| From : | Tamar Gabunia <tgabunia@moh.gov.ge> |
| To : | Maia Nikoleishvili <mnikoleishvili@moh.gov.ge> |
| Subject : | FW: პრეპარატ ავიგანის შესყიდვის თაობაზე |
| Received On : | 07.10.2020 10:31 |
From: Tengiz Tsertsvadze [mailto:tt@aidscenter.ge]
Sent: 14 September, 2020 22:08
To: Alisa Tsuladze
Cc: Tamar Gabunia
Subject: Re: პრეპარატ ავიგანის შესყიდვის თაობაზე
ქალბატონო ალისა,
მივიღეთ თქვენი იმეილი მედიკამენტ ფავიპირავირის (ავიგანის) შესყიდვის თაობაზე.
როგორც მოგეხსენებათ, COVID-19-ის დადასტურებულად ეფექტიანი ანტივირუსული მკურნალობა მსოფლიოში ჯერჯერობით ოფიციალურად დამტკიცებული არ არის. თუმცა შესწავლის (კლინიკური კვლევების) სტადიაშია დაახლოებით 10-ზე მეტი მედიკამენტი. მკვლევართა და ექსპერტთა დიდი ნაწილის აზრით, ისინი ვერ უზრუნველყოფენ განკურნებას, მაგრამ შეუძლიათ შეამსუბუქონ დაავადების მიმდინარეობა და შეამცირონ ლეტალობა. თუმცა, მყარი მტკიცებულებები აქაც არ არსებობს.
როგორც იცით, საქართველოს იაპონიის მთავრობისგან გადმოეცა მედიკამენტ ფავიპირავირის (ორიგინალი ფორმის სახით) გარკვეული რაოდენობა, რომელსაც ქვეყნის COVID კლინიკები უკვე იყენებენ საშუალოდ და მძიმედ მიმდინარე COVID-19-ით პაციენტების სამკურნალოდ.
თუმცა, უნდა აღინიშნოს, რომ სხვადასხვა კვლევების შედეგების მიხედვით ფავიპირავირის (ავიგანის) საბოლოო ეფექტიანობა COVID-19-ის სამკურნალოდ ჯერ-ჯერობით ვერ იქნა დამტკიცებული. შესაბამისად ვფიქრობთ, ამ ეტაპზე ფავიპირავირის (ავიგანის) შესყიდვა, მითუმეტეს გენერიული ფორმით არ არის მიზანშეწონილი.
ინდური ფარმაცევტული კომპანია „HETERO LABS Limited”-ის წერილიდან აგრეთვე ირკვევა, რომ ეს კომპანია აწარმოებს გენერიულ რემდესივირსაც. ეს უკანასკნელი კი სადღეისოდ COVID-19-ის სამკურნალო შედარებით ყველაზე უფრო ეფექტიან და იმედისმომცემ მედიკამენტად ითვლება.
აღსანიშნავია, რომ მსოფლიოში უკვე დიდი მოთხოვნაა მედიკამენტ რემდესივირზე და ამის გამო შექმნილია მისი დეფიციტი. ჯანმო-ს „Solidarity” კვლევის ფარგლებში საქართველოსთვის აღნიშნული პრეპარატის მოწოდებად შეფერხებულია. შესაბამისად, მიზანშეწონილად მიგვაჩნია, განხილულ იქნეს საკითხი აღნიშნული ფარმაცევტული კომპანიისგან გენერიული რემდესივირის შესყიდვის თაობაზე. მიგვაჩნია, რომ ეს ძალიან მნიშვნელოვანი იქნება ქვეყანაში COVID-19-თან წარმატებული ბრძოლისთვის.
პატივისცემით,
თენგიზ ცერცვაძე
On Tue, Aug 25, 2020 at 12:47 PM Alisa Tsuladze <atsuladze@moh.gov.ge> wrote: