ბატონო დავით,  კოლეგებო,

გაცნობებთ, რომ მთავრობის სხდომა გაიმართება ხვალ, 1 მარტს - 10:00 საათზე. რაც შეეხება ჩვენს საკითხებს:

1. „მაღალი რისკის შემცველი სამედიცინო საქმიანობის ტექნიკური რეგლამენტის დამტკიცების თაობაზე“ საქართველოს მთავრობის 2010 წლის 22 ნოემბრის №359 დადგენილებაში  ცვ. (საერთო მოთხოვნებში სამედიცინო მომსახურებასთან ასოცირებული ინფექციების კონტროლის დამატება)- მიღებული იქნება ელექტრონული ფორმით;

2.   ტრეფიკინგის ფონდის მიერ სახელმწიფო  შესყიდვის გამარტივებული შესყიდვის საშუალებით განხორციელებაზე თანხმობა (ფონდის ბენეფიციარების მედიკამენტებით უზრუნველყოფა) - მიღებული იქნება ელექტრონული ფორმით;

3. ჰეპატიტის საკითხზე პროგრამებში ცვლილებები:

ა) „2018 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2017 წლის 28 დეკემბრის №592 დადგენილებაში ცვლილება - მიღებული იქნება ელექტრონული ფორმით;

ბ) „საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილებაში ცვლილება - მიღებული იქნება ელექტრონული ფორმით;

გ) „C ჰეპატიტის მართვის სახელმწიფო პროგრამის დამტკიცების შესახებ“ საქართველოს მთავრობის 2015 წლის 20 აპრილის №169 დადგენილებაში ცვლილება - განხილული იქნება მთავრობის სხდომაზე.

გიგზავნით შესაბამისი პროექტის განმარტებით ბარათს მთავრობის სხდომაზე განსახილველ საკითხთან დაკავშირებით.

         ნათია ხმალაძე