მედიამონიტორინგი 30.01.2018
ტელევიზია
30.01.2018
არხი: იმედი
გადაცემა: ქრონიკა 11:00
საქართველოში წითელას 102 შემთხვევა დაფიქსირდა. აქედან 86 აჭარაში. ამის შესახებ დაავადებათა კონტროლის ეროვნული ცენტრში განაცხადეს. ამირან გამყრელიძე ამბობს, რომ 2017 წლის მეორე ნახევრიდან ზრდის დინამიკა შეინიშნება. ეპიდემიის საწინააღმდეგოდ კი ღონისძიებებს ატარებენ, როგორც აჭარაში, ასევე მთელი საქართველოს მასშტაბით. ამირან გამყრელიძე საზოგადოებას ვაქცინაციისკენ მოუწოდებს.
http://mediamonitoring.ge/mms/includes/video/video.php?id=5008563
---
30.01.2018
არხი: რუსთავი 2
გადაცემა: კურიერი 09:00
სოციალურად დაუცველი 56 წლის მამაკაცი დედაქალაქის მერიას დახმარებას სთხოვს. მამაკაცს ქვედა კიდურის ამპუტაცია რამდენიმე დღის წინ ჩაუტარდა, უსახსრობის გამო საავადმყოფოდან გამოწერეს და უკვე რამდენიმე დღეა ღამეს ღია ცის ქვეშ ათევს. 56 წლის მამაკაცს სახლი ორი კვირის წინ ხანძრის შედეგად დაეწვა და მეზობლებმა მას თავშესაფარი ეზოში არსებულ პატარა ფარდულში მოუწყვეს.
http://mediamonitoring.ge/mms/includes/video/video.php?id=5008220
---
30.01.2018
არხი: რუსთავი 2
გადაცემა: კურიერი 09:00
ბაღების მართვის სააგენტოს ხელმძღვანელის მიერ გაკეთებული განცხადება შესაძლოა, გამოძიების საფუძველი გახდეს. საკრებულოს ფრაქცია „ნაციონალური მოძრაობა“ დღეს მთავარ პროკურტურას მიმართავს. ოპოზიცია საგამოძიებო უწყებისგან საკითხის მოკვლევასა და კახაბერ გვანცელაძის გამოკითხვას ითხოვს, თუ საიდან ფლობს ინფორმაციას სააგენტოს უფროსი, იმის შესახებ, რომ აღსაზრდელებისთვის განკუთვნილი საკვები სხვადასხვა სახის დაავადებებს იწვევდა.
http://mediamonitoring.ge/mms/includes/video/video.php?id=5008205
---
29.01.2018
არხი: ტვ პირველი
გადაცემა: საქმის კურსი 22:30
მომხმარებლის მოთხოვნის შემთხვევაში, აფთიაქებს მედიკამენტების ქართულენოვანი ინსტრუქციის გაცემა ევალებათ, - ამის შესახებ „bm.ge ს“ სამედიცინო საქმიანობის სახელმწიფო რეგულირების სააგენტოდან აცნობეს. მათივე ინფორმაციით, საქართველოს კანონმდებლობით, ნებისმიერ მომხმარებელს შეუძლია აფთიაქში მოითხოვოს შეძენილი სამკურნალო საშუალების ქართულენოვანი გამოყენების ინსტრუქცია. მოთხოვნის შემთხვევაში, აფთიაქმა უნდა უზრუნველყოს მომხმარებლისათვის ფარმაცევტული პროდუქტის გამოყენების ინსტრუქციის ქართულენოვანი ვერსიის მიწოდება
http://mediamonitoring.ge/mms/includes/video/video.php?id=5007971
---
29.01.2018
არხი: ტელეკომპანია აჭარა
გადაცემა: მთავარი 21:00
დროული იმუნიზაცია და სიმპტომების არსებობის შემთხვევაში მედიკოსებისთვის დროული მიმართვა – ექიმები და სახელმწიფო უწყებების წარმომადგენლები აუცრელ მოქალაქეებს აცრისკენ მოუწოდებენ. საქმე ეხება წითელას ვირუსულ ინფექციას. აღსანიშნავია, რომ შემთხვევების რაოდენობა გასული წლის ანალოგიურ პერიოდთან შედარებით საგრძნობლადაა გაზრდილი. განსაკუთრებულ რისკ-ჯგუფს 0-დან 1 წლამდე ასაკის აუცრელი ბავშვები წარმოადგენენ.
http://mediamonitoring.ge/mms/includes/video/video.php?id=5007930
ტელეკომპანია აჭარა - მთავარი 15:00-
http://mediamonitoring.ge/mms/includes/video/video.php?id=5006950
---
29.01.2018
არხი: პალიტრა ტვ
გადაცემა: პალიტრა ნიუს 16:00
2017 წლის განმავლობაში სალიცენზიო, სანებართვო და ტექნიკური რეგლამენტის პირობების დარღვევის გამო 142 სამედიცინო დაწესებულება დაჯარიმდა. როგორც ჯანდაცვის სამინისტროში აცხადებენ, 2017 წელს სამინისტროს მიერ სამედიცინო/სააღმზრდელო დაწესებულებებში, სალიცენზიო, სანებართვო, ტექნიკური რეგლამენტის პირობების და სავარაუდო უკანონო საექიმო/სამედიცინო საქმიანობის შემოწმება 360 შემთხვევაში განხორციელდა.
http://mediamonitoring.ge/mms/includes/video/video.php?id=5007184
---
29.01.2018
არხი: რუსთავი 2
გადაცემა: კურიერი 18:00
სახალხო დამცველი იმ რვა ბავშვის ბედით ინტერესდება, რომლებსაც მამა უკვე წლებია სახლიდან არ უშვებს, სკოლაში სწავლას და თანატოლებთან კონტაქტსაც უკრძალავს. ამ საქმეზე ძიება იძულების მუხლით დაიწყო შსს-მ.
http://mediamonitoring.ge/mms/includes/video/video.php?id=5007493
---
29.01.2018
არხი: იმედი
გადაცემა: ქრონიკა 20:00
თბილისში საშიში დაავადების ბოტულიზმის შემთხვევა დაფიქსირდა. ოთხი ადამიანი დაკონსერვებული საკვებით დაავადდა, მათგან ერთის მდგომარეობა შედარებით მძიმეა. მათ ოჯახურ პირობებში დამზადებული დანდურის კონსერვი მიირთვეს. დაავადებათა კონტროლის ცენტრი მოქალაქეებს სიფრთხილისკენ მოუწოდებს და რეკომენდაციებს აძლევს.
http://mediamonitoring.ge/mms/includes/video/video.php?id=5007812
მაესტრო - ახალი ამბები 15:00-
http://mediamonitoring.ge/mms/includes/video/video.php?id=5006864
---
29.01.2018
არხი: კავკასია
გადაცემა: ბარიერი
ჰრიდომ ჰაუსის 2018 წლის ანგარიშში წერა რომ შრომის უსაფრთხოებასთან დაკავშირებით პრობლემები არსებობს ქვეყანაში.
http://mediamonitoring.ge/mms/includes/video/video.php?id=5007871
---
29.01.2018
არხი: I არხი
გადაცემა: აქტუალური თემა 21:30
მარტოხელა მშობლის სტატუსი, რომლის მოპოვებაც საკანონმდებლო ხარვეზების გამო ამ დრომდე პრობლემაა. რა ცვლილებები უნდა შევიდეს კანონმდებლობაში.
http://mediamonitoring.ge/mms/includes/video/video.php?id=5007921
---
ინტერნეტი
30.01.2018
2017 წლიდან საქართველოში წითელას შემთხვევების ზრდა დაფიქსირდა, წელს უკვე 102 შემთხვევაა აღრიცხული
2017 წლიდან საქართველოში წითელას შემთხვევების ზრდა დაფიქსირდა, - ამის შესახებ დაავადებათა კონტროლის ეროვნული ცენტრის ინფორმაციაშია ნათქვამი. მათი ცნობით, 2018 წელს 29 იანვრის მდგომარეობით, ქვეყანაში უკვე აღირიცხა წითელას 102 შემთხვევა, მათ შორის აჭარაში - 86. "შემთხვევათა 34% მოდის 20 წლის ზევით ასაკობრივ ჯგუფში, მაღალია ასევე 1 წლამდე ასაკობრივი ჯგუფის წილი 19,5%, რომელშიც ასევე ყველაზე მაღალია ავადობის მაჩვენებელი, 100000 მოსახლეზე - 58.5, რაც თანდაყოლილი იმუნიტეტის დეფიციტზე მიუთითებს. აუცრელი ბავშვები, განსაკუთრებით ჩვილები, წარმოადგენენ მაღალი რისკის ჯგუფს წითელათი დაავადების, მისი გართულებების და გარდაცვალების მხრივ. ასევე დაავადების განვითარების მაღალი რისკის ქვეშ იმყოფებიან არავაქცინირებული ორსული ქალები. დაავადების შემდგომი გავრცელების შეზღუდვის მიზნით წითელას ყველა შემთხვევის ირგვლივ ტარდება პრევენციული და კონტროლის ღონისძიებები ეპიდზედამხედველობის ლაბორატორიული დიაგნოსტირების ჩათვლით და იმუნიზაციის მიმართულებით: ბავშვთა გეგმური იმუნიზაციით მოცვის გაუმჯობესება და დროული ვაქცინაციის უზრუნველყოფა; წითელაზე საეჭვო შემთხვევებთან კონტაქტირებულთა ვაქცინაცია; 20 - 40 წლის არაიმუნური მოსახლეობის ვაქცინაცია; 40 წლამდე ყველა სამედიცინო მომსახურების მიმწოდებლების/თანამშრომლების იმუნიზაცია; წითელა სიცოცხლისათვის საშიში დაავადებაა", - ნათქვამია უწყების ინფორმაციაში. დაავადებათა კონტროლის ეროვნული ცენტრი მოსახლეობას ვაქცინაციისკენ მოუწოდებენ.
იმედინიუს.ჯი- https://imedinews.ge/ge/saqartvelo/46183/daavadebata-kontrolis-tsentri-saqartveloshi-tsitelas-shemtkhvevebi-gakhshirda
---
30.01.2018
მედიასაშუალება: http://commersant.ge/?view=post&id=138096&lang_id=ge
მეტროსადგურ „ვარკეთილში“ ჭერი ჩამოინგრა, რის შედეგადაც 11 ადამიანია დაშავებული
მეტროსადგურ „ვარკეთილში“ ე.წ. შეკიდული ჭერი ჩამოინგრა, რის შედეგადაც 11 ადამიანია დაშავებული. ამის შესახებ „ინტერპრესნიუსს“ საგანგებო სიტუაციების მართვის სამსახურში განუცხადეს.ადგილზე მაშველებთან ერთად საპატრულო პოლიცია მუშაობს. შემთხვევის ადგილზე მისვლას აპირებს თბილისის მერი კახა კალაძეც. შეგახსენებთ, „ვარკეთილის“ სადგურის სარემონტო სამუშაოები, მეტროსადგურების რეაბილიტაციის პროექტის მიხედვით, 2016 წლის ბოლოს დაიწყო. სამუშაოების ფარგლებში მეტრო “ვარკეთილში“ განახლდა სადგურის ქვედა და ზედა ვესტიბიულების ინტერიერი, გარემონტდა დახრილი გვირაბი, გაიწმინდა იატაკის გრანიტი და მარმარილო. სადგურებში დამონტაჟდა ახალი საოპერატორო ჯიხურები და ტურნიკეტები, მოეწყო მეტროს ნავიგაციის თანამედროვე სისტემა. სამშენებლო სამუშაოები ტენდერში გამარჯვებულმა შპს „ყვარელრემმშენმა“ ჩაატარა. განახლებული მეტროსადგური ვარკეთილი 2017 წლის სექტებერში გაიხსნა. ამისათვის ბიუჯეტიდან 347 852 ლარი იყო გამოყოფილი. ამჟამად თბილისში 22 მეტროსადგური ფუნქციონირებს, რომელიც 2 ხაზზეა განლაგებული - ახმეტელი-ვარკეთილის და საბურთალოს ხაზი. მეტროპოლიტენის ხაზების საერთო სიგრძე 56 კილომეტრია.
---
30.01.2018
მედიასაშუალება: http://pirveliradio.ge/index.php?newsid=98909
სერგეენკო მეტროსადგურში დაშავებულებს მოინახულებს
მეტროსადგურ ”ვარკეთილში” მომხდარი შემთხვევის შედეგად დაშავებულთა რიცხვი 11-მდე გაიზარდა. დაშავებულთა შორისაა საპატრულო პოლიციის თანამშრომელი. დაშავებულთაგან სამი თბილისის ზღვის ჰოსპიტალშია მოთავსებული, მათ შორისაა ჟურნალისტი გიორგი საკარული, ერთი გადაყვანილია "ოპტიმალ მედიში", ხოლო დანარჩენები ინგოროყვასა და ამტელის კლინიკებში არუინ გადანაწილებული. დაშავებულებს ჯანდაცვის მინისტრი დავით სერგეენკო მოინახულებს.
ინტერპრესნიუს.ჯი- http://www.interpressnews.ge/ge/sazogadoeba/475492-metrosadgur-varkethilshi-momkhdari-shemthkhvevis-shedegad-dashavebulebs-jandacvis-ministri-moinakhulebs.html
---
30.01.2018
მეტროსადგურ „ვარკეთილში“ მომხდარი შემთხვევის შედეგად დაშავებულები საავადმყოფოებში გადაჰყავთ
მეტროსადგურ „ვარკეთილში“ მომხდარი შემთხვევის შედეგად დაშავებულები საავადმყოფოებში გადაჰყავთ. როგორც „ინტერპრესნიუსს“ ერთ-ერთმა თვითმხილველმა განუცხადა, დაინახა, როგორ ჩამოინგრა ე.წ. შეკიდული ჭერი და ის ბაქანზე მდგომ მოქალაქეებს დაეცა. „ესკალატორის ბოლო საფეხურიდან ჩავდიოდი, როცა დავინახე, რომ ჭერი ჩამოინგა და ქვეშ მოყვნენ ადამიანები, რომლებიც მატარებელს ელოდებოდნენ. როგორც ამბობენ, დაშავებული სამ მოქალაქეზე მეტი უნდა იყოს, თუმცა სავარაუდოდ, გარდაცვლილი არავინაა. სამაშველო ბრიგადებს ისინი ამ წუთებში გამოჰყავთ და სასწრაფო დახმარების ბრიგადებს საავადმყოფოში მიჰყავთ“, - განუცხადა „ინტერპრესნიუსს“ თვითმხილველმა. მეტროსადგური „ვარკეთილი“ გადაკეტილია. ადგილზე მობილიზებულია სახანძრო, სასწრაფო და საპატრულო ბრიგადები. შეგახსენებთ, რომ მეტროსადგურ "ვარკეთილს" რეაბილიტაცია ცოტა ხნის წინ ჩაუტარდა. კერძოდ, "ვარკეთილის" სადგურის სარემონტო სამუშაოები 2016 წლის ბოლოს დაიწყო და 2017 წლის სექტემბერში დასრულდა.
---
29.01.2018
მედიასაშუალება: http://netgazeti.ge/news/248322/
მშობლის მიერ რვა შვილის სახლში სავარაუდო ჩაკეტვის შესახებ სოცსააგენტო განცხადებას ავრცელებს
ლენტეხის მუნიციპალიტეტში მცხოვრებ დევნოზაშვილების ოჯახთან დაკავშირებით, სადაც, წინასწარი ინფორმაციით, რვა ბავშვი ჰყავს მშობელს სახლში ჩაკეტილი, სოციალური მომსახურების სააგენტო ოფიციალურ განცხადებას ავრცელებს. განცხადების ტექსტს უცვლელად გთავაზობთ: „დევნოზაშვილების ოჯახთან სოციალური მომსახურების სააგენტო 2010 წლიდან მუშაობს. 2010 წელს სააგენტოში ლენტეხის საგანმანათლებლო რესურსცენტრიდან შემოვიდა მომართვა სოფელ რცხმელურში მცხოვრები დევნოზაშვილების მრავალსულიანი ოჯახის შესახებ, რომ მშობლებს სასკოლო ასაკის არცერთი ბავშვი არ დაჰყავთ სკოლაში საკუთარი რელიგიური შეხედულებებიდან გამომდინარე. ოჯახთან მუშაობა დაიწყო სოციალურმა მუშაკმა, ოჯახი ჩაერთო პრევენციის პროგრამაში და სოციალური მუშაკი დღემდე აგრძელებს ყოველთვიურ ვიზიტებს ოჯახში. ოჯახში მუდმივად ცხოვრობს ოჯახის 11 წევრი: მამა, დედა, ბებია და ცოლ-ქმრის 8 შვილი. შვილებიდან 3 უკვე სრულწლოვანია, მეოთხე შვილი წელს ხდება 18 წლის. მშობლების გადაწყვეტილებით, ბავშვები სკოლაში არ დადიან და არა აქვთ სოციალურ გარემოსთან აქტიური ურთიერთობა. ისინი განათლებას იღებენ ოჯახში მშობლების დახმარებით. დედას აქვს უმაღლესი პედაგოგიური განათლება და ეხმარება ბავშვებს სწავლის პროცესში. 2010 წლიდან დღემდე ხორციელდება ოჯახთან ყოველთვიური ვიზიტები და მშობლებს უტარდებათ კონსულტაცია. ოჯახთან მუშაობის პროცესში ჩართული იყო ადგილობრივი თვითმმართველობის ორგანოები, რესურს–ცენტრი, სამართალდამცავი ორგანოები, სოფლის სკოლის დირექტორი, სოფლის ექიმი და ცაგერ-ლენტეხის ეპარქიის ეპისკოპოსი. ოჯახში ვიზიტები განახორციელეს უფროსმა სოციალურმა მუშაკმა და ფსიქოლოგმა, მაგრამ ხანგრძლივი მუშაობის მიუხედავად მშობლები არ იცვლიან აზრს ბავშვების განათლების მიღებასთან დაკავშირებით. 2011 წელს მშობლებს შეზღუდული ჰქონდათ მშობლის წარმომადგელობითი უფლებამოსილება სასამართლოს მიერ, მაგრამ ვერ მოხერხდა აღსრულება და ბავშვების ოჯახიდან გამოყვანა სპეციფიკური გარემოსა და ბევრი ფაქტორის გამო. ამ პრობლემასთან დაკავშირებით შედგა შემთხვევის კონფერენცია, სადაც ყველა ჩართული სტრუქტურის ერთობლივი გადაწყვეტილება იყო, რომ ბავშვები დარჩენილიყვნენ ბიოლოგიურ ოჯახში, რადგან არ იკვეთება ბავშვებზე ფიზიკური ძალადობა და ბავშვებს ძლიერი მიჯაჭვულობა აქვთ მშობლებთან. გარკვეული პერიოდი ოჯახში სკოლის პედაგოგი დადიოდა და ინდივიდუალურად ამეცადინებდა ბავშვებს, თუმცა გარკვეული პერიოდის შემდეგ ოჯახის მოთხოვნით ეს მეცადინეობებიც შეწყდა. მშობლები მუდმივად აკონტროლებენ ბავშვების ჯანმრთელობის მდგომარეობას და საჭიროების შემთხვევაში მიმართავენ ექიმს. ოჯახთან მუშაობის დროს არ იკვეთება ბავშვებზე ფიზიკური ძალადობის შემთხვევა, მშობლები შესაძლებლობის ფარგლებში ზრუნავენ შვილებზე. რაკი ბავშვების ოჯახიდან გამოყვანა ვერ მოხერხდა, სოციალურმა სამსახურმა იმუშავა ოჯახის გაძლიერების მიმართულებებით და ყველა პროგრამაში ჩართო ოჯახი. დევნოზაშვილები ფიქსირდებიან სოციალურად დაუცველთა ბაზაში, აქვთ დაბალი სარეიტინგო ქულა და იღებენ საარსებო შემწეობას. უმცროსი ბავშვი სარგებლობდა კვების ვაუჩერით 12 თვის განმავლობაში 2010-2011 წლებში. 2014 წელს ოჯახმა მიიღო დახმარება „კრიზისულ მდგომარეობაში მყოფი ბავშვიანი ოჯახების გადაუდებელი დახმარების“ ქვეპროგრამის ფარგლებში. ადგილობრივი მუნიციპალიტეტიდან ოჯახი იღებს მრავალშვილიანი და სოციალურად დაუცველი ოჯახებისთვის განკუთვნილ ყოველთვიურ დახმარებას. ბავშვები, რომელთაც აქვთ ჯანმრთელობის პრობლემა, ასევე ჩართული არიან მედიკამენტების სახელმწიფო პროგრამაში და იღებენ მათთვის აუცილებელ მედიკამენტებს“. ლენტეხის მუნიციპალიტეტის ერთ-ერთ სოფელში მცხოვრები ამირან დევნოზაშვილი, რომელსაც რვა შვილი ჰყავს, სასკოლო ასაკის ბავშვებს არც სკოლაში წასვლის უფლებას აძლევს და არც გარეთ გამოსვლის. იგივე პირობებში ცხოვრობენ მისი სრულწლოვანი შვილები. ფაქტის შესახებ რამდენიმე წელია ინფორმირებული არიან როგორც ძალოვანი უწყებები, ასევე სოციალური მომსახურების სააგენტო, თუმცა ბავშვების განრიდება ამ დრომდე არ მომხდარა.
ბათუმელები.ჯი- http://batumelebi.netgazeti.ge/news/113021/
---
29.01.2018
მედიასაშუალება: http://batumelebi.netgazeti.ge/news/113128/
ანა არგანაშვილი: სააგენტოს განცხადება ბავშვთა დაცვის დაბალი სტანდარტის მაჩვენებელია
არასამთავრობო ორგანიზაცია „პარტნიორობა ადამიანის უფლებებისთვის“ წარმომადგენელს, ანა არგანაშვილს, „ბათუმელები“ ლენტეხში მშობლების მიერ რვა შვილის სახლში ჩაკეტვის ფაქტთან დაკავშირებით სოციალური მომსახურების სააგენტოს მიერ გაკეთებულ განცხადებაზე ესაუბრა. ანა არგანაშვილის თქმით, ეს განცხადება ნათლად აჩვენებს, რომ სახეზეა სახელმწიფო ორგანოს უმოქმედობის ბევრი ნიშანი, რაც, სხვა ფაქტორებთან ერთად, გამოწვეულია დაბალი კომპეტენციით და იმ გარემოებით, რომ სააგენტო ბავშვთა დაცვის მიმართულებით ძალიან დაბალი სტანდარტით მუშაობს: „კონკრეტულად ამ საქმეს ვერ შევაფასებ, რადგან არ მაქვს გადამოწმებული ინფორმაცია და ზუსტად არ ვიცი, იქ რა ხდება, მაგრამ შემიძლია ვისაუბრო სახელმწიფოს უმოქმედობაზე იმ ინფორმაციაზე დაყრდნობით, რაც მათ თავად გაავრცელეს. ჩვენ, ფაქტობრივად, უკვე მერამდენედ ვხედავთ, რომ სოციალური სამსახური ვერ ასრულებს თავის, როგორც მეურვეობისა და მზრუნველობის სახელმწიფო ორგანოს მოვალეობას ვერც ერთი მიმართულებით. ეს აშკარაა, როცა ქუჩაში გაყინულ ბავშვებს ვხედავთ, აშკარაა, როცა შშმ ბავშვების მძიმე მდგომარეობას ვხედავთ და აშკარად გამოჩნდა ამ შემთხვევაშიც“. ანა არგანაშვილის შეფასებით, სოციალური მომსახურების სააგენტოს მიერ გავრცელებულ განცხადებაში არის ძალიან სერიოზული ხარვეზები ბავშვთა უფლებების კუთხით, რადგან განცხადებაში სააგენტო აქცენტს აკეთებს მხოლოდ ფიზიკურ ძალადობაზე და ავიწყდება სხვა უამრავი სახის ძალადობა, რასაც შეიძლება ადგილი ჰქონდეს. „ძალადობას აქვს ბევრი ფორმა, არის ფსიქოლოგიური, ემოციური, ეკონომიკური და ა.შ. ბავშვისთვის განათლების უფლების შეზღუდვა არის ძალადობის ერთ-ერთი ფორმა, რომელსაც უგულებელყოფა ჰქვია. ამიტომ ეს განცხადება, ჩემი აზრით, ძალიან სუსტი და ქვეყანაში ბავშვთა დაცვის დაბალი სტანდარტის ამსახველია და კიდევ ერთხელ ავლენს სახელმწიფოს უმოქმედობას ბავშვთა უფლებების დაცვის კუთხით. განცხადებაში ჩანს, რომ სააგენტო კმაყოფილდება მშობლების მიერ მიცემული განათლებით, რასაც სამართლებრივად ვერ ექნება შედეგი, თუ ბავშვებმა არ ჩააბარეს გამოცდები ექსტერნის წესით და არ აიღეს შესაბამისი კლასისა თუ სკოლის დასრულების დიპლომი. ეროვნული კანონმდებლობა შინ სწავლებას სპეციალური წესით აწესრიგებს და პროცესი ვერ იქნება სახელმწიფოს კონტროლის მიღმა, ვინაიდან განათლების მიღება ბავშვებისათვის ჩვენს ქვეყანაში სავალდებულოა. შემაშფოთებელია, როცა სააგენტო კანონმდებლობით გათვალისწინებული განათლების მიღების წესზე არ მიუთითებს თავის განცხადებაში და კმაყოფილდება ერთ-ერთი მშობლის პროფესიის მითითებით, თითქოს ერთ ადამიანს ყველა კლასის, ყველა საგნის სწავლება ხელეწიფებოდეს და ბავშვთა განათლების ხარისხს კანონი არ აწესრიგებდეს საქართველოს კონსტიტუციის შესაბამისად.“ ანა არგანაშვილის შეფასებით, სერიოზული ხარვეზია ის, რომ სააგენტომ თითქმის ათი წლის განმავლობაში ვერ შეძლო შედეგის მიღწევა და ვერ დაიცვა ბავშვები: „ამდენი წელი ვმუშაობდითო, ამბობს სააგენტო და „მუშაობაში“ გულისხმობენ მხოლოდ საუბარს. მხოლოდ საუბარი მუშაობა არ არის. უნდა ვიცოდეთ, იყო თუ არა სამართლებრივი დასკვნა იმაზე, რომ ამ ბავშვების უფლებები ირღვეოდა და რამდენად ადეკვატური იყო უწყების შეფასება. ლაპარაკი და მოლაპარაკება შეიძლება იყოს მუშაობის ერთი მიმართულება, მაგრამ როდესაც ბავშვების უფლების სავარაუდო დარღვევაზე ვსაუბრობთ, აქ სამართალის სავალდებულო მოქმედება შემოდის.“ არგანაშვილის თქმით, სააგენტოს განცხადებაში ჩანს, რომ სააგენტო ორიენტირებულია არა იმაზე, თუ რა საჭიროებები ჰქონდათ ბავშვებს, არამედ იმაზე, თუ რა შეეძლოთ შეეთავაზებინათ არსებული რესურსების ფარგლებში. „მათ მიერ აღწერილი პროგრამები, სადაც ოჯახი ჩაერთო, ვერ ანაცვლებს ბავშვის საჭიროებას და უფლებას ჰქონდეს სოციალური ურთიერთობები, არ იყოს შეზღუდული მისი გადაადგილება, ხელმისაწვდომი იყოს მისთვის მართლმსაჯულება, ჰქონდეს განვითარების სრულფასოვანი პირობები და სხვა. ამიტომ ამ პროგრამების დასახელება არის თავის მართლების რეჟიმი, რაც კიდევ ერთხელ გვარწმუნებს, რომ სააგენტოს უმოქმედობის გადაფარვა ხდება. განცხადებაში ასევე ვკითხულობთ, რომ სახელმწიფო ორგანოებმა ვერ მოახერხეს სასამართლო გადაწყვეტილების აღსრულება, რაც ასევე სერიოზულ კანონდარღვევას წარმოადგენს და ამას არ მოჰყოლია შესაბამისი სამართლებრივი რეაგირება.“ ანა არგანაშვილის შეფასებით, თუ დადასტურდება მითითებული გარემოებები, ამ კონკრეტულ შემთხვევაში ასევე სახეზეა სკოლის დირექტორის, სოფლის ექიმისა და ყველა ოფიციალური პირის გულგრილობა. „ყველა ოფიციალურ უწყებას აქვს ოფიციალური რეაგირების ვალდებულება, ესენი კი რეაგირების ნაცვლად წლების განმავლობაში გულგრილად ეკიდებოდნენ ამ ინფორმაციას. სახეზეა უმოქმედობის ბევრი ნიშანი და სააგენტოს ეს განცხადება არის ქვეყანაში ბავშვთა უფლებების დაცვის ძალიან დაბალი სტანდარტის გამოხატულება.“
---
29.01.2018
მედიასაშუალება: http://netgazeti.ge/news/248478/
იუნისეფის განცხადებით, სახლში ჩაკეტილი ბავშების უფლებები მყისიერად უნდა აღდგეს
გაეროს ბავშვთა ფონდი მიიჩნევს, რომ რვა ბავშვი, რომლებიც მამას ამირან დევნოზაშვილს სახლში ჰყავს ჩაკეტილი, ძალადობის მსხვერპლია. “იუნისეფის” განცხადებითვე, სახელმწიფომ მყისიერად უნდა აღადგინოს სახლში ჩაკეტილი ბავშვების უფლებები. გაეროს ბავშვთა ფონდის კომუნიკაციის პროგრამის ხელმძღვანელის მაია ქურციკიძის თქმით, განვითარება, განათლების მიღება და საზოგადოებაში ინტეგრაციის შესაძლებლობა ბავშვის ფუნდამენტური უფლებებია: “ამ საქმის შესწავლისას შეიძლება სხვა უფლებების დარღვევაც გამოვლინდეს. ერთი შეხედვითაც ცალსახაა, რომ ბავშვის უფლებების უგულებელყოფა ხდება და ძალადობის მსხვერპლი არიან ეს ბავშვები, რადგან ამ უფლებების უგულებელყოფა უკვე ძალადობაა. მნიშვნელოვანია, რომ ბავშვებს რაც შეიძლება სწრაფად აღუდგეთ მათი უფლებები. ეს როგორ უნდა მოხდეს, ამაზე სისტემამ, სხვადასხვა უწყებებმა უნდა იმსჯელოს, მათ შორის, სამართალდამცავმა ორგანოებმა. ზოგადად ვიტყოდით, რომ სისტემა უნდა ახდენდეს უფრო ეფექტიან და დროულ რეაგირებას ასეთ შემთხვევებზე. თუ ამ კონკრეტულ სისტემამდე მიდის ეს ინფორმაცია. მასზე უნდა რეაგირებდეს მყისიერად სახელმწიფო და უპირატესობა უნდა ენიჭებოდეს ბავშვის საუკეთესო ინტერესებს და უფლებებს. ასეთი ფაქტები ცალსახაა, რომ არ უნდა ხდებოდეს”,- ამბობს მაია ქურციკიძე “ნეტგაზეთთან” საუბრისას. რა ვიცით დემნოზაშვილების ოჯახზე, სადაც 8 შვილი მამის გადაწყვეტილებით, ბაბშვები არც სკოლაში დადიან და გარესამყაროსთან კომუნიკაცია აკრძალული აქვთ: ამირან დევნოზაშვილს 8 შვილი ჰყავს, 3 ბიჭი და 5 გოგო. ყველაზე უფროს შვილი 21 წლისაა, ყველაზე უმცროსი კი, 7 წლის. ოჯახში მუდმივად ცხოვრობს ოჯახის 11 წევრი: მამა, დედა, ბებია და ცოლ-ქმრის 8 შვილი. შვილებიდან 3 უკვე სრულწლოვანია, მეოთხე შვილი წელს ხდება 18 წლის. ბავშვებს სკოლაში არასდროს უვლიათ, ამირან დევნოზაშვილი მიიჩნევს, რომ შვილებს უკეთესად ზრდის, ვიდრე სკოლაში. სახელმწიფომ 2010 წლიდან იცის, რომ ამირან დევნოზაშვილი შვილებს სახლიდან არ უშვებს ოჯახი ჩაერთულია პრევენციის პროგრამაში და სოციალური მუშაკი დღემდე მუშაობს მათთან. დედას აქვს უმაღლესი პედაგოგიური განათლება და ეხმარება ბავშვებს სწავლის პროცესში. სოციალური მომსახურების სააგენტოს ცნობით, ოჯახთან მუშაობის პროცესში ჩართული იყო ადგილობრივი თვითმმართველობის ორგანოები, რესურს–ცენტრი, სამართალდამცავი ორგანოები, სოფლის სკოლის დირექტორი, სოფლის ექიმი და ცაგერ-ლენტეხის ეპარქიის ეპისკოპოსი, თუმცა მათ აზრი ვერ შეაცვლევინეს 2011 წელს მშობლებს შეზღუდული ჰქონდათ მშობლის წარმომადგელობითი უფლებამოსილება სასამართლოს მიერ, მაგრამ სააგენტოოს ცნობით, გადაწყვტილება ვერ აღსრულდა. სააგენტოს ცნობითვე, ოჯახთან მუშაობის დროს არ იკვეთება ბავშვებზე ფიზიკური ძალადობის შემთხვევა, მშობლები შესაძლებლობის ფარგლებში ზრუნავენ შვილებზე. არასამთავრობო ორგანიზაცია „პარტნიორობა ადამიანის უფლებებისთვის“ მიიჩნევს, რომ სახეზეა სახელმწიფო ორგანოს უმოქმედობის ბევრი ნიშანი, რაც დაბალი კომპეტენციით და ბავშვთა დაცვის ძალიან დაბალი სტანდარტითაა გამოწვეული. ცაგერისა და ლენტეხის მიტროპოლიტ სტეფანეს თქმით, ამირან დევნოზაშვილმა მას უთხრა, რომ მართლმადიდებელი წმინდანის, ეგნატე ბრიანჩანინოვის სწავლებით მოქმედებს, თუმცა, მიტროპოლიტის თქმით, დევნოზაშვილი ეპისკოპოსის სწავლებებს არასწორ ინტერპრეტაციას უკეთებს შინაგან საქმეთა სამინისტრომ საქმეზე გამოძიება დაიწყო. მინისტრის მოადგილის ნათია მეზვრიშვილის თქმით, გამოძიება დაადგენს, არიან თუ არა ისინი შინაპატიმრობაში.
---
29.01.2018
მედიასაშუალება: http://netgazeti.ge/news/248350/
შსს-ს თქმით, სავარაუდო შინაპატიმრობაში მყოფი ბავშვების საქმე მხოლოდ მათი მოსაგვარებელი საკითხი არაა
შს მინისტრის მოადგილემ, ნათია მეზვრიშვილმა, ლენტეხის მუნიციპალიტეტში სავარაუდო შინაპატიმრობაში მყოფ რვა ბავშვთან დაკავშირებით მედიასთან განცხადება გააკეთა. მისი თქმით, გამოძიება გაარკვევს, არიან თუ არა ბავშვები შინაპატიმრობაში. „სვანეთში მიმდინარე მოვლენებთან დაკავშირებით მოგახსენებთ, რომ ეს არის საკმაოდ კომპლექსური და სენსიტიური საკითხი. ის, რაც შინაგან საქმეთა სამინისტროზე იყო დამოკიდებული, უკვე გავაკეთეთ. დაუყოვნებლივ გამოძიება ამ ფაქტზე იძულების მუხლით დავიწყეთ, თუმცა ერთმნიშვნელოვნად შეგვიძლია აღვნიშნოთ, რომ მხოლოდ გამოძიების დაწყება ამ საქმეზე და კონკრეტული პირების სისხლისსამართლებრივი პასუხისმგებლობის საკითხის დაყენება ვერ იქნება ამ საკითხის გადაჭრის ერთადერთი სწორი გამოსავალი იმიტომ, რომ კიდევ ერთხელ აღვნიშნავ, საკითხი სენსიტიურია, კომპლექსურია, არასრულწლოვნები არიან ამ პროცესებში ჩართულები და, შესაბამისად, ჩვენ ვთვლით, რომ სოციალური სამსახურების როლიც ამ პროცესებში არის ძალიან მნიშვნელოვანი. გამოძიება მიმდინარეობს, ჩავატარებთ შესაბამის საგამოძიებო მოქმედებებს და ახალი დეპარტამენტის კონტექსტში გამოვთქვამთ სრულ მზადყოფნას, რომ ყველა მხარე, რომელსაც ამ საქმისადმი აქვს ინტერესი, მზად ვართ, რომ ამ ახალი დეპარტამენტის კონტექსტში შევხვდეთ ამ ადამიანებს, გავესაუბროთ და ერთობლივად მივიღოთ კანონიერი გადაწყვეტილება. ეს პროცესი გაგრძელდება არასამთავრობო სექტორთან და ყველა დაინტერესებულ მხარესთან მჭიდრო თანამშრომლობით იმიტომ, რომ კიდევ ერთხელ ვამბობ, ეს არ არის მხოლოდ სამართალდამცავი ორგანოების მიერ მოსაგვარებელი საკითხი. ეს ადამიანები შინაპატიმრობაში იმყოფებიან თუ არა, ამ საკითხს გამოძიება დაადგენს. ამიტომ დაიწყო გამოძიება, რომ გავარკვიოთ, არიან თუ არა შინაპატიმრობაში. ჩვენთვის როგორც კი გახდა ცნობილი, რეაგირება დაუყოვნებლივ მოვახდინეთ და დავიწყეთ გამოძიება“. რვა არასრულწლოვანს თითქმის ათი წელია მშობლების მიერ შეზღუდული აქვს გადაადგილების, სკოლაში სიარულის და სხვა უფლებები. ამის თაობაზე განცხადება დღეს, 29 იანვარს, სოციალური მომსახურების სააგენტომაც გაავრცელა.
---
29.01.2018
სამედიცინო საქმიანობის რეგულირების სააგენტო აფთიაქებს მოუწოდებს, მოთხოვნისას მომხმარებლებს მედიკამენტების ქართულენოვანი ინსტრუქცია მისცენ
მომხმარებლის მოთხოვნის შემთხვევაში, აფთიაქებს მედიკამენტების ქართულენოვანი ინსტრუქციის გაცემა ევალებათ, - ამის შესახებ „ინტერპრესნიუსს“ სამედიცინო საქმიანობის სახელმწიფო რეგულირების სააგენტოდან აცნობეს. მათივე ინფორმაციით, საქართველოს კანონმდებლობით, ნებისმიერ მომხმარებელს შეუძლია აფთიაქში მოითხოვოს შეძენილი სამკურნალო საშუალების ქართულენოვანი გამოყენების ინსტრუქცია. მოთხოვნის შემთხვევაში, აფთიაქმა უნდა უზრუნველყოს მომხმარებლისათვის ფარმაცევტული პროდუქტის გამოყენების ინსტრუქციის ქართულენოვანი ვერსიის მიწოდება. როგორც სამედიცინო საქმიანობის სახელმწიფო რეგულირების სააგენტოში აცხადებენ, მოსახლეობის ინფორმირებულობის მიზნით, აფთიაქმა თვალსაჩინო ადგილზე უნდა განათავსოს განცხადება, რომ მომხმარებლებს შეუძლიათ მოითხოვონ წამლის გამოყენების ქართულენოვანი ინსტრუქცია და მიიღონ მოთხოვნისთანავე. მკურნალობის პროცესის უსაფრთხოდ წარმართვისა და მომხმარებლის ინტერესებიდან გამომდინარე, სააგენტო აფთიაქებს აღნიშნული ვალდებულების აქტიური აღსრულებისკენ მოუწოდებს.
ექსპრესნიუს.ჯი-http://epn.ge/?id=59512
პია.ჯი- https://pia.ge/post/182955-aftiaqebs-medikamentebis-qartulenovani-instruqciis-gacema-evalebat
კომერსანტ.ჯი- http://commersant.ge/?view=post&id=138065&lang_id=ge
ტივი25.ჯი- http://tv25.ge/news.php?lang=ge&id=5297
---
29.01.2018
მედიასაშუალება: http://kvira.ge/378341
თბილისში ბოტულიზმით 4 ადამიანი დაავადდა
თბილისში საშიში დაავადების ბოტულიზმის შემთხვევა დაფიქსირდა. ოთხი ადამიანი დაკონსერვებული საკვებით დაავადდა, მათგან ერთის მდგომარეობა შედარებით მძიმეა. მათ ოჯახურ პირობებში დამზადებული დანდურის კონსერვი მიირთვეს. დაავადებათა კონტროლის ცენტრი მოქალაქეებს სიფრთხილისკენ მოუწოდებს და რეკომენდაციებს აძლევს.
---
29.01.2018
მედიასაშუალება: http://tv25.ge/news.php?lang=ge&id=5295
წითელას ინფექციით დავირუსებულთა რიცხვი კიდევ უფრო გაიზარდა
წითელათი ინფიცირების რიცხვი 80 -მდე გაიზარდა. ინფორმაციას აჭარის საზოგადოებრივი ჯანდაცვის ცენტრში ავრცელებენ და მოსახლეობას შესაბამისი რეკომენდაციით მიმართავენ. მათი ინფორმაციით, ინფიცირების შემთხვევები ძირითადად აუცრელ მოსახლეობაშია გავრცელებული. ცენტრის დირექტორი მათ დროული ვაქცინაციისაკენ მოუწოდებს. ნინო ნიჟარაძე აცხადებს, რომ წითელათი დავირუსებულთა უმრავლესობა - 65% ბათუმშია, 17 % კი ხელვაჩაურის მუნიციპალიტეტში. სხვა მუნიციპალიტეტებში ვირუსის ინფიცირების ერთეული შემთხვევები ფიქსირდება. წითელას ვაქცინაციის გაკეთების მოთხოვნით, მოქალაქეებმა საკუთარ უბნის ექიმს უნდა მიმართონ.
---
29.01.2018
მედიასაშუალება: http://gurianews.com/article/mtavari/sazogadoeba/gavertiandet-7-tslis-ilias-gadasarchenad
გავერთიანდეთ 7 წლის ილიას გადასარჩენად
თბილისში მცხოვრები ოთარ ჩხაიძის ოჯახი დახმარებას ითხოვს. მის პატარა ძმას, 7 წლის ილია ჩხაიძეს მწვავე ლიმფობლასტური ლეიკემია აქვს. ის უკვე 2 თვეა იაშვილის კლინიკაში წევს, სადაც მკურნალობის 1-ელ კურსს უტარებენ, თუმცა მომდევნო 2 კურსის გავლა საზღვარგარეთ არის საჭირო. როგორც ოთარ ჩხაიძე „გურია ნიუსთან“ საუბრისას ამბობს, ბავშვის წაყვანა სამკურნალოდ ისრაელშია საჭირო, რადგან მედიკამენტები, რაც საქართველოშია მისი ორგანიზმი ვერ ეგუება. „ჩემი ძმა ამჟამად იაშვილის კლინიკაში მკურნალობის 1-ელ კურსს ამთავრებს. მე-2 და განსაკუთრებით, მე-3 კურსის გავლა ძალიან უჭირთ ბავშვებს. ჯანდაცვის სამინისტროს რჩევით და ჩვენი სურვილით, გვინდა, რომ საზღვარგარეთ წავიყვანოთ. 2 კურსი იქნება ჩასატარებელი და 150 000 დოლარი ჯდება. ექიმები მეუბნებიან, რომ მკურნალობას ექვემდებარება და შესაძლებელია დარჩენილი 2 კურსი საქართველოში გაიაროს, მაგრამ იმედს 70%-ს მაძლევენ, 30%-ს კი ვერ მაძლევენ, ქიმიოთერაპიის იმ მედიკამენტების გამო, რაც უნდა გაუკეთდეს, რადგან ორგანიზმი უკუჩვენებებს იძლევა. 1-ელი ეტაპიც ძლივს გადაიტანა“, _ამბობს ჩხაიძე. მისივე თქმით, ქალაქის მერიიდან და ჯანდაცვის სამინისტროდან დაფინანსებას ელოდება. მას ასევე იმედი აქვს, რომ პატარა ძმის სამკურნალო თანხის შეგროვებაში კეთილი ადამიანების დახმარების იმედი აქვს. „ვცდილობთ ის თანხა შევაგროვოთ, რაც ისრაელში მკურნალობისთვისაა საჭირო. გერმანიაშიც გვინდოდა წაყვანა, მაგრამ მკურნალობა იქ უფრო ძვირი ჯდება. თბილისის მერიიდან და ჯანდაცვის სამინისტროდან დაფინანსების შესახებ ველოდები პასუხს. ვაპირებ, მივმართო სოლიდარობის ფონდსაც. ოჯახს არ აქვს იმდენი შემოსავალი, რომ ჩემი ძმის სამკურნალოდ წაყვანა დამოუკიდებლად, სხვების დახმარების გარეშე შევძლოთ. იმედი გვაქვს კეთილი ადამიანები შეძლებისდაგვარად, დაგვეხმარება“, _ ამბობს ჩხაიძე. ილია ჩხაიძეს დასახმარებლად თი ბი სი ბანკში სპეციალური ანგარიშია გახსნილი: GE08TB7514245061100055 მიმღები: ოთარ კვიჭიძე
---
29.01.2018
დავეხმაროთ ამ მზესავით ბიჭს იმაში, რომ გააგრძელოს ცხოვრება, თუნდაც ეტლში! "
ჟურნალისტი ნინია ახვლედიანი სოციალურ ქსელში სტატუსს აქვეყნებს და საზოგადოებას ავთო კიკნაველიძის დასახმარებლად გაერთიანებისკენ მოუწოდებს. "ჩემო მეგობრებო, უმორჩილესად გთხოვთ, დავეხმაროთ ამ მზესავით ბიჭს იმაში, რომ გააგრძელოს ცხოვრება, თუნდაც ეტლში! თვენახევრის წინ რუსთაველზე მომხდარი ავარიის შედეგად, მეექვსე სკოლელ 17 წლის ავთო კიკნაველიძეს დაუზიანდა ზურგის ტვინი და ყველა კიდური წართმეული აქვს. ახლა სასწორზე მისი სიცოცხლე და ჯანმრთელობა დევს! გერმანიის ერთ-ერთი კლინიკა იძლევა იმედს, რომ მისი მდგომარეობის გაუმჯობესება შესაძლებელია. ავთო ჯერ ისეთ ეტაპზეა, რომ ეტლსაც ვერ მოიხმარს... ძალიან გთხოვთ, გააზიაროთ ეს ამბავი ყველამ და განსაკუთრებით თქვენ, ვისაც ბევრი ფოლოუერი გყავთ!!!! ანგარიშის ნომერი: GE44BG0000000035929400 (საშუამავლო ბანკები: Commerzbank Frankfurt, Germany; SWIFT: COBADEFF. Citibank N.A. New York, USA; SWIFT: CITIUS33), თიბისი ბანკი, საბანკო კოდი TBCBGE22. ანგარიშის ნომერი: GE59TB7465345062100003. მიმღები - მერაბ კიკნაველიძე.
---
29.01.2018
მედიასაშუალება: http://www.ipress.ge/new/99193-qutaisshi-N3-samshobiaro-sakhlis-eqims-2-tslit-patimroba-miusajes
ქუთაისში, N3 სამშობიარო სახლის ექიმს 2 წლით პატიმრობა მიუსაჯეს
ამის შესახებ ინფორმაციას მტავარი პროკურატურა ავრცელებს. "სასამართლომ პაციენტის სიცოცხლის გაუფრთხილებლობით მოსპობის ფაქტზე ბრალდებული ექიმი დამნაშავედ სცნო ქუთაისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და პაციენტის სიცოცხლის გაუფრთხილებლობით მოსპობის ფაქტზე ექიმი ი.მ. დამნაშავედ სცნო საქართველოს სისხლის სამართლის კოდექსის 116-ე მუხლის პირველი ნაწილით. სასამართლო პროცესზე გამოკვლეული მტკიცებულებებით დადასტურდა, რომ 2012 წლის 18 ივლისს ორსულმა ვ.მ.-მ ქ. ქუთაისში შპს „ქუთაისის N3 სამშობიარო სახლს“ მიმართა და ექიმ ი.მ-სთან აღრიცხვაზე დადგა. 2013 წლის 7 იანვარს მას ექიმ ი.მ-ს მიერ საკეისრო კვეთა ჩაუტარდა, ხოლო 2013 წლის 10 იანვარს სახლში გაეწერა. რამდენიმე დღეში ვ.მ.-ს ჯანმრთელობის მდგომარეობა გაუარესდა და მან ი.მ-ს მიმართა, რომელმაც არ მოახდინა პაციენტის მდგომარეობის სწორი შეფასება და სათანადო მკურნალობის ჩატარება, რის გამოც ვ.მ.-ს ჯანმრთელობის მდგომარეობა კიდევ უფრო გაუარესდა და იგი 2013 წლის 25 იანვარს გარდაიცვალა. ი.მ.-ს 2014 წლის 4 ივლისს წარედგინა ბრალდება სისხლის სამართლის კოდექსის 116-ე მუხლის პირველი ნაწილით (სიცოცხლის მოსპობა გაუფრთხილებლობით) და საქმე წარიმართა სასამართლოში არსებითად განსახილველად. ქუთაისის საქალაქო სასამართლომ ი.მ. დამნაშავედ სცნო წარდგენილ ბრალდებაში და სასჯელის სახედ და ზომად 2 წლით თავისუფლების აღკვეთა განუსაზღვრა. განაჩენის გამოცხადების შემდეგ ი.მ. სასამართლო დარბაზში დააკავეს", - ნათქვამია გავრცელებულ განცხადებაში.
---
29.01.2018
მედიასაშუალება: http://reportiori.ge/inside.php?menuid=74&id=63138
„უმძიმესი სანახავია იმ მშობლთა დათრგუნული სახეები, რომლებიც ბავშვს უსახსრობის გამო მასაჟებს ვერ უკეთებენ!“
ადამიანის ჯანმრთელობას საფუძველი ჩვილობის ასაკიდან ეყრება, შესაბიმისად, სწორ ფიზიკურ განვითარებას უდიდესი როლი აკისრია ჩვენი შვილების სრულფასონი აღზრდის კუთხით. რა ადგილი უკავია სამკურნალო და გამაჯანსაღებელ მასაჟს ბავშვის ფიზიკური განვითარების საქმეში და რას უნდა მიაქციოს ყურადღება მშობელმა? ამ და სხვა მნიშვნელოვან საკითხებზე ფიზიოთერაპევტი ნიკა წიკლაური „ასავალ-დასავალს" ესაუბრა. - ნიკა, რამდენად დიდი როლი აკისრია მასაჟს ბავშვის განვითარებაში? - წლამდე ასაკის ჯანმრთელ ბავშვს გამაჯანსაღებელი მასაჟის რამდენიმე კურსი უნდა ჩაუტარდეს, რათა პატარა ჯერ ჯდომისა და შემდეგ დგომისათვის მოვამზადოთ! რაც შეეხება პათოლოგიებს, როგორიცაა ტერფმრუდობა, კისერმრუდობა, შეზღუდვა მენჯ-ბარძყის არეში, ამ შემთხვევაში სამკურნალო მასაჟი დაბადების პირველივე კვირებიდან ინიშნება პედიატრის მიერ. ადრეული ასაკიდან ვიწყებთ მასაჟებს ნერვული წნულის დაზიანებისა და დისპლაზიის დროს. სერიოზული მუშაობის ჩატარება ხდება საჭირო, რათა შევაჩეროთ სქოლიოზი და ხერხემლის გულმკერდის ნაწილის გამრუდება. როდესაც გარკვეულ მიზეზთა გამო, ვერ ტარდება მასაჟი, შემდგომ ეს აისახება ხერხემალზე და ზოგადად ირღვევა საყრდენ-მამოძრავებელი სისტემის მუშაობა. თანამედროვე ბავშვებში ბაღის და სკოლის ასაკიდან მოხშირებულია ე.წ. ხერხემლის გამრუდება, რომელიც გარდა სიმძიმეების აწევის და სხვა გამომწვევი მიზეზებისა, სწორედ ჩვილობის ასაკიდან არსებულ პრობლემებს უკავშირება. საუბედუროდ, ჩვენს ქვეყანაში არსებული მძიმე ეკონომიკური ფონი და ახალგაზრდა ოჯახების ხელმოკლეობა, სავალალოდ აისახება ბავშვების ჯანმრთელობაზე. ხდება ისეც, რომ ფინანსური პრობლემების გამო, მშობლები ბავშვს არათუ რამდენიმე კურსს, მასაჟების ერთ კურსსაც კი ვერ უტარებენ! - რა თანხა ჯდება მასაჟი და რამდენ მასაჟს აერთიანებს ერთი კურსი? - ჯანმრთელობის მდგომარეობიდან გამომდინარე, კურსის ხანგრძლივობა ინდივიდუალურია და დაახლოებით 10-15 მასაჟით შემოიფარგლება. ერთი წლის ასაკამდე სასურველია 2-3 კურსი ჩატარდეს. უმძიმესი სანახავია იმ მშობლთა დათრგუნული სახეები, რომლებიც ბავშვს უსახსრობის გამო, მასაჟს ვერ უკეთებენ! ამ დროს, ენთუზიაზმზე ვმუშაობ, ვინაიდან ზოგიერთი ბავშვისათვის, ჯანმრთელობის მდგომარეობიდან გამომდინარე, მასაჟი სასიცოცხლოდ აუცილებელია! საუბედუროდ, საყოველთაო დაზღვევა მხოლოდ ცერებრალური დამბლით დაავადებული და სხვა უმძიმესი პათოლოგიების მქონე ბავშვებს აფინანსებს, ისიც შეზღუდვით. სხვა სამკურნალო და გამაჯანსაღებელი მასაჟი, რომელიც ახალშობილთა ფიზიკური განვითარებისათვის უმნიშვნელოვანესია - არ ფინანსდება. ერთი კურსის საფასური, რომელიც 200-300 ლარის ფარგლებში მერყეობს, წარმოუდგენლად დიდი თანხაა იმ ახალგაზრდა ოჯახებისათვის, რომელთა თვიური შემოსავალი 500-700 ლარს შეადგენს. კარგი იქნება, თუ ჯანდაცვის სამინისტრო მეტ ყურადღებას მიაქცევს აღნიშნულ საკითხს და ჩვილებში სამკურნალო და გამაჯანსაღებელი მასაჟი საყოველთაო ჯანდაცვის ფარგლებში დაფინანსდება. ვინაიდან მასაჟი უმნიშვნელოვანესი მანიპულაციაა, რათა ბავშვი ჯანმრთელი გაიზარდოს და სრულფასოვან, შრომისუნარიან ადამიანად ჩამოყალიბდეს. ბავშვი, რომელსაც ჩვილობის ასაკიდან პრობლემები აქვს და მოზარდობის ასაკში ხერხემლის გამრუდების დიაგნოზით მკურნალობს, ვერასოდეს შეძლებს, სრულფასოვან ადამიანად იგრძნოს თავი. სამწუხაროდ, დღესათვის სახელმწიფო არ ზრუნავს მომავალი თაობების სიჯანსაღესა და სრულფასოვან ფიზიკურ განვითარებაზე. - როგორც აღნიშნეთ, მასაჟი საკმაოდ დიდ თანხებთან არის დაკავშირებული, ამიტომ მშობლები თვითნებურად, ერთმანეთის გამოცდილებით ავარჯიშებენ პატარებს. ეს რამდენად დასაშვებია და რას უნდა მივაქციოთ ყურადღება? - მინდა აღვნიშნო, რომ არ შეიძლება მასაჟის თვითნებურად დანიშვნა და მითუმეტეს კეთება. გამოუცდელმა მშობლებმა კი არა, არაპროფესიონალმა და დამწყებმა მასაჟისტმა შეიძლება ბავშვს გარკვეული ტრავმა მიაყენოს. დასაშვებია მხოლოდ რამდენიმე სახის მარტივი ვარჯიში მხოლოდ იმ შემთხვევაში, როდესაც ბავშვს პათოლოგია არ აღენიშნება. მაგალითად, ქვედა კიდურების როტაცია, ანუ წრიული მოძრაობა და კიდურების მოხრა-გაშლა. ძალიან მნიშვნელოვანია განზიდვის შეზღუდვის შემოწმება. საჭიროა, მშობელმა ყურადღება მიაქციოს ნიშნებს, რომელიც დისპლაზიას ახასიათებს. დააწვინეთ ზურგზე ბავშვი, ფეხები 90 გრადუსით მოუხარეთ მუხლსა და მენჯ-ბარძაყის სახსარში და ფრთხილად, ძალდატანების გარეშე გადაუშალეთ. ჯანმრთელი ბავშვის მუხლები საწოლის ზედაპირს უნდა შეეხოს, ხოლო მენჯ-ბარძაყის სახსარში შეზღუდვისას თქვენი პატარა ამას ვერ მოახერხებს. წესით, აღნიშნულ პათოლოგიას გამოცდილი ნეონატოლოგი დაბადებისას, სამშობიაროშივე დაადგენს, თუმცა, მისი გამოვლინება მოგვიანებითაც ხშირად ხდება. მკურნალობის დაგვიანების შემთხვევაში, როდესაც ბავშვი სიარულს იწყებს, ფეხი შიგნით შეაქვს და დროთა განმავლობაში ყალიბდება სქოლიოზი. - რამდენად არეგულირებს მასაჟები საჭმლის მომნელებელი სისტემის მუშაობას და აწესრიგებს ძილს? - მასაჟებს ტონუსში მოჰყავს ნაწლავები და იხსნება შეკრულობის პრობლემა. ხშირ შემთხვევაში პატარებს უძლიერდებათ მადა და უწესრიგდებათ ძილი, რაც დადებითად მოქმედებს ნერვულ სისტემაზე. ზოგადად, მშობლებმა თავად უნდა გაუკეთონ კუჭ-ნაწლავის პრობლემების დროს ჩვილებს მასაჟი მუცელზე წრიული მოძრაობით, საათის ისრის მიმართულებით. ხშირად ეცადეთ, პატარა მუცელზე დააწვინოთ და მისცეთ ბიძგი - იხოხოს. ამ დროს ტონუსში მოდის როგორც ნაწლავები, ასევე მთელი სხეულის კუნთები მაქსიმალურ დატვირთვას იღებს. - ნიკა, ჩვენი მშობლების თაობა აკვანში ჩაკრული და გაკოჭილი გაიზარდა, დღეს კი რადიკალურად შეიცვალა მიდგომა ამ საკითხისადმი. როგორ უნდა გავზარდოთ ბავშვი სწორად? რომელი თვის ასაკიდან უნდა დავსვათ და ჩავსვათ ჭოჭინაში? - იმისათვის, რომ მენჯი სწორად განვითარდეს, ახალშობილი აუცილებლად გადახსნილი უნდა იყოს, რათა ფეხები მაქსიმალურად ხშირად ამოძრაოს. გარდა ამისა, დედამ თავიდან სპეციალიტის თანხლებით, ხოლო შემდეგ დამოუკიდებლად უნდა გაუკეთოს ვარჯიშები: კიდურების გადაწევა და წრიული მოძრაობები. ეს მოძრაობები საჭიროა, ბავშვს დღის განმავლობაში რამდენჯერმე ჩაუტაროთ. დაჯდომა სასურველია 6 თვის ასაკიდან. გოგოებში მშობიარობის დროს მენჯის ამოვარდნილობა, რომელსაც დაკოჭლება მოსდევს, სწორედ ჩვილობაში მშობლების დაუდევრობის და ნაადრევად დასმის გამო ემართებათ. მყავდა 7 წლის პაციენტი ბიჭი, რომელსაც ოპერაცია დასჭირდა დაგვიანებული მკურნალობის გამო. როდესაც ბავშვს აქვს შეზღუდვა მენჯ-ბარძაყის სახსარში, ამ შემთხვევაში „კენგურუს" ხმარებას ექიმი უნიშნავს ხოლმე, ამიტომ უმჯობესია „კენგურუს" შეძენამდე მშობელმა პედიატრთან გაიაროს კონსულტაცია. რაც შეეხება ჭოჭინის მოხმარებას, აქაც იგივე პროცესები მიმდინარეობს. ბავშვი ხშირ შემთხვევაში ფეხის წვერებით სიარულს იწყებს. არასწორი სიარულის მანერა კი დროთა განმავლობაში აზიანებს ზოგადად საყრდენ-მამოძრავებელ სისტემას და ხერხემალს. მკურნალობის გარეშე თანდაყოლილი ამოვარდნილობის დროს ვითარდება მენჯ-ბარძაყის სახსრის მძიმე დაავადება, რომელსაც თან სდევს ტკივილი, სიარულის დარღვევა და მოძრაობის შეზღუდვა!
---
29.01.2018
მედიასაშუალება: http://netgazeti.ge/news/248379/
ბაღების სააგენტოს ხელმძღვანელის თქმით, მასწავლებელთა კვების საკითხი დარეგულირდება
ბაღების სააგენტოს ხელმძღვანელი კახა გვანცელაძე ამბობს, რომ ბაღის მასწავლებლების კვების საკითხი უნდა დარეგულირდეს, თუმცა, კონკრეტულად, როგორ იქნება უზრუნველყოფილი ბაღის მასწავლებელთა კვება, პასუხი ჯერჯერობით არ აქვს. ბაღის მასწავლებელთა კვების შესახებ გვანცელაძეს დღეს, 29 იანვარს, თბილისის საკრებულოში გამართულ შეხვედრაზე დაუსვეს შეკითხვა. საკრებულოს ფრაქცია “ნაციონალური მოძრაობის” წევრები ბაღების სააგენტოს ხელმძღვანელს საბავშვო ბაღებში არსებული პრობლემების შესახებ სასაუბროდ შეხვდნენ. მათი განცხადებით, ამჟამად მასწავლებლები იმ საკვებით იკვებებიან, რაც ბავშვებისთვისაა განკუთვნილი. “ნაციონალური მოძრაობის” წევრებმა გვანცელაძეს ჰკითხეს, გაგრძელდება თუ არა ეს პრაქტიკა, რაზეც მან უპასუხა: “ძალიან აქტუალური თემაა და როგორც კი მოვედი [თანამდებობაზე], ერთ-ერთი მთავარი საკითხი იყო ეს. მე პირადად ვმუშაობ ამ საკითხზე, ამ ეტაპზე კონკრეტიკისგან თავს შევიკავებ და უახლოეს პერიოდში აუცილებლად გაგაცნობთ კონცეფციას ამასთან დაკავშირებით”,- განაცხადა ბაღების სააგენტოს ხელმძღვანელმა. თბილისის მერიას საბავშვო ბაღებში კვების უზრუნველსაყოფად ტენდერი უკვე გამოცხადებული აქვს, რომელზეც შეთავაზებების მიღება 31 იანვარს დასრულდება. სატენდერო დოკუმენტაციის თანახმად, ტენდერი მხოლოდ ბავშვთა კვების უზურუნველსაყოფადაა გამოცხადებული და მასწავლებელთა კვება გათვალისწინებული არაა. თბილისის საკრებულოში გამართულ სხდომაზე თბილისის ბაგა-ბაღების მართვის სააგენტოს დირექტორი კახა გვანცელაძე და ერთიანი ნაციონალური მოძრაობის“ ფრაქციის წევრები კითხვა-პასუხის რეჟიმში კამათობდნენ. გვანცელაძეს შეკითხვები დაუსვევს ბაღებში არსებულ ნეპოტიზმზეც, რაზეც მან განაცხადა, რომ კონკრეტული ადამიანების მიღების საკითხით დაინტერესდება. კამათის საგანს წარმოადგენდა ბაღში ბავშვების კვებაც, საკრებულოს წევრები აპელირებდნენ იმ გარემოებაზე, რომ დღიური კალორაჟი შემცირდა და მშობლები უკმაყოფილონი არიან, გვანცელაძე კი მათ უფრო გაფართოებულ შეხვედრას სთავაზობდა, სადაც ნუტრიციოლოგი, ჯანდაცვის სამინისტროს და “იუნისეფის” წარმომადგენელი დაესწრებიან. მხარეები შეხვედრაზე შეთანხმდნენ. კამათის საგანს ასევე წარმოადგენდა გვანცელაძის ანაზღაურება და ბაღებში გადასახადის დაწესების საკითხიც, რაზეც მან განაცხადა, რომ გადასახადის დაწესების საკითხის შესახებ მსჯელობაზე ის უშუალოდ ჩართული არაა.
---
29.01.2018
მედიასაშუალება: http://www.interpressnews.ge/ge/regioni/475398-zugdidshi-mshenebare-obieqtidan-musha-chamovarda.html?ar=A
ზუგდიდში მშენებარე ობიექტიდან მუშა ჩამოვარდა
ზუგდიდის ცენტრში მშენებარე ობიექტიდან მუშა ჩამოვარდა. თვითმხილველის ინფორმაციით, რომელიც ობიექტზე მასთან ერთად იმყოფებოდა, მუშამ სავარაუდოდ, თავი ცუდად იგრძნო და ამის გამო ჩამოვარდა. მისივე განმარტებით, ის ქვიშაზე დაეცა და მსუბუქი დაზიანებები მიიღო. „სასწრაფო სამედიცინო დახმარების ბრიგადამ რეფერალურ ჰისპიტალში გადაიყვანა, მაგრამ არაფერი სჭირდა და თავისი ფეხით წავიდა სახლში“, - განაცხადეს თვითმხილველებმა. რეფერალურ საავადმყოფოში პაციენტის შეყვანის ფაქტს არ ადასტურებენ
---
ბეჭდვითი მედია
30.01.2018
მედიასაშუალება: ქრონიკა+
"აფეთქების ერთ მხარეს ადამიანებმა იცოდნენ ამის შესახებ, მეორე მხარეს-არა!"
ხარაგაულის რაიონის სოფელ ბეჟანთუბანში, სარკინიგზო გვირაბის მშენებლობაზე აფეთქების შედეგად, სამი მუშა დაშავდა. ისინი საავადმყოფოში გადაიყვანეს. 61 წლის მამაკაცს დაზიანებები თავის არეში აღენიშნებოდა. რაც შეეხება კიდევ ორ დაშავებულს, 58 წლისა და 45 წლის მამაკაცებს, მათ დაზიანებები ჰქონდათ ხერხემლის არეში, ასევე დაუფიქსირდათ კიდურების მოტეხილობები...
---
30.01.2018
მედიასაშუალება: ქრონიკა+
ოჯახი მუხრანში, რომელიც სოციალურად დაუცველთა სიიდან ამოიღეს
უკვე 26 წელია, რაც ლელა და გოჩა შეუღლდნენ და მას შემდეგ მუხრანში ცხოვრობენ. 48 წლის ლელა 4 შვილის დედაა, ბავშვებზე ზრუნვის გამო სხვა სამსახურს ვერ შოულობს და მთელ ოჯახს მამა, სამარშრუტო ტაქსის მძღოლი ინახავს... ოჯახის ყოველდღიურ ყოფაზე დიასახლისი ლელა გვიყვება: - უკვე 4 წელია, სოციალურ დახმარებას არ ვიღებთ... ყვითელი სამარშრუტო ტაქსები რომ გამოჩნდა, მეუღლე ამ ტაქსის მძღოლი გახდა და 2013 წელს ინდმეწარმედ გააფორმეს, თუმცა სანამ ეს მოხდებოდა, მანამდე მას სამარშრუტო ტაქსი ჰქონდა ნაქირავები. უკვე 15 წელია, რაც სამარშრუტო ტაქსის მძღოლია. ერთხელაც ჩვენთან სახლში სოციალური დაცვის სააგენტოდან უნდა მოსულიყვნენ და ჩვენი მდგომარეობა შეემოწმებინათ. სახლშიც ზუსტად მაგ დროს მოვიდნენ თბილისიდან შემოწმებაზე, როცა ეს ნაქირავები სამარშრუტო ეზოში ეყენა. ეს ყველაფერი, ჯერ კიდევ "ქართული ოცნების" ხელისუფლებაში მოსვლამდე იყო... იმის შემდეგ არანაირი პრობლემა არ შეგვქმნია ჩვეულებრივად ვიღებდით დახმარებას... მაგრამ უკვე 2013 წელს, როცა სექტემბერში სოციალური დახმარება უნდა აგვეღო, უეცრად გავიგე, რომ თურმე, მოგვეხსნა... რეალურად, არც არაფერი შემიძენია, რომ მაგის გამო მოეხსნათ. სოცაგენტიც რომ მოვიდა, თვითონაც გაუკვირდა, - მგონი, სხვაგან მოვხვდიო... ყველაფერ ამას მოჰყვა ის, რომ თვითონ სოციალურმა აგენტმა დამაწერინა განცხადება, თავადაც გაოცებული იყო და იმიტომ, - ეს რა ვნახე, ასეთ უკიდურეს გაჭირვებაში ხართ და ეს მონაცემები საიდან მოიტანესო?! სწორედ 4 წლის წინათ დავწერე განცხადება და ჯანდაცვის სამინისტროში შევიტანე, მაგრამ ზუსტად 4 წელია, რეაგირება არ ყოფილა...
---
30.01.2018
მედიასაშუალება: ქრონიკა+
ლეგალური ნარკოტიკი, რომელიც კლავს
გასულ კვირას სტატია იმ ვარაუდით დავიწყე, რომ ნარკოპოლიტიკა 2018 წელს საქართველოში ერთ - ერთი მთავარი განსახილველი თემა იქნება-მეთქი. არ გასულა რამდენიმე დღე და ქვეყანაში არსებული უკიდურესად კრიმინალიზებული ნარკოპოლიტიკის გამო თემა ისე გააქტიურდა, რომ სასამართლო პროცესებს საპროტესტო აქციები გადაება, თანაც რამდენიმე ქალაქში ერთდროულად. გიორგი გიორგანაშვილისთვის, იგივე ბალახისთვის, რვა წლიანი პატიმრობის მისჯა საზოგადოებრივი მღელვარების მორიგი კატალიზატორი გახდა. მთელი ცივილიზებული სამყარო მივიდა იმ დასკვნამდე, რომ მომხმარებელი უნდა იყოს ჯანდაცვის სისტემის ზრუნვისა და არა სამართალდამცავთა მხრიდან დევნის ობიექტი. ის, რომ ამ საკითხთან დაკავშირებით ჩვენს ქვეყანაში აზრი, კერ კიდევ ორადაა გაყოფილი, ძირითადად, ობიექტური ინფორმაციის არარსებობის ბრალია. ქვეყანაში, სადაც ჰეროინიც და მარიხუანაც ერთი და იგივე კატეგორიის ნარკოტიკი ჰგონიათ, ბუნებრივია საღ აზრს ემოციური ფონი სჭარბობს. იმისთვის, რომ სწორ ნარკოპოლიტიკამდე მივიდეთ საზოგადოებას წარმოდგენა უნდა ჰქონდეს იმაზე, თუ რომელი ნარკოტიკი კლავს ადამიანს და რომელი - არა? რომელი იწვევს მიჩვევას და რომელი - არა? რომელია მომხმარებლებისთვის და გარშემომყოფებისთვის საშიში და რომელი არა? როცა ყველას ეცოდინება პასუხი ამ კითხვაზე, აღარავის ექნება პანიკური შიში იმის გამო, რომ „რა გვეშველება, მარიხუანა ხომ მთელ მომავალ თაობებს გაგვინადგურებს.“ ამ ფრაზას ძალიან ხშირად იმ უფროსი თაობის ადამიანებისგან გაიგონებთ, რომლებსაც ხელში სიგარეტი უჭირავთ. მათ რომ იცოდნენ, თამბაქო ასჯერ და ათასჯერ უფრო საშიში და მომაკვდინებელი ნარკოტიკია მარიხუანასთან შედარებით, ალბათ, სხვაგვარად იმსჯელებდნენ.
---
30.01.2018
მედიასაშუალება: ქრონიკა+
სამშობლოში დაბრუნებული კარდიოქირურგი უნიკალურ ოპერაციებს ატარებს
ლევან ქარაზანაშვილი ის ადამიანია, რომელიც უკვე მეოთხე წელია, სამშობლოში დაბრუნდა და იტალიაში შეძენილი ცოდნით ქართველ ხალხს ეხმარება. 20-წლიანი ემიგრაციის შემდეგ ცნობილი კარდიოქირურგი ისეთ ოპერაციას ატარებს, რომელსაც არათუ ჩვენსავე ქვეყანაში მოღვაწე სხვა კარდიოქირურგები, არამედ მეზობელ და ევროპის ბევრ ქვეყანაში მომუშავე ექიმებიც კი არ ჰკიდებენ ხელს. საუბრობენ მის უსწრაფეს ტექნიკასა და უნიკალურ ოპერაციებზე, რომლებიც კარდიოქირურგიის "დაბადების" შემდეგ პირველად ტარდება საქართველოში. ყველაფერი კი მაშინ დაიწყო, როცა, ჯერ კიდევ, 1993 წელს თბილისის სახწლმწიფო სამედიცინო უნივერსიტეტი დაამთავრა, თუმცა იმ პერიოდში უფრო მეტად ბიზნესით იყო დაინტერესებული. 1998 წელს საქართველოშიც გაჩნდა იდეა, რომ ჩვენს ქვეყანაშიც "დაბადებულიყო" კარდიოქირურგია და ჯოენის სახელობის ცენტრში მუშაობაც შესთავაზეს, მანამდე კი, მაქსისმუმ, ორწლიანი ორაქტიკა უნდა გაევლო იტალიაში, იქაურ ქირურგებთან. "ახლა კლინიკა ჰელსიკორში ვმუშაობ და წელიწადში უკვე, საშუალოდ 400-500 ოპერაციას ვაკეთებთ", - ამბობს იგი. ლევან ქარაზანაშვილმა და ანესთეზიოლოგმა ირაკლი გოგოხიამ შექმნეს პროფესიონალი ექიმებისა და ექთნების გუნდი, რომელსაც Cardio Life დაარქვეს და დღეს ეს გუნდი ზრუნავს ადამიანების სიცოცხლის გადარჩენაზე. ლევან ქარაზანაშვილი: "როცა ადამიანი ამერიკაში ან ავსტრიაში მიდის, რწმენა აქვს, რომ იქ საუკეთესო მომსახურებას მიირებს, სწორედ ამის მიღებს შესაძლებლობა უნდა დავანახვოთ ადამიანებს, რომ ისინი საქართველოში ამ მომსახურების მისაღებად ჩამოვიდნენ. ამაში ჯანდაცვის სამინისტრო, მთავრობა, ყველა უნდა ჩაებას და ეს მიზანმიმართული პროექტი უნდა იყოს. ამ გზაზე ვდგავართ და ამისთვის ვიბრძვით."
---