From: Zaza Avaliani [mailto:avalianizaza@yahoo.com]
Sent: 08 February, 2017 10:47
To: Marina Darakhvelidze
Cc: Ia Kamarauli
Subject: სატელევიზიო სიუჟეტი გავა ხუთშაბათს

ქალბატონო მარინე,

გესალმებით უაღრესი პატივისცემით.

ტელეკომპანია იბერიაში ა.წ. 3 თებერვალს შედგა  სატელევიზიო სამედიცინო პროგრამის "რემისიის" მორიგი გადაცემის ჩაწერა; ჩვენი - ტუბერკულოზისა და ფილტვის დაავადებათა ეროვნული ცენტრიდან გადაცემაში წარმოდგენილი გახლდათ ამბულატორიულ-დისპანსერული განყოფილების გამგე ქ-ნი ლეილა გოგინაშვილი. საუბარი იყო ზოგადად ექიმების დიაგნოსტიკურ შეცდომებზე და იყო ერთი ეპიზოდი, რაც შეეხებოდა ტუბერკულოზის დიაგნოსტიკას, კერძოდ, კონკრეტული პაციენტი - სტურუა მაია, რომელიც ამტკიცებდა, რომ მასთან მიმართებაში დაშვებული იყო დიაგნოსტიკური შეცდომა. აღნიშნული პაციენტი მკურნალობდა ჩვენ ცენტრში ჯერ სტაციონარულ, ხოლო შემდეგ ამბულატორიულ რეჟიმში. სტაციონარში პაციენტ სტურუას ხანგრძლივი დაყოვნების მიზეზი ძირითადად  მისი სოციალური სტატუსი გახლდათ - მას არ გააჩნია მუდმივი საცხოვრებელი. პაციენტს გაკეთებული აქვს დიაგნოსტიკური ლაპაროტომია, ვერიფიცირებულია რეზისტენტული ფორმის გენიტალური ტუბერკულოზის  დიაგნოზი - არაგადამდები ფორმა.  ამჟამად მას დასრულებული აქვს მკურნალობის სრული კურსი, თუმცა ბოლო წლინახევრის განმავლობაში მას არ მოუმართავს ჩვენი კლინიკისათვის დამატებითი გამოკვლევებისა და მონიტორინგის საწარმოებლად. იგი ცდილობდა სხვადასხვა გზით კვლავ მოთავსებულიყო სტაციონარში; მის "ბრალდებას" დიაგნოსტიკური ხარვეზების თაობაზე არ გააჩნია არანაირი არგუმენტირებული საფუძველი, რაზეც კვალიფიციური პასუხი გაეცა ქ-ნ ლეილას მიერ. აქვე დამატებით გაცნობებთ, რომ ყველა მნიშვნელოვანი შემთხვევა ჩვენ ცენტრში განიხილება კონსილიუმზე, რომელშიც ჩართულები არიან ჩვენი ფრანგი პარტნიორები მსფ - დან. აპრილიდან დაიწყება ამერიკულ ქართული პროექტი, სადაც მონაწილეობას მიიღებენ ამერკელი სპეციალისტებიც. ქვეყანაში არის უნივერსალური ხელმისაწვდომობა ყველა თანამედროვე ანტიტუბერკულოზურ მედიკამენტთან, მკურნალობა წარმოებს რეალური საერთაშორისო სტანდარტებით; უკვე ორნახევარი წელია საფრანგეთის კლინიკებისთვის არ მიუმართავს არცერთ ქართველ პაციენტს ანტიტუბერკულოზური მკურნალობისთვის. შარშანდელი სტატისტიკით ტუბ შემთხვევათა საერთო რიცხვი თითქმის ერთი მეოთხედითაა შემცირებული გასულ წლებთან შედარებით.

საჭიროების შემთხვევაში მოგაწვდით დამატებით ინფორმაციას.

საუკეთესო სურვილებით,

ზაზა ავალიანი

Zaza Avaliani, MD Ph D, Professor

Director
National Center for Tuberculosis and Lung Diseases

50, Maruashvili str. Tbilisi, 0101 Georgia

Phone (office): (+995 32) 2910252

Phone (cell): (+995 599) 585336