სსიპ - სოციალური მომსახურების სააგენტოს დირექტორის მოადგილის, თენგიზ აბაზაძის ქ. კიევში მივლინების შესახებ

სსიპ – სოციალური მომსახურების სააგენტოს (შემდგომში - სააგენტო) 2017 წლის 7 აპრილის №04/22072 შეთანხმების წერილზე საქართველოს შრომის, ჯანმრთელობისა და სოციალური დაცვის მინისტრის თანხმობის რეზოლუციის, დირექტორის აპარატის უფროსის მოვალეობის შემსრულებლის, ე. ონოფრიშვილის 2017 წლის 6 აპრილის N04-7236 მოხსენებითი ბარათის, საქართველოს ორგანული კანონის „საქართველოს შრომის კოდექსის“ მე-12 მუხლისა და საქართველოს შრომის, ჯანმრთელობისა და სოციალური დაცვის მინისტრის 2007 წლის 27 ივნისის №190/ნ ბრძანებით დამტკიცებული "საჯარო სამართლის იურიდიული პირის – სოციალური მომსახურების სააგენტოს დებულების” მე–4 მუხლის საფუძველზე,         

ვ ბ რ ძ ა ნ ე ბ:

1. მივლინებულ იქნეს სააგენტოს დირექტორის მოადგილე, თენგიზ აბაზაძე, ქ. კიევში, 2017 წლის 11 აპრილიდან 14 აპრილის ჩათვლით, საქართველო-უკრაინის ეკონომიკური თანამშრომლობის ერთობლივი მთავრობათაშორისი კომისიის რიგით მე-9 სხდომაზე დასწრების მიზნით.

2. სააგენტოს დირექტორის მოადგილის, თენგიზ აბაზაძის მივლინებაში ყოფნის პერიოდში, მისი მოვალეობის შესრულება (შეთავსება) დაევალოს ამავე სააგენტოს დირექტორის მოადგილეს, თამაზ მოდებაძეს.

3. დაევალოს სააგენტოს ეკონომიკურ დეპარტამენტს (ლ. მამულაშვილი), სამივლინებო ხარჯების ანაზღაურება, მოქმედი კანონმდებლობით განსაზღვრული წესით.

4.  ბრძანება ძალაშია ხელმოწერის დღიდან.