ბატონო დავით მოგესალმებით,

 

როგორც მოგეხსენებათ, გლობალური ფონდის  პროექტებისა (აივ/შიდსი და ტბ) და გაეროს მოსახლეობის ფონდის (აივ/შიდსი) დაფინანსებით დაიწყო აივ/შიდსისა და ტუბერკულოზის სტრატეგიული გეგმების განახლების პროცესი. განახლებული გეგმები საფუძვლად დაედება ქვეყნის დაფინანსების მოთხოვნას 2019-2022 წლების პერიოდისთვის, რომელიც გლობალურ ფონდში წარდგენილ უნდა იქნას მიმდინარე წლის 6 აგვისტომდე.  ორივე სტრატეგიაზე მუშაობა უნდა დასრულდეს 1 ივლისამდე.

სამუშაო ფორმატი ითვალისწინებს ღია კონსულტაციებს ყველა დაინტერესებულ მხარესთან და შუალედური ვერსიების შეთანხმებას პოლიტიკისა დ ადვოკატირების კომიტეტთან  და საკოორდინაციო საბჭოსთან. 

თქვენი თანხმობით საბჭოს სამდივნო საბჭოში გააზიარებს კონსულტანტების მიერ წარმოდგენილ შუალედურ და საბოლოო პროდუქტებს, რომლებიც დადებითად შეფასდება პოლიტიკისა და ადვოკატირების კომიტეტის მიერ. ესენია (1) სტრატეგიის ჩარჩო, დადებითად შეფასდა კომიტეტის 29 მარტის სხდომაზე (2) სტრატეგიის პროექტი და წინასწარი ბიუჯეტი (წარმოდგენილი იქნება აპრილ-მაისში) (3) სტრატეგიის საბოლოო დოკუმენტი და ბიუჯეტი (მომზადდება ივნისის ბოლოსთვის).

პატივისცემით,

ირინა