ძვირფასო ქალბატონებო და ბატონებო,

საქართველოს ოკიპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, საქართველოს პარლამენტის ჯანმრთელობის დაცვისა და სოციალურ საკითხთა კომიტეტისა და დაავადებათა კონტროლისა და საზოგადოებრივი ჯანმრთელობის ეროვნული ცენტრის სახელით, პატივი გვაქვს მოგიწვიოთ 29 მარტის „საქართველო თამბაქოს გარეშე“ დღისადმი მიძღვნილ ღონისძიებაზე.

წელს „საქართველო თამბაქოს გარეშე“ დღის თემაა „განვთავისუფლდეთ თამბაქოს კვამლისაგან“

შეხვედრაზე მიმოვიხილავთ თამბაქოს კონტროლის მდგომარეობას 2018 წლის 1 მაისიდან დღემდე და განვიხილავთ თამბაქოს კონტროლის 2019 – 2023 წლების  სტრატეგიის ძირითადი მიმართულებებს.

ასევე მოხდება 112-ის მობილურ აპლიკაციაში დამატებული თამბაქოს კომპონენტის პრეზენტაცია.

შეხვედრაზე წარმოვადგენთ ვიდეოს და საფუძველს ჩავუყრით მოძრაობას „საქართველო თამბაქოს კვამლის გარეშე“. მსურველებს საშუალება ექნებათ გაერთიანდნენ ამ მოძრაობაში და დაადასტურონ ბანერზე ხელმოწერით.

ღონისძიება ტარდება პარასკევს, 29 მარტს, 11:00 საათზე სასტუმრო შერატონ გრანდ თბილისი მეტეხი პალასში, დარბაზში „გერგეთი“ (თელავის ქუჩა 20).

მოწვეულნი არიან საქართველოს შრომის, ჯანმრთელობისა და სოციალური დაცვის სამინისტროს, საქართველოს პარლამენტის, თამბაქოს კონტროლის სამთავრობო კომისიის წევრი უწყებების, სამთავრობო, საერთაშორისო და არასამთავრობო ორგანიზაციების წარმომადგენლები.

მოხარულნი ვიქნებით თუ გამონახავთ დროს და დაესწრებით აღნიშნულ ღონისძიებას,

დიდი მადლობა თანამშრომლობისათვის.

პატივისცემით,

ამირან გამყრელიძე

Lela Sturua MD PhD MPH
Head, NCD Department
National Center for Disease Control and Public Health
99, Kakheti highway; Tbilisi, Georgia
Tel.: +995 599111797
E-mail: lela.sturua@ncdc.ge