„ნორმატიული აქტების შესახებ“ საქართველოს კანონის მე-20 მუხლის მე-4 პუნქტის შესაბამისად, ვბრძანებ:

  მუხლი 1. ,,პიროვნების დაბადების თაობაზე გასაცემი – დაბადების შესახებ სამედიცინო ცნობის, გარდაცვალების თაობაზე – გარდაცვალების შესახებ სამედიცინო ცნობის ფორმების, მათი შევსებისა და გაცემის ინსტრუქციების დამტკიცების შესახებ” საქართველოს შრომის, ჯანმრთელობისა და სოციალური დაცვის მინისტრის 2011 წლის 14 იანვარის №8/ნ ბრძანებაში (ვებ პორტალი, 140111, 14/01/2011) შეტანილ იქნეს შემდეგი ცვლილებები:

  1.      ბრძანებას დაემატოს 2¹ და 2² პუნქტები შემდეგი რედაქციით:

   ,,2¹. 2011 წლის 1 აპრილამდე გაცემული დაბადების და გარდაცვალების თაობაზე სამედიცინო ცნობების ასლების გაცემა განხორციელდეს დაწესებულებაში არსებული ეგზემპლარის ასლის სახით, ხოლო ცნობის გაუცემლობის ან ასლის გაცემის შეუძლებლობის შემთხვევაში, ამონაწერით სამედიცინო დოკუმენტაციიდან. ამონაწერი დაბადების თაობაზე უნდა შეიცავდეს ამ ბრძანების N1 დანართით დამტკიცებულ დაბადების შესახებ სამედიცინო ცნობით გათვალისწინებულ ინფორმაციას, გარდა  ქორწინების მოწმობის რეკვიზიტების და ბავშვის მამის თაობაზე ინფორმაციისა, ხოლო ამონაწერი გარდაცვალების თაობაზე – ამ ბრძანების N2 დანართით დამტკიცებულ გარდაცვალების შესახებ სამედიცინო ცნობაში მითითებულ ყველა ინფორმაციას.
            2². ამონაწერი დაბადების და გარდაცვალების თაობაზე გაიცემა უფლებამოსილი პირის მიერ ხელმოწერილი და დაწესებულების ბეჭდით დამოწმებული სახით.“.
           2.   ბრძანების პირველი პუნქტის ,,ა’’ ქვეპუნქტით დამტკიცებლი დანართი №1 (დაბადების შესახებ სამედიცინო ცნობა, ფორმა №103/ს-84) ჩამოყალიბდეს თან­­დარ­თული რედაქციით;
             3. ბრძანების პირველი პუნქტის ,,ბ’’ ქვეპუნქტით დამტკიცებული დანართი №2  (გარდაცვალების შესახებ სამედიცინო ცნობა, ფორმა №106/ს-4)  ჩამოყალიბდეს თან­­დარ­თული რედაქციით. 4. ბრძანების პირველი პუნქტის ,,დ’’ ქვეპუნქტით დამტკიცებული დანართი №4-ის (გარდაცვალების შესახებ სამედიცინო ცნობის შევსებისა და გაცემის ინსტრუქცია)  მე-3 მუხლის მე-6 პუნქტის ,,გ” ქვეპუნქტი  ჩამოყალიბდეს შემდეგი რედაქციით:  ,,გ) ცნობის 23-ე, 24-ე, 25-ე, 26-ე და 27-ე პუნქტები ივსება მხოლოდ 5 წლამდე ასაკის ბავშვის (გარდა მკვდრადშობილისა) გარდაცვალების შემთხვევაში.”.
               მუხლი 2. ბრძანება ამოქმედდეს გამოქვეყნებისთანავე.

საქართველოს შრომის, ჯანმრთელობისა და სოციალური დაცვის სამინისტრო, მინისტრი

ანდრია ურუშაძე