პატივცემულო კოლეგებო,
საორგანიზაციო კომიტეტის სახელით, გვაქვს პატივი, მოგიწვიოთ C ჰეპატიტის ელიმინაციის მე-5 ეროვნულ სამუშაო შეხვედრაზე, რომელიც ტარდება საქართველოს შრომის, ჯანმრთელობისა და სოციალური დაცვის სამინისტროსა და დაავადებათა კონტროლისა და საზოგადოებრივი ჯანმრთელობის ეროვნული ცენტრის (დკსჯეც) ორგანიზებით, აშშ-ს დაავადებათა კონტროლისა და პრევენციის ცენტრებთან (CDC) ერთად.
როგორც მოგეხსენებათ, C ჰეპატიტის ელიმინაციის სახელმწიფო პროგრამა საქართველოში 2015 წლიდან მიმდინარეობს და ჯანდაცვის სისტემისთვის უდიდესი მნიშვნელობა ენიჭება. C ჰეპატიტის ელიმინაციის ყოველწლიური ეროვნული სამუშაო შეხვედრების მიზანია საქართველოში ელიმინაციის სამოქმედო გეგმის (2016-2020) განხორციელების შეფასება, არსებული მიღწევებისა და გამოწვევების განხილვა.
წლევანდელი შეხვედრის მთავარი განხილვის თემას წარმოადგენს C ჰეპატიტის ტესტირების, მოვლისა და მკურნალობის სერვისების დეცენტრალიზაცია და მისი დანერგვის სამომავლო გეგმა.
C ჰეპატიტის ელიმინაციის მე-5 ეროვნული სამუშაო შეხვედრა გაიმართება მიმდინარე წლის 7 და 9 მარტს დაავადებათა კონტროლისა და საზოგადოებრივი ჯანმრთელობის ეროვნულ ცენტრში (მის.: ქ. თბილისი, ასათიანის ქ. N9).
მონაწილეობას მიიღებენ სახელმწიფო და არასამთავრობო ორგანიზაციები, კლინიცისტები, საერთაშორისო ექსპერტები, აშშ-ის დაავადებათა კონტროლისა და პრევენციის ცენტრების, ჯანმრთელობის მსოფლიო ორგანიზაციის და სხვა საერთაშორისო ორგანიზაციების წარმომადგენლები.
წერილს თან ახლავს შეხვედრის სავარაუდო დღის წესრიგი.
გთხოვთ, დაგვიდასტუროთ თქვენი მონაწილეობის სურვილი არაუგვიანეს 26 თებერვლისა.
დამატებითი შეკითხვების შემთხვევაში შეგიძლიათ დაუკავშირდეთ საორგანიზაციო კომიტეტის საკონტაქტო პირებს:
1. მაია წერეთელი
ტელეფონი: +995599579074
ელ.ფოსტა: maia.tsereteli@ncdc.ge
2. ანა ასლანიკაშვილი
ტელეფონი: +995555963999
ელ.ფოსტა: a.aslanikashvili@ncdc.ge
პატივისცემით,
მაია წერეთელი
Maia Tsereteli, MD, PhD.
Head of Department
HIV/AIDS, Hepatitis, STI & TB
National Center for Disease Control and Public Health
9 Asatiani str., Tbilisi 0177, Georgia
Tel.: 995 (32) 2 397517 Ext: 118;
Cell: 995 (599) 579074
E-mail: maia.tsereteli@ncdc.ge