-        პრემიერ-მინისტრმა მამუკა ბახტაძემ, საზოგადოებას წარუდგინა მისი ხედვა ქვეყნის განვითარებასთან დაკავშირებით, რომელიც გაბედული, თანამედროვე და ეფექტიანი რეფორმების  გატარებაზეა ორიენტირებული.

ამ რეფორმების განსახორციელებლად ჩვენ გვჭირდება მცირე, ეფექტიანი და ოპერატიული მთავრობა, მინიმუმადე შემცირებული ბიუროკრატია. ეს, არ გულისხმობს უბრალოდ სამინისტროების გაერთიანებას, არამედ გულისხმობს ბიუროკრატიის შემცირებას და სამთავრობო უწყებების ეფექტიანობის გაზრდას.

 

-        ცვლილებების შემდეგ, მთავრობის ახალი სტრუქტურაში წარმოდგენილი იქნება 10 სამინისტრო და 1 სახელმწიფო მინისტრის აპარატი.

 

-        უწყებების ოპტიმიზაციასთან ერთად,  მომავალი წლიდან 100 დან 120 მილიონამდე შემცირდება ბიუროკრატიაზე გაწეული ხარჯები. ფისკალურ მაჩვენებლებში მმართველობითი ხარჯები კლებად ტრენდს შეინარჩუნებს.

 

ჩვენი მიზანია შრომის  ანაზღაურებაზე გაწეული ხარჯის ზედა ზღვარი, მთლიან შიდა პროდუქტთან მიმართებით, იყოს 3,9%, რაც მცირე მთავრობის მქონე მაღალგანვითარებული ქვეყნების სტანდარტია!

 

-        მცირე მთავრობის კონცეფციის განხორციელებისა და მთავრობის სტრუქტურის ცვლილებების დროს მთავრობამ  საერთაშორისოდ აპრობირებული სტანდარტები და ის საუკეთესო მაგალითები გაითავლისწინა, რომელბიც განვითარებულ ქვეყნებში არსებობს.

ვრცლად სამინისტროების შერწყმასა და ფუნქციების გადანაწილებასთან დაკავშირებით:

 

-        კულტურისა და სპორტის სამინისტრო შეერწყმება განათლებისა და მეცნიერების სამინისტროს და ერქმევა - განათლების, კულტურისა და სპორტის სამინისტრო. რეალურად ეს იქნება ერთ-ერთი უმნიშვნელოვანესი უწყება, რომელიც პასუხისმგებელი იქნება ქვეყანაში ადამიანური რესურსების განვითარებაზე.

(ადამიანური კაპიტალის განვითრებზე ორიენტირებული მიმართულებების გაერთიანება მის ეფექტურობას გაზრდის)

 

-        სასჯელაღსრულებისა და პრობაციის სამინისტრო  შეერწყმება იუსტიციის სამინისტროს;

ესაა განვითარებული ქვეყნების საუკეთესო პრაქტიკაზე დაფუძნებული გადაწყვეტილება. სწორედ ეს მოდელი წარმატებით მუშაობს განვითარებულ დემოკრატიებში.

 

-        ოკუპირებული ტერიტორიებიდან იძულებით გადაადგილებულ პირთა, დევნილთა და განსახლების სამინისტრო  უქმდება და ფუნქციები გადანაწილდება შემდეგნაირად: დევნილთათვის სახლების მშენებლობის ფუნქცია გადადის რეგიონალური განვითარებისა და ინფრასტრუქტურის სამინისტროში, მიგრაციის კომპონენტი გადავა შინაგან საქმეთა სამინისტროში, ხოლო მისი სოციალური პოლიტიკის ნაწილი გადაეცემა შრომის, ჯანმრეთელობისა და სოციალური დაცვის სამინისტროს და ერქმევა -  ოკუპირებული ტერიტორიებიდან იძულებით გადაადგილებულ პირთა, შრომის, ჯანმრთელობისა და სოციალური დაცვის სამინისტრო.

 

-        რელიგიის სააგენტო შეერწმება შერიგებისა და სამოქალაქო თანასწორობის საკითხებში სახელმწიფო მინისტრის აპარატს.

 

-        ეკონომიკის სამინისტროს სივრცითი განვითარების კომპონენტი გადავა რეგიონული განვითარებისა და ინფრასტრუქტურის სამინისტროში. 

-        ამ ცვლილებებით ჩვენ მივიღებთ მცირე, ეფექტიან მთავრობას, რომელიც უზრუნველყოფს დაგეგმილი რეფორმების წარმატებით განხორციელებას და შედეგების სწრაფად მიტანას მოქალაქეებამდე.