სოფო და კახა სალამი,

როგორც უკვე ვისაუბრეთ, ველოდები თქვენს პასუხს შალვა თადუმაძესთან მინისტრის მოადგილეების შეხვედრასთან დაკავშირებით MICS კვლევის მხარდაჭერის საკითხებზე მთავრობის მხრიდან. შეხვედრისთვის, როგორც იცით შემოთავაზებული დროა 1 ივნისი, 12 საათი.

შეხვედრას უნდა ესწრებოდნენ საერთაშორისო და ფინანსური მიმართულების კურატორი მინისტრის მოადგილეები. თუ არ არის შესაძლებელი, აუცილებელია ფინანსური მიმართულებით მაინც. კარგი იქნება შეხვედრამდე მოადგილეებმა გაიარონ ეს საკითხი და გარკვეული შეთანხმებული პოზიცია ქონდეთ.

ველი თქვენს გამოხმაურებას.

მადლობა,

ანა

მოგესალმებით სოფო და კახა,

როგორც მოგეხსენებათ გაეროს ბავშვთა ფონდი (UNICEF) 2018 წლის სექტემბრიდან საქართველოში გეგმავს მრავალინდიკატორული კლასტერული კვლევის (MICS) განხორციელებას. მიქსი გახლავთ ერთ-ერთი ყველაზე მასშტაბური საერთაშორისო კვლევის პროგრამა, რომელიც მიზნად ისახავს ქალებისა და ბავშვების შესახებ მთავარი და ძირითადი მდგომარეობის შესწავლას.

აღნიშნული კვლევა დაარსდა 1990 წელს და მას შემდეგ მსოფლიოში ჩატარებულია 300 გამოკითხვა 100-ზე მეტ ქვეყანაში. დეტალური ინფორმაცია კვლევის შესახებ მოცემულია დანართში.

სხვა ქვეყნების მსგავსად, საქართველოშიც მიქსის კვლევას ახორციელებს საქსტატი, UNICEF-ის დაკვეთით. მიმდინარე მოცემულობით, UNICEF-ს აქვს კვლევის ბიუჯეტის ნაწილი, ხოლო დარჩენილი ფინანსური დახმარების მოძიებას აწარმოებს პირადად. იმის გათვალისწინებით, რომ ყველა ქვეყანაში სადაც მიქსი ტარდება, ქვეყნის მთავრობები უზრუნველყოფენ გარკვეულ მხარდაჭერას ფონდმა მომართა საქართველოს მთავრობის ადმინისტრაციას მთავრობის მხრიდან შემდეგი დახმარების მიღების გადაწყვეტილებასთან დაკავშირებით:

1.      ფინანსური დახმარება 50 000-70 000 აშშ დოლარი (კვლევის საერთო ღირებულების 3-5 %; საერთო ბიუჯეტია - 1,4 მილიონი);

2.      1 თვით 2018 წლის აგვისტოში, სატრენინგო სივრცის გამოყოფა 90 ინტერვიუერისთვის;

3.      3 თვე (სექტემბერიდან-დეკემბერამდე) ინტერვიუერების ტრანსპორტირებით უზრუნველყოფა საველე სამუშაოების დროს (13 მინივენი, თითო განკუთვნილი 6-7 გუნდის წევრისთვის ქვეყნის მასშტაბით).

იმის გათვალისწინებით, რომ კვლევის შედეგების მოსარგებლე ყველაზე მსხვილი ბენეფიციარებია ჯანდაცვის და განათლების სამინისტროები, გთხოვთ უზრუნველყოთ ზემოაღნიშნული საკითხების კომუნიკაცია გადაწყვეტილების მიმღებ პირებთან.

დაველოდებით თქვენს პასუხს და კითხვების შემთხვევაში მზად ვარ შეგხვდეთ ან ნებისმიერი სხვა ფორმით გავიაროთ საკითხები.

საუკეთესო სურვილებით,

ანა