From : Nodar Tangiashvili <ntangiashvili@gmail.com>
To : Giorgi Bobghiashvili <gbobghiashvili@gov.ge>
Subject : Re: დასკვნითი გამოცდა - საჯარო პოლიტიკის ანალიზის ტრენინგ კურსი
Cc : mnikoleishvili@moh.gov.ge; tramishvili@moh.gov.ge; gvimradze@mia.gov.ge; tloladze@moesd.gov.ge; smekvabishvili@moesd.gov.ge; imodebadze@mfa.gov.ge; lbasheleishvili@mod.gov.ge; schantadze@hotmail.com; trurua@mod.gov.ge; tgogishvili@geostat.ge; g.razmadze@mof.ge; g.chkuaseli@mof.ge; LLezhava@moc.gov.ge; karakhamia@justice.gov.ge; pmakhauri@justice.gov.ge; Nino Sarishvili <nsarishvili@gov.ge>; Ana Kvernadze <akvernadze@gov.ge>; Nana Tsiklauri <nana.tsiklauri@undp.org>; Nino Ghonghadze <nino.ghonghadze@undp.org>; ggigauri@geccorporation.com
Received On : 02.12.2018 15:49
Attachments :

მოგესალმებით, 

 ყველას გილოცავთ დასკვნითი გამოცდის წარმატებით ჩაბარებას! ნიშნებთან დაკავშირებით ცალკე დაგიკავშირდებიან.

 ვისაც გამოცდა არ დაუწერია, იმედია, უკვე გარკვეული გაქვთ გიორგისთან, თუ როდის გიწევთ შემდეგი ნაკადის გამოცდა და მასში მონაწილეობის პირობები, ასევე, აპირებთ გამოიყენოთ გაცდენილი მოდულების მიმდინარე ნაკადში აღდგენის შესაძლებლობა და იცით გრაფიკი.

 გწერთ პოლიტიკის დოკუმენტთან დაკავშირებით, რომლის შესრულება (თემატური ჯგუფის ფარგლებში) ყველა იმ მონაწილის ვალდებულებაა, რომელსაც სურს ტრენინგის სერტიფიკატის აღება. ამ ვალდებულების შესრულების გარეშე, სერტიფიკატს, სამწუხაროდ, ვერ მიიღებთ.

 ამასთან, მაღალი ქულით შეფასებული პოლიტიკის დოკუმენტების ავტორი ჯგუფის წევრები შეძლებთ, გაიუმჯობესოთ საბოლოო ქულა ან/და რეკომენდირებული იყოთ ტრენერად.

 თქვენი პოლიტიკის დოკუმენტის თემაა პოლიტიკის ის თემა/საკითხი, რაზეც უკვე მუშაობდით შესაბამის თემატურ ჯგუფში მოდულების განმავლობაში. აუცილებლობის შემთხვევაში, შესაძლებელია თემის შეცვლა.

 პოლიტიკის დოკუმენტი უნდა შესრულდეს ჯგუფურად: თემატური ჯგუფის თითოეულმა წევრმა უნდა შეიტანოს თავისი წვლილი მის მომზადებაში, ჯგუფის წევრებს შორის გადანაწილებული შრომის შესაბამისად (მაგ. დოკუმენტის სტრუქტურის მიხედვით - იხ. დანართი, ან მონაცემების შეგროვების საჭიროებების მიხედვით, ხოლო ერთი წევრის მიერ სასურველია მოხდეს დოკუმენტის საბოლოო რედაქტირება). ეს არ გამორიცხავს რომელიმე წევრის მიერ საკუთარ თავზე მეტი ტვირთის ან ლიდერის ფუნქციის აღებას (რაც გათვალისწინებული იქნება შეფასებისას). იმედია, გახსოვთ თქვენი ჯგუფის წევრები და შეძლებთ ერთმანეთთან დაკავშირებას.

 პოლიტიკის დოკუმენტის საბოლოო ვერსიის გამოსაგზავნად გაქვთ თითქმის 1 თვე. გაცნობებთ დეტალურ ვადებს:

 პოლიტიკის დოკუმენტის პირველი დრაფტის გაგზავნა ტრენერთან - 14 დეკემბერი 

 ტრენერის წერილობითი შენიშვნების მიწოდება - 21 დეკემბერი

 დასრულებული პოლიტიკის დოკუმენტის გამოგზავნა - 28 დეკემბერი

 პოლიტიკის დოკუმენტის შეფასება ტრენერის მიერ - 11 იანვარი

 (პოლიტიკის დოკუმენტების პრეზენტაცია გათვალისწინებული არაა)

 პოლიტიკის დოკუმენტის შესადგენად ჯგუფი იყენებს საორიენტაციო სტრუქტურას (იხ. დანართი) და ტრენინგის განმავლობაში მიღებულ ინფორმაციას და ანალიტიკურ უნარ-ჩვებებს. როგორც უკვე მოგახსენეთ, ჯგუფის მიერ შესასრულებელი პოლიტიკის დოკუმენტი არის სარეკომენდაციო წერილის მსგავსი და სტრუქტურულად და ფუნქციურად განსხვავდება იმ „პოლიტიკის დოკუმენტებისგან“, რომელიც თქვენი უწყებების მიერ მოსამზადებელ სტრატეგიულ და სხვა ოფიციალურ დოკუმენტებს ეწოდება მთავრობის „პოლიტიკის დაგეგმვის სახელმძღვანელოში“.

 დოკუმენტის ფორმატი:

 ფონტი Sylfaen, ფონტის ზომა - 12, დაშორება - 1.0. დოკუმენტის მოცულობა - 10 გვერდი (მაგრამ მთავარია ხარისხი და არა - მოცულობა!).

 დოკუმენტის პირველ გვერდზე (cover page) მითითებული უნდა იყოს შემდეგი:

 პოლიტიკის დოკუმენტი

სათაური/თემა

ჯგუფის ნომერი 

პოლიტიკის დოკუმენტის ავტორთა/წევრთა სახელები და გვარები

ავტორთა შორის შრომის განაწილება (გვერდების, ქვეთავების ან სხვაგვარად მითითებით)


გისურვებთ წარმატებებს და მოუთმენლად ველით საინტერესო ნაშრომებს, როგორც ამ ტრენინგის დაგვირგვინებას!