From : Natia Khmaladze <natkhmaladze@moh.gov.ge>
To : Giorgi Tsotskolauri <gtsotskolauri@moh.gov.ge>
Subject : ელ.მთავრობის საკითხები_01.07.19
Received On : 01.07.2019 08:42

           ბატონო გიორგი,

შესათანხმებლად გიგზავნით ელ. მთავრობის პროგრამის საკითხებს:

  1. გარემო 26267 - გარემოსდაცვითი ზედამხედველობის დეპარტამენტს მიეცემა  თანხმობა, განახორციელოს ქსელების სახელმწიფო შესყიდვა.
  2. გარემო 26262 - გარემოსდაცვითი ზედამხედველობის დეპარტამენტს მიეცემა თანხმობა, განახორციელოს საოფისე ავეჯის სახელმწიფო შესყიდვა.
  3. გარემო 26243 - სსიპ - საქართველოს ტურიზმის ეროვნული ადმინისტრაცია საერთაშორისო  ვიზიტორებისთვის ბრენდირებული სასაჩუქრე  ღვინის  შესყიდვას  განახორციელებს გამარტივებული შესყიდვის საშუალებით.
  4. გარემო 26234 - გარემოსდაცვითი ზედამხედველობის დეპარტამენტს მიეცემა  თანხმობა, განახორციელოს კომპიუტერული მოწყობილობებისა და აქსესუარების  სახელმწიფო შესყიდვა.
  5. მერია 26232 - ქალაქ თბილისის მუნიციპალიტეტის სსიპ - სასწრაფო სამედიცინო დახმარების ცენტრის  თანამშრომლებს, განსაკუთრებული შემთხვევიდან გამომდინარე, ერთჯერადად მიეცემათ ფულადი ჯილდო დაკავებული თანამდებობის/პოზიციის თანამდებობრივი სარგოს 50% - ის ოდენობით.
  6. ფინანსები 26361 - სსიპ საფინანსო-ანალიტიკური სამსახურის მიერ გაწეული ზოგიერთი ანაზღაურებადი მომსახურების სახეებისა და მომსახურების საფასურის ოდენობების განსაზღვრის მიზნით მტკიცდება სამსახურის მიერ გაწეული ზოგიერთი ანაზღაურებადი მომსახურების სახეები, ორგანიზაციები შეძლებენ დადგენილებით განსაზღვრული მომსახურების შესყიდვას გამარტივებული შესყიდვის საშუალებით.
    მომსახურების სახეებია:
    ა) საქმისწარმოების ავტომატიზებული სისტემის (eDocument) მომსახურება;
    ბ) ინფორმაციული ტექნოლოგიების (IT) კონსულტაციის (მათ შორის ინფრასტრუქტურის სფეროში) მომსახურება;
    გ) გარკვეული მომსახურების გაწევის მიზნით შესაბამისი ტექნიკური დავალების შექმნის, სისტემური და ბიზნეს პროცესების ანალიზის მომსახურება;
    დ) ელექტრონული ფოსტის მომსახურება;
    ე) ელექტრონული სისტემების, კომპიუტერული პროგრამებისა და აპლიკაციების შემუშავების, მხარდაჭერის ან/და განვითარების მომსახურება;
    ვ) ვებ-გვერდის შექმნის ან/და მისი განვითარების მომსახურება;
    ზ) ვებ-გვერდის სამსახურის სერვერულ ინფრასტრუქტურაზე განთავსების მომსახურება;
    თ) შემსყიდველი ორგანიზაციის ელექტრონული სისტემების, კომპიუტერული პროგრამებისა და აპლიკაციების სამსახურის სერვერულ ინფრასტრუქტურაზე განთავსების მიზნით, შესაბამისი გამოთვლითი რესურსების (vcpu, RAM, HDD) მიწოდების მომსახურება;
    ი) ინფორმაციული ტექნოლოგიების (IT) ინფრასტრუქტურის (სამსახურის სერვერულ ინფრასტრუქტურაზე განთავსებული შემსყიდველი ორგანიზაციის სერვერების, მონაცემთა შენახვის სისტემების, ვებ-გვერდების ან/და ქსელური აპარატურის) ადმინისტრირების მომსახურება.
  7. მთავრობა 26358 - სსიპ - საქართველოს მეცნიერებათა ეროვნული აკადემიის თანამშრომელს, მისი ღვაწლმოსილი თანამშრომლობისათვის გადაეცემა  ჯილდო (840 ლარი).
  8. შსს 26353 - ცვლილება შედის სატრანსპორტო საშუალებათა რეგისტრაციის ნომრის (სახელმწიფო სანომრე ნიშნები), შიდა ტრანზიტის, ტრანზიტული ნომრისა და „TEST“ ნომრის ნიმუშის გაცემის წესში, რომლის მიხედვით, საქართველოში საზღვარგარეთის სახელმწიფოს საპატიო კონსულზე გაიცემა დიპლომატიური სანომრე ნიშანი.
  9. საგარეო 26346 - საპატიო კონსულის ხელმძღვანელობით გაიხსნება   უკრაინის საკონსულო დაწესებულება ქ. ბათუმში საკონსულო ოლქით - აჭარის ავტონომიური რესპუბლიკა.
  10. რეგიონული 26344 - ჭიათურის მუნიციპალიტეტი განახორციელებს ქალაქ ჭიათურაში კოსტავას ქუჩაზე მდებარე ორ სართულიანი საბავშვო ბაღის შენობის სრულ რეაბილიტაციას.
  11. საგარეჯო 26343 - საგარეჯოს მუნიციპალიტეტი განახორციელებს განკარგულების პროექტით გათვალისწინებულ პროექტებს (სოფელ ლამბალო-თულარის ხიდის რეაბილიტაცია; სოფელ კაკაბეთში არსებული სასმელი წყლის ავზის გადახურვა; ქალაქ საგარეჯოს ტერიტორიაზე არსებული დაზიანებული სკამების აღდგენითი სამუშაოები და სხვა).
  12. ფინანსები 26342 - ფინანსთა სამინისტრო ელექტრონული ტენდერის გზით განახორციელებს 4 კომპლექტი ვიდეოკამერისა და 38 ერთეული ვიდეოგამოსახულების აღწარმოების აპარატურის სახელმწიფო შესყიდვას.

 

პატივისცემით,  

ნათია ხმალაძე