მოგესალმებით ქალბატონო მაია,

გაცნობებთ, რომ  იუსტიციის სამინისტროს კოორდინაციით საქართველოს მთავრობამ დაიწყო ღია მმართველობა საქართველოს მეოთხე ეროვნული სამოქმედო გეგმის შემუშავების პროცესი. 2018 წლის 17-19 ივლისს თბილისში იმართება ღია მმართველობის პარტნიორობის (Open Government Partnership - OGP) მეხუთე გლობალური სამიტი, რომელსაც საქართველო, როგორც OGP-ის თავმჯდომარე ქვეყანა, მასპინძლობს. სწორედ ამ ღონისძიებაზე იგეგმება ახალი სამოქმედო გეგმის წარდგენა.

როგორც წესი, ახალი გეგმის შემუშავების დასაწყისში ფორუმის წევრ სამოქალაქო საზოგადოებას შესაძლებლობა ეძლევათ მიმართონ იუსტიციის სამინისტროს რეკომენდაციებით. 3 ასეთი რეკომენდაცია, რომელიც „ფონდი ღია საზოგადოება - საქართველოსგან“ მიიღეს ქვევით არის მოცემული, პასუხისმგებელ უწყებად მოიაზრებენ  ჯანდაცვის სამინისტროს. გთხოვთ, იხილეთ თანდართული დოკუმენტი:

-         რეკომენდაცია 1 - გვ. 11-18 -  MoH, როგორც წამყვანი პასუხისმგებელი უწყება

-         რეკომენდაცია 2 - გვ. 19-24 – MoH, როგორც წამყვანი პასუხისმგებელი უწყება

-         რეკომენდაცია 3 - გვ. 25-28 -  MoH, როგორც წამყვანი უწყების დამხმარე/ჩართული უწყება).

მომავალი კვირის დასაწყისისთვის უნდა გავუგზავნოთ სამინისტროს  პოზიცია თუ რამდენად შესაძლებელია ეს ვალდებულება აიღოს ჯანდაცვის სამინისტრომ OGP-ის მომდევნო გეგმის ფარგლებში.

ასევე, უნდა მივწეროთ  „ფონდი ღია საზოგადოება - საქართველოს“  წარმომადგენლებთან შეხვედრით და ამ რეკომენდაციების დეტალური განხილვით დაინტერესებულები ვართ თუ არა.

დეტალები აღნიშნულ საკითხზე იცის ქეთევან გოგინაშვილმა და ის შეგითანხმებთ, თქვენი გადაწყვეტილების შესაბამისად მივაწვდით ინფორმაციას დაინტერესებულ მხარეს.