ქალბატონო მაია,

გაცნობებთ, რომ საქართველოს რეგიონული განვითარებისა და ინფრასტრუქტურის მინისტრის 2018 წლის 11 მაისის N56 ბრძანებით „სამხედრო სავალდებულო სამსახურში მოქალაქეთა 2018 წლის საგაზაფხულო გაწვევის მიმდინარეობის პერიოდში გამოვლენილი საკითხების შესწავლის მიზნით“ შეიქმნა სამუშაო ჯგუფი, რომლის წევრიც ვარ მე.

სამუშაო ჯგუფის პირველი შეხვედრა შედგა 14 მაისს. შეხვედრაზე მინისტრის მოადგილემ ილია ბეგიაშვილმა გამოთქვა „სამხედრო ძალებში გასაწვევ მოქალაქეთა სამედიცინო შემოწმების“ სახელმწიფო პროგრამასთან დაკავშირებით მოსაზრებები. კერძოდ:

1.      „სამხედრო ძალებში გასაწვევ პირთა დამატებითი გამოკვლევების“ კომპონენტით განსაზღვრული მომსახურება შესყიდულ იქნას  ტენდერით. ამჟამად, მომსახურების შესყიდვა ხორციელდება გამარტივებული შესყიდვით (საქართველოს შრომის, ჯანმრთელობისა და სოციალური დაცვის მინისტრის ბრძანებით განსაზღვრული სამედიცინო დაწესებულებებისგან).

2. „სამხედრო ძალებში გასაწვევ პირთა ამბულატორიულ შემოწმების“ კომპონენტით განსაზღვრული მომსახურების მიმწოდებელისთვის (შპს „სამედიცინო საექსპერტო კომისია“ - (წვევამდელთა შემკრებ-გამანაწილებელი პუნქტი)  საქართველოს შრომის, ჯანმრთელობისა და სოციალური დაცვის სამინისტრომ შეიძინოს ექოს აპარატი.
3. ითხოვენ წვდომას ფსიქიკური დაავადების მქონე პაციენტების ბაზაზე.

პატივისცემით,

ლელა წოწორია

მთავარი სპეციალისტი

საზოგადოებრივი ჯანმრთელობის დაცვისა და პროგრამების სამმართველო

ჯანმრთელობის დაცვის დეპარტამენტი