საქართველოს მთავრობის 2014 წლის 31 დეკემბერის N758 დადგენილების პირველი მუხლის მე-2 პუნქტის „დ“ ქვეპუნქტის და ამ დადგენილებით დამტკიცებული „სოციალურად დაუცველი ოჯახების (შინამეურნეობების) სოციალურ-ეკონომიკური მდგომარეობის შეფასების მეთოდოლოგიის“ პირველი მუხლის მე-2 პუნქტის,  „ქვეყანაში სიღატაკის დონის შემცირებისა და მოსახლეობის სოციალური დაცვის სრულყოფის ღონისძიებათა შესახებ“ საქართველოს მთავრობის 2010 წლის 24 აპრილის N126 დადგენილების პირველი მუხლის მე-2 პუნქტის „გ“ ქვეპუნქტის და ამავე დადგენილებით დამტკიცებული „სოციალურად დაუცველი ოჯახების მონაცემთა ერთიანი ბაზის ფორმირების წესის“ მე-6 მუხლის პირველი პუნქტის „გ“ ქვეპუნქტის გათვალისწინებით,  მიზანშეწონილად მივიჩნევთ, სააქციო საზოგადოება „თელასსა“ და  სსიპ – „სოციალური მომსახურების სააგენტოს“ შორის გაფორმდეს მონაცემების წვდომის თაობაზე მემორანდუმი.

ზემოაღნიშნულის საფუძველზე,  გიგზავნით, სააქციო საზოგადოება „თელასსა“ და  სსიპ – „სოციალური მომსახურების სააგენტოს“ შორის, მონაცემების წვდომის თაობაზე,  გასაფორმებელი მემორანდუმის პროექტს. 

გთხოვთ, გაეცნოთ და კომპეტენციის ფარგლებში, გვაცნობოთ თქვენი მოსაზრებები, ამასთან, თანხმობის შემთხვევაში, სააგენტოში წარმოადგინოთ თქვენი მხრიდან ხელმოწერილი ვერსია.

სსიპ – სოციალური მომსახურების სააგენტოს დირექტორი, საქართველოს შრომის, ჯანმრთელობისა და სოციალური დაცვის მინისტრის მოადგილე

ზაზა სოფრომაძე