სოციალური მომსახურების სააგენტოს იურიდიული დეპარტამენტის უფროსს ბატონ ავთანდილ ვასაძეს
ინფორმაციული ტექნოლოგიების დეპარტამენტის უფროსს ბატონ ირაკლი ტაბატაძეს

სოციალური მომსახურების სააგენტოს 2018 წლის 27 მარტის N04-6881 წერილის პასუხად გაცნობებთ შემდეგს:

სააგენტოს სახელმწიფო გასაცემლების დეპარტამენტისათვის, სააგენტოს დებულებით დამტკიცებული სამუშაოების შესრულების უზრუნველსაყოფად, აუცილებელ საჭიროებას წარმოადგენს სახელმწიფო სერვისების განვითარების სააგენტოს მონაცემთა ელექტრონულ ბაზაში ფიზიკურ პირზე არსებული ინფორმაციის მიღება. კერძოდ:

ბლოკი 2. ამოცანის/მიზნის აღწერილობა, რომლის შესასრულებადაც აუცილებელია ინფორმაციის მიღება

სახელმწიფო გასაცემლების დეპარტამენტი, კომპეტენციის ფარგლებში, ადმინისტრირებას უწევს შემდეგ სახელმწიფო გასაცემლებს:

1. სახელმწიფო პენსია;

2. სოციალური პაკეტი;

3. სახელმწიფო კომპენსაცია;

4. საყოფაცხოვრებო სუბსიდია;

5. მინდობით აღზრდა;

6. რეინტეგრაცია;

7. “ორსულობის, მშობიარობისა და ბავშვის მოვლის, ასევე ახალშობილის შვილად აყვანის გამო შვებულების” ასანაზღაურებელი დახმარება;

8. „შრომითი მოვალეობის შესრულებისას დასაქმებულის ჯანმრთელობისათვის ვნების შედეგად მიყენებული ზიანის ანაზღაურების დახმარების დანიშვნისა და გაცემის წესის დამტკიცების თაობაზე“ საქართველოს მთავრობის 2013 წლის 1 მარტის №45 დადგენილებით გათვალისწინებული სოციალური დახმარება;

9. მაღალმთიან დასახლებაში მუდმივად მცხოვრები სახელმწიფო პენსიის/სოციალური პაკეტის მიმღებ პირთა დანამატი;

10. მაღალმთიან დასახლებაში მდებარე სამედიცინო დაწესებულებაში დასაქმებული /დაკონტრაქტებული სამედიცინო პერსონალისათვის დანამატი.

2.1 აღნიშნული გასაცემლებით სარგებლობისათვის აუცილებელია მაძიებელი/ბენეფიციარი აკმაყოფილებდეს მოქმედი კანონმდებლობით გათვალისწინებულ მოთხოვნებს (მაგ. მოქალაქეობრივი მდგომარეობა, ასაკი), ამიტომ მაძიებლის/ბენეფიციარის მიერ ტერიტორიულ ერთეულში (სათაო ოფისში) მიმართვისთანავე ხდება სრგსს ელექტრონულ მონაცემთა ბაზაში პირის იდენტიფიცირება, მოქალაქეობრივი მდგომარეობის შემოწმება და წარმოდგენილი დოკუმენტის ვალიდურობის დადასტურება.

2.2 სახელმწიფო გასაცემლების დეპარტამენტი, კანონით გათვალისწინებული მოთხოვნათა აღსრულების უზრუნველსაყოფად,  სრგსს ელექტრონულ მონაცემთა ბაზაზე დაყრდნობით, ცენტრალიზებულად ახორციელებს იმ ბენეფიციართა გამოვლენას, რომლებმაც დაკარგეს ან დროებით უნდა შეუჩერდეთ (პირის პირადი რეკვიზიტების შეუსაბამობა სრგს ელექტრონული სააღრიცხვო ბაზის მონაცემებთან, მოქალაქეობის შეწყვეტა, მაღალმთიან რეგიონში მუდმივად მცხოვრების პირის სტატუსის შეჩერება/შეწყვეტა, გარდაცვალება, წინასწარი პატიმრობა/პატიმრობა) სახელმწიფო გასაცემლებით სარგებლობის უფლება,  ან მიენიჭათ მაღალმთიან დასახლებაში მუდმივად მცხოვრები პირის სტატუსი და მოიპოვეს დანამატის მიღების უფლება. აღნიშნული ინფორმაცია შემდგომი რეაგირებისათვის მიეწოდება სააგენტოს ტერიტორიულ ერთეულებს.

2.3 სახელმწიფო გასაცემლების ადმინისტრირებისათვის აუცილებელ საჭიროებას წარმოადგენს სახელმწიფო გასაცემლების სააღრიცხვო სისტემებში და სრგსს ბაზაში პირის შესახებ არსებული ინფორმაციის (პირადი რეკვიზიტები) შესაბამისობაში მოყვანა და იდენტურობა.

2.4 მოქალაქის/ბენეფიციარის წერილობით მომართვებზე რეაგირებისას და პასუხების მომზადებისას პირის სრგსს ელექტრონულ მონაცემთა ბაზაში იდენტიფიცირება.

 

ბლოკი 3. პერსონალური მონაცემების მოცულობა, რომელიც საჭიროა ამოცანის/მიზნის შესრულებისათვის

ზემოაღნიშნული გასაცემლების ადმინისტრირებისათვის საჭირო აუცილებელობას წარმოადგენს სახელმწიფო სერვისების განვითარების სააგენტოს სააღრიცხვო ბაზის საშუალებით შემდეგი პერსონალური ინფორმაციის მიღება:

N	მონაცემის სახელი	მონაცემის მნიშვნელობა
1	P_PRIVATE_NUMBER	პირადი ნომერი
2	P_LAST	გვარი
3	P_FIRST	სახელი
4	P_GENDER	სქესი
5	P_BIRTH_DATE	დაბადების თარიღი
6	DOC_TYPE_ID	დოკუმენტის ტიპის იდენტიფიკატორი
7	DOC_STATUS	დოკუმენტის სტატუსი
8	DOC_REVOKE_DATE	დოკუმენტის გაუქმების თარიღი
9	P_DEATH_STATUS	არის თუ არა პირი გარდაცვლილი
10	P_DEATH_DATE	პირის გარდაცვალების თარიღი
11	P_DEATH_REGISTRATION_DATE	პირის გარდაცვალების რეგისტრაციის თარიღი
12	P_DEATH_MARK_DATE	პირის გარდაცვალების აღნიშვნის თარიღი
13	IS_GEO_CITIZEN	არის თუ არა პირი საქართველოს მოქალაქე
14	IS_DOUBLE_CITIZEN	არის თუ არა ორმაგი  მოქალაქეობის მქონე
15	IS_LIVING_ABOARD	ფიქსირდება თუ არა საზღვარგარეთ მუდმივ საცხოვრებლად წასვლა
16	GEO_CITIZEN_LOST_TYPE	საქართველოს მოქალაქეობის შეწყვეტის სახეობა
17	WITHOUT_CITIZEN_TYPE	მოქალაქეობის არმქონე პირის სტატუსის ტიპი
18	RESIDENCE_TYPE	უცხო ქვეყნის მოქალაქის ბინადრობის ტიპი
19	P_PRISIONER_STATUS	პატიმრობის ან თავისუფლების აღკვეთის დაწესებულებაში ყოფნის აღნიშვნის სტატუსი
20	P_PRISIONER_MarktDate	პატიმრობის/წინასწარი დაკავების აღნიშვნის თარიღი
21	IS_VOID	არის თუ არა გაუქმებული ჩანაწერი

 

 

ბლოკი 4. პერსონალური მონაცემების დამუშავების სამართლებრივი საფუძველი

სახელმწიფო გასაცემლების დეპარტამენტი, სახელმწიფო გასაცემლების ადმინისტრირებას, სახელმწიფო სერვისების განვითარების სააგენტოს სააღრიცხვო ბაზის მონაცემებზე დაყრდნობით ახორციელებს შემდეგი სამართლებრივი დოკუმენტების საფუძველზე:

4.1  „სახელმწიფო პენსიის შესახებ“ საქართველოს კანონის პირველი მუხლის მე-2 პუნქტის, მე-4 მუხლის „ბ“ და „თ“ ქვეპუნქტების, მე-5 მუხლის პირველი პუნქტის, მე-16 მუხლის პირველი პუნქტის „ბ“ ქვეპუნქტის, მე-17 მუხლის პირველი პუნქტის  „გ“, „დ“, „ე“, „ვ“ ქვეპუნქტები და მე-2 პუნქტის;

4.2 „სახელმწიფო კომპენსაციისა და სახელმწიფო აკადემიური სტიპენდიის შესახებ“ საქართველოს კანონის პირველი მუხლის პირველი და მე-3 პუნქტების, მე-4 მუხლის „ბ“ ქვეპუნქტის, მე-5 მუხლის პირველი პუნქტის „ბ“ქვეპუნქტის და მე-3 პუნქტი, 30-ე მუხლის პირველი პუნქტის “გ” ქვეპუნქტის, 31-ე მუხლის პირველი პუნქტის „დ“, „ვ“, „ზ“ და „ი“ ქვეპუნქტების, მე-2 პუნქტის;

4.3 „სოციალური პაკეტის განსაზღვრის შესახებ“ საქართველოს მთავრობის 2012 წლის 23 ივლისი N279 დადგენილებით დამტკიცებული „სოციალური პაკეტის გაცემის წესი და პირობების“ პირველი მუხლის მე-2 პუნქტის, მე-7 მუხლის მე-2 პუნქტის „გ“, „დ“, „ე“ და „ზ“ ქვეპუნქტების, მე-11 მუხლის  პირველი პუნქტის „ბ“ ქვეპუნქტის, მე-12 მუხლის პირველი პუნქტის „გ“, „დ“, „ე“, „ვ“ და „თ“ ქვეპუნქტების, მე-2 პუნქტის;

4.4 „მაღალმთიან დასახლებაში მუდმივად მცხოვრები პირებისა და მაღალმთიან დასახლებაში მდებარე სამედიცინო დაწესებულებაში დასაქმებული /დაკონტრაქტებული სამედიცინო პერსონალისათვის დანამატის გაცემის წესისა და პირობების შესახებ“  საქართველოს მთავრობის 2016 წლის 14 ივნისის #264 დადგენილების მე-5 მუხლის მე-2 და მე-3 პუნქტების;

4.5 „მოსახლეობის სოციალური დაცვის დამატებით ღონისძიებათა შესახებ“  საქართველოს მთავრობის 2016 წლის  9 დეკემბრის №541 დადგენილების;

4.6 „სოციალური შეღავათების მონეტიზაციის შესახებ“ საქართველოს მთავრობის 2007 წლის 11 იანვარის N4 დადგენილებით დამტკიცებული „საყოფაცხოვრებო სუბსიდიის ოდენობა, მისი დანიშვნა-გაცემის წესი და პრინციპების“ მე-3 მუხლის, მე-5 მუხლის მე-2 და მე-5 პუნქტების და მე-6 მუხლის „ა“ ქვეპუნქტის;

4.7 „სახელმწიფო პენსიის, სახელმწიფო კომპენსაციისა და სახელმწიფო აკადემიური სტიპენდიის დანიშვნისა და გაცემის წესების“ შესახებ საქართველოს შრომის ჯანმრთელობისა და სოციალური დაცვის მინისტრის 2006 წლის 10 თებერვლის N46/ნ ბრძანებით დამტკიცებული „სახელმწიფო პენსიის/საპენსიო პაკეტის დანიშვნისა და გაცემის წესის“ (დანართი N1) პირველი მუხლის მე-2 პუნქტის, მე-5 მუხლის მე-2 - მე-5 პუნქტების, მე-8 მუხლის პირველი პინქტის „ბ“ პუნქტის, მე-9 მუხლის პირველი პუნქტის „გ“-„ვ“ ქვეპუნქტების და მე-2 პუნქტის,  ამავე ბრძანებით დამტკიცებული „სახელმწიფო კომპენსაციის დანიშვნისა და გაცემის წესის“ (დანართი N2) პირველი მუხლის მე-2 პუნქტის, მე–4 მუხლის „ბ“ ქვეპუნქტის, მე-15 მუხლის, მე-18 მუხლის პირველი პუნქტის „გ“ ქვეპუნქტის, მე-19 მუხლის პირველი პუნქტის „დ“, „ვ“, „ზ“ და „ი“ ქვეპუნქტების და მე-2 პუნქტის;

4.8 „ორსულობის, მშობიარობისა და ბავშვის მოვლის, ასევე ახალშობილის შვილად აყვანის გამო შვებულებების ანაზღაურების წესის შესახებ“ საქართველოს  შრომის, ჯანმრთელობისა და სოციალური დაცვის მინისტრის 2006 წლის 25 აგვისტოს  N#231/ნ ბრძანებით დამტკიცებული წესის მე–3 მუხლის „ბ“ და „ვ“ პუნქებისა და მე–6 მუხლის.

პატივისცემით,