გზავნილები მიწისქვეშა პარკინგების მოწყობაზე ინტერესთა გამოხატვასთან დაკავშირებით:

• თბილისის მერია აქტიურად მუშაობს მიწისქვეშა საპარკინგე ინფრასტრუქტურის განვითარებაზე და აღნიშნული საკითხით დაინტერესებული პირებისთვის ინტერსთა გამოხატვას აცხადებს.

• როგორც მოგეხსენებათ, მიწისქვეშა პარკინგების მოწყობა საკმაოდ დიდ ხარჯებს უკავშირდება, რაც აისახება მის რენტაბელურობაზე, აქედან გამომდინარე ჩვენ მზად ვართ, პირებს, რომლებიც ამ პროექტების განხორციელების სურვილს გამოხატავენ, სიმბოლურ ფასად, ერთ ლარად გადავცეთ სპეციალურად გამოყოფილი ადგილები.

საზოგადოებამ იცის, რომ კვლევის შედეგად უკვე შერჩეული 10 ლოკაცია მიწისქვეშა პარკინგის მოსაწყობად. დღეს, ინტერესთა გამოხატვა გამოცხადდა შერჩეული ათი ადგილიდან, სამ კონკრეტულ მისამართზე (გეგეშიძის პარკი, რკინიგზის სადგური, ვარკეთილის მეტროს მიმდებარე ტერიტორია, ჯამში 715 საპარკინგე ადგილი). ეს არის სწორი მიმართულება და ერთ-ერთი მნიშვნელოვანი კომპონენტი, რომლითაც ეტაპობრივად უნდა შევძლოთ პარკირების პრობლემასთან გამკლავება. ეს კიდევ ერთხელ ცხადყოფს, რომ სრულიად უსაფუძვლო იყო ოპონენტების ის მიზანმიმართული, მავნებლური კამპანია, რომელიც პუშკინის სკვერთან პარკირების მოწყობას ეხებოდა. ეს ნათელი დასტურია, რომ ოპონენტების მიზანი არა ქალაქის სწორად განვითარება, არამედ ქართული ოცნების და განსაკუთრებით ბიზინა ივანიშვილის ნებისმიერ ქმედებასთან დაკავშირებით ცილისმწამებლური აჟიოტაჟის ატეხვაა. რა თქმა უნდა, მათ არაფერი გამოსდით, რადგან ხალხი კარგად არჩევს ვინ დგამს ნაბიჯებს ქალაქის, ქვეყნის განვითარებისთვის და ვინ საკუთარი ვიწროპარტიული ინტერესებისთვის. ეს არის სწორი მიდგომა, ქალაქის განვითარებისთვის, განსხვავებით „ნაციონალური მოძრაობისგან“, რომლებიც არა საჯარო, არამედ საკუთარი ინტერესებისთვის განკარგავდნენ სახელმწიფო ქონებას.

 

კითხვის დასმის შემთხვევაში:

1. თანაინვესტირების ფონდს ეს ადგილი გადაეცა მიწისქვეშა პარკინგის მოწყობის ვალდებულებით, რა დროსაც მიწის ზედა სივრცეს შეუნარჩუნდა სატრანსპორტო ზონის სტატუსი, რაც ნიშნავს იმას, რომ ზედა პერიმეტრი მთლიანად ინარჩუნებს იგივე სტატუსს და მიწისქვეშაც სწორედ საზოგადოებრივი სიკეთე იქნება პარკინგის სახით.

2. პუშკინის სკვერის მიმდებარე ტერიტორიაზე, მიწისქვეშა პარკინგის მოწყობას, შეძლებდა მხოლოდ თანაინვესტირების ფონდი, ვინაიდან საპარკინგე სივრცის მოწყობსი შემთხვევაში, ინფრასტრუქტურა გადაკვეთდა მშენებარე სასტუმროს წითელ ზოლებს.

3. ამასთან გადაცემული საპარკინგე სივრცე უკავშირდება სასტუმროს საპარკინგე სივრცეს და შედეგად ქალაქს ბევრად უკეთესი და დიდი საპარკინგე სივრცე რჩება.

4. „პანორამა თბილისი“ არის ქალაქისთვის ყველაზე მნიშვნელოვანი პროექტი, რომელიც არსებითად ზრდის ტურისტულ პოტენციალს და გარდა ამისა ხორციელდება უდიდესი ინვესტიცია და საქმდებაა