მოგესალმებით,

გაცნობებთ, რომ მიმდინარე წლის 5 დეკემბერს საქართველოში ვიზიტით იმყოფებოდა კიბოს კონტროლის საერთაშორისო კავშირის (UICC) ინიციატივის “City Cancer Challenge”-ის დირექტორი ქალბატონი სუზან ჰენშელი და  “City Engagement & Impact”-ის უფროსი რებეკა მორტონ დოჰერთი.

ვიზიტის ფარგლებში შეხვედრა გაიმართა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილესთან ქალბატონ მაია ლაგვილავასათან და ქ. თბილისის მერიის ჯანდაცვისა და სოციალური მომსახურების საქალაქო სამსახურის უფროსთან ბატონ გელა ჩივიაშვილთან.

შეხვედრის ფარგლებში განხილულ იქნა ურთიერთგაგების მემორანდუმის გაფორმებასთან დაკავშირებული საკითხები.

მხარეთა შორის მიღებული გადაწყვეტილების თანახმად, მემორანდუმის ხელმოწერა დაიგეგმა ქ. თბილისში, 2019 წლის 4 თებერვალს, კიბოს წინააღმდეგ ბრძოლის საერთაშორისო დღეს.

შესაბამისად, კიბოს კონტროლის საერთაშორისო კავშირისთვის საბოლოო დოკუმენტის გაგზავნამდე, ყველა ჩართულ მხარეს გთხოვთ, კიდევ ერთხელ გადახედოთ მემორანდუმის თანდართულ პროექტს და დეკემბრის ბოლომდე მოგვაწოდოთ თქვენი პოზიცია/შენიშვნები მემორანდუმის ტექსტთან დაკავშირებით.

ასევე, საჭირო იქნება სამინისტროსა და მერიის PR სამსახურების ჩართვა ღონისძიების დაგეგმვის პროცესში, ხელმოწერის ცერემონიალის სათანადო დონეზე ორგანიზებისა და გაშუქების მიზნით.

მადლობას გიხდით თანამშრომლობისათვის.

პატივისცემით,

მაია ნიკოლეიშვილი

Maia Nikoleishvili MPA

Chief Specialist of International Relations Division

Analytics, HR Management and International Relations Department

Ministry of IDPs from the Occupied Territories, Labour, Health and Social Affairs of Georgia

144 Tsereteli ave., 0159 Tbilisi, Georgia

Tel.: +995 32 2510034 (0803)

Cell phone: +995 577272713

E-mail: mnikoleishvili@moh.gov.ge