N165 და N218 დადგენილების ბენეფიარებზე დამდგარი გადაუდებელი შემთხვევების დასარეგისტრირებლად, დიაგნოზის დამატებისას, დაფინანსების წყაროდ საჭიროა არჩეულ იქნეს  „სსიპ სოციალური მომსახურების სააგენტო“. ამ ქვეკომპონენტის ფარგლებში ხელოვნური კოდებიდან აქტიურია დანართი №1.2- ით გათვალისწინებული კოდები და ამბულატორიაზე და სტაციონარზე დამატებული ახალი ხელოვნური კოდები. ურგენტული სტაციონარის დანარჩენი დიაგნოზების დამატება ხდება საინფორმაციო პორტალზე თქვენს მიერ ატვირთულ კომბინაციებზე დაგენერირებული ხელოვნური კოდებით, ხოლო ასეთის არ არსებობის შემთხვევაში  „ განუფასებელი მომსახურებით“ და ICD და NCSP– ით, რომელსაც საინფორმაციო პორტალის გახსნის შემდეგ  ყოველი თვის 15 რიცხვის მომდევნო ხუთი სამუშაო დღის განმავლობაში  განაფასებთ და თვის ბოლოს დაგენერირებული  ხელოვნური კოდით ჩაანაცვლებთ უკვე დარეგისტრირებულ შეტყობინებებში, ICD და NCSP–ით დატოვებული დიაგნოზებს. წინააღმდეგ შემთხვევაში ანგარიშგება  ვერ განხორციელდება.  ჩანაცვლება არ უნდა განხორციელდეს N218 დადგენილების ბენეფიციარებზე 1 იანვრამდე დამდგარ შემთხვევებზე.  სამედიცინო მომსახურების გაწევისას კლინიკები ხელმძღვანელობენ საყოველთაო ჯანდაცვის პრიგრამის ფარგლებში ატვირთული ტარიფებით, დადგენილებების შესაბამისი თანაგადახდების გათვალისწინებით. თუ ფაქტიური ხარჯი ტარიფზე ნაკლებია, ასეთ შემთხვევაში , თანაგადახდა წარმოებს ფაქტიური ხარჯიდან და არა ხელოვნური კოდის ტარიფიდან. N165 და N218 ბენეფიცართა გეგმიურ სამედიცინო შემთხვევების რეგისტრაცია და ანგარიშგება N36 დადგენილების ფარგლებში არსებული წესების ანალოგიურია .