მოგესალმებით ბატონო გიორგი,

შესათანხმებლად გიგზავნით ელ. მთავრობის პროგრამის საკითხებს:

1. ეკონომიკა 3265 - კოოპერატივ „რკ ნიქოზს” საკუთრებაში გადაეცემა უძრავი ნივთები, შესაბამისი ხელშეკრულების გაფორმებიდან 48 თვის ვადაში, უძრავი ნივთების საერთო ფართობის არანაკლებ 85%-ზე მრავალწლიანი ნარგავების გაშენების და ინფრასტრუქტურის მოწყობის და აღნიშნული მიზნებისათვის 4 000 000 ლარის ინვესტიციის განხორციელების პირობით, რითაც, სავარაუდოდ, ხელი შეეწყობა გორის მუნიციპალიტეტში სოფლის მეურნეობის განვითარებას.
2. ფინანსები 3170 - მთავრობის ცნობად საქართველოს ფინანსთა სამინისტროს ინფორმაცია საერთაშორისო სავალუტო ფონდის (IMF) წევრი ქვეყნების მიერ თავიანთი წილი გრანტის გადარიცხვის გზით სომალისთვის ვალის ჩამოწერის თაობაზე.
3. მთავრობა 3092 - მთავრობასთან თანხმდება, სსიპ საქართველოს დაზღვევის სახელმწიფო ზედამხედველობის სამსახურის 2020 წლის ბიუჯეტი, საშტატო ნუსხა და სახელფასო ფონდი.
4. მთავრობა 3089 - სსიპ საქართველოს დაზღვევის სახელმწიფო ზედამხედველობის სამსახურში შრომითი ხელშეკრულებით დასაქმებულთა რიცხოვნობა განისაზღვრება 15 ერთეულით.
5. ეკონომიკა 3081 - მთავრობის ცნობად შპს „ენერჯი დეველოფმენტ ჯორჯიას“ მიერ წარმოდგენილი ინფორმაცია, რომლის თანახმადაც, საქართველოს მთავრობას, შპს „ენერჯი დეველოფმენტ ჯორჯიას“, „საქართველოს სახელმწიფო ელექტროსისტემას“, სს „გაერთიანებულ ენერგეტიკულ სისტემა საქრუსენერგოს“, შპს „ენერგოტრანსსა“ და სს „ელექტროენერგეტიკული სისტემის კომერციულ ოპერატორს“ შორის „საშუალა ჰესი 1“ და „საშუალა ჰესი 2“  ჰიდროელექტროსადგურების შესახებ 2016 წლის 29 დეკემბერს დადებულ ურთიერთგაგების მემორანდუმის შესაბამისად, საინვესტიციო დანახარჯის განსაზღვრის მიზნით, საქართველოს ეკონომიკისა და მდგრადი განვითარების სამინისტროში წარსადგენი აუდიტორული დასკვნის მოსამზადებლად აუდიტორული ფირმის/კომპანიის შერჩევა მოხდება კანონმდებლობით დადგენილი წესით რეგისტრირებული აუდიტორული ფირმებიდან/კომპანიებიდან.
6. მერია 3274 - ცვლილება შედის მშენებლობის ნებართვის გაცემისა და შენობა-ნაგებობის ექსპლუატაციაში მიღების წესსა და პირობებში, წესით გათვალისწინებული რეგულაციები შესაბამისობაში მოვა მოქმედ კანონმდებლობასთან, მათ შორის, საქართველოს სივრცის დაგეგმარების, არქიტექტურული და სამშენებლო საქმიანობის კოდექსთან. ასევე, მშენებლობის ნებართვის გაცემის პროცედურულ ნაწილში და ნებართვის მიღებისათვის შესაბამის ადმინისტარციულ ორგანოში წარსადგენი დოკუმენტაციის განსაზღვრაში შეტანილი ცვლილებებით მოწესრიგდება მშენებლობის ნებართვის გაცემის პროცესში წლების განმავლობაში არსებული გარკვეული პრობლემები და თავიდან იქნება აცილებული შემდგომში ასეთი პრობლემების წარმოქმნა. პროექტით გათვალისწინებულია წესის მოქმედი რედაქციის დანართის ჩანაცვლება, რის შედეგადაც გამარტივდება შენობა-ნაგებობის კლასის განსაზღვრა.
   
   
   
   ხელმოსაწერი
   

1. 3219 - გაფორმდება უძრავი ქონების ურთიერთგადაცემის ხელშეკრულება 6 ფიზიკურ პირთან, უფლებრივი ტვირთისაგან, მათ შორის, მესამე პირის იპოთეკის უფლებისაგან თავისუფალ მდგომარეობაში სახელმწიფო საკუთრებაში გადაცემის სანაცვლოდ.
2. 3202 - რეგიონული 1961 - პროექტის მიხედვით, განისაზღვრა სამხედრო სავალდებულო სამსახურში მოქალაქეთა 2020 წლის საგაზაფხულო გაწვევის მიზნით უწყებების მიერ განსახორციელებელი ღონისძიებები, მათ შორის საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრომ,  დადგენილების ამოქმედებიდან 10 დღის ვადაში, უნდა განსაზღვროს ის სამედიცინო დაწესებულებები, რომლებშიც გაიგზავნებიან წვევამდელები დამატებითი სამედიცინო გამოკვლევისათვის.
   პროექტი შეთანხმდა პოლიტიკის დეპარტამენტთან შენიშვნები არ გააჩნია.
3. 3198 - შპს „საქართველოს გაერთიანებული წყალმომარაგების კომპანიისთვის“ შესაბამისი საბიუჯეტო სახსრების გადარიცხვის პროცედურების განსახორციელებლად, საქართველოს რეგიონული განვითარებისა და ინფრასტრუქტურის სამინისტრო, უზრუნველყოფს შპს „საქართველოს გაერთიანებული წყალმომარაგების კომპანიასთან“ თანხების გადარიცხვის შესახებ ადმინისტრაციული ხელშეკრულების გაფორმებას.
4. 3165 - ცვლილება შედის სსიპ − საქართველოს მუნიციპალური განვითარების ფონდის სამეთვალყურეო საბჭოს შემადგენლობაში კერძოდ, სამეთვალყურეო საბჭოს წევრად ეკატერინე გალდავას ნაცვლად განისაზღვრება გრიგორ მანდარია - შპს „საქართველოს გაერთიანებული წყალმომარაგების კომპანიის“ დირექტორი, სამეთვალყურეო საბჭოს წევრი.
   მოქმედ შემადგენლობაში ასევე შედის ეკატერინე ტიკარაძე – საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი.
5. 3160 - პროექტი ითვალისწინებს შპს „ფუდ ფართის“  შორის 2018 წლის 12 ნოემბერს გაფორმებული იჯარის ხელშეკრულების მოქმედების ვადის 1 წლით გაგრძელების თაობაზე, მოიჯარის მიერ ყოველთვიური საიჯარო ქირის - 700 ლარის გადახდის პირობით. შპს „ფუდ ფართის“ იჯარის უფლებით გადაცემული აქვს საქართველოს მთავარი პროკურატურის ადმინისტრაციული შენობის (შენობა N1) პირველ სართულზე არსებული 340 კვ.მ. ფართი, კვების ობიექტი, რომელიც  გათვალისწინებულია მხოლოდ საქართველოს გენერალური პროკურატურისა და საქართველოს იუსტიციის სამინისტროს თანამშრომელთა მომსახურებისთვის.
6. 3157 - მტკიცდება ჩოხატაურის მუნიციპალიტეტში, ბახმაროს სარეკრეაციო ტერიტორიაზე მდებარე 13805.00 კვ.მ გეგმარებითი არეალის განაშენიანების  რეგულირების გეგმა.
7. 3155 - სსიპ - საქართველოს ფინანსთა სამინისტროს მომსახურების სააგენტო საქართველოს გარემოს დაცვისა და სოფლის მეურნეობის სამინისტროს სახელმწიფო საქვეუწყებო დაწესებულებას გარემოსდაცვით ზედამხედველობის დეპარტამენტს უსასყიდლოდ გადაცემს 270 ლარის ღირებულების 2 ცალ  ნავს - "ნლ-8".
   
   კანონპროექტი:
   

1. იუსტიცია 3251 - „რეაბილიტაციისა და კრედიტორთა კოლექტიური დაკმაყოფილების შესახებ“, „საქართველოს ადმინისტრაციულ სამართალდარღვევათა კოდექსი“, „კონკურენციის შესახებ“, „საგადასახადო დავალიანებებისა და სახელმწიფო სესხების რესტრუქტურიზაციის შესახებ“, „საქართველოს საგადასახადო კოდექსი“, „მეწარმეთა შესახებ“, „საგადასახდო სისტემისა და საგადასახდო მომსახურების შესახებ“, „სააღსრულებო წარმოებათა შესახებ“,  „სახელმწიფო ქონების შესახებ“, „საქართველოს სისხლის სამართლის კოდექსი “
   პროექტის მიზანია იმგვარი სამართლებრივი გარემოს შექმნა, რომელშიც იარსებებს რეაბილიტაციის წამახალისებელი ეფექტიანი მექანიზმები და ყველა კრედიტორის უფლებებისა და კანონიერი ინტერესების მაქსიმალურად ეფექტიანად და სამართლიანად დაცვის გარანტიები. გარდა ამისა, კანონპროექტის მიზანია სასამართლოსთვის დროული მიმართვიანობის წახალისება, ვინაიდან კომპანიის ფინანსური კრიზისის საწყის ეტაპზე კანონმდებლობით გათვალისწინებული მექანიზმების გამოყენების შემთხვევაში რეაბილიტაციის ალბათობა ბევრად მაღალია. კანონპროექტის მიღებით აღმოიფხვრება გადახდისუუნარობის საქმის წარმოებაში არსებული ის ხარვეზები, რომლებიც ხშირ შემთხვევაში, მნიშვნელოვნად აჭიანურებს პროცესის მიმდინარეობას - ეს კი პირდაპირპროპორციულად აისახება საწარმოთა გაკოტრების მაჩვენებელზე. კანონპროექტი უზრუნველყოფს პროცესში მონაწილე პირთა თანასწორუფლებიანობას, მათი უფლებების აღსრულების მექანიზმების გაჩენას და ამ მიმართულებით სასამართლოს როლის გაზრდას.

პროექტის მიზანია კრედიტორთა მოთხოვნების კოლექტიური დაკმაყოფილება  რეაბილიტაციის მიღწევის, ხოლო რეაბილიტაციის შეუძლებლობის შემთხვევაში - გადახდისუუნარობის მასის რეალიზაციიდან მიღებული თანხების განაწილების გზით.

პატივისცემით,  

ნათია

Sincerely,

Natia Khmaladze

Ministry of Internally Displaced Persons, Labour, Health and Social Affairs of Georgia
Head of the Legal department
144, Tsereteli Ave., Tbilisi, Georgia, 0119
Tel: 577 288800
E_mail:natkhmaladze@moh.gov.ge