გამარჯობა ბატონო დავით. მე გახლავართ ანა ხერუმოვი. ჩემს შვილს, ლუკა ხოსრიაშვილს აქვს უიშვიათესი დაავადება-ოსიფიცირებული ფიბროდისპლაზია პროგრესირებადი (FOP). მოგახსენებთ, რომ ეს დაავადება დღესდღეობით არ იკურნება. ლუკა არის მსოფლიოში 800 ადამიანთა სიაში ამ დაავადებით, საქართველოში კი ერთადერთი. ამერიკაში, პენსილვანიის უნივერსიტეტში გამოიგონეს პრეპარატი, რომელიც გადის ცდებს უკვე ადამიანებზე. ცდების პირველმა ეტაპმა წარმატებით ჩაიარა და შეაჩერა დაავადების პროგრესირება. ახლა იწყება ამ ცდების მეორე ეტაპი. ჩვენ მოგვეცა საშუალება, რომ ამ ცდაში ლუკამაც მიიღოს მონაწილეობა, რაც გვაძლევს შანსს შევაჩეროთ ბავშვის პროგრესირებადი დაავადება. ლუკა არის უკვე შეზღუდული შესაძლებლობის და არის უმძიმეს მდგომარეობაში. დღითიდღე დაავადება პროგრესირებს. ჩვენ გვაქვს საშუამდგომლო წერილი ამერიკელი ექიმებისგან საკონსულოსთვის, (იხ. დანართი) ამ წერილით ვიყავით შესული საკონსულოში ამერიკის ვიზის მისაღებად. გვქონდა ყველა შესაბამისი საბუთი, მაგრამ ვიზა მხოლოდ ლუკას მისცეს, მშობლებს არა. არ მოგვცეს რადგან 10 წლის წინ ვართ მე და ჩემი მეუღლე ნამყოფები ამერიკაში ვადის გადაცილებით. გთხოვთ გაგვიწიოთ შუამდგომლობა, დანარჩენი ოჯახის წევრებსაც jმისცენ ვიზა. ეს არის ლუკას გადარჩენის ერთადერთი შანსი. ძალიან დიდი იმედი გვაქვს თქვენი დახმარების, პატივიცსემით, ანა ხერუმოვი.