მოგესალმებით,

განვიხილეთ „ფსიქიკური ჯანმრთელობის სერვისების განვითარების ფონდის“   წინადადება.

2017 წლის 10 აპრილს  შევხვდით მათ და ვთხოვეთ კომპანიას წარმოედგინა ბიზნეს გეგმა, რათა პროექტის, როგორც ბიზნესის მხარე შეგვეფასებინა. სამწუხაროდ, კომპანიამ კვლავ იგივე წინადადება წარმოგვიდგინა, რომელიც მოიცავს მხოლოდ პრობლემების აღწერას.

წარმოდგენილი წინადადება უფრო საგრანტო განაცხადის ფორმაა და არ ჩანს ხედვა თუ როგორ შეძლებენ მთელი რიგი მომსახურებების განხორციელებას.

წარმოდგენილი სქემა არის შემდეგნაირი-  ამ ეტაპზე გეგმავენ პირდაპირი შესყიდვის გზით შეიძინონ 10 ობიექტი, თუ მოხდება 95% -იანი წილის შეძენა იხდიან 100,000 ლარს, ხოლო მთლიანად პრივატიზების შემთხვევაში   - 500,000 ლარს და 5 წლის განმავლობაში 11 მლნ ლარის ინვესტიციას განხორციელებენ და ამის შემდეგ პირველი წლის განმავლობაში აპირებენ, რომ გააკეთონ კვლევა, რათა დეტალურად ჩამოაყალიბონ ბიზნეს მოდელი.

არსაიდან არ ჩანს და არაერთგზის თხოვნის მიუხედავად არ იქნა წარმოდგენილი კონკრეტული ინვესტორი- ის ვინც იხდის 11 მილიონს და არსად არ ჩანს ხედვა, თუ საიდან და როდის აპირებენ ინვესტიციის დაბრუნებას.

ამ მოცემულობით ჯგუფი ცდილობს ჯერ შეიძინოს აქტივი და შემდგომ დაიწყოს ბიზნეს გეგმის მომზადება და ინვესტორის ძიება.

შესაბამისად, თუკი არ იქნა წარმოდგენილი რეალური (და არა რამდენიმეჯერ უკვე წარმოდგენილი (ერთი და იგივე) ბიზნეს გეგმა, ჩვენ ვერ ვხედავთ საჭიროებას გაგრძელდეს მოლაპარაკებები.

პატივისცემით,

General Director Salome Kvavilashvili

Family Medicine Centre "Medicom".

8 R. Laghidze  Street, 0108 Tbilisi, Georgia

(Tel: +99532 2 93 23 68

E-mail : salome@medicom.ge