საქართველოს მთავრობის გრძელვადიანი ამოცანაა თანდათან დანერგოს მსოფლიოში აპრობირებული „სოციალური დახმარება დასაქმებისთვის“ (welfare to work) მიდგომები, რომელიც უზრუნველყოფს, ისეთი მექანიზმების შექმნას, რომელიც ხელი შეუწყობს სოციალური დახმარებიდან დასაქმებაზე გადასვლას. მნიშვნელოვანია მიზნობრივი სოციალური დახმარების სისტემაში იმგვარი წესების შემოღება, რომ სოციალურმა დახმარებამ არ გამოიწვიოს „დახმარებაზე დამოკიდებულება“. ამ მიმართულებით გადადგმული ერთ-ერთი ნაბიჯია საქართველოს მთავრობის გადაწყვეტილება, რომლის თანახმადაც სოციალურად დაუცველი სოციალურად დაუცველი ოჯახების მონაცემთა ბაზაში 100000-ზე ნაკლები სარეიტინგო ქულის მქონე ოჯახებს უწყვეტად გაუგრძელდება საარსებო შემწეობის გაცემა ოჯახის წევრ(ებ)ის დასაქმების შემთხვევაში. ასეთ ოჯახს საარსებო შემწეობა შეუნარჩუნდება ერთი წელი, ხოლო მომდევნო ერთი წელი ოჯახს შეუნარჩუნდება მხოლოდ ბავშვის ბენეფიტი, არამონეტარული შეღავათები და ქულაზე დამოკიდებული სხვა შეღავათები.

ამ პროცესის შემდგომი ეტაპია სოციალურად დაუცველი ოჯახის წევრების გააქტიურება და დასაქმების ხელშეწყობა შრომის ბაზრის აქტიური პოლიტიკის დახმარებით. საქართველოს მთავრობის გადაწყვეტილებით მიზნობრივი სოციალური დახმარების პროგრამაში ჩართვისთვის ერთ-ერთი აუცილებელი კომპონენტია მაძიებელი ოჯახის შრომისუნარიანი წევრ(ებ)ის შრომის ბაზრის მართვის საინფორმაციო პორტალზე (www.worknet.gov.ge) დარეგისტრირების ვალდებულება. შესაბამისად, მიზნობრივი სოციალური დახმარებისა და დასაქმების პროგრამებს შორის კავშირის განმტკიცებისათვის შესაძლებელია ამ პლატფორმის გამოყენება და პროფესიული მომზადება-გადამზადების, დასაქმების ფორუმებისა და აქტიური ვაკანსიების შესახებ ინფორმაციის ხელმისაწვდომობასთან ერთად ბაზაში რეგისტრირებული მაძიებლების კვალიფიკაციაზე და შესაძლებლობებზე მორგებული პროაქტიული სერვისების შეთავაზება. 

Tatia Gvaramadze

Head of Pension and Social Assistance Division

Ministry of Internally Displaced Persons from the Occupied Territories,

Labour, Health and Social Affairs of Georgia

144 Ak. Tsereteli ave., 0119, Tbilisi, Georgia

E-mail: tgvaramadze@moh.gov.ge, tatiagvaramadze@yahoo.com

Tel; 251 00 37 (0512)

mob.577 22 28 05