლივ ტარდება პრევენციული და კონტროლის ღონისძიებები ეპიდზედამხედველობის ლაბორატორიული დიაგნოსტირების ჩათვლით და იმუნიზაციის მიმართულებით: ბავშვთა გეგმური იმუნიზაციით მოცვის გაუმჯობესება და დროული ვაქცინაციის უზრუნველყოფა; წითელაზე საეჭვო შემთხვევებთან კონტაქტირებულთა ვაქცინაცია; 20-40 წლის არაიმუნური მოსახლეობის ვაქცინაცია; 40 წლამდე ყველა სამედიცინო მომსახურების მიმწოდებლების/თანამშრომლების იმუნიზაცია;წითელა ერთ-ერთი ყველაზე გადამდები დაავადებაა - ვირუსთან კონტაქტის შემდეგ ავადდება იმუნიტეტის არმქონე ინდივიდების 90%-ზე მეტი. ტრადიციულად, წითელა ბავშვთა დაავადებად ითვლება, მაგრამ შეიძლება დაავადდეს ნებისმიერი ასაკის ადამიანი თუ მას აცრის შემდგომი ან ადრე გადატანილი წითელას ინფექციით განპირობებული იმუნიტეტი არა აქვს. წითელას ვირუსის გადაცემა ხდება ჰაეროვანი გზით. კლინიკურად, წითელა ხასიათდება ცხელებით, სპეციფიური გამონაყარით და ზედა სასუნთქი გზებისთვის დამახასიათებელი სიმპტომებით. შემთხვევათა 30%-ში ადგილი აქვს დაავადების ისეთ გართულებებს, როგორიცაა ოტიტი, პნევმონია, დიარეა და პოსტინფექციური ენცეფალიტი. წითელას იშვიათი, მაგრამ ძალიან სერიოზული შორეული გართულებაა ქვემწვავე მასკლეროზირებელი პანენცეფალიტი, რომელიც შესაძლებელია განვითარდეს დაავადების გადატანიდან რამდენიმე წლის შემდეგ ბოლო წლებში, წითელას ეპიდემიოლოგიამ განიცადა მნიშვნელოვანი ცვლილება, რაც გამოიხატა შემთხვევათა შორის უფროსი ასაკის ბავშვებისა და მოზრდილების წილის ზრდაში. საქართველოში 1990 წლიდან წითელას ფართომასშტაბიანი ეპიდემია რეგისტრირებული არ ყოფილა 2004-2005 წლამდე, როდესაც აღირიცხა დაავადების 8 391 (უპირატესად უფროსი ასაკის ბავშვებში და ახალგაზრდებში) და გარდაცვალების 9 შემთხვევა. წითელას შემდეგი დიდი აფეთქება აღინიშნა 2013-2015 წლებში, როცა დაავადდა 11 000 მეტი ადამიანი, უპირატესად მოზრდილები და 5 წლამდე ასაკის ბავშვები. აღნიშნული აფეთქებისას ლეტალურად დასრულდა 4 შემთხვევა. წითელას ეს ეპიდაფეთქებები უკავშირდება ერთი მხრივ, 1990-იან წლების დასაწყისში იმუნიზაციის პროგრამის და 2008 წელს წითელას საწინააღმდეგო აცრების კამპანიის ჩავარდნას, რის შედეგადაც არასრულად აცრილ მოსახლეობაში დაგროვდა დიდი რაოდენობით არაიმუნური პირი, რომელიც უკვე მოზრდილ ასაკში დაავადდნენ, მეორე მხრივ კი არაიმუნური ფენის დაგროვებას უმცროსი ასაკის ბავშვებში გეგმიური ვაქცინაციით არასათანადო მოცვის გამო. 2013-2016 წლებში იმუნიზაციის დამატებითი ღონიძიებების ფარგლებში აიცრა 30 წლამდე ასაკის 200 000-მდე პირი. ამ ღონისძიებამ გეგმიურ ვაქცინაციასთან ერთად განაპირობა 2016 წელს დაავადების შემთხვევების მნიშვნელოვნად შემცირებას და ქვეყანაში დარეგისტრირდა წითელას 14 შემთხვევა. 2016 - 2017 წლებში წითელას ეპიდაფეთქებები დაფიქსირდა ევროპის რეგიონში, აღირიცხა 14 939 წითელას შემთხვევა, 34 დასრულდა ლეტალურად (რუმინეთი იტალია, საბერძნეთში, ბულგარეთი, გერმანია, პორტუგალია, საფრანგეთი, ესპანეთი).
---
14.02.2018
მედიასაშუალება: http://region.ge/1897-gorshi-dedam-arasrultslovani-gogona-miatova.html
გორში დედამ არასრულწლოვანი გოგონა მიატოვა
გორის პოლიციამ ვერ მიაკვლია დედის ადგილსამყოფელს, რომელმაც არასრულწლოვანი შვილი მიატოვა. ამის თაობაზე სამმართველოს უფროსის წერილი დღევანდელ სასამართლო სხდომაზე წაიკითხეს. სოცილური სააგენტოს სოცმუშაკი ანა კორინთელი დედობის უფლების ჩამორთმევას ითხოვს. 1 წელია, სოციალური მომსახურების სააგენტოს წარმომადგენლები 14-წლის გოგონას დედის მაგიერ მზრუნველობას უწევენ. დედობის უფლების ჩამორთმევის მოთხოვნით, ანა კორინთელმა სასამართლოს სამი კვირის წინ მიმართა. ,,ორი წელია შვილთან კონტაქტი არ ჰქონია, არ დაურეკავს, არც შეხმიანებია, ჩვენც ვერ შევძელით მისი მოძიება. ამიტომაც, ჩავთვალეთ საჭიროდ, რომ პოლიციის ძალით მოგვეძებნა“ - განაცხადა პროცესზე სოცმუშაკმა. სასამართლოზე იძულების წესით დედის გამოცხადება ვერ მოხერხდა. მოსამართლე ნინო შარაძემ დედის მოსაძებნად საბოლოო გზა გამონახა. სასამართლოს სტენდეზე ერთი თვის მანძილზე საჯარო შეტყობინება იქნება გაკრული, სადაც პროცესზე გამოსაცხადებლად დედას კიდევ ერთხელ მოუწოდებენ. იმ შემთხვევაში, თუ არასრულწლოვანი გოგონას დედა კვლავ არ გამოცხადდება, საქმეზე დაუსწრებელი გადაწყვეტილება მიიღება. სოცმუშაკები გოგონას ბედით ორი წლის წინ დაინტერესდნენ. ბავშვი ბებიასთან ერთად ცხოვრობდა. ამჟამად, ბებია (დედის დედა) ქირით ცხოვრობს, რომლის თანხას მერია იხდის. ისინი ოფიციალურად გორის მუნიციპალიტეტის ერთ-ერთ სოფელში არიან რეგისტრირებულები.
---
ბეჭდვითი მედია
15.02.2018
მედიასაშუალება: მესინჯერი
2017 წელს 305 ექიმიდან 300 ექიმის შემთხვევაში დადასტურდა, რომ მათ მიერ გარკვეულ გადაცდომას ჰქონდა ადგილი
საქართველოს ჯანდაცვის სამინისტროს სამედიცინო რეგულირების სააგენტოს ინფორმაციით, გასული წლის განმავლობაში პროფესიული პასუხისმგებლობა 300 ექიმს დაეკისრა. მოპოვებული ინფორმაციის თანახმად, 207 ექიმს მიეცა ”წერილობითი გაფრთხილება”, სერტიფიკატის მოქმედება სხვადასხვა ვადით კი 93 ექიმს შეუჩერდა. ”სააგენტოს უფროსის ბრძანების საფუძველზე, პაციენტთათვის გაწეული სამედიცინო დახმარების ხარისხის შესწავლა დაწყებულია 170 შემთხვევაში. პროფესიული განვითარების საბჭომ განიხილა 305 ექიმის პროფესიული პასუხისმგებლობა: 2 ექიმს არ დაეკისრა პროფესიული პასუხისმგებლობა; 3 ექიმის საკითხის განხილვა გადაიდო სამართალდამცავი ორგანოებიდან დამატებითი ინფორმაციის წარმოდგენის შემდეგ. 300 ექიმს დაეკისრა პროფესიული პასუხისმგებლობა. აქედან, 207 ექიმს მიეცა ”წერილობითი გაფრთხილება”; სახელმწიფო სერტიფიკატის მოქმედება, სხვადასხვა ვადით, შეუჩერდა 93 ექიმს”, - ნათქვამია სამედიცინო რეგულირების სააგენტოს ინფორმაციაში.
---
15.02.2018
მედიასაშუალება: ინდიგო
როცა არავინ წუხს, შეიძლება ყველაფერი მოხდეს!
ტელევიზიით გვაჩვენეს სვანეთში მცხოვრები მამა, რომელმაც გადაწყვიტა,თავისი 8 ბავშვი სახლში წლების მანძილზე გამოეკეტა, რადგან მიაჩნია, რომ საზოგადოებისგამ მისი შვილები მხოლოდ ცუდს ისწავლიდნენ. დევნოზაშვილების ამ გადაწყვეტილების გამო, 8 არასრულწლოვანს არც ბაღში უვლია, არც სკოლაში; მათ ეკრძალებათ ჭიშკრის გარეთ გასვლა, მეზობლებთან ურთიერთობა და ევალებათ, მთელი დრო გაატარონ სახლში, სადაც მამის ნაამბობიდან სწავლობენ იმას, თუ რა არის ცხოვრება, რა ხდება "გარეთ". ამ შემთხვევის შესახებ სოციალური მომსახურების სააგენტომ 8 წლის წინ შეიტყო, თუმცა ბავშვების ძალადობისგან დაცვა ვერ შეძლეს, ვერც მოძალადე მშობლებისთვის სამართლებრივი პასუხისმგებლობის დაკისრება მოახერხეს. უფრო საგანგაშო კი ის არის, რომ ოფიციალურად დედ-მამას მშობლის უფლებები შეუზღუდეს, მაგრამ სახელმწიფომ ვერ მოახერხა, სასამართლო გადაწყვეტილება აღსრულებულიყო. ბავშვები დღესაც ჩაკეტილები არიან, ეკრძალებათ თანატოლებთან ლაპარაკი, ხოლო ის, თუ რა ხდება დევნოზაშვილების სახლის დახურულ კარს მიღმა, ბოლომდე არავინ იცის. ჩვენთან პრობლემა ისაა, რომ სკოლის მიღმა დარჩენილი ბავშვების რაოდენობა არ არის დაბალი, ამავდროულად, ზუსტად არავინ იცის, სად არიან ბავშვები, რომლებიც სკოლაში არ დადიან. განათკლების სამინისტროს არ აქვს ამ ბავშვების რაოდენობის ამსახველი ზუსტი მონაცემები. მშობლის ძალადობრივი ქმედება და სახელმწიფოს უუნარობა ერთად ვერ იცავს მსხვერპლებს და ასაზრდოებს მომავალ ძალადობასა და თვითნებობას სახელმწოფოში. როცა არავინ წუხს, შეიძლება ყველაფერი მოხდეს!
---