ძვირფასო ფორუმის წევრებო,

გაცნობებთ, რომ, შეთანხმებისამებრ, გუშინ, 5 მარტს ამოქმედდა OGP-ის მეხუთე გლობალური სამიტის ვებ-გვერდი - http://ogpsummit.org/. შესაბამისად, სამიტზე მონაწილეობის მისაღებად რეგისტრაცია და სესიების/პანელების შესახებ იდეების გამოგზავნა უკვე შესაძლებელია.

სესიების შესახებ წინადადებების წარდგენის ბოლო ვადაა 31 მარტი.
სესიების მიღება 4 თემატური მიმართულებით განხორციელდება, ესენია:

-         კორუფციის წინააღმდეგ ბრძოლა

-         საჯარო სერვისების მიწოდება

-         საზოგადოების ჩართულობა

-         ღია მიმართულება (Open Track) - ამ მიმართულებისთვის აირჩევა სესიები, რომლებიც პირდაპირ არ პასუხობს ზემოთ ჩამოთვლილ 3 მიმართულებას, თუმცა, ღია მმართველობის სხვა მნიშვნელოვანი თემებია.

ამ ეტაპზე მიმდინარეობს ვებ-გვერდის ტექნიკური დახვეწა. ინფორმაციის მნიშვნელოვანი ნაწილი ვებ-გვერდს ეტაპობრივად დაემატება.

ვებ-გვერდი იუსტიციის სამინისტროს საზოგადოებასთან ურთიერთობის დეპარტამენტმა და სსიპ „სმართ ლოჯიქმა“ OGP სამდივნოსთან მჭიდრო თანამშრომლობით მოამზადა.

საუკეთესო სურვილებით,

ღია მმართველობა საქართველოს სამდივნო
ანალიტიკური დეპარტამენტი