საქართველოს პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარეს ქალბატონ ეკა ბესელიას

ქალბატონო ეკა,

საქართველოს შრომის, ჯანმრთელობისა და სოციალური დაცვის სამინისტრომ განიხილა თქვენი 2015 წლის 5 მაისის N4230/4-2 წერილით წარმოდგენილი ,,2014  წელს საქართველოში ადამიანის უფლებათა და თავისუფლებათა დაცვის მდგომარეობის შესახებ“ საქართველოს სახალხო დამცველის ანგარიში, რომელთან დაკავშირებითაც წარმოგიდგენთ საქართველოს შრომის, ჯანმრთელობისა და სოციალური დაცვის სამინისტროს პოზიციებს:

ა) ჯანმრთელობის სფეროსთან დაკავშირებულ საკითხებზე - დანართი N1-ის შესაბამისად;

ბ) სოციალური დაცვის სფეროსთან დაკავშირებულ საკითხებზე - დანართი N2-ის შესაბამისად;

გ) შრომისა და დასაქმების სფეროსთან დაკავშირებულ საკითხებზე - დანართი N3-ის შესაბამისად.  

            ამასთან, რაც შეეხება ინფორმაციის ხელმისაწვდომობის საკითხებს, შევნიშნვათ, რომ  შესაბამისი სახელმწიფო პროგრამების შესახებ ინფორმაციას სამინისტრო ავრცელებს სატელევიზიო, ბეჭდვითი, სოციალური ქსელის, ინტერნეტ სივრცის და საინფორმაციო ფურცლის საშუალებით. სამინისტროში ჟურნალისტებისთვის იმართება პრესკონფერენციები/ბრიფინგები, ასევე-სამუშაო შეხვედრები სამედიცინო სფეროს წარმომადგენლებთან. ამასთან, განხორციელებული პროგრამების/პროექტების შესახებ, ყოველწლიურად ხორციელდება ანგარიშის წარდგენა.  პერიოდულად იმართება გასვლითი შეხვედრები რეგიონებში, როგორც მოსახლეობასთან, ასევე კლინიკების წარმომადგენლებთან. ასევე, ვრცელდება საინფორმაციო ფურცელი ეთნიკური უმცირესობებისთვის გასაგებ ენებზე.

ინფორმაციის გავრცელების ერთ-ერთ უმნიშვნელოვანეს მექანიზმს, ასევე წარმოადგენს სამინისტროს გაერთიანებული ცხელი ხაზი, სადაც მოქალაქე ნებისმიერ კითხვაზე იღებს მაქსიმალურად ამომწურავ პასუხს.  

                   პატივისცემით,