მედიამონიტორინგი 31.01.2018
ტელევიზია
31.01.2018
არხი: ტვ პირველი
გადაცემა: საქმის კურსი 22:30
2017 წელს, სსიპ სამედიცინო საქმიანობის სახელმწიფო რეგულირების სააგენტოს პროფესიული განვითარების საბჭომ განიხილა 305 ექიმის პროფესიული პასუხისმგებლობის საკითხი. აქედან, 2 ექიმს არ დაეკისრა პროფესიული პასუხისმგებლობა; 300 ექიმს დაეკისრა პროფესიული პასუხისმგებლობა; 3 ექიმის საკითხის განხილვა გადაიდო სამართალდამცავი ორგანოებიდან დამატებითი ინფორმაციის წარმოდგენის შემდეგ. სააგენტოს 2017 წლის ანგარიშის თანახმად, 300-დან, 207 ექიმს მიეცა „წერილობითი გაფრთხილება“; სახელმწიფო სერტიფიკატის მოქმედება სხვადასხვა ვადით შეუჩერდა 93 ექიმს (მათ შორის, 3 ექიმს 1 წლის ვადით შეეზღუდა სამედიცინო-სოციალურ ექსპერტიზაში (სტატუსის მინიჭება) მონაწილეობის უფლება): 1 თვით - 37 ექიმს, 2 თვით - 43 ექიმს, 3 თვით - 12 ექიმს, 4 თვით - 1 ექიმს.
http://mediamonitoring.ge/mms/includes/video/video.php?id=5010330
---
30.01.2018
არხი: იმედი
გადაცემა: ქრონიკა 20:00
აჭარაში წითელას ეპიდემიაა, ინფექციონისტები არ გამორიცხავენ, რომ ეპიდემიამ ქვეყნის სხვა რეგიონებშიც იფეტქოს, ამის მიზეზი კი ისაა, რომ მოსახლეობის დიდი ნაწილი აცრებს არ იკეთებს. დაავადებათა კონტროლის ცენტრი მოქალაქეებს გაფრტხილებას აძლევს, ინფექციური დაავადების რიცხვმა განსაკუთრებულად 2017 წლისმეორე ნახევარში იმატა და სურათი უკვე საგანგაშოა.
http://mediamonitoring.ge/mms/includes/video/video.php?id=5010111
რუსთავი 2 -კურიერი 21:00 - http://mediamonitoring.ge/mms/includes/video/video.php?id=5010282
მაესტრო-დღის მთავარი თემა 20:00
http://mediamonitoring.ge/mms/includes/video/video.php?id=5010182
I არხი - მოამბე 21:00- http://mediamonitoring.ge/mms/includes/video/video.php?id=5010301
ტელეკომპანია აჭარა - მთავარი 21:00-
http://mediamonitoring.ge/mms/includes/video/video.php?id=5010123
ტელეკომპანია იბერია - ახალი ამბები 19:00-
http://mediamonitoring.ge/mms/includes/video/video.php?id=5010054
I არხი - მოამბე 18:00- http://mediamonitoring.ge/mms/includes/video/video.php?id=5009874
ტელეკომპანია აჭარა - მთავარი 18:00-
http://mediamonitoring.ge/mms/includes/video/video.php?id=5009848
ტვ პირველი - დღის ამბები 17:00-
http://mediamonitoring.ge/mms/includes/video/video.php?id=5009813
ტელეკომპანია იბერია - ახალი ამბები 17:00-
http://mediamonitoring.ge/mms/includes/video/video.php?id=5009771
I არხი - მოამბე 15:00- http://mediamonitoring.ge/mms/includes/video/video.php?id=5009505
მაესტრო - ახალი ამბები 15:00-
http://mediamonitoring.ge/mms/includes/video/video.php?id=5009405
მაესტრო - ახალი ამბები 14:00-
http://mediamonitoring.ge/mms/includes/video/video.php?id=5009117
იმედი - ქრონიკა 14:00- http://mediamonitoring.ge/mms/includes/video/video.php?id=5009082
ტვ პირველი - დღის ამბები 13:00-
http://mediamonitoring.ge/mms/includes/video/video.php?id=5009004
რუსთავი 2 - კურიერი 12:00- http://mediamonitoring.ge/mms/includes/video/video.php?id=5008809
მაესტრო - ახალი ამბები 11:00-
http://mediamonitoring.ge/mms/includes/video/video.php?id=5008717
---
30.01.2018
არხი: იმედი
გადაცემა: ამომრჩევლის პირისპირ
მეტროსადგურ ვარკეთილში ჭერის ჩამონგრევის ფაქტზე შინაგან საქმეთა სამინსირომ გამოძიება დაიწყო. დაშავებულების მრკინალობის ხარჯებს მერია და ჯანდაცვის სამინისტრო გაიღებს. ასევე გადაცემის თემაა უკონტროლო ბავშვები. მოზარდების ტერორის ქვეშ მყოფი მოქალაქეები, დაყაჩაღებული სავაჭრო ობიექტები, ძარცვა დღის ნებისმიერ დროს და თავდასხმები რაც უმძიმესი შედეგებით სრულდება ხოლმე. არასამთავრობო ორგანიზაციის წარმომადგენელი ანა არგანაშვილი - „როდესაც გყავს ქვეყანაში მეურვეობა მზრუნველობის ორგანო ის ვალდებული თუ ოჯახი ვერ ზრუნავს ბავშვზე იზრუნოს თავად და ამ ვალდებულებას თუ არ ასრულებს მაშინ ის საერთოდ არ მუშაობს ქვეყანაში, დღეს რომ არ არის მზუნველობის ორგანო ანუ სოციალური მომსახურების სააგენტო ზუსტად იმას ნიშნავს რომ ისინი თავს იკავებენ საკუთარი ვალდებულებების შესრულებისგან...“
http://mediamonitoring.ge/mms/includes/video/video.php?id=5010305
---
30.01.2018
არხი: ტვ პირველი
გადაცემა:დღის ამბები 14:00
ჯანდაცვის მინისტრმა, დავით სერგეენკომ უკვე მოინახულა კლინიკაში მყოფი დაშავებულები.
დაშავებულების მდგომარეობის შესახებ პირდაპირ ეთერში ისაუბრა ჯანდაცვის მინისტრმა დავით სერგეენკომ
http://mediamonitoring.ge/mms/includes/video/video.php?id=5009067
---
30.01.2018
არხი: იმედი
გადაცემა: ქრონიკა 20:00
მეტროსადგურ ვარკეთილში ჭერის ჩამონგრევის ფაქტზე შინაგან საქმეთა სამინისტრომ გამოძიება დაიწყო. ბოლო ინფორმაციით, შემთხვევის შედეგად 14 ადამიანი დაშავდა. დაშავებულები საავადმყოფოში ჯანდაცვის მინისტრმა დავით სერგეენკომ მოინახულა. დაშავებულთა მკურნალობის ხარჯებს მერია და ჯანდაცვის სამინისტრო გაიღებს.
http://mediamonitoring.ge/mms/includes/video/video.php?id=5010100
რუსთავი 2 - კურიერი 15:00- http://mediamonitoring.ge/mms/includes/video/video.php?id=5009480
I არხი - მოამბე 21:00- http://mediamonitoring.ge/mms/includes/video/video.php?id=5010260
მაესტრო - დღის მთავარი თემა 20:00-
http://mediamonitoring.ge/mms/includes/video/video.php?id=5010082
პალიტრა ტვ - პალიტრა ნიუს 20:00-
http://mediamonitoring.ge/mms/includes/video/video.php?id=5010092
კავკასია - დღეს 19:00- http://mediamonitoring.ge/mms/includes/video/video.php?id=5009989
---
30.01.2018
არხი: რუსთავი 2
გადაცემა: კურიერი 21:00
ოპოზიცია ბაღების სააგენტოს ხელმძღვანელის განცხადებასთან დაკავშირებით პროკურატურისგან გამოძიების დაწყებას ითხოვს. საუბარია გუშინ თბილისის საკრებულოში უმცირესობასთან გაკეთებულ განცხადებაზე, სადაც კახაბერ გვანცელაძემ რამდენიმე კვირის წინ საბავშვო ბაღებში რაციონის შეცვლის და კალორაჟი შემცირების მიზეზად ბავშვების ჯანმრთელობისათვის სახიფათო ძველი მენიუ დაასახელა. დღეს განმარტებების გაკეთება მოუწიათ პარლამენტში, თბილისის საკრებულოსა და ჯანდაცვის სამინისტროში
http://mediamonitoring.ge/mms/includes/video/video.php?id=5010291
---
30.01.2018
არხი: კავკასია
გადაცემა: თქვენი დრო
გადაცემის პირველი ბლოკი ეხება ბავშვთა კვებას, ამ თემაზე სასაუბროდ სტუმრადაა ნათია ნოღაიდელი ჯანდაცვის სამინისტროს ჯანმრთელობის დაცვის დეპარტამენტის რეგულირების სამმართველოს უფროსი.
http://mediamonitoring.ge/mms/includes/video/video.php?id=5009901
---
30.01.2018
არხი: რუსთავი 2
გადაცემა: კურიერი 21:00
გურიაში მამას 4 ბავშვი გარესამყაროსგან მოწყვეტილი ჰყავს - ბავშვები სკოლაში არ დადიან, მათთან არც სტუმრებს უშვებენ
http://rustavi2.ge/ka/news/95555
---
ინტერნეტი
31.01.2018
მედიასაშუალება: http://www.interpressnews.ge/ge/sazogadoeba/475666-c-hepatitis-programashi-charthuli-45-athasi-adamianidan-98--daavadebisgan-ganikurna.html
C ჰეპატიტის პროგრამაში ჩართული 45 ათასი ადამიანიდან 98 % დაავადებისგან განიკურნა
დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის ინფორმაციით, საქართველოში C ჰეპატიტის ელიმინაციის პროგრამაში ჩართულია ან მკურნალობა ჩაიტარა 45 ათასმა ადამიანმა, საიდანაც განკურნების მაჩვენებელი 98%-ს შეადგენს. როგორც ”ინტერპრესნიუსს” გამყრელიძემ განუცხადა, სულ სკრინინგი ჩაიტარა 1 400 000 ათასმა მოსახლემ, მათგან ზოგიერთმა ორჯერ. რაც შეეხება უნიკალურ პაციენტებს, ანუ ადამიანებს, რომლებსაც ერთხელ მაინც აქვთ ჩატარებული სკრინინგი, მათი რიცხვი 900 ათასს შეადგეს. ”ციფრები დაახლოებით ასეთი გვაქვს - ჩვენ გვყავს მილიონ 400 ათასი მოსახლე, ვისაც სკრინინგი ჩაუტარებია, ერთხელ და ორჯერ. აქედან უნიკალური არის დაახლოებით 900 ათასი, ესენი არიან ადამიანები, რომლებსაც ერთხელ მაინც აქვს ჩატარებული სკრინინგი. დადებითობის პროცენტი დაახლოებით 10-დან 11-მდე მერყეობს. ადამიანები, ვინც არიან დადებითი, მიდიან გაღრმავებულ კვლევებზე, რადგან თუ სკრინინგით დადებითი ხარ, ეს არ ნიშნავს, რომ C ჰეპატიტის აქტიური ფორმა გაქვს, რომელიც მკურნალობას საჭიროებს. შეიძლება თქვენ გქონდეთ დადებითი მაჩვენებელი, თუმცა არ იყოთ სამკურნალო, რადგან დაავადება უკვე გადატანილია და მორჩენილი ხართ. იმ შემთხვევაში, თუ დაფიქსირდა აქტიური ვირუსის არსებობა სისხლში, მაშინ ასეთი ადამიანი ერთვება მკურნალობაში. პროექტში სულ ჩართულია ან მკურნალობა ჩაიტარა 45 ათასმა ადამიანმა ქვეყანაში. ამ ადამიანების დაახლოებით 98% განკურნებულია, ანუ მას ვირუსი გაუქრა ორგანიზმიდან”, - განაცხადა ამირან გამყრელიძემ. დაავადებათა კონტროლის ეროვნული ცენტრის ხელმძღვანელი მოსახლეობას მოუწოდებს, გამოკვლევა გაიკეთოს და C ჰეპატიტთან დაკავშირებით თავისი სტატუსი დაადგინოს. ”ახლა ვართ განვითარების ძალიან საპასუხისმგებლო ეტაპზე. ჩვენი პროგრამა სხვა ქვეყნების პროგრამებისგან განსხვავდება. ჩვენ ინტენსიურად ვართ გადასული აქტიურ გამოვლენაზე. მოგეხსენებათ, C ჰეპატიტი გახლავთ დაავადება, მას ”ჩუმ მკვლელს” ეძახიან, შესაძლოა, ის წლები გქონდეთ, მაგრამ არ გამოვლინდეს. ჩვენ უნდა გამოვიკვლიოთ მთელი მოსახლეობა, ანუ 3,7 მლნ. ადამიანი. უპირატესად მოზრდილი მოსახლეობა, 18 წლის ზემოთ. მომავალი სამი წლის განმავლობაში უნდა შემოწმდეს დაახლოებით მილიონ 800 ათასი ადამიანი. ეს არის უნიკალური შანსი, რადგან C ჰეპატიტის მკურნალობა გახლავთ ბოლო წლებში მედიცინის ერთ-ერთი ყველაზე დიდი გარღვევა. ის გახდა განკურნებადი დაავადება. ამ შანსით საქართველოს მოსახლეობამ უნდა ისარგებლოს. არაფერია სასირცხვილო. თუ არ იცით თქვენი სტატუსი C ჰეპატიტთან მიმართებაში, მიბრძანდით, ტესტირებაც და მკურნალობაც არის უფასო. მოვუწოდებ მოსახლეობას, ისარგებლეთ ამ შანსით”, - აღნიშნა ამირან გამყრელიძემ.
იმედინიუს.ჯი- https://imedinews.ge/ge/saqartvelo/46352/c-hepatitis-programashi-chartuli-45-atasi-adamianidan-98-ganikurna
---
31.01.2018
ცოფის ვაქცინასთან დაკავშირებული აჟიოტაჟის შემდეგ, აცრის გაკეთების მსურველთა რაოდენობამ იკლო
დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, ”გრიპის ვირუსის მხრივ მშვიდი სეზონი გვაქვს”. როგორც ”ინტერპრესნიუსს” ცენტრის ხელმძღვანელმა, ამირან გამყრელიძემ განუცხადა, ამ ეტაპზე ლაბორატორიულად მხოლოდ 4 შემთხვევაა დაფიქსირებული. ”გრიპის მხრივ მშვიდი სეზონი გვაქვს. ლაბორატორიულად დადასტურებული მხოლოდ 4 შემთხვევაა დაფიქსირებული. რა თქმა უნდა, მზადყოფნა და დაკვირვება მიმდინარეობს. ინფექციური დაავადებები არის, თუმცა ეპიდაფეთქებები არა”, - განაცხადა ამირან გამყრელიძემ. თავის მხრივ, ცენტრის ხელმძღვანელის მოადგილის, პაატა იმნაძის განცხადებით, ახლა მთავარია, რომ მოსახლეობამ წითელას ვირუსის საწინააღმდეგო აცრა გაიკეთოს. ”ვირუსებს რაც შეეხება, არაფერი განსაკუთრებული არ არის გააქტიურებული. გრიპიც კი ძალიან ცოტაა. ახლა მთავარია, რომ წითელა გავაჩეროთ, ვინაიდან როცა დაიწყება აფეთქება, ბევრი ადამიანი უნდა იყოს აცრილი, თორემ შემდეგ ვეღარ გავაჩერებთ”, - განაცხადა პაატა იმნაძემ. დაავადებათა კონტროლის ეროვნულ ცენტრში მოსახლეობას გეგმური აცრების გაკეთებისკენ მოუწოდებენ. ”ბავშვები აუცილებლად უნდა აიცრან გეგმურად”, - განაცხადა იმნაძემ. კითხვაზე, იკლო თუ არა აცრის მსურველთა რიცხვმა ცოფის საწინააღმდეგო ვაქცინასთან დაკავშირებით ატეხილი აჟიოტაჟის შემდეგ, პაატა იმნაძემ უპასუხა, რომ ”აღნიშნული ინფორმაცია იანვრის მონაცემების დაჯამების შემდეგ გახდება ცნობილი, თუმცა წინასწარი მონაცემებით, ოდნავ ნაკლებია, ვიდრე იყო”.
---
31.01.2018
პაატა იმნაძე - საქართველოში, თურქეთსა და რუსეთში ზიკას გადამტანი კოღო არსებობს, თუმცა ვირუსის გავრცელების საფრთხე - არა
საქართველოში, თურქეთსა და რუსეთში ზიკას გადამტანი კოღო არსებობს, თუმცა ვირუსის გავრცელების საფრთხე - არა, - ამის შესახებ ”ინტერპრესნიუსს” დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის მოადგილემ, პაატა იმნაძემ განუცხადა. იმნაძე გამოეხმაურა რუსული მედიის მიერ გავრცელებულ ინფორმაციას იმის შესახებ, რომ ზიკას გადამტანი მწერი ართვინის რაიონში(თურქეთში) დაფიქსირდა. ”როგორც თურქეთში, ისე საქართველოსა და რუსეთში, ზიკას გადამტანი კოღოები არსებობენ. ამაში ახალი არაფერია. თურქეთის, რუსეთის და საქართველოს შავი ზღვის სანაპიროზე ეს კოღო არის, მაგრამ ზიკას გავრცელების რისკი არ არსებობს, რადგან ზიკათი დაავადებულები არ არიან. კოღო არის, მაგრამ ვირუსი - არა. თურქეთში იყო სულ 4 ავადმყოფი, რომლებიც ცუდად გახდნენ კუბაში. ხაზგასმით ვაცხადებ, თურქეთში, საქართველოსა და რუსეთში, ოკუპირებული აფხაზეთის ტერიტორიაზე, ყველგან არის ზიკას ვირუსის გადამტანი კოღოები, მაგრამ არ არიან ზიკათი ავადმყოფები. ასე რომ, ყველას შეუძლია წყნარად იყოს”, - აღნიშნა პაატა იმნაძემ.
---
31.01.2018
მედიასაშუალება: http://liberali.ge/articles/view/33979/pensiis-gareshe-darchenili-103-tslis-pensioneri
პენსიის გარეშე დარჩენილი 103 წლის პენსიონერი
„დედაჩემი, ხადიჯა ხოჯალიევა 103 წლისაა. 2017 წლის ოქტომბრიდან მოყოლებული პენსიას ვეღარ იღებს. სოციალური მომსახურების სააგენტოში კი გვეუბნებიან, რომ პენსიის მიღება რომ აღდგეს, ამისთვის ის სააგენტოში უნდა მივიდეს და საბუთებს ხელი მოაწეროს. მძიმე ავადმყოფია და ვერ დადის. იმის გამო, რომ პენსია შეუწყდა, საჭირო წამლებს ვეღარ ვყიდულობთ,“ - ამბობს ფონიჭალაში, კელასურის 14 ნომერში მცხოვრები შაჰინ ალიევი. მისი თქმით, მან სოციალური მომსახურების სააგენტოს რაიონულ განყოფილებასაც მიმართა და აუხსნა, რომ ხადიჯა ხოჯალიევას სიარული არ შეუძლია, მიუხედავად ამისა, სააგენტო მაინც მოითხოვს, რომ პენსიონერი მათთან პირადად მივიდეს: „აქამდე დედაჩემის პენსიას მინდობილობის საფუძველზე ჩვენ თვითონ ვიღებდით. მას შემდეგ, რაც მინდობილობას ვადა გაუვიდა, პენსია შეუჩერდა. სააგენტოში გვეუბნებიან, რომ თუ არ მივა და ხელს თვითონ არ მოაწერს საბუთებს, პენსიის გაცემა ვერ აღდგება. ასაკოვანი ადამიანია, ჯანმრთელობის სერიოზული პრობლემები აქვს. ექიმი მხოლოდ ძალიან ცოტა ხნით აძლევს საწოლში წამოჯდომის უფლებას. ძირითად წევს. ექიმმა გვითხრა, რომ ამ მდგომარეობაში მან, შესაძლოა, ტრანსპორტირებას ვერ გაუძლოს.” ოჯახის წევრების თქმით, ხადიჯა ხოჯალიევას გარდა იმისა, რომ გული აწუხებს, დიაბეტიც აქვს და მისი ჯანმრთელობისთვის აუცილებელია, რომ მედიკამენტები ყოველდღიურად მიიღოს. მას შემდეგ კი, რაც პენსიას ვეღარ იღებს, ოჯახი მისთვის აუცილებელი წამლების შეძენას ვეღარ ახერხებს. ჩვენ სოციალური მომსახურების სააგენტოსაც დავუკავშირდით. “ასეთ შემთხვევებში 103 წლის მოხუცის სააგენტოში მიყვანას არავინ ითხოვს. ახალი მინდობილობა შეიძლება სახლშიც გაფორმდეს, მაგრამ ამისთვის საჭირო იქნება ნოტარიუსის სახლში მიყვანა. როგორც კი ნოტარიულად დამოწმებულ მინდობილობას მივიღებთ, პენსიის გაცემა აღდგება და პენსიონერს მიუღებელი პენსიაც აუნაზღაურდება,” - განაცხადეს სააგენტოში. ადამიანის უფლებათა ცენტრის იურისტი გიორგი კაკუბავა ამბობს, რომ კანონის თანახმად, იმისთვის, რომ ხადიჯა ხოჯალიევამ დაასაბუთოს, რომ ცოცხალია, ყოველწლიურად გარკვეულ საბუთებს უნდა მოაწეროს ხელი: „ეს კანონის მოთხოვნაა. თუ პენსიონერს ჯანმრთელობის მდგომარეობის გამო გადაადგილება არ შეუძლია, მაშინ სახლში სანოტარო ბიუროს წარმომადგენლის მიწვევა შეუძლიათ. როგორც ჩანს, მხარეებს შორის მისკომუნიკაციას ჰქონდა ადგილი.“ სოციალური მომსახურების სააგენტოდან მიღებული კონსულტაციის შემდეგ პრობლემა მოგვარდა: 2018 წლის 1-ლი თებერვლიდან 102 წლის ხადიჯა ხოჯალიევას პენსიაც აღუდგება და მიუღებელი პენსიაც აუნაზღაურდება. ხაიალ აზიზოვი სტატია მომზადებულია "თბილისის ადამიანის უფლებათა სახლის" პროექტის ფარგლებში, რომელიც საქართველოში ნიდერლანდების სამეფოს საელჩოსა და ფონდის - "ეროვნული წვლილი დემოკრატიისათვის" ფინანსური მხარდაჭერით ხორციელდება. სტატიის შინაარსზე პასუხისმგებელია თბილისის ადამიანის უფლებათა სახლი. ავტორის/ავტორების მიერ სტატიაში გამოთქმული მოსაზრება შესაძლოა, არ გამოხატავდეს დონორთა პოზიციას.
---
31.01.2018
მედიასაშუალება: http://www.interpressnews.ge/ge/sazogadoeba/475668-zurab-tciaberashvili-qarthuli-ocnebis-sapensio-reforma-umushevrobas-gazrdis.html
ზურაბ ჭიაბერაშვილი - “ქართული ოცნების” საპენსიო რეფორმა უმუშევრობას გაზრდის
“ქართული ოცნების” მიერ დაანონსებული საპენსიო რეფორმა მხოლოდ დღევანდელი პენსიონერების მოტყუებას ისახავს მიზნად და ეს რეფორმა უმუშევრობას გაზრდის, - ამის შესახებ “ევროპული საქართველოს” წევრმა, ზურაბ ჭიაბერაშვილმა განაცხადა. ჭიაბერაშვილის შეფასებით, დღევანდელ პენსიონერებს, რომლებსაც უკვე მესამე წელია, არ ეზრდებათ პენსია, არსებული რეფორმა არაფერს აძლევს, ხოლო დასაქმებული მოსახლეობის უდიდესი ნაწილისთვის 25, 35 და თუნდაც 45 წლის განმავლობაში განსახორციელებელი შენატანის მიუხედავად, საპენსიო რეფორმა ე.წ. ღირსეულ პენსიას ვერ უზრუნველყოფს. “საპენსიო რეფორმა ზრდის საგადასახადო წნეხს ბიზნესზე, რაც შეაფერხებს ეკონომიკურ ზრდას და გაზრდის უმუშევრობას, განსაკუთრებით ახალგაზრდებში, სადაც უმუშევრობის დონე ისედაც მაღალია სხვა ასაკობრივ ჯგუფებთან შედარებით. განსაკუთრებით მძიმე ტვირთად საპენსიო გადასახადი მცირე და საშუალო ბიზნესს დააწვება, რომელსაც დღეს ისედაც ძალიან უჭირს არსებული ეკონომიკური სტაგნაციის პირობებში”, - აცხადებს ჭიაბერაშვილი. მისი თქმით, ეს რეფორმა ჩრდილში გადაიყვანს ეკონომიკის ნაწილს, რადგან დამსაქმებელი და დასაქმებული იძულებულნი გახდებიან, არაფორმალური შრომითი გარიგებები დადონ, ამან, შესაძლოა, საბიუჯეტო შემოსავლები შეამციროს კიდეც. ჭიაბერაშვილი მიიჩნევს, რომ მთავრობას საპენსიო რეფორმა სჭირდება არა საზოგადოების კეთილდღეობისათვის, არამედ საიმისოდ, რომ გაზრდილი ბიუროკრატიული ხარჯი საპენსიო ფონდიდან დააფინანსოს. ”არ არსებობს მსგავსი საპენსიო მოდელის წარმატებული მაგალითი. ქვეყნებში, სადაც ასეთი სქემა ათწლეულების წინ შემოიღეს, დღეს მთავრობები იძულებულნი არიან, ან საპენსიო ასაკი გაზარდონ, ან საპენსიო ფონდების დანაკლისი ბიუჯეტიდან შეავსონ. როგორც წესი, ორივე მეთოდის ერთდროულად გამოყენება უწევთ, რაც ამ ქვეყნებში პოლიტიკურ მღელვარებას, ქაოსსა და ეკონომიკურ კრიზისებს იწვევს”, - აცხადებს ჭიაბერაშვილი.
---
30.01.2018
მედიასაშუალება: http://netgazeti.ge/news/248658/
იანვრის მდგომარეობით წითელას 102 შემთხვევა დაფიქსირდა – დაავადებათა კონტროლის ცენტრი
საქართველოში, 2018 წლის 29 იანვრის მდგომარეობით, წითელას 102 შემთხვევა დაფიქსირდა. დაავადების ეპიდემიურ გავრცელებას ხელს უწყობს ის გარემოება, რომ წითელას ვირუსთან კონტაქტის შემდეგ ავადდება იმუნიტეტის არმქონდე ინდივიდის 90%-ზე მეტი. წითელას შემთხვევების ზრდასა და იმუნიზაციის საკითხების შესახებ დღეს დაავადების კონტროლის ცენტრში პრესკონფერენცია ჩატარდა. ცენტრის ინფორმაციით, 29 იანვრის მონაცემებით, საქართველოში წითელას 102 შემთხვევა დაფიქსირდა, რაც 2013-2014 ეპიდემიური აფეთქების შემდეგ დაავადებათა ოდენობის მკვეთრი ზრდის პირველი შემთხვევაა. დაფიქსირებული შემთხვევიდან 86 არის აჭარის ტერიტორიაზე, აქედან 52- ბათუმში, 14 -ქობულეთში, 14- ხელვაჩაურში, 2- ხულოში, 3- წედაში, 1 კი- შუახევში. რაც შეეხება თბილისს, აქ წითელას 5 შემთხვევა დაფიქსირდა, იგივე მაჩვენებელია ქვემო ქართლშიც, სამეგრელოში- 4 შემთხვევა, მცხეთა-მთიანეთში – 2. “რა თქმა უნდა, ჩვენ არავის ვაშინებთ. ჩვენ გვინდა, რომ პრევენციულ ეტაპზე მოსახლეობა გავაფრთხილოთ. მნიშვნელოვანია გავაცნობიეროთ, რომ ჰიგიენურ და სანიტარულ ღონისძიებებთან ერთად წითელასთან ბრძოლაში მთავარი არის ვაქცინაცია. ვაქცინაცია უნდა ჩაუტარდეს ყველა იმ პირს, ვისაც ინფიცირებულ ადამიანთან აქვს კონტაქტი, ასევე ყველა იმ ბავშვსა და ყველა 20-დან 40 წლამდე ადამიანს, ვისაც ვაქცინაცია ჯერ არ ჩაუტარებია. კიდევ ერთხელ ხაზს ვუსვამ, რომ ეს აცრა არის აბსოლუტურად საიმედო, ყოველგვარი გვერდითი მოვლენების გარეშე, ხოლო აცრის ჩატარებას 40 წლამდე მოსახლეობაში უზრუნველყოფს სახელმწიფო, როგორც ვაქცინის, ისე მომსახურების გადასახადით” – განაცხადა დაავადებათა კონტროლის ეროვნული ცენტრის დირექტორმა, ამირან გამყრელიძემ. ცენტრის ინფორმაციით, წითელას შემთხვევათა უმეტესობა – 34% , მოდის 20 წლის ზევით ასაკობრივ ჯგუფზე, რაც ერთ-ერთი ყველაზე სუსტი იმუნური ჯგუფია. შემდეგ მოდის 1 წლამდე ასაოკობრივი ჯგუფის წილი – 19.5 %. როგორც ცენტრის თანამშრომლები აცხადებენ, ამის თავიდან ასაცილებლად აუცილებელია, რეპროდუქციული ასაკის ქალებმა ორსულობამდე 3 თვით ადრე გაიკეთონ აცრა. “ 20-დან 40 წლის მოსახლეობას აქვს დაბალი იმუნური ფენა და სწორედ ეს იწვევს ეპიდებმიას. გარდა ამისა, აღსანიშნავია, რომ პრევენციაში განსაკუთრებული როლი აქვთ იმ ქალბატონებს, რომლებიც რეპროდუქციულ ასაკში არიან და გეგმავენ ოჯახის შექმნასა და შვილის გაჩენას. ჩემი მოწოდებაა, რომ გადაიმოწმონ თავიანთი სტატუსი. თუ არ არიან ან არ ახსოვთ, გაიკეთეს თუ არა ვაქცინაცია, არ არის პრობლემა, მივიდნენ და დამატებითი აცრა გაიკეთონ, ეს იქნება დაცვა, რომ დაორსულებისა და შვილის გაჩენის შემდეგ ბავშვი 0-დან 1 წლამდე, სანამ წითელაზე აცრა მოუწევს, ამ ვირუსით არ დაავადდება” – განაცხადა ამირან გამყრელიძემ. რაც შეეხება 40 წელს ზემოთ მოსახლეობას, როგორც პაატა იმნაძემ “ნეტგაზეთის” კითხვაზე პასუხისას აღნიშნა, 40 წლის ზემოთ მოსახლეობის აბსოლუტურ უმრავლესობას დაავადება უკვე გადატანილი აქვს, რასაც ადასტურებს ეპიდემიოლოგიური კვლევა, შესაბამისად, არ არსებობს გეგმურ აცრაში ამ ასაკობრივი ჯგუფის ჩართვის აუცილებლობა. დაავადებათა კონტროლის ცენტრის ინფორმაციით, წითელას წყარო არის დაავადებული ადამიანი, რომელიც განსაკუთრებით საშიშია დაავადების ადრეულ პერიოდში. ვირუსის ინკუბაციის პერიოდი ინფიცირებიდან პირველ სიმპტომამდე შეადგენს 7-18 დღეს, ინფიცირებულები გადამდებად ითვლებიან გამონაყრიდან 4 დღის და გამონაყრის დაწყებიდან 4 დღის განმავლობაში. გარდაა ამისა, ვირუსს ახასიათებს მაღალი მიმღებლობაც, 24-საათიანი კონტაქტის პერიოდში ავადდება ინფექციის მიმღები კონტინგენტის 40%; 48-საათიანი კონტაქტის პერიოდში – 60% , ხოლო 72-საათიანი კონტაქტის პერიოდში – 80%. წითელას ტიპური შემთხვევა საკმაოდ მწვავედ იწყება, ტემპერატურის მომატებით, სიმპტომებიდან დაახლოებით 2-3 დღის შემდეგ პირის ღრუში შეიძლება გაჩნდეს წვრილი, თეთრი გამონაყარი, 5-6 დღის შემდეგ კი ავადმყოფის სხეულზე ჩნდება გამონაყარი. თუმცა, რაც უფრო ასაკოვანია დაავადებული, მით უფრო რთულია სიმპტომების გადატანა. როგორც საზოგადოებრივი ჯანმრთელობის ეროვნული ცენტრის წარმომადგენლი, ლია ჯაბიძე განმარტავს, სიმპტომების გამოჩენისას აუცილებელი არაა ავადმყოფის ჰოსპიტალიზაცია, თუმცა, მნიშვნელოვანია, რომ მან დროულად მიმართოს ოჯახის ექიმს და მხოლოდ მისი დასკვნის საფუძველზე იმოქმედოს. მისივე თქმით, წითელას საწინააღმდეგო გეგმური იმუნიზაციისას გამოყენებულ ვაქცინას არ აქვს უკუჩვენება. “ვაქცინაციის შემდეგ დაავადებათა კონტროლში ვაქცინის შემდგომი ყველა რეაქცია ფიქსირდება. ყველა ექიმი, ვისაც პაციენტი მიმართავს, აცრის შემდგომ ჩივილით, რომ მას შესაძლებელია განუვითარდა რაიმე არასასრუველი სიმპტომი, ვალდებულია აცნობოს დაავადებათა კონტროლის ეროვნულ ცენტრს. რაც შეეხება გართულებებს, წითელას გართულების შემთხვევა ბოლო წლებში არ დაფიქსირებულა. 2004 წლიდან გამოიყენება ეს ვაქცინა და ჩვენ შეგვიძლია დავასკვნათ რეზულტატების მიხედვით, რომ ვაქცინა ეფექტურია და ამცირებს დაავადებულთა რიცხვს” – განაცხადა მან. 1990 წლიდან საქართველოში წითელას ფართომასშტაბიანი ეპიდემია 2004-2005 წლამდე რეგისტრირებული არ ყოფილა. ამ პერიოდში აღირიცხა დაავადების 8 391 და გარდაცვალების 9 შემთხვევა. შემდგომი დიდი აფეთქება 2013-2015 წლებში დაფიქსირდა, როდესაც დაავადდა 11 000 მეტი ადამიანი, დიდწილად- მოზრდილები (20 – 40 წლამდე ასაკობრივი ჯგუფი) და 5 წლამდე ასაკის ბავშვები. ამ აფეთქებისას ლეტალურად დასრულდა 4 შემთხვევა. აფეთქების გამო 2013-2016 წლებში იმუნიზაციის დამატებითი ღონისძიების ფარგლებში აიცრა 30 წლამდე ასაკის 200 000-მდე პირი. დაავადებათა კონტროლის ცენტრის ინფორმაციით, აღნიშნულმა ღონისძიებამ განაპირობა ის, რომ 2016 წელს დაავადების შემთხვევები მნიშვნელოვნად შემცირდა და ქვეყანაში მხოლოდ 14 შემთხვევა დაფიქსირდა. საქართველოში წითელას შემთხვევების ზრდა 2017 წლის აგვისტოდან დაიწყო. როგორც დაავადებათა კონტროლის ცენტრი აცხადებს, ეს ხდება იმის გამო, რომ მოსახლეობის დიდი ნაწილი კვლავ არ არის აცრილი. მართალია, ბოლო წლების განმავლობაში წითელას ვირუსით დაავადების არცერთი შემთხვევა ლეტალურად არ დასრულებულა, მისი მკურნალობის სპეციფიკური გზა არ არსებობს. ვირუსის კონტროლი მხოლოდ პრევენციითაა შესაძლებელი.
ჯიეიჩენ.ჯი- http://ghn.ge/com/news/view/196140
ინტერპრესნიუს.ჯი- http://www.interpressnews.ge/ge/sazogadoeba/475510-amiran-gamyrelidze-sheidzleba-ithqvas-rom-atcarashi-tsithelas-epidafethqebaa.html?ar=A
---
30.01.2018
მედიასაშუალება: http://presa.ge/new/?m=society&AID=63141
პაატა იმნაძე: მოქალაქეები თუ არ აიცრებიან, წითელა სხვანაირად არ გაჩერდება
„აჭარაში ეპიდაფეთქებაა, დანარჩენ საქართველოში კი თუ არ ჩატარდება იმუნიზაცია, დაავადება ყველა იმ ადამიანზე გავრცელდება, ვინც აუცრელია“, – ამის შესახებ დაავადებათა კონტროლის ეროვნული ცენტრის ხელმძღვანელის მოადგილემ, პაატა იმნაძემ წითელას შემთხვევების ზრდასთან დაკავშირებით გამართულ პრესკონფერენციაზე განაცხადა. მისი თქმით, დღეს შემთხვევების მატება წლების წინ ვაქცინაციაზე უარის თქმის შედეგია. „2008 წელს, როდესაც დაგეგმილი იყო იმუნიზაციის მასობრივი კამპანია ქვეყანაში და როდესაც უნდა აცრილიყო 1 000 000 ადამიანი, სამწუხაროდ მასმედიის არაკომპეტენტურმა ჩარევამ ჩაშალა აცრების კამპანია. ამის შედეგია დღევანდელი წითელას კიდევ ერთი შემობრუნება. თუ არ აიცრებიან ადამიანები, წითელა ისე არ გაჩერდება“, – განმარტა პაატა იმნაძემ. მისივე თქმით, მიუხედავად იმისა, რომ აჭარაში ეპიდემიაა, სკოლებსა და ბაღებში სასწავლო პროცესი შეჩერებული არ არის. „თუ აცრილები იქნებიან, არავითარი პრობლემა არ არის სკოლებსა და ბაღებში. ვინც აცრილი არ იქნება, ის ავად გახდება“, – აღნიშნა იმნაძემ.
---
30.01.2018
მედიასაშუალება: http://ghn.ge/com/news/view/196177
ჯანდაცვის სამინისტროს ინფორმაციით, მეტრო "ვარკეთილში" მომხდარი ინციდენტისას დაშავებულების ჯანმრთელობის მდგომარეობა სტაბილურია
მეტროსადგურ „ვარკეთილში“ მომხდარი შემთხვევის შედეგად დაშავებულები შრომის, ჯანმრთელობისა და სოციალური დაცვის მინისტრმა, დავით სერგეენკომ მოინახულა. უწყების ხელმძღვანელმა 14 პირის ჯანმრთელობის მდგომარეობის შესახებ ინფორმაცია მათი მკურნალი მედიკოსებისგან პირადად მიიღო. მინისტრის ინფორმაციით, დაშავებულები სტაციონარში, საექიმო მეთვალყურეობის ქვეშ რჩებიან. მათ უკვე ჩაუტარდათ შესაბამისი გამოკვლევები და სხვადასხვა სახის სამედიცინო ჩარევები. პაციენტების ჯანმრთელობის მდგომარეობა სტაბილურია და მათ სიცოცხლეს საფრთხე არ ემუქრება. 14 დაშავებული მკურნალობას თბილისის სხვადასხვა კლინიკაში გადის. შეგახსენებთ, განახლებულ მეტროსადგურ "ვარკეთილში" დღეს, 30 იანვარს შეკიდული ჭერი ჩამოინგრა.
ინტერპრესნიუს.ჯი- http://www.interpressnews.ge/ge/sazogadoeba/475553-davith-sergeenkom-metrosadgur-varkethilshi-dashavebuli-14-piri-moinakhula.html?ar=A
ექსპრესნიუს.ჯი- http://epn.ge/?id=59573
პია.ჯი- https://pia.ge/post/183324--varketilis-metrosi-dasavebulebi-eqimebis-metvalyureobis-qves-rcebian
კომერსანტ.ჯი- http://commersant.ge/?view=post&id=138142&lang_id=ge
კვირა.ჯი- http://kvira.ge/378420
---
30.01.2018
მედიასაშუალება: http://netgazeti.ge/news/248626/
მეტრო ვარკეთილში დაშავებულთა მკურნალობის ხარჯებს სახელმწიფო დაფარავს
მეტროსადგურ ვარკეთილში ჭერის ჩამონგრევის შედეგად დაშავებულთა მკურნალობის ხარჯებს თბილისის მერია და ჯანდაცვის სამინისტრო დაფარავს. ამის შესახებ თბილსის მერმა კახა კალაძემ განაცხადა. მისი თქმით, შემთხვევას მსხვერპლი არ მოჰყოლია. „დაშავებულების ჯანმრთელობის მდგომარეობა სტაბილურია და შესაბამისი გამოკვლევები უტარდებათ. მინდა, თითოეულ მათგანს ჯანმრთელობა ვუსურვო. საბედნიეროდ, მსხვერპლი არ გვაქვს“, – განაცხადა კახა კალაძემ. თბილისის მერიის ინფორმაციით, შემთხვავის შედეგად 14 ადამიანი დაშავდა. დღეს, 30 იანვარს, დაახლოებით 10:40 საათზე, მეტროსადგურ ვარკეთილის ჭერი ჩამოინგრა. ვარკეთილის მეტროში ჭერის ჩამონგრევის საქმეზე შსს–მ გამოძიება სამშენებლო სამუშაოების წესის დარღვევის მუხლით დაიწყო. შსს–ს ცნობით, გამოძიება 240–ე მუხლის პირველი ნაწილის მიხედვით, მიმდინარეობს, რაც გულისხმობს უსაფრთხოების წესის დარღვევას სამთო, სამშენებლო ან სხვა სამუშაოს წარმოებისას, რამაც გამოიწვია ჯანმრთელობის ნაკლებად მძიმე ან მძიმე დაზიანება.
---
30.01.2018
მედიასაშუალება: http://liberali.ge/news/view/33973/bavshvebi-imalebian-utskhos-rom-khedaven--ras-hyvebian-mastsavleblebi-devnozashvilebis-ojakhze
„ბავშვები იმალებიან უცხოს რომ ხედავენ“ - რას ჰყვებიან მასწავლებლები დევნოზაშვილების ოჯახზე
ლენტეხის რაიონში ამირან დევნოზაშვილს 8 შვილი სახლში ჰყავს ჩაკეტილი და გარეთ არ უშვებს. ბავშვები ვერ დადიან სკოლაში და ვერ ხვდებიან თანატოლებს. ამ საკითხის შესახებ სოციალური მომსახურების სააგენტომ განცხადება გაავრცელა, რომელშიც ნათქვამია, რომ გარკვეული პერიოდი ოჯახში სკოლის პედაგოგი დადიოდა და ინდივიდუალურად ამეცადინებდა ბავშვებს, თუმცა გარკვეული პერიოდის შემდეგ ოჯახის მოთხოვნით ეს მეცადინეობები შეწყდა. ამავე თემაზე: სოცსააგენტო მშობლის მიერ ჩაკეტილ ბავშვებზე - „მშობლები შეძლებისდაგვარად ზრუნავენ მათზე" „ლიბერალი“ სოფელ რცხმელურის საჯარო სკოლის დირექტორს ხათუნა ტვილდიანს და ამავე სკოლის პედაგოგს სოფო ტვილდიანს ესაუბრა. ისინი იხსენებენ, რომ დაახლოებით 2009-10 წლებში ოჯახს კვირაში ერთხელ მაინც სტუმრობდნენ. „ბავშები რომ გვემეცადინებინა, ამის უფლებას მშობლები არ გვაძლევდნენ, უბრალოდ ვუყურებდით, კონტაქტი გვქონდა, მაგრამ იმ პერიოდის შემდეგ როცა მათთან პოლიცია, სოციალური მუშაკები და მეუფეც მივიდა, კონტაქტი აღარ გვქონია. ისეთი აგრესია წამოვიდა, ბავშვებიც ისე გვიყურებდნენ, თითქოს ნდობა ჰქონდათ დაკარგული“, - ამბობს სკოლის დირექტორი ხათუნა ტვილდიანი. ამავე თემაზე: მიტროპოლიტი სტეფანე ამირან დევნოზაშვილზე: - ეს კაცი შესაძლოა, საშიში იყოს ბავშვებისთვის პედაგოგი სოფო ტვილდიანი იხსენებს, რომ უფროსი შვილი იმ დროისთვის 14-15 წლის იქნებოდა, მათ მშობლები ძირითადად მათემატიკასა და რუსულ ენას ასწავლიდნენ, მისი თქმით ბავშვებს მეტყველება უჭირდათ, თუმცა წერა-კითხვა შეეძლოთ. „ბავშვებს საკმარისი განათლება არ ჰქონდათ, რა თქმა უნდა, მეტყველება უჭირდათ, გამართულად ვერ ლაპარაკობდნენ, წერით წერდნენ, რუსულადაც, გამრავლების ტაბულა იცოდნენ, კერვას და ქარგვას ასწავლიდნენ, საოჯახო რაღაცებს აკეთებინებდნენ“,- ამბობს მასწავლებელი. ტვილდიანის თქმით, სხვების დანახვაზე ბავშვები ახლა იმალებიან, პატარაობაში კი უფრო კონტაქტურები იყვნენ. „ბავშვები კონტაქტურები არ არიან, იმალებიან რომ დაგინახავენ, პატარები რომ იყვნენ გამოვიდოდნენ, დაგიჯდებოდნენ“, - ამბობს ტვილდიანი. ხათუნა ტვილდიანი, რომელიც ასევე დევნოზაშვილების ოჯახის ნათესავი და მეზობელია, ამბობს, რომ არაერთი მცდელობის მიუხედავად, ოჯახი ვერ დაითანხმა, რომ სასკოლო ასაკის ბავშვებისთვის სკოლაში სწავლის საშუალება მიეცათ. ტვილდიანის თქმით, უფროსმა შვილებმა წერა-კითხვა იცოდნენ, სკოლის დირექტორის თქმით, ოჯახში ჰქონდათ წიგნები („შუშანიკის წამება“, ძველი ქართული ლიტერატურა, წმინდანების ცხოვრება და ა.შ.) და სხვადასხვა საკანცელარიო ნივთებით თავად პედაგოგები და სოციალური მუშაკებიც ამარაგებდნენ. „უფორსი შვილები მაშინ პატარები იყვნენ, რომ წერდნენ ნამდვილად მინახავს და პატარების შესახებ ნამდვილად არ ვიცი. მე მინახავს ერთ-ერთი შვილის, მარიამის ნაწერი, ლამაზი კალიგრაფია ჰქონდა, მაშინ პატარა იყო, მერე გავიგე, რომ რაღაც დოკუმენტზე ხელმოსაწერი ყოფილა და ხელი ვერ მოუწერიაო, მე ვიფქრობ, რომ იმიტომ კი არა, რომ წერა-კითხვა არ იცის, იმიტომ, რომ შეუჩვეველია საზოგადოებაში გასვლას“, - ამბობს ტვილდიანი ხათუნა ტვილდიანს დევნოზაშვილებთან კეთილმეზობლური ურთიერთობა აქვს, ხშირად შეხვედრია მაღაზიისკენ ან სხვა საქმისთვის მიმავალ მეზობლებს მხოლოდ მცირეწლოვან შვილებთან ერთად. ტვილდიანის თქმით, უფროსი შვილები გარეთ იშვიათად გამოჰყავთ - მხოლოდ იმ შემთხვევაში თუ ექიმთან მიჰყავთ თბილისში. „მის სიტყვებს გავიმეორებ: როდესაც ხე გამსხვილდება და როდესაც მას ქარი ვერ წააქცევს და ბავშვები იქნებიან ჩამოყალიბებულები, გახდებიან სრულწლოვანები, მაშინ გავუშვებ მათ საზოგადოებაში, გავლენ ისინი და ხელსაქმეს ისწავლიან... - რა ხელსაქმე უნდა ასწავლო 8 შვილს სოფლის პირობებში, ან რა უნდა ისწავლონ თუ გარეთ არ გაიყვან?“, - ამბობს ტვილდიანი. ხათუნა ტვილდიანი ამბობს, რომ ეზოში ბავშები ხშირად თამაშობენ და მშობლებსაც ეხმარებიან საშინაო საქმეებში. „მეორე სართულიდან ვუყურებდი, თმები ჩამოშლილი ჰქონდა ერთ-ერთ შვილს, სარკეში იხედებოდა, შეტრიალდებოდა და შემოტრიალდებოდა, იპრნჭებოდა და ისე გამიკვირდა, სახლშია ბავშვი და მაინც რომ ამის სურვილი აქვს-მეთქი. მანამდე დადიოდნენ თავსაფარდახურულები სახლში და გრძელი კაბებით, მკლავიანი მაისურებით და ამ ზაფხულში სხვა კარის მეზობელი ამბობდა, რომ ახლა მოკლემკლავიანები აცვიათ და თავსაფრები აღარ ახურავთო“, - ამბობს ხათუნა ტვილდიანი სახალხო დამცველის აპარატმა აღნიშნული საქმის შესწავლა საკუთარი ინიციატივით მედიასაშუალებებში გავრცელებული ინფორმაციის საფუძველზე დაიწყო. ომბუდსმენის წარმომადგენლის თქმით, ისინი შესაბამისი უწყებების მხრიდან გატარებული ღონისძიებების ეფექტურობას შეფასებენ. ამავე თემაზე: შს მინისტრის მოადგილე მშობლის მიერ სახლში სავარაუდოდ ჩაკეტილ ბავშვებზე საუბრობს „როგორც ჩვენთვის არის ცნობილი უკვე წლების განმავლობაში ამ ფაქტის შესახებ ინფორმირებულია როგორც სოციალური მომსახურების სააგენოტო, ასევე შსს და მნიშვნელოვანია, რომ სახალხო დამცველმა თავისი მანდატიდან და პერსპექტივიდან შეაფასოს, რამდენად იყო ბავშვის ინტერესებზე მორგებული ყველა ის ღონისძიება, რომელიც ამ უწყებების მხრიდან გატარდა. უნდა აღინიშნოს ის, რომ მნიშვნელოვანია, ბავშვი იღებდეს განათლებას და ეს საქართველოს კანონმდებლობით არის სავალდებულო, საბაზო განათლების მიღება და ასევე მნიშვნელოვანია, რომ ბავშვს ჰქონდეს ჯანსაღი განვითარების შესაძლებლობა, იყოს ინტეგრირებული საზოგადოებაში და მისი საუკეთესო ინტერესები იყოს დაცული." - განუცხადა "ლიბერალს" ეკა სხილაძემ. მისივე თქმით, საქმის მასალების შესწავლის შემდეგ შეაფასებენ რა ღონისძიებების უნდა გატარდეს და შესაბამისი რეკომენდაციებით მიმართავენ პასუხისმგებელ უწყებებს. "ზოგადად კი ეს არის მთავარი ამოსავალი პრინციპი, რომ ბავშის ინტერესები იყოს დაცული ყველა შემთხვევაში“, - ამბობს ომბუდსმენის მოადგილე ეკა სხილაძე
---
30.01.2018
მედიასაშუალება: http://commersant.ge/?view=post&id=138109&lang_id=ge
93 ექიმს სახელმწიფო სერტიფიკატის მოქმედება შეუჩერდა
2017 წელს, სსიპ სამედიცინო საქმიანობის სახელმწიფო რეგულირების სააგენტოს პროფესიული განვითარების საბჭომ განიხილა 305 ექიმის პროფესიული პასუხისმგებლობის საკითხი. აქედან, 2 ექიმს არ დაეკისრა პროფესიული პასუხისმგებლობა; 300 ექიმს დაეკისრა პროფესიული პასუხისმგებლობა; 3 ექიმის საკითხის განხილვა გადაიდო სამართალდამცავი ორგანოებიდან დამატებითი ინფორმაციის წარმოდგენის შემდეგ. სააგენტოს 2017 წლის ანგარიშის თანახმად, 300-დან, 207 ექიმს მიეცა „წერილობითი გაფრთხილება“; სახელმწიფო სერტიფიკატის მოქმედება სხვადასხვა ვადით შეუჩერდა 93 ექიმს (მათ შორის, 3 ექიმს 1 წლის ვადით შეეზღუდა სამედიცინო-სოციალურ ექსპერტიზაში (სტატუსის მინიჭება) მონაწილეობის უფლება): 1 თვით - 37 ექიმს, 2 თვით - 43 ექიმს, 3 თვით - 12 ექიმს, 4 თვით - 1 ექიმს.
---
30.01.2018
მედიასაშუალება: http://accent.com.ge/ge/news/details/46099
გაყინული ხელებით და თბილი მზერით - სამი შვილის მარტოხელა დედა მძიმე ტვირთით
ამ პატარა გოგონას ამბავს ფონდი სიკეთის კვალი ავრცელებს: "გაყინული ხელებით და თბილი მზერით - გაიცანით, ეს პატარა მარიანაა... რამდენიმე საათის წინ გავიცანი ეს პატარა ანგელოზი და მას მერე სულ მასზე ვფიქრობ, როგორ უძლებს ამ სიცივეს. მის გაყინულ პაწაწუნა ხელებს რომ შევეხე, გული გამეყინა. სახლს, სადაც ეს ოჯახი ცხოვრობს, ფანჯრები არ აქვს, პარკებს ვაკრავ და ქარი ხევსო. ერთი გაფუჭებული პლიტა აქვთ და ისიც გამორთული. წინა თვეს 200 ლარი დაიწვა და იმასაც ვერ ვიხდი, 8 თებერვლამდე მაქვს ვადა, რომ გადავიხადო, შუქი მაინც რომ მქონდესო... არც საკვები, არც წამლები. 3 პატარა ბავშვი ჰყავს... მარიანას უჰაერობა აქვს. წლი-ნახევრის გოგონას გულის მანკი ტანჯავს. ორი პატარა ბაღში იყო. სახლში მშივრები არიან და იქ მყავს გვიანობამდე, რომ რამე ჭამონო, ამბობს დედა. - სულ მარტო ვარ, ბავშობიდან ასეთ ტანჯვაში ვიზრდებოდი ბავშვთა სახლში. მშობლების სითბო არ მახსოვს, მინდა, ჩემი შვილები ჩემთან გაიზარდონ... მეც ცუდად ვარ, ეპილეფსია მაქვს და ბევრი რამ მავიწყდება, თორემ კიდევ რამდენი რამ მექნება მოსაყოლი... ეს ოჯახი ცხოვრობს თბილისში, მუხიანში. ეს მათი საკონტაქტო ნომერია: 593 319 526 რუსუდან ზაალიშვილი. საქველმოქმედო ზარის განხორციელება შესაძლებელია საქართველოდან ჯეოსელის, მაგთის და ბილაინის აბონენტებისთვის:
0 901 700 177 - ზარის ღირებულება 1 ლარი.საბანკო რეკვიზიტები: თიბისი ბანკი : TBCBGE22 GE34TB7319436080100002 GEL
GE78TB7319436180100002 USD
GE08TB7319436180100001 EUR
საქართველოს ბანკი: BAGAGE22 GE10BG0000000667885400 GEL
GE10BG0000000667885400 USD
GE10BG0000000667885400 EUR
მიმღები: ფონდი "სიკეთის კვალი". დანიშნულებაში მიუთითეთ - პატარა მარიანას
---
ბეჭდვითი მედია
31.01.2018
მედიასაშუალება: მესინჯერი
დაავადებათა კონტროლის ცენტრი მოსახლეობას წითელას ვაქცინაციისკენ მოუწოდებს
წითელა მწვავე ინფექციური დაავადება, რომელიც იწვევს საკმაოდ სერიოზულ გართულებებს, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ წითელას შემთხვევების მატებასთან დაკავშირებით გამართულ პრესკონფერენციაზე განაცხადა. ამირან გამყრელიძე მოსახლეობას მოუწოდებს, დროულად ჩაიტარონ აცრა, რათა თავი დაიცვან გართულებებისგან. “2018 წლის დასაწყისში აღინიშნება წითელას შემთხვევების ზრდის დინამიკა. ევროპის ქვეყნებში შარშან დაფიქსირდა დაახლოებით 15 000-მდე შემთხვევა, სამწუხაროდ, 34 გარდაცვალების ფაქტი სხვადასხვა ქვეყნებში. საქართველოში მარტი-იანვრის თვის განმავლობაში ჩვენ გვაქვს 102 წითელას შემთხვევა, 84% ამ შემთხვევებისა დაფიქსირებულია აჭარის რეგიონში, ამ რეგიონში წითელას ეპიდაფექთების შეკავების მიზნით, უკვე ერთი თვეა, მიმდინარეობს ინტენსიური ღონისძიებები. წითელა არ გახლავთ სახუმარო დაავადება. წითელა გახლავთ, მწვავე ინფექციური დაავადება, ვირუსული, რომელიც იწვევს საკმაოდ სერიოზულ გართულებებს როგორც ფილტვების, ასევე სხვადასხვა მხრივ, ამავე დროს რიგ შემთხვევებში არის სამწუხაროდ, სავალალო შედეგიც. მოვუწოდებ მოსახლეობას, რომ წითელა გახლავთ დაავადება, რომელიც იმართება მხოლოდ და მხოლოდ ვაქცინაციით. წითელას სპეციფიური მკურნალობა არ არსებობს. წითელას პრევენციის ერთადერთი საშუალება არის ვაქცინაცია. წითელას საწინააღმდეგო აცრა შედის ეროვნულ კალენდარში ბავშვები იცრებიან 12 თვის და 5 წლის ასაკში. დამცველობითი ეფექტი წითელას აცრისა არის ძალიან მაღალი. აცრილ მოსახლეობას შეგვიძლია ვთქვათ, რომ გარდა გამონაკლისი შედეგისა, წითელა არ უვითარდებათ”, – განაცხადა ამირან გამყრელიძემ.
---
31.01.2018
მედიასაშუალება: მესინჯერი
იუნისეფის განცხადებით, სახლში ჩაკეტილი ბავშების უფლებები მყისიერად უნდა აღდგეს
გაეროს ბავშვთა ფონდი მიიჩნევს, რომ რვა ბავშვი, რომლებიც მამას ამირან დევნოზაშვილს სახლში ჰყავს ჩაკეტილი, ძალადობის მსხვერპლია. “იუნისეფის” განცხადებითვე, სახელმწიფომ მყისიერად უნდა აღადგინოს სახლში ჩაკეტილი ბავშვების უფლებები. გაეროს ბავშვთა ფონდის კომუნიკაციის პროგრამის ხელმძღვანელის მაია ქურციკიძის თქმით, განვითარება, განათლების მიღება და საზოგადოებაში ინტეგრაციის შესაძლებლობა ბავშვის ფუნდამენტური უფლებებია: “ამ საქმის შესწავლისას შეიძლება სხვა უფლებების დარღვევაც გამოვლინდეს. ერთი შეხედვითაც ცალსახაა, რომ ბავშვის უფლებების უგულებელყოფა ხდება და ძალადობის მსხვერპლი არიან ეს ბავშვები, რადგან ამ უფლებების უგულებელყოფა უკვე ძალადობაა. მნიშვნელოვანია, რომ ბავშვებს რაც შეიძლება სწრაფად აღუდგეთ მათი უფლებები. ეს როგორ უნდა მოხდეს, ამაზე სისტემამ, სხვადასხვა უწყებებმა უნდა იმსჯელოს, მათ შორის, სამართალდამცავმა ორგანოებმა. ზოგადად ვიტყოდით, რომ სისტემა უნდა ახდენდეს უფრო ეფექტიან და დროულ რეაგირებას ასეთ შემთხვევებზე. თუ ამ კონკრეტულ სისტემამდე მიდის ეს ინფორმაცია. მასზე უნდა რეაგირებდეს მყისიერად სახელმწიფო და უპირატესობა უნდა ენიჭებოდეს ბავშვის საუკეთესო ინტერესებს და უფლებებს. ასეთი ფაქტები ცალსახაა, რომ არ უნდა ხდებოდეს”,- ამბობს მაია ქურციკიძე “ნეტგაზეთთან” საუბრისას. რა ვიცით დემნოზაშვილების ოჯახზე, სადაც 8 შვილი მამის გადაწყვეტილებით, ბაბშვები არც სკოლაში დადიან და გარესამყაროსთან კომუნიკაცია აკრძალული აქვთ: ამირან დევნოზაშვილს 8 შვილი ჰყავს, 3 ბიჭი და 5 გოგო. ყველაზე უფროს შვილი 21 წლისაა, ყველაზე უმცროსი კი, 7 წლის. ოჯახში მუდმივად ცხოვრობს ოჯახის 11 წევრი: მამა, დედა, ბებია და ცოლ-ქმრის 8 შვილი. შვილებიდან 3 უკვე სრულწლოვანია, მეოთხე შვილი წელს ხდება 18 წლის. ბავშვებს სკოლაში არასდროს უვლიათ, ამირან დევნოზაშვილი მიიჩნევს, რომ შვილებს უკეთესად ზრდის, ვიდრე სკოლაში. სახელმწიფომ 2010 წლიდან იცის, რომ ამირან დევნოზაშვილი შვილებს სახლიდან არ უშვებს. ოჯახი ჩაერთულია პრევენციის პროგრამაში და სოციალური მუშაკი დღემდე მუშაობს მათთან. დედას აქვს უმაღლესი პედაგოგიური განათლება და ეხმარება ბავშვებს სწავლის პროცესში. სახალხო დამცველიც დაინტერესდა აღნიშნული საკითხით. ის აცხადებს, რომ აქ ადამიანის უფლებების დარღვევის ნიშნებია.
---
31.01.2018
მედიასაშუალება: ქართული სიტყვა
კორუფციული სქემა როგორ კეთდება ფული სოციალურად დაუცველებითა და საბავშვო ბაღებით
სოციალური პრობლემები პოლიტიკოსების მანიპულირების საუკეთესო საშუალებაა, ანუ წლებია, ხალხი დანაპირებ სოციალურ თანასწორობასა და კეთილდღეობას ელოდება, თუმცა ამაოდ. 2012 წლის საპარლამენტო არჩევნების წინ "ქართული ოცნების" ლიდერები ხალხს განახევრებულ ენერგოტარიფებს, ე.წ. უფასო ფულს, კრედიტების დაფარვასა და ბანკების დატუქსვა-დასჯას ჰპირდებოდნენ, თუმცა დაპირებული სოციალური სამოთხე დღემდე არ ჩანს, რატომ? - "ქართული სიტყვა" მოძრაობა "ახალი საქართველოს" სათათბიროს წევრსა და სოციალური სამსახურის ხელმძღვანელ თეონა ჭალიძეს ესაუბრა. თეონა ჭალიძე: "ენ-დი-აი"-ს ბოლო კვლევებმა აჩვენა, რომ გამოკითხულთა 50%-ის შემოსავალი 500 ლარს არ აღემატება. ესეც კატასტროფული მაჩვენებელია, რადგან საჯარო სექტორსა და კერძო ბიზნესში 750 ათასი დასაქმებულიდან მხოლოდ 3%-ს აქვს 1600 ლარზე მეტი შემოსავალი. სახელმწიფოს არასწორი მიდგომა აქვს. მიმაჩნია, რომ უფასო სასადილოები ყველა სოციალურად დაუცველისთვის ხელმისაწვდომი უნდა იყოს - ვისაც სურვილი აქვს, უნდა ჩაერთოს ამ პროგრამაში. სურსათის ეროვნულმა სააგენტომაც არაერთხელ დააჯარიმა კომპანიები, რომლებმაც ტენდერში გაიმარჯვეს და საკვებად უვარგისი პროდუქტები გამოიყენეს. მათი მხრიდან მონიტორინგი არ ხდება, თორემ ყოველდღიურად აღმოაჩენენ იმ დარღვევებს, რაც მოქალაქეების ჯანმრთელობას აზიანებს. ჩვენ შევისწავლეთ მერიის მონიტორინგის სამსახურის მიერ ჩატარებული ოქმები და საოცარი რამ ვნახეთ: 2017 წლის იანვრიდან გამგეობის თანამშრომლების მიერ შედგენილი 763 შემოწმების ოქმი და აქტი შევისწავლეთ, ანალიზის შედეგად გამოირკვა, რომ არსებული 63 სასადილოდან ერთშიც არ მომხდარა გამგეობის შესაბამისი სამსახურების მიერ სრულყოფილი მონიტორინგი. ოქმები ზერელედაა შევსებული და გაყალბებული, ერთმანეთისგან სიტყვა-სიტყვით გადაკოპირებული, ორმოცდაათზე მეტი საჯარო მოხელე ხელს აწერს ამ ოქმებს, მათი უპასუხისმგებლო, არაკომპეტენტური და მიზანმიმართული ხელის დაფარება სასადილოებზე ნათელია. უკმაყოფილო ბენეფიციარებზეც არაფერია ნათქვამი. უფასო სასადილოებში ჯერჯერობით პრობლემები არ აღმოფხვრილა და იგივე გრძელდება, ამიტომაც მიგვაჩნია, რომ პროკურატურის რეაგირება მნიშვნელოვანია. არაა შორს ის დრო, როცა ბაღები ფასიანი გახდენა. ბოლო რამდენიმე დღის განმავლობაში დადებითი ნაბიჯი გადაიდგა ახალი მერის მხრიდან, რომელიც იმედს იძლევა სამომავლოდ. აქამდე ბაღებში კვებასთან დაკავშირებით არც მშობლების და არც ოპოზიციის მხრიდან პრეტენზიები არ გაჟღერებულა. იქ სხვა უამრავი პრობლემა იყო - ნეპოტიზმი, უკანონო გათავისუფლებები, მაგრამ კვებით ნაწილთან დაკავშირებით მშობლებს პრობლემა არ ჰქონიათ, არც ის, რომ ბავშვი მოიწამლა და უცებ, 2018 წლის იანვარში, ერთბაშად ასობით მშობელი უკმაყოფილებას გამოთქვამს, ეს იმას ნიშნავს, რომ პრობლემა რეალურად არსებობს." -ხელისუფლებამ საპენსიო რეფორმასთან დაკავშირებით პროექტი გაასაჯაროვა, ამაზე რას იტყვით? თეონა ჭალიძე: "ახალი კანონპროექტი ძალიან ბუნდოვანი და გაურკვევეია, გაუგებარია, რის მიღწევას ცდილობს სახელმწიფო. მოქალაქეს არ აქვს გარანტია, რომ მისი პენსია 90-იანი წლების ანაბრებივით არ დაიკარგება და არ შეიჭმება, ე.წ. საპენსიო ფონდივით არ გაკოტრდება და კრიზისულ სიტუაციაში გაურკვეველი მიზნებით არ იქნება გამოყენებული, მით უმეტეს, რომ მთავრობა 40 წლამდე ასაკის პირებისთვის სისტემაში ჩართვას სავალდებულოს ხდის - აიძულებენ, კიდევ ახალი გადასახადი გადაიხადონ.
---
31.01.2018
მედიასაშუალება: ქართული სიტყვა
ამირან გამყრელიძე: "აჭარაში წითელას ეპიდაფეთქებაა"
დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის, ამირან გამყრელიძის ინფორმაციით, 29 იანვრის მდგომარეობით, ქვეყანაში უკვე აღირიცხა წითელას 102 შემთხვევა, მათ შორის აჭარაში - 86. გამყრელიძის ინფორმაციით, აქედან ბათუმი დაფიქსირდა - 52, ქობულეთში -14, ხელვაჩაურში - 14, ხულოში - 2, ქედაში - 3 და შუახევში - 1 შემთხვევა. ”საქართველოში 1990 წლიდან წითელას ფართომასშტაბიანი ეპიდემია რეგისტრირებული არ ყოფილა 2004-2005 წლამდე, როდესაც აღირიცხა დაავადების 8 391 (უპირატესად უფროსი ასაკის ბავშვებში და ახალგაზრდებში) და დაფიქსირდა გარდაცვალების 9 შემთხვევა. წითელას შემდეგი დიდი აფეთქება აღინიშნა 2013-2015 წლებში, როცა დაავადდა 11 000 მეტი ადამიანი, უპირატესად მოზრდილები და 5 წლამდე ასაკის ბავშვები. აღნიშნული აფეთქებისას ლეტალურად დასრულდა 4 შემთხვევა. 2016 - 2017 წლებში წითელას ეპიდაფეთქებები დაფიქსირდა ევროპის რეგიონში, აღირიცხა 14 939 წითელას შემთხვევა, 34 დასრულდა ლეტალურად (რუმინეთი იტალია, საბერძნეთში, ბულგარეთი, გერმანია, პორტუგალია, საფრანგეთი, ესპანეთი). საქართველოში წითელას შემთხვევების ზრდა კვლავ აღინიშნა 2017 წლიდან. 2018 წელს, 29 იანვრის მდგომარეობით, ქვეყანაში უკვე აღირიცხა წითელას 102 შემთხვევა, მათ შორის აჭარაში 86”, - ნათქვამია დაავადებათა კონტროლის ეროვნული ცენტრის ინფორმაციაში.
---
31.01.2018
მედიასაშუალება: ვერსია
საქართველოში 2018 წელს წითელას შემთხვევების ზრდა დაფიქსირდა
2017 წლიდან საქართველოში წითელას შემთხვევების ზრდა დაფიქსირდა, - ამის შესახებ დაავადებათა კონტროლის ეროვნული ცენტრის ინფორმაციაშია ნათქვამი. მათი ცნობით, 2018 წელს 29 იანვრის მდგომარეობით, ქვეყანაში უკვე აღირიცხა წითელას 102 შემთხვევა, მათ შორის აჭარაში - 86. "შემთხვევათა 34% მოდის 20 წლის ზევით ასაკობრივ ჯგუფში, მაღალია ასევე 1 წლამდე ასაკობრივი ჯგუფის წილი 19,5%, რომელშიც ასევე ყველაზე მაღალია ავადობის მაჩვენებელი, 100000 მოსახლეზე - 58.5, რაც თანდაყოლილი იმუნიტეტის დეფიციტზე მიუთითებს. აუცრელი ბავშვები, განსაკუთრებით ჩვილები, წარმოადგენენ მაღალი რისკის ჯგუფს წითელათი დაავადების, მისი გართულებების და გარდაცვალების მხრივ. ასევე დაავადების განვითარების მაღალი რისკის ქვეშ იმყოფებიან არავაქცინირებული ორსული ქალები. დაავადების შემდგომი გავრცელების შეზღუდვის მიზნით წითელას ყველა შემთხვევის ირგვლივ ტარდება პრევენციული და კონტროლის ღონისძიებები ეპიდზედამხედველობის ლაბორატორიული დიაგნოსტირების ჩათვლით და იმუნიზაციის მიმართულებით: ბავშვთა გეგმური იმუნიზაციით მოცვის გაუმჯობესება და დროული ვაქცინაციის უზრუნველყოფა; წითელაზე საეჭვო შემთხვევებთან კონტაქტირებულთა ვაქცინაცია; 20 - 40 წლის არაიმუნური მოსახლეობის ვაქცინაცია; 40 წლამდე ყველა სამედიცინო მომსახურების მიმწოდებლების/თანამშრომლების იმუნიზაცია; წითელა სიცოცხლისათვის საშიში დაავადებაა", - ნათქვამია უწყების ინფორმაციაში. დაავადებათა კონტროლის ეროვნული ცენტრი მოსახლეობას ვაქცინაციისკენ მოუწოდებენ.
---
31.01.2018
მედიასაშუალება: რეზონანსი
წითელას 102 შემთხვევიდან, 86 ბათუმში დაფიქსირდა
(რეზონანსი) დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის ამირან გამყრელიძის ინფორმაციით, იანვრის თვეში ქვეყნის მასშტაბით წითელას 102 შემთხვევა დაფიქსირდა. როგორც გამყრელიძემ დღევანდელ გამართულ პრესკონფერენციაზე განაცხადა, წითელას 102 შემთხვევიდან 86 აჭარაში დაფიქსირდა. მისივე თქმით, ჭარაში წითელას ეპიდაფეთქებაა, „2017 წლის მეორე ნახევრიდან და განსაკუთრებით წელს, 2018 წლის დასაწყისში, აღინიშნება წითელას შემთხვევების ზრდის დინამიკა. იანვრის თვის განმავლობაში, გუშინდელი რიცხვით ჩვენ გვაქვს წითელას 102 შემთხვევა. 84% ამ შემთხვევებისა ძირითადად დაფიქსირებულია აჭარის რეგიონში და აჭარის რეგიონში უკვე ერთი თვეა და მეტი მიმდინარეობს ინტენსიური ღონისძიებები წითელას აფეთქების შეკავების მიზნით", - განაცხადა გამყრელიძემ. გამყრელიძემ საზოგადეობას წითელას საწინააღმდეგო ვაქცინაციისკენ მოუწოდა
---
31.01.2018
მედიასაშუალება: ვერსია
მომხმარებლის მოთხოვნის შემთხვევაში, აფთიაქებს მედიკამენტების ქართულენოვანი ინსტრუქციის გაცემა ევალებათ
სამედიცინო საქმიანობის სახელმწიფო რეგულირების სააგენტოს განცხადებას ავრცელებს, სადაც აღნიშნულია, რომ საქათველოს კანონმდებლობით ნებისმიერ მომხმარებელს შეუძლია აფთიაქში მოითხოვოს შეძენილი სამკურნალო საშუალების ქართულენოვანი გამოყენების ინსტრუქცია. ამის შესახებ სამედიცინო საქმიანობის სახელმწიფო რეგულირების სააგენტოს განცხადებაშია ნათქვამი. „მოთხოვნის შემთხვევაში, აფთიაქმა უნდა უზრუნველყოს მომხმარებლისათვის ფარმაცევტული პროდუქტის გამოყენების ინსტრუქციის ქართულენოვანი ვერსიის მიწოდება. მოსახლეობის ინფორმირებულობის მიზნით, აფთიაქმა თვალსაჩინო ადგილზე უნდა განათავსოს განცხადება, რომ მომხმარებლებს შეუძლიათ მოითხოვონ წამლის გამოყენების ქართულენოვანი ინსტრუქცია და მიიღონ მოთხოვნისთანავე. მკურნალობის პროცესის უსაფრთხოდ წარმართვისა და მომხმარებლის ინტერესებიდან გამომდინარე, სააგენტო აფთიაქებს მოუწოდებს აღნიშნული ვალდებულების აქტიური აღსრულებისკენ.
---