სააგენტოს დირექტორის 2012 წლის 20 მარტის N04–160/ო ბრძანებაში ცვლილებების შეტანის თაობაზე

საქართველოს მთავრობის 2012 წლის 28 დეკემბრის N482 დადგენილებაში საქართველოს მთავრობის 2013 წლის 1 მარტის N42 დადგენილებით შეტანილი ცვლილებით, 2013 წლის 28 თებერვლიდან შეწყდა ჯანმრთელობის დაცვის რიგი სახელმწიფო პროგრამები/კომპონენტები („იმუნიზაციის“ სახელმწიფო პროგრამის „ანტი­რაბი­ული სამედიცინო დახმარების უზრუნველყოფის“ კომპონენტი; „ფსიქიკური ჯანმრთელობის“ სახელმწიფო პროგ­რა­მის „პაციენტთა გადაუდებელი სამედიცინო მომსახურება, რომელიც მოიცავს ფსიქიატრიულ სტაციონარულ დაწესებულებებში მკურნალობის დროს პაციენტთა გადაუდებელ სამედიცინო მომსახურების“ კომპონენტი; „დედათა და ბავშვთა ჯანმრთელობა“ სახელმწიფო პროგ­რამის „გართულებულ ორსულთა, მშობიარეთა და მელოგინეთა კრიტი­კული მდგომარეობების მართვა (პირველი 6 დღე)“ კომპონენტი; „დიაბეტის მართვის“ სახელმწიფო პროგრამის „დია­ბე­ტით დაავადებულ პირთათვის ამბულატორიულ დონეზე, სამედი­ცი­ნო საჭიროებიდან გამომდინარე, სამედიცინო ცნობებისა და რეცეპ­ტე­ბის გაცემის“ კომპონენტი;  ინკურაბელურ პაციენტთა პალიატიური მზრუნ­ველო­ბის“ სახელმწიფო პროგრამის „ინკურაბელური პაციენტე­ბისათ­ვის ამბულატორიულ დონეზე, სამედიცინო საჭიროებიდან გამომდი­ნარე, სამედიცინო ცნობებისა და რეცეპტების გაცემის“ კომპონენტი).

აღნიშნულ ცვლილებასთან სააგენტოს დირექტორის 2012 წლის 20 მარტის N04–160/ო ბრძანებით (მასში 2012 წლის 31 აგვისტოს №04-516/ო ბრძანებით შეტანილი ცვლილების გათვალისწინებით) დამტკიცებული „ჯანმრთელობის დაცვის ვაუჩერული პროგრამებით გათვალისწინებული მომსახურების მიმწოდებლად რეგისტრაციის თაობაზე განაცხადის“ ფორმის (დანართი N1) შესაბამისობაში მოსაყვანად, საქართველოს ზოგადი ადმინისტრაციული კოდექსის 63-ე მუხლისა და საქართველოს შრომის, ჯანმრთელობისა და სოციალური დაცვის მინისტრის 2007 წლის 27 ივნისის N190/ნ ბრძანებით დამტკიცებული სსიპ – სოციალური მომსახურების სააგენტოს დებულების მე-4 მუხლის საფუძველზე,

ვ ბ რ ძ ა ნ ე ბ:

1. „2012 წლის ჯანმრთელობის დაცვის ვაუჩერული პროგრამებით გათვალისწინებული მომსახურების მიმწოდებელთა რეგისტრაციასთან დაკავშირებული ღონისძიებებისა და გარდამავალ პერიოდში ამ კუთხით დასარეგულირებელი ზოგიერთი საკითხის თაობაზე“ სააგენტოს 2012 წლის 20 მარტის N04-160/ო ბრძანების პირველი პუნქტის „ა“ ქვეპუნქტით დამტკიცებული N1 დანართი („2012 წლის ჯანმრთელობის დაცვის ვაუჩერული პროგრამებით გათვალისწინებული  მომსახურების მიმწოდებლად რეგისტრაციის თაობაზე განაცხადის ფორმა“) შეიცვალოს თანდართული რედაქციით (დანართი N1).

2. სააგენტოს ადმინისტრაციამ (გ.  გოგოლაძე)  უზრუნველყოს ამ ბრძანების და მისი დანართის სააგენტოს ოფიციალურ ვებ-გვერდზე (ssa.gov.ge) დაუყოვნებლივ გამოქვეყნება.

3. აღნიშნული ბრძანება ამოქმედდეს ხელმოწერისთანავე.

სსიპ – სოციალური მომსახურების სააგენტო, დირექტორის მოვალეობის შემსრულებელი

ნოე ქინქლაძე