From : Natia Khmaladze <natkhmaladze@moh.gov.ge>
To : Tamar Barkalaia <tbarkalaia@moh.gov.ge>; Giorgi Tsotskolauri <gtsotskolauri@moh.gov.ge>
Subject : ელ.მთავრობის საკითხები_12.04.19
Cc : Mariam Darakhvelidze <mdarakhvelidze@moh.gov.ge>
Received On : 12.04.2019 08:09

მოგესალმებით,

მინისტრის არყოფნის გამო შესათანხმებლად გიგზავნით ელ. მთავრობის პროგრამის საკითხებს:

  1. მთავრობა 14607 - სახელმწიფო უსაფრთხოების სამსახური კომპიუტერული აქსესუარების, ყურბანდების, სვიჩების, უწყვეტი კვების წყაროების, ელექტრო ძრავის, ბენზო გენერატორის, სპლიტ სისტემის კონდიციონერების, არხული ვენტილიატორების, საათის დროის რელეების და წყლის გამაცხელებელი ავზის სპირალის შესყიდვის პროცედურებს განახორციელებს კანონმდებლობით დადგენილი წესის შესაბამისად.
  2. რეგიონული 14544 - ბორჯომის მუნიციპალიტეტი, მისთვის გამოყოფილი  საბიუჯეტო ასიგნებებიდან დარჩენილი ეკონომიით ჯამში − 202 600 ლარით, უზრუნველყოფს სოფელ რველში საავტომობილო გზის საფარის სარეაბილიტაციო სამუშაოების (ე.წ. „კოშკის უბანი“) (II ეტაპი) დასრულებას.
  3. გარემო 14661 - მტკიცდება „ერთი მხრივ, საქართველოსა და, მეორე მხრივ, ევროკავშირსა და ევროპის ატომური ენერგიის გაერთიანებასა და მათ წევრ სახელმწიფოებს შორის ასოცირების შესახებ შეთანხმების“ სანიტარული და ფიტოსანიტარული ქვეკომიტეტის (SPS ქვეკომიტეტი) ქართული მხარის შემადგენლობა, სადაც წევრის სტატუსით შედის საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ჯანმრთელობის დაცვის დეპარტამენტის პირველადი სტრუქტურული ერთეულის ხელმძღვანელი - მარინა დარახველიძე.
  4. გარემო 14663 - გარდაბნის მუნიციპალიტეტის სოფელი სააკაძის მიმდებარე ტერიტორია განისაზღვრება რადიოაქტიური ნარჩენების მართვის ობიექტების (რადიოაქტიური ნარჩენების საცავის, რადიოაქტიური ნარჩენების სამარხისა და რადიოაქტიური ნარჩენების გადამამუშავებელი საწარმოს) განთავსების ადგილად.
  5. გარემო 14664 - სსიპ ეროვნულ სატყეო სააგენტოს მიეცემა თანხმობა, განახორციელოს ერთი ერთეული ბულდოზერის და ორი ერთეული სატვირთო ავტომანქანის სახელმწიფო შესყიდვა.
  6. ფინანსები 14542 - სსიპ - საფინანსო - ანალიტიკურ სამსახურს მიეცემა თანხმობა, განახორციელოს 3 ცალი პრეციზიული კონდიციონერის თანმდევი მომსახურებით (დემონტაჟით / მონტაჟით / ინსტალაცია / ექსპლუატაციაში გაშვებით) სახელმწიფო შესყიდვა.
  7. ფინანსები 14518 - სსიპ - საქართველოს ფინანსთა სამინისტროს მომსახურების სააგენტო მოქმედი კანონმდებლობით დადგენილი წესით მიიღებს გადაწყვეტილებას მოძრავი ქონების (ავტომობილი) სსიპ საჯარო და კერძო თანამშრომლობის სააგენტოსათვის უსასყიდლოდ გადაცემის თაობაზე.
  8. ფინანსები 14489 - პროექტის მიხედვით, „იაპონიის საერთაშორისო თანამშრომლობის სააგენტოსა და საქართველოს შორის აღმოსავლეთ-დასავლეთის ჩქაროსნული ავტომაგისტრალის გაუმჯობესების პროექტი (ფაზა 2) სასესხო ხელშეკრულება“ გამოთხოვილ იქნება საქართველოს პარლამენტიდან.
  9. ფინანსები 14480 - სსიპ - ფინანსთა სამინისტროს აკადემიას მიეცემა თანხმობა, 2019 წლისთვის შრომითი ხელშეკრულებით დასაქმებულ პირთა რაოდენობა განსაზღვროს არაუმეტეს 60 ერთეულით.
  10. ფინანსები 14479 - სსიპ - საქართველოს ფინანსთა სამინისტროს მომსახურების სააგენტო განახორციელებს გენერატორის სახელმწიფო შესყიდვას.
  11. ფინანსები 14478 - სსიპ - საქართველოს ფინანსთა სამინისტროს მომსახურების სააგენტო განახორციელებს 1 ერთეული საავტომობილო სასწორის  სახელმწიფო შესყიდვას.
  12. მთავრობა 14475 - საქართველოს პროკურატურა რეორგანიზებულ იქნა და ჩამოყალიბდა დამოუკიდებელ ორგანოდ − საქართველოს პროკურატურად,  რომელსაც ხელმძღვანელობს საქართველოს გენერალური პროკურორი.
    აღნიშნულიდან გამომდინარე, ცვლილება შედის სამსახურებრივი სარგებლობის პასპორტის გაცემის წესში, რომლის მიხედვით, სამსახურებრივი პასპორტის მიღების უფლების მქონე პირებს წარმოადგენენ საქართველოს გენერალური პროკურორის პირველი მოადგილე და მოადგილეები, ასევე, სამსახურებრივი პასპორტის მიღების უფლება განისაზღვრა საქართველოს პროკურატურის სისტემის არაუმეტეს 15 თანამშრომლით.
  13. ფინანსები 14674 - სსიპ - საქართველოს ფინანსთა სამინისტროს მომსახურების სააგენტო მოძრავ ქონებას (სხვადასხვა დასახელების იარაღი) უსასყიდლოდ გადასცემს საქართველოს ფინანსთა სამინისტროს საგამოძიებო სამსახურს.
  14. იუსტიცია 14668 - სსიპ იუსტიციის სახლს მიეცემა თანხმობა, მის სარგებლობაში არსებული, ქ. თბილისში, სანაპიროს ქ. №2-ში მდებარე არასასოფლო სამეურნეო დანიშნულების მიწის ნაკვეთზე განთავსებული შენობა ნაგებობა  ნულოვან სართულზე მდებარე 118.15 კვ.მ. ფართი, აუქციონის გარეშე, იჯარის უფლებით გადასცეს შპს „ჯემედს“, 5 თვის ვადით (2019 წლის 15 მაისიდან 2019 წლის 15 ოქტომბრის ჩათვლით), ყოველთვიური საიჯარო ქირით - 4 000 ლარის ოდენობით, JUSTcafe-ს საზაფხულო ტერასად გამოყენების მიზნით. 
  15. ეკონომიკა 13949 - ქალაქ საჩხერეში, ივანე გომართელის ქუჩა N17ა-ში (სოფელ სხვიტორის ტერიტორია) მდებარე 6414 კვ.მ. არასასოფლო-სამეურნეო დანიშნულების მიწის ნაკვეთი  და მასზე განთავსებული N1-N3 შენობა-ნაგებობები საკუთრებაში გადაეცემა ა(ა)იპ „დოსტაქარს“.საპრივატიზებო პირობებად განისაზღვრა საპრივატიზებო თანხის გადახდა შესაბამისი ხელშეკრულების გაფორმებიდან 1 თვის ვადაში და არაუმეტეს 3 თვის ვადაში საპრივატიზებო უძრავ ქონებაზე ან მის  ნაწილზე საგანმანათლებლო დაწესებულების ფუნქციონირების დაწყება და 10 წლის განმავლობაში საგანმანათლებლო პროფილის  ფუნქციონირების შენარჩუნება

    ა(ა)იპ „დოსტაქარი“ წარმოადგენს საქველმოქმედო სტატუსის მქონე ორგანიზაციას, რომელსაც 2007 წლიდან მართვის უფლებით (საქართველოს ეკონომიკური განვითარების სამინისტროსა და კავშირ დოსტაქარს შორის გაფორმებული 2007 წლის მართვის უფლებით გადაცემის ხელშეკრულება) გადაცემული აქვს სს „საჩხერის რაიონული საავადმყოფო-პოლიკლინიკურ გაერთიანება“, ასევე, ახორციელებს კანონით ნებადართულ სხვა საქმიანობას. ორგანიზაციას სურს საგანმანათლებლო კუთხით გააგრძელოს საქმიანობა და დააფუძნოს პროფესიული სამედიცინო სასწავლებელი, რომლიც უზრუნველყოფს მისი მართვის ქვეშ მყოფ სამედიცინო დაწესებულებას სამედიცინო პერსონალით.

 

პატივისცემით, 

 ნათია ხმალაძე