მოგესალმებით ბატონო გიორგი,

შესათანხმებლად გიგზავნით ელ. მთავრობის პროგრამის საკითხებს:

1. მთავრობა 811 - საქართველოს უზენაეს სასამართლოში შრომითი ხელშეკრულებით დასაქმებულ პირთა რაოდენობა განისაზღვრება 88 ერთეულით.
2. მთავრობა 807 - მთავრობასთან თანხმდება, სსიპ - ახალგაზრდობის სააგენტოს მიერ შესაძენი საწვავისა და საკომუნიკაციო მომსახურების ხარჯი.
3. მთავრობა 703 - მთავრობასთან თანხმდება, სსიპ -  სახელმწიფო ენის დეპარტამენტის მიერ 2020 წელს შესაძენი საწვავისა და გასაწევი საკომუნიკაციო ხარჯი.
4. მთავრობა 701 - სსიპ სახელმწიფო ენის დეპარტამენტში 2020 წლის განმავლობაში შრომითი ხელშეკრულებით დასაქმებულ პირთა რაოდენობა განისაზღვრება 2 ერთეულით.
5. მთავრობა 699 - პროექტით განისაზღვრება საქართველოს ცენტრალური საარჩევნო კომისიასა და სსიპ-საარჩევნო სისტემების განვითარების, რეფორმებისა და სწავლების ცენტრში 2020 წლის განმავლობაში შრომითი ხელშეკრულებით დასაქმებულ პირთა რაოდენობა.
6. მთავრობა 696 - 2020 წლისათვის სსიპ - ვეტერანების საქმეთა სახელმწიფო სამსახურში შრომითი ხელშეკრულებით დასაქმებულ პირთა რაოდენობა განისაზღვრება 83 ერთეულით.
   
   2020 წლისათვის ა(ა)იპ - სპორტულ კლუბ ,,არმია"-ში  შრომითი ხელშეკრულებით დასაქმებულ პირთა რაოდენობა განისაზღვრება 51 ერთეულით.
7. მთავრობა 695 - სსიპ - საქართველოს სახელმწიფო უზრუნველყოფის სააგენტოში დამხმარე ამოცანების შესრულების მიზნით შრომითი ხელშეკრულებით დასაქმებულ პირთა რაოდენობა განისაზღვრება არა უმეტეს 25  ერთეულით.
8. ეკონომიკა 689 - პროექტით განისაზღვრება საქართველოს ეკონომიკისა და მდგრადი განვითარების სამინისტროს ცენტრალურ აპარატში 2020 წლის განმავლობაში შრომითი ხელშეკრულებით დასაქმებულ პირთა რაოდენობა.
9. ეკონომიკა 688 - საქართველოში ინოვაციების ეკოსისტემისა და ცოდნაზე დაფუძნებული ეკონომიკის განვითარების ხელშეწყობის მიზნით, სსიპ – საქართველოს ინოვაციების და ტექნოლოგიების სააგენტო მის მიერ ორგანიზებული საერთაშორისო ღონისძიებების, ტრენინგების, კურსების, ბანაკების, სკოლების, ინოვაციების ეკოსისტემების ფორმირებასთან და ასევე  საქართველოს ტექნოლოგიური პარკების მუშაობასთან დაკავშირებული სატრენინგო და საკონსულტაციო მომსახურების და ამ ღონისძიებებისათვის აუცილებელი მომსახურებების სახელმწიფო  შესყიდვას 2020 წლის განმავლობაში განახორციელებს გამარტივებული  შესყიდვის  საშუალებით.
10. მთავრობა 685 - სსიპ ახალგაზრდობის სააგენტოს მიეცემა თანხმობა, შრომითი ხელშეკრულებით დასაქმებულ პირთა რაოდენობა განსაზღვროს არა უმეტეს 94 ერთეულით, მათ შორის, 30 ერთეულით - არამუდმივი ამოცანების შესასრულებლად.

ხელმოსაწერი:

1. 810 - საქართველოს პარლამენტს რატიფიცირებისათვის წარედგინება ,,საქართველოსა და აზიის განვითარების ბანკს შორის სასესხო შეთანხმება (ჩვეულებრივი ოპერაციები) (საცხოვრებლად ვარგისი ქალაქების საინვესტიციო პროგრამა)“.
2. 777 - სახელმწიფო ტყის ფონდიდან ამოირიცხება ქ. დუშეთში, დუშეთის შემოსასვლელში მდებარე 4312 კვ.მ. არასასოფლო-სამეურნეო დანიშნულების მიწის ნაკვეთი თანდართული კოორდინატების შესაბამისად, შემდგომში „კომპანიის“ კაპიტალში შეტანის მიზნით.
3. 746 - პროექტი ითვალისწინებს, შპს „რისოულაზე“ გაცემულ სასარგებლო წიაღისეულის მოპოვების ლიცენზიაში ცვლილების შეტანას, რომლის მიხედვით, ლიცენზიის მფლობელის მიერ უზრუნველყოფილი იქნება ლიცენზიით განსაზღვრული საღორღე ნედლეულის მოპოვება.
4. 744 - სახელმწიფო ქონების ეროვნულ სააგენტოს მიეცემა თანხმობა, განახორციელოს საქართველოს მთავრობის მიერ განსაზღვრულ სარეკრეაციო ტერიტორიაზე არსებული, ბორჯომის მუნიციპალიტეტში, დაბა ბაკურიანში (დიდველი) მდებარე  191.00 კვ.მ. არასასოფლო-სამეურნეო დანიშნულების მიწის ნაკვეთის პრივატიზება ელექტრონული აუქციონის ფორმით.
5. 741 - პროექტი ითვალისწინებს იმ უცხო ქვეყნის მოქალაქეთა დაფინანსებას, რომლებიც საერთაშორისო შეთანხმებებით, ხელშეკრულებებით, პროგრამებით, აგრეთვე მემორანდუმებით ნაკისრი ვალდებულებების ფარგლებში და აღმასრულებელი ხელისუფლების შესაბამისი უწყების მიერ საქართველოს განათლების, მეცნიერების, კულტურისა და სპორტის სამინისტროსთვის დასაბუთებული მიმართვის საფუძველზე სწავლობენ/ისწავლიან საქართველოს უმაღლეს საგანმანათლებლო დაწესებულებებში.
6. 728 - სსიპ -  ივანე ჯავახიშვილის სახელობის თბილისის სახელმწიფო უნივერსიტეტი, „მედიაფსიქოლოგია და კომუნიკაციების“ (ინგლისურენოვანი) მაგისტრატურის აკრედიტებულ საგანმანათლებლო პროგრამაზე  სწავლის საფასურს განსაზღვრავს სახელმწიფო სასწავლო სამაგისტრო გრანტის თანხის ოდენობაზე მეტი ოდენობით - 3 200 ლარით.
7. 687 - მტკიცდება „მცენარეთა დაცვის საშუალებების მოქმედი ნივთიერებების ხელახალი რეგისტრაციის პროცედურა“, რომელიც ადგენს აუცილებელ პროცედურებს მცენარეთა დაცვის საშუალებების მოქმედი  ნივთიერებებისათვის ხელახალი რეგისტრაციის განსახორციელებლად. გათვალისწინებულია, რომ განაცხადი მოქმედი ნივთიერების ხელახალი რეგისტრაციის შესახებ, წარდგენილი უნდა იყოს სარეგისტრაციო ორგანოში მოქმედი ნივთიერების რეგისტრანტის/მწარმოებლის მიერ 10 წლიანი აღიარების ვადის გასვლამდე არა უგვიანეს სამი წლისა. პროექტით განისაზღვრა რეგისტრანტის მიერ წარმოსადგენი განაცხადის  ფორმატი და შინაარსი.          

             პატივისცემით,  

ნათია

Sincerely,

Natia Khmaladze

Ministry of Internally Displaced Persons, Labour, Health and Social Affairs of Georgia
Head of the Legal department
144, Tsereteli Ave., Tbilisi, Georgia, 0119
Tel: 577 288800
E_mail:natkhmaladze@moh.gov.ge