-       2017-2020  წლების ფისკალური პოლიტიკა, სრულად ეფუძნებოდა მთავრობის 4 პუნქტიან გეგმას და სწორედ აღნიშნული პოლიტიკის განხორციელება იყო საერთაშორისო სავალუტო ფონდის მიერ, მიმდინარე წლის აპრილში საქართველოსთვის ახალი, 3 წლიანი პროგრამის დამტკიცების საფუძველი;

-       6 დეკემბერს, საერთაშორისო სავალუტო ფონდმა გამოაქვეყნა ანგარიში, სადაც  დადასტურებულია, რომ საქართველომ წარმატებით შეასრულა ყველა ის კრიტერიუმი, რომელიც პროგრამის პირველი შეფასებისთვის იყო განსაზღვრული;

-       აღსანიშნავია, რომ ფონდის მისიის ვიზიტისას მიღწეული შედეგების შეფასება, იმდენად მაღალი იყო, რომ საქართველოს ისტორიაში პირველად, პროგრამის შეფასება დამტკიცდა მმართველთა საბჭოზე განხილვის გარეშე;

-       2017 წლის პირველ 10 თვეში, წინასწარი შეფასებით, ეკონომიკა 4.9 პროცენტით გაიზარდა. სწორედ 4.9 პროცენტი არის ჩვენი პროგნოზირებული ეკონომიკური ზრდა მიმდინარე წლისათვის;

-       ჩვენ მიმდინარე წელს გვაქვს უაღრესად დადებითი დინამიკა ექსპორტში. მიმდინარე წლის იანვარ-ოქტომბერში ექსპორტი გაიზარდა 29,4 პროცენტით;

-       მნიშვნელოვნად არის გაზრდილი ტურიზმიდან მიღებული შემოსავლებიც. 2016 წელს, საქართველოში საერთაშორისო ვიზიტორების რიცხვმა პირველად გადააჭარბა 6 მილიონს. 2017 წლის 11 თვის მდგომარეობით, საქართველოში ვიზიტორთა რაოდენობა შეადგენს, დაახლოებით, 7 მილიონს, ხოლო ტურიზმიდან საქართველოში ეკონომიკაში გენერირებულმა შემოსავლებმა 2.5 მილიარდ დოლარს გადააჭარბა;

-       2017 წლის 10 თვეში, წმინდა ფულადი გზავნილების სახით, საქართველოში 950 მილიონი აშშ დოლარი შემოვიდა, რაც გასული წლის მონაცემს 22.5 პროცენტით აღემატება;

-       პირდაპირი უცხოური ინვესტიციების მოცულობამ 594.5 მილიონი აშშ დოლარი შეადგინა, რაც გასული წლის დაზუსტებულ მონაცემს 18 პროცენტით აღემატება. პირველი სამი კვარტლის განმავლობაში, ქართულ ეკონომიკაში განხორციელებულმა ინვესტიციებმა ისტორიულ მაქსიმუმს 1.3 მილიარდ აშშ დოლარს მიაღწია;

-       უცხოელმა ინვესტორებმა მკვეთრად გაზარდეს რეინვესტირების მაჩვენებელი. მიმდინარე წელს დაფიქსირებული ტენდენციის მიხედვით, ქართულ ეკონომიკაში გენერირებული მოგების რეინვესტირება თითქმის გაორმაგდა. გასულ წლებში, პირველი სამი კვარტლის განმავლობაში რეინვესტირების მაჩვენებელი, დაახლოებით, 300 მილიონი აშშ დოლარის ფარგლებში მერყეობდა, მიმდინარე წელს კი, უცხოელმა ინვესტორებმა 591.5 მილიონ აშშ დოლარი ჩააბრუნეს ქართულ ეკონომიკაში;

-       2017 წლის 11 თვის ფაქტიური შესრულების მიხედვით, შრომის ანაზღაურებაზე გაწეული ხარჯი გასულ წელთან შედარებით 100,0 მლნ ლარამდეა შემცირებული.

-       2016 წელთან შედარებით, მიმდინარე წელს ადმინისტრაციული ხარჯების შემცირება ჯამში შეადგენს 140,0 მლნ ლარს, მათ შორის:

Ø შრომის ანაზღაურების შემცირება - 100,0 მლნ ლარი;

Ø ადმინისტრაციული შესყიდვების შემცირება - 40,0 მლნ ლარი.

-       მიმდინარე წლის 11 თვეში 500.0 მლნ ლარით არის გაზრდილი კაპიტალური პროექტების დაფინანსება და მისი მოცულობა 2.4 მილიარდ ლარს შეადგენს.

-       კაპიტალური დანახარჯების ზრდის ტემპი კიდევ უფრო მაღალი იქნება მომდევნო წლებში და მშპ-ს 9%-ს გადააჭარბებს. ჯამში, 2017-2021 წლებში ინფრასტრუქტურულ პროექტებზე 19 მილიარდ ლარზე მეტი დაიხარჯება;

-       საჯარო ფინანსების მართვის რეფორმის ფარგლებში საქართველო მუდმივად აუმჯობესებს პოზიციებს საერთაშორისო სტანდარტთან თავსებადობის კუთხით;

-       კერძო სექტორის ხელშეწყობის მიმართულებით:

Ø დაინერგება დღგ-ის დაბრუნების გამარტივებული, ავტომატური სისტემა, რაც კერძო სექტორს და განსაკუთრებით, მცირე და საშუალო ბიზნესს გაუმარტივებს ფინანსებთან წვდომას და ეს რა თქმა უნდა, ქვეყნის ეკონომიკურ განვითარებაზე აისახება;

Ø დაინერგება ავტომატური ელექტრონული დეკლარირების სისტემა და გაუმჯობესდება ელექტრონული სერვისების ხარისხი, რაც მნიშვნელოვნად შეუმცირებს ბიზნესს საგადასახადო ორგანოებთან მუშაობის დროს;

Ø განხორციელდება საბაჟო სერვისების დიგიტალიზაცია და ხარისხის გაუმჯობესების მიმართულებით გადაიდგმება კონკრეტული ნაბიჯები.