მოგესალმებით ბატონო გიორგი,

შესათანხმებლად გიგზავნით ელ. მთავრობის პროგრამის საკითხებს:

1.    განათლება 46940 -  პროექტის მიხედვით, სსიპ - ბოლნისის მუნიციპალიტეტის სოფელ ნახიდურის საჯარო სკოლის სარგებლობაში არსებული, დამხმარე N2 შენობის პირველ სართულზე მდებარე 132.52 კვ.მ. ფართი, უსასყიდლოდ, აუქციონის გარეშე, დროებით სარგებლობაში 5 წლის ვადით გადაეცემა ა(ა)იპ „საქართველოს პროფესიული და ინკლუზიური განათლების განვითარების ასოციაციას“ სპეციალური საგანმანათლებლო საჭიროების მქონე და შეზღუდული შესაძლებლობების მქონე პირთა დღის ცენტრის ფუნქციონირების მიზნით.

პროექტი შეთანხმდა სოციალური პოლიტიკის სამმართველოსთან შენიშვნები არ გააჩნია.

2.      განათლება 47613 - ცვლილება შედის პროფესიული განათლების დაფინანსების წესისა და პირობების განსაზღვრისა და პროფესიული საგანმანათლებლო პროგრამების განმახორციელებელი საგანმანათლებლო დაწესებულებებისათვის სახელმწიფოს მიერ დასაფინანსებელი სწავლის საფასურის მაქსიმალური ოდენობის დამტკიცების წესში, რომლის მიხედვით, გაიზრდება პროფესიული საგანმანათლებლო პროგრამების განმახორციელებელი საგანმანათლებლო დაწესებულებების რაოდენობა, დაიხვეწება პროფესიული განათლების დაფინანსების წესი.

3.    თავდაცვა 47611 - თავდაცვის სამინისტრო განახორციელებს ავეჯის სახელმწიფო შესყიდვას.

4.    განათლება 47598 - ცვლილება შედის ზოგიერთი მუნიციპალიტეტისათვის უფლებამოსილებების ხელშეკრულების საფუძველზე დელეგირების წესში, რომლის მიხედვით, იცვლება ერთ-ერთი დელეგირებული უფლებამოსილების შინაარსი და მოცულობა და განისაზღვრა საჯარო სკოლების მცირე სარეაბილიტაციო სამუშაოების ნაცვლად, საჯარო სკოლების ინფრასტრუქტურის გაუმჯობესების მიზნით საქონლის, მომსახურებისა და სამუშაოების შესყიდვის უფლებამოსილება.

5.    განათლება 47595 - მტკიცდება „ადრეული აღზრდისა და განათლების მომსახურების ან/და სკოლამდელი აღზრდისა და განათლების მომსახურების მიმწოდებელი ან/და მხოლოდ სასკოლო მზაობის პროგრამის განმახორციელებელი იურიდიული პირის ავტორიზაციის წესი“.

პროექტი შეთანხმდა სოციალურ და ჯანდაცვის სამმართველოებთან, შენიშვნები არ გააჩნიათ.
შეთანხმების პროცედურის რამდენჯერმე გაუვლელობის გამო ინიციატორი უწყების მიერ პროექტი იტვირთება განმეორებით.

6.    საგარეო 47591 - საგარეო საქმეთა სამინისტროს ქვედანაყოფს - ,,საქართველოს საელჩო ავსტრიის რესპუბლიკაში და საქართვე­ლოს მუდმივი წარმომადგენლობა ევროპის უსაფრთხოებისა და თანამ­შრომ­ლობის ორგანიზაციასა და ქ. ვენაში განლაგებულ საერთაშორისო ორგანიზაციებში‘‘, მიეცემა თანხმობა,  6250.00 ევროს ეკვივალენტი ლარის ღირებულების მომსახურების შესყიდვა, განახორციელოს გამარტივებული შესყიდვის საშუალებით.

რეგიონული 47615 - პროექტის მიხედვით, ახალი შემადგენლობით ყალიბდება მთის განვითრების ეროვნული საბჭოს შემადგენლობა, ნაცლად „საქართველოს შინაგან საქმეთა მინისტრი, ვიცე-პრემიერი, საბჭოს წევრი“ მიეთითა „საქართველოს შინაგან საქმეთა მინისტრი, საბჭოს წევრი“, ხოლო ნაცვლად „საქართველოს იუსტიციის მინისტრი, საბჭოს წევრი“ მიეთითა „საქართველოს იუსტიციის მინისტრი, ვიცე-პრემიერი, საბჭოს წევრი“. საბჭოს წევრად განისაზღვრება ყაზბეგის მუნიციპალიტეტის მერი - ალექსანდრე ზაგაშვილი, ხოლო ზაქარია ქუცნაშვილი ამოღებულ იქნება საბჭოს შემადგენლობიდან.
მოქმედ შემადგენლობაში წევრის სტატუსით შედის საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი.

7.    ფინანსები 47545 - ცვლილება შედის მაღალმთიანი დასახლების საწარმოს სტატუსის მინიჭების, შეჩერებისა და შეწყვეტის წესში, რომლის მიხედვით,  მაღალმთიანი საწარმოს სტატუსის მქონე პირს უფლება ექნება მის მიერ მაღალმთიანი დასახლების ტერიტორიაზე წარმოებული/გადამუშავებული პროდუქციის რეალიზაცია მოახდინოს ნებისმიერ ტერიტორიაზე, რაც არ გამოიწვევს მისთვის მაღალმთიანი საწარმოს სტატუსის მინიჭებაზე უარის თქმის საფუძველს ან სტატუსის შეწყვეტას.

8.    შსს 47526 - საქართველოს შინაგან საქმეთა სამინისტრო განახორციელებს საკომუნიკაციო და მულტიმედიის პროგრამული პაკეტების  სახელმწიფო შესყიდვას.

9.      შსს 47517 - სსიპ - დაცვის პოლიციის დეპარტამენტი განახორციელებს კომპიუტერული მოწყობილობებისა და აქსესუარების სახელმწიფო შესყიდვას.

10.  იუსტიცია 47495 - პროექტის მიხედვით, საქართველოს იუსტიციის სამინისტროს მიერ განხორციელდება გაფორმებული ხელშეკრულებების ფარგლებში გაწეული იურიდიული მომსახურების შეუფერხებელი დაფინანსება და შესრულდება ნაკისრი ვალდებულებები.

 

ხელმოსაწერი 

1. 47643 - პროექტის მიხედვით, 2019-2022 წლების საქართველოს საგარეო პოლიტიკის სტრატეგიისა და სამოქმედო გეგმ(ებ)ის შემმუშავებელი უწყებათაშორისი საბჭოს შემადგენლობას ემატება ეროვნული უსაფრთხოების საბჭოს აპარატის უფროსი.
   
   საბჭოს მოქმედ, უნივერსალურ შემადგენლობაში წევრის სტატუსით შედის, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე  ან მოადგილე .
2. 47640 - მთავრობასთან თანხმდება, სსიპ ღვინის ეროვნული სააგენტოს 2019 წლის ბიუჯეტი, საშტატო ნუსხა და სახელფასო ფონდი.
3. 47638 - ძალაში შესვლის მიზნით, დამტკიცდეს 2019 წლის 15 აპრილს ხელმოწერილი „საქართველოს განათლების, მეცნიერების, კულტურისა და სპორტის სამინისტროსა და რუმინეთის კულტურისა და ეროვნული იდენტობის სამინისტროს შორის კულტურული თანამშრომლობის შესახებ“ შეთანხმება.
4. 47626 - ნოტების გაცვლის გზით, გაიმართება მოლაპარაკება „საქართველოს მთავრობასა და ტაჯიკეთის რესპუბლიკის მთავრობას შორის დანაშაულის წინააღმდეგ ბრძოლაში თანამშრომლობის შესახებ“ შეთანხმების ტექსტის მიღების მიზნით.
5. მხარეებმა უნდა ითანამშრომლონ ადამიანის ჯანმრთელობისა და ადამიანის უფლებებისა და თავისუფლებების წინააღმდეგ მიმართული დანაშაულის თავიდან აცილებაში, გამოვლენაში, გამოძიებასა და აღკვეთაში.
6. 47625 - ნოტების გაცვლის გზით, გაიმართება მოლაპარაკება „საქართველოს მთავრობასა და ფინეთის რესპუბლიკის მთავრობას შორის დანაშაულის წინააღმდეგ ბრძოლაში თანამშრომლობის შესახებ“ შეთანხმების ტექსტის მიღების მიზნით.
   მხარეებმა უნდა ითანამშრომლონ ადამიანის ჯანმრთელობისა და ადამიანის უფლებებისა და თავისუფლებების წინააღმდეგ მიმართული დანაშაულის თავიდან აცილებაში, გამოვლენაში, გამოძიებასა და აღკვეთაში.
7. 47582 - სსიპ საგანმანათლებლო და სამეცნიერო ინფრასტრუქტურის განვითარების სააგენტო, საქართველოს კანონმდებლობით დადგენილი წესით უზრუნველყოფს სსიპ ბათუმის საზღვაო აკადემიის დაფინანსებას 5 876 164.75 ლარით, აკადემიის ფილიალის დაარსებასთან დაკავშირებით შესაბამისი შენობა-ნაგებობის (ქ. ფოთი, წმინდა გიორგის ქუჩა N24-ში მდებარე, ყოფილი ჰიდრო-მელიორაციული ტექნიკუმის შენობა) რეაბილიტაციის  მიზნით.

კანონპროექტი:

1. შსს 47604 - „სამოქალაქო უსაფრთხოების შესახებ“ ცვ პროექტი

ცვლილება შედის „სამოქალაქო უსაფრთხოების შესახებ“ საქართველოს კანონის 72-ე მუხლის პირველ და მეორე პუნქტებში და აღნიშნული პუნქტებით განსაზღვრული კანონქვემდებარე ნორმატიული აქტების გამოცემის ვალდებულება განისაზღვრება არაუგვიანეს 2021 წლის 1 იანვრამდე პერიოდით.

პატივისცემით,  

ნათია

Sincerely,

Natia Khmaladze

Ministry of Internally Displaced Persons, Labour, Health and Social Affairs of Georgia
Head of the Legal department
144, Tsereteli Ave., Tbilisi, Georgia, 0119
Tel: 577 288800
E_mail:natkhmaladze@moh.gov.ge