მედიამონიტორინგი 24.01.2019
ტელევიზია
24.01.2019
არხი: რუსთავი 2
გადაცემა: კურიერი 12:00
საქართველოში გრიპის საწინააღმდეგო დამატებით 7 ათასი ვაქცინა შემოიტანეს.
http://www.mediamonitoring.ge/mms/includes/video/video.php?id=5828828
---
24.01.2019
არხი: რუსთავი 2
გადაცემა: კურიერი 12:00
4 წლის შვილზე ძალადობაში ბრალდებული დედა განაჩენს ელოდება. აღკვეთის ღონისძიებაზე სასამართლო გადაწყვეტილებას დღეს მიიღებს. ლელა ქსოვრელს საგამოძიებო უწყება ნაკლებად მძიმე დანაშაულს, ოჯახის წევრის მიმართ შემაკავებელი ორდერის დარღვევას ედავება. მას ბრალის დადგენილება პროკურორებმა გვიან ღამით წინასწარი დაკავების იზოლატორში ჩააბარეს. ლელა ქსოვრელი ბრალს არ აღიარებს. 4 წლის ნინო ზალინაშვილი კი ამ დრომდე პროზექტურაშია დასვენებული. ბავშვის ცხედრის ექსპერტიზა ჯერ კიდევ გუშინ დასრულდა, თუმცა მცირეწლოვანი გოგონას დაკრძალვის სურვილი ამ დრომდე არავის გამოუთქვამს.
http://www.mediamonitoring.ge/mms/includes/video/video.php?id=5828863
მაესტრო - ახალი ამბები 12:00-
http://www.mediamonitoring.ge/mms/includes/video/video.php?id=5828870
---
24.01.2019
არხი: იმედი
გადაცემა: იმედის დილა
სამედიცინო დაწესებულებებში ლაბორატორიული კვლევებისთვის განკუთვნილი აპარატურის დაბალი ხარისხი ხშირად არასწორი დიაგნოზის მიზეზი ხდება. ჯანდაცვის სფეროს ექსპერტი სერგო ჩიხლაძე აცხადებს, რომ შესაბამისმა უწყებებმა ამ თვალსაზრისით კონტროლის მექანიზმები უნდა დანერგონ. პრობლემის არსებობას ადასტურებენ ჯანდაცვის სამინისტროშიც და აცხადებენ, რომ აპარატურასთან დაკავშირებით ხარისხის კონტროლის მექანიზმი ამ ეტაპზე არ არსებობს, თუმცა სამომავლოდ მისი შექმნის შესაძლებლობა განიხილება.
http://www.mediamonitoring.ge/mms/includes/video/video.php?id=5828300
23.01
მაესტრო - ბიზნესი მაესტროზე-
http://www.mediamonitoring.ge/mms/includes/video/video.php?id=5827621
---
24.01.2019
არხი: ტელეკომპანია აჭარა
გადაცემა: მთავარი 12:00
შეხვედრა ხულოს მუნიციპალიტეტში სოფლის ექიმებთან. აჭარის ჯანდაცვის სამინისტროსა და საზოგადოებრივი ჯანდაცვის ცენტრის წარმომადგენლებმა მაღალმთიანეთში სამუშაო შეხვედრა გამართეს. სამედიცინო პერსონალი 2019 წლის ჯანდაცვის სამინისტროს პროგრამებს. ასევე გაფორმდა ხელშეკრულებები სოფლის ექიმების დამატებით ანაზღაურების თვალსაზრისით. წელს სამედიცინო სფეროს წარმომადგენლები გაზრდილ ანაზღაურებას მიიღებენ. შეხვედრის ორგანიზატორებმა მუნიციპალიტეტში დასაქმებულ ექიმებს გასულ წელს მიღწეული იმუნიზაციის შედეგებიც გააცნეს.
http://www.mediamonitoring.ge/mms/includes/video/video.php?id=5828952
---
23.01.2019
არხი: რუსთავი 2
გადაცემა: კურიერი 21:00
ძალადობაში ბრალდებული დედა პროკურატურის გადაწყვეტილებას ელოდება. თბილისში მდებარე ზიგზაგის ქუჩა მეორე დღეა მთელი საქართველოს ყურადღების ცენტრში მოექცა. 4 წლის გოგონას ცხედარს, რომელიც სავარაუდოდ ცემით მოკლეს, ღამით ექსპერტიზა ჩაუტარდა. ბავშვი ამ დრომდე პროზექტურაშია დასვენებული. დედა დაკავებულია, ბიოლოგიური მამა გასულ წელს გარდაიცვალა
http://www.mediamonitoring.ge/mms/includes/video/video.php?id=5828100
იმედი - ქრონიკა 20:00- http://www.mediamonitoring.ge/mms/includes/video/video.php?id=5827936
I არხი - მოამბე 21:00- http://www.mediamonitoring.ge/mms/includes/video/video.php?id=5828059
მაესტრო-დღის მთავარი თემა 21:00-
http://www.mediamonitoring.ge/mms/includes/video/video.php?id=5828162
ტელეკომპანია აჭარა - მთავარი 18:00-
http://www.mediamonitoring.ge/mms/includes/video/video.php?id=5828046
პალიტრა ტვ - პალიტრა ნიუს 20:00-
http://www.mediamonitoring.ge/mms/includes/video/video.php?id=5827898
კავკასია - დღეს 19:00- http://www.mediamonitoring.ge/mms/includes/video/video.php?id=5827890
I არხი - მოამბე 18:00- http://www.mediamonitoring.ge/mms/includes/video/video.php?id=5827756
იმედი - ქრონიკა 17:00- http://www.mediamonitoring.ge/mms/includes/video/video.php?id=5827698
რუსთავი 2 - კურიერი 18:00- http://www.mediamonitoring.ge/mms/includes/video/video.php?id=5827596
ტვ პირველი - დღის ამბები 17:00-
http://www.mediamonitoring.ge/mms/includes/video/video.php?id=5827407
იმედი - ქრონიკა 17:00- http://www.mediamonitoring.ge/mms/includes/video/video.php?id=5827391
პალიტრა ტვ - პალიტრა ნიუს 16:00-
http://www.mediamonitoring.ge/mms/includes/video/video.php?id=5827131
ტელეკომპანია აჭარა - მთავარი 15:00-
http://www.mediamonitoring.ge/mms/includes/video/video.php?id=5827014
რუსთავი 2 - კურიერი 15:00- http://www.mediamonitoring.ge/mms/includes/video/video.php?id=5826988
I არხი - მოამბე 15:00- http://www.mediamonitoring.ge/mms/includes/video/video.php?id=5826983
იმედი - ქრონიკა 14:00- http://www.mediamonitoring.ge/mms/includes/video/video.php?id=5826795
ტვ პირველი - დღის ამბები 13:00-
http://www.mediamonitoring.ge/mms/includes/video/video.php?id=5826600
---
23.01.2019
არხი: მაესტრო
გადაცემა: ახალი ამბები 15:00
4 წლის გარდაცვლილი ბავშვის დედა ამ დროისთვის არის დაკავებული და ბრალს დღის მეორე ნახევარში წარუდგენენ. დღეს სოციალური მომსახურების სააგენტომ, ოჯახს კიდევ ორი მცირეწლოვანი ბავშვი ჩამოართვეს. ამ თემაზე სასაუბროდ, გადაცემის სტუმარია იუნისეფის სოციაური კეთილდღეობის პროგრამის ხელმძღვანელი ქეთი მელიქაძე.
http://www.mediamonitoring.ge/mms/includes/video/video.php?id=5827060
---
23.01.2019
არხი: იმედი
გადაცემა: იმედის დღე
თბილისში ერთ-ერთ კორპუსში 4 წლის გოგონა გარდაცვლილი ნახეს. გამოძიება გუშინვე დაიწყო და მიმდინარეობს. ითქვა, რომ შესაძლოა მიზეზი ყოფილიყო მშობლის მხრიდან ძალადობა და როგორც მოწმეების ნაწილი აცხადებდა, ბავშვი ხშირად იყო ოჯახში ძალადობის მსხვერპლი. თემაზე სასაუბროდ გადაცემის სტუმარია იუნისეფის სოციაური კეთილდღეობის პროგრამის ხელმძღვანელი ქეთი მელიქაძე.
http://www.mediamonitoring.ge/mms/includes/video/video.php?id=5826580
---
23.01.2019
არხი: მაესტრო
გადაცემა: დღის მთავარი თემა 21:00
აჭარაში 48 წლის ქალი H1N1 ვირუსით გარდაცივლა. ის სამედიცინო დაწესებულებასი რეანიმაცუილ განყოფილებაში 12 იანვრიდან იყო მოთავსებული. სავარაუდოდ გრიპის ვირუსით 33 წლის საქართველო მოქალაქე გარდაიცვლა ტრაპიზონის კლინიკაში. თავდაპირველად მამაკაცი მაღალი სიცხით ბათუმის ინფექციურ საავადმყოფოში შეიყვანეს შემდეგ კი რეფერალურში გართულებული მდგომარეობით. აჭარაში სულ 6 ადამიანი გარდაიცვალა გრიპის ვირუსით.
http://www.mediamonitoring.ge/mms/includes/video/video.php?id=5828175
ტელეკომპანია აჭარა - მთავარი 21:00-
http://www.mediamonitoring.ge/mms/includes/video/video.php?id=5828050
I არხი -მოამბე 21:00-http://www.mediamonitoring.ge/mms/includes/video/video.php?id=5828243
რუსთავი 2 - კურიერი 15:00- http://www.mediamonitoring.ge/mms/includes/video/video.php?id=5827202
---
23.01.2019
არხი: ტელეკომპანია აჭარა
გადაცემა: მთავარი 18:00
ე.წ. ღორის გრიპისგან განსხვავებით, მზარდია დინამიკა წითელას შემთხვევაში. რეგიონის საზოგადოებრივი ჯანდაცვის ცენტრის ინფორმაციით, ამ ეტაპზე ინფექციით, დაავადებულთა 9 შემთხვევა ფიქსირდება, თუმცა აქედან მხოლოდ ერთია ლაბორატორიულად დადასტურებული. ამ დორისთვის სტაციონალურ მკურნალობას ინფექიურ საავადმყოფოში ერთი პაციენტი, 30 წლის კაცი გადის, სწორედ, ეს ასაკია რისკ ჯგუფი. სპეციალისტები 20 დან 45 წლამდე მოქალაქეებს, აცრების გარდა გრიპის საწინააღმდეგო ვაქცინაციის ჩატარებიკენ მოუწოდებენ. წელს წითელას ვაქცინა 600 ზე მეტ მოქალაქეს გაუკეთდა. ინფექციის საწინააღმდეგო ნებაყოფლობითი ვაქცინაცია პენიტენციურ დაწესებულებებშიც დაიწყო. ინფორმაციას სპეციალური პენიტენციური სამსახური ავრცელებს.
http://www.mediamonitoring.ge/mms/includes/video/video.php?id=5827948
---
23.01.2019
არხი: რუსთავი 2
გადაცემა: კურიერი 21:00
ორსულებისთვის 3 თვემდე ბავშვის სქესის გამხელა უახლოეს პერიოდში აიკრძალება. ჯანდაცვის სამინისტროში რეგულაციების გამკაცრების საკითხი დღის წესრიგში სელექციური აბორტების შესამცირებლად დადგა. ჯერ უცნობია, რა სანქცია დაეკისრება ექიმს, რომელიც სქესს გაამჟღავნებს. სელექციური აბორტების რიცხვით ლიდერობს კახეთი. აქ დედები ბავშვის გაჩენაზე უარს იმის გამო ამბობენ, რომ გოგოს ელოდებიან. ექიმები ვარაუდობენ, რომ ახალი რეგულაცია აბორტების რიცხვს შეამცირებს. მანამდე მედიკოსები თვითრეგულირების გზას მიმართავდნენ და ხშირად პაციენტს არ ეუბნებოდნენ სქესს.
http://www.mediamonitoring.ge/mms/includes/video/video.php?id=5828153
---
23.01.2019
არხი: I არხი
გადაცემა: ნაშუადღევს
მთავრობის განკარგულებაა, რომ ინფორმაციის მიწოდებიდან 2 თვის ვადაში ბენეფიციარების მხრიდან აცრის დამადასტურებელი დოკუმენტის წარუდგენლობის შემთხვევაში განიხილება სტატუსის შეჩრების საკითხი, ბაღის , სკოლისა და უმაღლესი სასწავლებლების სტუდენტებისათვის. თემასთან დაკავშირებით საუბრობს ჯანდაცვის პროგრამების ხელმძღვანელი ეკა ადამია.
http://www.mediamonitoring.ge/mms/includes/video/video.php?id=5826696
---
23.01.2019
არხი: პალიტრა ტვ
გადაცემა: პალიტრა ნიუს 12:00
ჯანდაცვის სამინისტროს შრომის ინსპექციის დეპარტამენტის ინფორმაციით, მძიმე მავნე და საშიშპირობებიან სამუშაოთა ნუსხაში ამ დრომდე 73 ათასზე მეტი კომპანია დარეგისტრირდა
http://www.mediamonitoring.ge/mms/includes/video/video.php?id=5826567
---
23.01.2019
არხი: მაესტრო
გადაცემა: დღის მთავარი თემა 20:00
ჰუმანიტარული კრიზისი- პირველმა ოკურპირებულ რეგიონებში შექმნილ ვითარებას ასე სახელმწიფო მინისტრმა ქეთევან ციხელაშვილმა უწოდა. მეცამეტე დღეა ეგრედწოდებული საზღვრები ჩაკეტილია, მოქალაქეებს ხელი არ მიუწვდებათ სასიცოცხლო მნიშვნელობის პროდუქტებზე.
http://www.mediamonitoring.ge/mms/includes/video/video.php?id=5828019
---
23.01.2019
არხი: I არხი
გადაცემა: მოამბე 21:00
ქართულ ბაზარზე უხარისხო სათამაშოების რეალიზაცია აიკრძალება. სფეროს, რომელიც კანონით საერთოდ არ რეგულირდება, მომავალი წლიდან მკაცრი რეგულაციებით გააკონტროლებენ. კერძოდ, შემოწმდება საქართველოში გასაყიდად შემოტანილი სათამაშო პროდუქციის ხარისხის დამადასტურებელი დოკუმენტაცია. კონტროლის გამკაცრების ერთ-ერთი მთავარი მიზეზი ჯანმრთელობასთან დაკავშირებული ის საფრთხეებია, რომლებსაც სწორედ უხარისხო სათამაშოების გამოყენება ქმნის. ექიმები პირველ რიგში ბავშვების ორგანიზმში ტყვის შემცველობის მაღალ მაჩვენებელზე მიუთითებენ და ერთ-ერთ წყაროდ სწორედ დაბალი ხარისხის სათამაშოებს მიიჩნევენ.
http://www.mediamonitoring.ge/mms/includes/video/video.php?id=5828239
---
ინტერნეტი
24.01.2019
ჯანდაცვის მინისტრის მოადგილე - ანტივირუსული ვაქცინის 3000 დოზა, რომელიც სახელმწიფომ დამატებით შეიძინა, ორსულებისთვის იქნება განკუთვნილი
ანტივირუსული ვაქცინის 3000 დოზა, რომელიც სახელმწიფომ დამატებით შეიძინა, მხოლოდ ორსულებისთვის იქნება განკუთვნილი, - ამის შესახებ დევნილთა, შრომის, ჯანმრთელობისა და სოციალური დაცვის მინისტრის მოადგილემ მაია ლაგვილავამ გრიპის თემაზე მომუშავე საკოორდინაციო საბჭოს შეხვედრის შემდეგ განაცხადა. მისი თქმით, აღნიშნული დოზები თბილისის მასშტაბით 8 პირველადი ჯანდაცვის დაწესებულებაში გადანაწილდება, ხოლო რეგიონების მასშტაბით იმუნიზაციის სერვისის მიმწოდებელ ცენტრებში. თბილისში ორსულებს აცრის საშულება დღეიდან მიეცემათ, ხოლო რეგიონებში ხვალიდან. „დღეს ჯანდაცვის სამინისტროში შექმნილმა გრიპის საკოორდინაციო საბჭომ მიიღო გადაწყვეტილება, რომ 3000 დოზა ვაქცინა, რომელიც სახელმწიფომ შეიძინა, უპირველესყოვლისა, გამოყენებული იქნეს ორსულებისთვის, რადგან მათში ყველაზე მაღალია რისკი და გრიპის შედეგად გამოწვეული დაზიანებები უფრო მაღალია”,- აღნიშნა მან. ამასთან, მაია ლაგვილავას თქმით, კერძო სექტორმა დამატებით 4000 დოზა ვაქცინა შეიძინა, რომელიც მოქალაქეებისთვის ასევე უფასო იქნება. „აღნიშნული ვაქცინა უფასოდ და უსასყიდლოდ გადაეცემათ პირველადი ჯანდაცვის დაწესებულებებს - “ევექსის” კლინიკებს. აქედან მოხდება ვაქცინის ადმინისტრირება უპირველესად, ორსულებისთვის, ხოლო შემდეგში, იმის მიხედვით, თუ როგორი იქნება მათი მიმართვიანობა, შესაძლებელია, მოსარგებლეების რაოდენობა გავაფართოოთ”, - აღნიშნა მან. მაია ლაგვილავას თქმით, ჯანდაცვის უწყებამ შეუკვეთა დამატებითი 5000 დოზა ვაქცინა, რომელიც საქართველოში ჯერ არ ჩამოუტანიათ.
---
24.01.2019
მედიასაშუალება: https://1tv.ge/news/amiran-gamyrelidze-gripis-virusis-meore-talghistvis-qveyana-mzad-aris/
ამირან გამყრელიძე - გრიპის ვირუსის მეორე ტალღისთვის ქვეყანა მზად არის
საქართველოს დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს, რომ გრიპის ვირუსის მეორე ტალღისთვის ქვეყანა მზად არის. მისივე განცხადებით, ქვეყანაში „ტამიფლუს“ საკმარისი მარაგია, რომ ამბულატორიულ სექტორში დროულ ეტაპზე დაიწყოს ანტივირუსული მკურნალობა. როგორც ამირან გამყრელიძემ განაცხადა, გრიპის საწინააღმდეგო ვაქცინაცია გასულ წელს 41 ათასმა ადამიანმა გაიკეთა. „ევროპაში გრიპის სეზონი მე-40 კვირას იწყება და მომავალი წლის მე-20 კვირამდე გრძელდება. ჩვენ გრიპზე დაკვირვების მრავალწლიანი მაჩვენებელი გვაქვს. შეიძლება, იყოს ერთი, ორი ან მეტი ტალღა. არ არის აუცილებელი, მეორე ტალღა თებერვალში იყოს, მაგრამ ქვეყანა მზად უნდა იყოს. ჯანდაცვის სისტემა მზადყოფნაშია. თუ თებერვალში გრიპის ვირუსის მატება იყო, ამისთვის ჯანდაცვის სისტემა შესაბამის ზომებს მიიღებს. რაც შეეხება „ტამიფლუს“, მისი გაცემა სეზონის ბოლომდე რეცეპტის ან ფორმა 100-ის საფუძველზე უფასოდ გრძელდება“, – აღნიშნა გამყრელიძემ. ამასთან, როგორც საქართველოს დაავადებათა კონტროლის ეროვნული ცენტრის ხელმძღვანელმა განაცხადა, 2013 წლის შემდეგ ხელისუფლება მოსახლეობას დიდი რაოდენობით გრიპის საწინააღმდეგო ვაქცინას სთავაზობს. „ოპოზიცია ხელისუფლებაში ყოფნის დროს, მოსახლეობას გრიპზე საერთოდ არ ცრიდა. 2013 წლის შემდეგ კი, დღევანდელი ხელისუფლება მოსახლეობას დიდი რაოდენობით გრიპის საწინააღმდეგო ვაქცინას სთავაზობს. გრიპის საწინააღმდეგო ვაქცინაციის 85 პროცენტი ძირითადად მთელ მსოფლიოში, გრიპის დაწყებამდე ტარდება, ასე მოხდა საქართველოშიც. გასულ წელს, სექტემბერში, ოქტომბერსა და ნოემბერში 41 000 ადამიანი აიცრა, გაორმაგდა აცრა 2017-2018 სეზონთან მიმართებაში. გასაგებია, რომ ეს არ არის საკმარისი, კიდევ მეტია საჭირო. გუშინ ქვეყანაში ვაქცინის გარკვეული რაოდენობა შემოვიდა და დამატებით კიდევ შემოვა, რომელიც ყველაზე უფრო მაღალ რისკჯგუფს მოხმარდება. ჯანდაცვის მსოფლიო ორგანიზაციის რეკომენდაციებით, ყველაზე უფრო მომატებული რისკჯგუფი ორსული ქალბატონები არიან. დღევანდელ თათბირზე, გრიპის საკოორდინაციო საბჭოს სხდომაზეც გადაწყდა, რომ სახელმწიფოს მიერ შემოტანილი ვაქცინა ძირითადად ორსულებს მოხმარდეთ. კერძო სექტორიც დათანხმდა და ამ სეზონზე პირველ რიგში, ორსულებს აცრიან, ხოლო შემდგომ სხვა რისკჯგუფებს“, – განაცხადა გამყრელიძემ.
---
24.01.2019
მედიასაშუალება: https://1tv.ge/news/orsulebistvis-dgheidan-gripis-sawinaaghmdego-acrebi-iwyeba/
ორსულებისთვის დღეიდან გრიპის საწინააღმდეგო აცრები იწყება
ორსულებისთვის დღეიდან თბილისსა და დიდ ქალაქებში გრიპის საწინააღმდეგო აცრები იწყება, – ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო საბჭოს თავმჯდომარე პაატა იმნაძემ განაცხადა. მისი თქმით, ხვალიდან ვაქცინა რეგიონებშიც განაწილდება. გრიპზე აცრა ორსულებისთვის უფასოა. „ორსულებისთვის ვაქცინა უკვე შემოტანილია. დღეიდან თბილისსა და დიდ ქალაქებში ყველგან არის, ხვალ კი, ყველა რაიონულ ცენტრში იქნება განაწილებული. ორსულის გრიპზე აცრა სასურველი და რეკომენდებულია, წითელაზე ორსულის აცრა კი, არ შეიძლება“, – განაცხადა იმნაძემ. რაც შეეხება წითელას ვირუსს, მისი ინფორმაციით, დღეისთვის ქვეყანაში რეგისტრირებულია წითელას 580 შემთხვევა. „ყველაზე მეტი შემთხვევა არის თბილისში, სამეგრელოში, იმერეთში, კახეთში. აცრების კამპანია აქტიურად დაიწყო და არასრული მონაცემებით ბოლო სამი დღის განმავლობაში 12 000-მდე ადამიანი აიცრა. ამ მხრივ, ფართომასშტაბიანი ეპიდაფეთქება გვაქვს“, – განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო საბჭოს თავმჯდომარემ. პაატა იმნაძე მოსახლეობას სიფრთხილისკენ მოუწოდებს და ამბობს, რომ გრიპის ვირუსი მკვეთრად არის შემცირებული, თუმცა რისკი არსებობს.
---
24.01.2019
მედიასაშუალება: https://1tv.ge/news/ekaterine-adamia-saqartveloshi-witelas-430-shemtkhvevaa-gansakutrebit-maghali-machvenebelia-20-40-wlis-asakis-adamianebshi/
საქართველოში წითელას 430 შემთხვევაა, განსაკუთრებით მაღალი მაჩვენებელია 20-დან 40 წლამდე ასაკის ადამიანებში
საქართველოში 21 იანვრის მონაცემით, წითელას 430 შემთხვევაა, განსაკუთრებით მაღალი მაჩვენებელია 20-დან 40 წლამდე ასაკის ადამიანებში, – ამის შესახებ ჯანდაცვის დეპარტამენტის საზოგადოებრივი ჯანმრთელობის დაცვისა და პროგრამების სამმართველოს უფროსმა, ეკატერინე ადამიამ აღნიშნა. როგორც ეკატერინე ადამია აცხადებს, წითელა ადვილად გადამდები დაავადებაა და სწრაფი გავრცელებით ხასიათდება. „წითელას მასიური გავრცელების თავიდან აცილების მიზნით, საქართველოს მთავრობა 18 იანვარს გამოსცა განკარგულება, რომლის მიხედვითაც მთავრობის სხვადახვა უწყებებს აქვთ გარკვეული ვალდებულებები. 0-19 წლამდე პირებისთვის წითელას საწინააღმდეგო ვაქცინის ჩატარება სავალდებულო ხდება. თუ ბაღებში, სკოლებსა და უმაღლეს დაწესებულებებში მყოფი პირები არ ჩაიტარებენ აცრას და ვერ შეძლებენ შესაბამისი დოკუმენტის წარდგენას, დაწესებულების ხელმძღვანელს უფლება ექნება, განიხილოს სტატუსის შეჩერების საკითხი. ამ თემაზე დამატებითი დეტალების დასაზუსტებლად განათლების სამინისტროსთან დაგეგმილია შეხვედრა. დაწესებულებამ ჯერ უნდა მოითხოვოს დოკუმენტი, ორი თვის შემდეგ კი უფლება ექნება გადახედოს სტატუსს“, – განაცხადა ეკატერინე ადამიამ.
---
24.01.2019
მედიასაშუალება: https://www.interpressnews.ge/ka/article/529781-amiran-gamqrelize-opoziciaze-roca-isini-poziciashi-iqvnen-gripze-adamianebs-saertod-ar-cridnen
ამირან გამყრელიძე ოპოზიციაზე - როცა ისინი პოზიციაში იყვნენ, გრიპზე ადამიანებს საერთოდ არ ცრიდნენ
ოპოზიციას ასე ვუპასუხებ - როცა ისინი პოზიციაში იყვნენ, გრიპზე ადამიანებს საერთოდ არ ცრიდნენ, - ასე უპასუხა დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ გრიპის ვირუსთან დაკავშირებით ოპოზიციის კრიტიკას. მისი თქმით, წინა ხელისუფლებისგან განსხვავებით, დღევანდელმა ხელისუფლებამ 2013 წლის შემდეგ “სერიოზულად გაზარდა გრიპის საწინააღმდეგო ვაქცინის მოსახლეობისადმი შეთავაზება”. “მოგეხსენებათ, რომ გრიპის საწინააღმდეგო ვაქცინაციის 85% ძირითადად, სეზონის წინ ტარდება. ასე მოხდა საქართველოშიც, გასულ წელს, სექტემბერ-ოქტომბერ-ნოემბერში 41 000 ადამიანი აიცრა. მათი რაოდენობა წინა სეზონებთან შედარებით გაორმაგდა. გასაგებია, რომ ეს საკმარისი არ არის, მაგრამ გუშინ ქვეყანაში შემოვიდა ვაქცინის გარკვეული რაოდენობა და კიდევ არის შეკვეთილი, რომელიც ყველაზე მაღალ რისკ-ჯგუფს - ორსულებს მოხმარდება”, -აღნიშნა მან. ამირან გამყრელიძის განცხადებით, ჯანდაცვის სისტემა გრიპის ვირუსის მეორე ტალღისთვის მზად არის. „გრიპის სეზონი ევროპაში იწყება მე-40 კვირას და გრძელდება მომავალი წლის მე-20 კვირამდე. შეიძლება, იყოს ერთი, ორი ან მეტი ტალღა. ჩვენ გრიპზე დაკვირვების მრავალწლიანი ტალღა გვაქვს. არ არის აუცილებელი, რომ თებერვალში იყოს მეორე ტალღა, მაგრამ ქვეყანა და მოსახლეობა უნდა იყოს მზად და ფხიზლად. ჯანდაცვის სისტემა ამისთვის მზადყოფნაშია. თუ თებერვალში გრიპის ვირუსის მატება იქნება, ამისთვის ჯანდაცვის სისტემა შესაბამის ზომებს მიიღებს”,- აღნიშნა მან. ამირან გამყრელიძის განცხადებით, ქვეყანაში არის „ტამიფლუს“ საკმარისი მარაგი, რომ ამბულატორიულ სექტორში დროულ ეტაპზე დაიწყოს ანტივირუსული მკურნალობა და ქვეყანა ამისთვის მზადაა. მისი გაცემა სეზონის ბოლომდე რეცეპტის ან ფორმა 100-ის საფუძველზე უფასოდ გრძელდება”,- აღნიშნა ამირან გამყრელიძემ.
---
24.01.2019
წითელას ეპიდემიის ფართომასშტაბიანი აფეთქების ზღვარზე ვიმყოფებით – პაატა იმნაძე
დაავადებათა კონტროლისა და საზოგადოებრივი ჯანმრთელობის ეროვნული ცენტრის სამეცნიერო ხელმძღვანელი პაატა იმნაძე აცხადებს, რომ ქვეყანაში იმატა წითელას გავრცელების შემთხვევებმა. ამ დროისთვის, კლინიკურად დადასტურებული 580 შემთხვევა არსებობს. ყველაზე მეტია თბილისში, სამეგრელოსა და კახეთის რეგიონშია. როგორც პაატა იმნაძემ “მედიაცენტრ მთავარში” გამართულ პრესკონფერენციაზე განაცხადა, დაიწყო აცრების აქტიური კამპანია, ბოლო 3 დღეში 12 000-მდე მოქალაქე აიცრა. იმნაძე, 20-დან 40 წლამდე ახალგაზრდებს მოუწოდებს, იმ შემთხვევაში თუ დანამდვილებით არ ახსოვთ წითელას ვირუსზე აცრილები არიან თუ არა, ჩაიტარონ დამატებითი აცრა. “წითელას ვირუსზე დამატებითი აცრა დასაშვებია, ის ორგანიზმს კიდევ უფრო გააძლიერებს. წელიწადში წითელათი ავადობის 10 შემთხვევა ნორმალური მაჩვენებელია, მაგრამ ამჟამად ეპიდემიის ფართომასშტაბიანი აფეთქების ზღვარზე ვიმყოფებით”, – განაცხადა პაატა იმნაძემ “მედიაცენტრ მთავარში” გამართულ პრესკონფერენციაზე. მისივე ინფორმაციით, შარშან წითელას 2 000 შემთხვევა იყო აჭარაში, რის გამოც ქვეყნის ამ რეგიონში აცრები აქტიურად ჩატარდა. შედეგად წელს, აჭარაში წითელათი ავადობის შემთხვევებმა იკლო. “მაგრამ თუ არ აიცრა მაქსიმალურად მეტი ადამიანი, ვირუსის გავრცელების საშიშროება კვლავ გაიზრდება”, – აცხადებს პაატა იმნაძე.
---
24.01.2019
პაატა იმნაძე - გრიპზე ორსულის აცრა სასურველია, ხოლო ორსულის აცრა წითელაზე არ შეიძლება
ორსულის აცრა გრიპზე ძალიან სასურველია, ხოლო ორსულის აცრა წითელაზე არ შეიძლება, - ამის შესახებ დაავადებათა კონტროლის ცენტრის სამეცნიერო ხელმძღვანელმა პაატა იმნაძემ დღეს გამართულ პრესკონფერენციაზე განაცხადა და აღნიშნა, რომ ქვეყანაში უკვე შემოვიდა გრიპის საწინააღმდეგო აცრა ორსულებისთვის. იმნაძის თქმით, გრიპის ვირუსის შემთხვევები შემცირებულია. „გრიპის ვირუსი, საბედნიეროდ, უკან იხევს. ბოლო სამი კვირაა ქვეყანაში კლების ტენდენცია არის. ეს ჩანს ყველა მიმიმართულებით. თუმცა, გრიპი ჯერ არ გამქრალა. გრიპი იქნება გაზაფხულამდე, ვიდრე კარგად არ დათბება. აქედან გამომდინარე საჭიროა, სიფრთხილე“, - განაცხადა იმნაძემ.
---
24.01.2019
წითელას საწინააღმდეგო აცრის შესახებ სრული დოკუმენტაციის წარუდგენლობის შემთხვევაში, საგანმანათლებლო დაწესებულებებმა, შესაძლოა, სანქციები შემოიღონ
ბაღებში, სკოლებსა და უმაღლეს საგანმანათლებლო დაწესებულებებში წითელას საწინააღმდეგო ვაქცინის ჩატარება სავალდებულო ხდება. როგორც ჟურნალისტებს ჯანდაცვის სამინისტროს ჯანდაცვის სახელმწიფო პროგრამების სამმართველოს უფროსმა ეკატერინე ადამიამ განუცხადა, ასევე, წითელას საწინააღმდეგო ვაქცინის ჩატარება სავალდებულო ხდება 1-დან 19 წლამდე პირებისთვისაც, რომელთაც გეგმური ვაქცინა არასრულად აქვთ გაკეთებული ან საერთოდ არ ჩაუტარებიათ. მისივე თქმით, იმ შემთხვევაში, თუ საგანმანათლებლო დაწესებულების მიერ აცრის სტატუსის მოთხოვნის შემთხვევაში აღმოჩნდება, რომ კონკრეტულ პირებს წითელას ვაქცინა ჩატარებული არ აქვთ, შესაძლოა, მათთვის მოსწავლის ან სტუდენტის სტატუსის შეჩერების საკითხი დადგეს. აღნიშნული საკითხი განათლებისა და ჯანდაცვის უწყებების მიერ ხვალ დაგეგმილ შეხვედრაზე უნდა გადაწყდეს. „21 იანვრის მონაცემებით, საქართველოში დაფიქსირებულია წითელათი დაავადების 430 შემთხვევა. განსაკუთრებით მაღალია ეს მაჩვენებელი 20-40 წლის ასაკობრივ ჯგუფში. წითელა არის ძალიან ადვილად გადამდები დაავადება, შესაბამისად, ის სწრაფი გავრცელებით ხასიათდება. მისი მასობრივად გავრცელების თავიდან აცილების მიზნით, საქართველოს მთავრობამ გამოსცა წითელას პრევენციული ღონისძიებების შესახებ განკარგულება. ამ განკარგულების მიხედვით, საქართველოს მთავრობის სხვადასხვა სტრუქტურას აქვს სხვადასხვა ვალდებულება და პასუხისმგებლობა, რომ არაიმუნურ პირებში ვაქცინაცია მასობრივად ჩატარდეს. ეს განსაკუთრებით ეხება 1-დან 19 წლამდე ასაკის არასრულად ვაქცინირებულ პირებს. 19 წლის ზემოთ 40 წლამდე მოსახლეობა, რომელიც არამყარი იმუნიტეტით გამოირჩევა, ვალდებული იქნება ჩაიტაროს ვაქცინაცია. ეს განკარგულება მკაცრ ღონისძიებებს ითვალისწინებს. იმ შემთხვევაში, თუ აცრის შესახებ დოკუმენტაცია სრულად არ იქნება წარმოდგენილი საგანმანათლებლო დაწესებულებში, სავალდებულოა, გარკვეული სანქციების შემოღებაც. აღნიშნულთან დაკავშირებით, განათლების სამინისტროსთან ერთად დაგეგმილია დამატებითი შეხვედრა, რომელზეც განსახორციელებელ ნაწილებს დეტალურად გავწერთ. მთავრობის განკარგულება ეხება განათლების ყველა საფეხურზე მყოფ პირებს. თუ არასრულად ვაქცინირებული პირი ერთ დამატებით ვაქცინას არ ჩაიტარებს, განათლების სამინისტროსა და მასზე დაქვემდებარებულ სტრუქტურებს აქვთ შესაძლებლობა, რომ სტატუსის შეჩერების საკითხი განიხილონ”,- აღნიშნა მან. რაც შეეხება შემოწმების მექანიზმს, ჯანდაცვის სამინისტროს წარმომადგენლის განმარტებით, ნებისმიერმა საგანმანათლებლო დაწესებულებამ უნდა მოითხოვოს კონკრეტული პირის აცრის სტატუსის შესახებ ინფორმაცია. ეკატერინე ადამიას განცხადებით, წითელას საწინააღმდეგო ვაქცინაციის ჩატარება გარკვეულ საჯარო სამსახურებშიც რეკომენდებულია, თუმცა არა სავალდებულო. “განკარგულების მიხედვით, ყველა საჯარო მოხელეზე საუბარი არ არის, თუმცა შეიარაღებულ ძალებსა და 19 წლის ზემოთ ასაკის ნებისმიერ პირზეა საუბარი. აღნიშნულ პირებში აცრის ჩატარება რეკომენდებულია და არა სავალდებულო”,- აღნიშნა მან.
---
24.01.2019
დასაქმების აღრიცხვის მეთოდოლოგია იცვლება - თვითდასაქმებულთა დიდი ნაწილი დასაქმებულებად აღარ ჩაითვლება
---
23.01.2019
მედიასაშუალება: http://netgazeti.ge/news/335363/
სოც. სააგენტოს განმარტება 4 წლის გარდაცვლილი ბავშვის საქმეზე
სოციალური მომსახურების სააგენტო სანზონაში 4 წლის ბავშვის გარდაცვალებასთან დაკავშირებით პირველ კომენტარს აკეთებს. მეურვეობა – მზრუნველობისა და სოციალური პროგრამების დეპარტამენტის უფროსის, მარი წერეთლის თქმით, ბავშვი და მისი მშობელი მონიტორინგის ქვეშ იმყოფებოდნენ. მანამდე შსს-მ გაავრცელა ინფორმაცია, რომ ბავშვის დედაზე 6 იანვარს შემაკავებელი ორდერი მეზობლების შეტყობინების საფუძველზე გამოწერეს. ამ უკანასკნელზე სოცსააგენტოში კომენტარს არ აკეთებენ და განმარტავენ მხოლოდ იმას , რომ შიდა აუდიტი საკითხს სწავლობს. მარი წერეთელმა ჟურნალისტებთან განმარტა, რომ სოცსააგენტოსთვის ბავშვის შესახებ, ფაქტობირვად, დაბადებიდან გახდა ცნობილი. მისი თქმით, დაბადების შემდგომ ბავშვის ბიოლოგიურმა დედამ სოციალურ სამსახურს სთხოვა ბავშვის დროებით სახელმწიფო ზრუნვაში განთავსება, მიზეზად კი მძიმე სოციალურ-ეკონომიკური მდგომარეობა დაასახელა. “.. რაზეც შესაბამისი რეაგირება მოხდა და ბავშვი მინდობით აღზრდაში გადაიყვანეს. მინდობითი აღზრდა, ეს გახლავთ ალტერნატიული ზრუნვის ფორმა, სადაც მსგავსი და სხვა შემთხვევბის დროს ბავშვების ოჯახიდნ განცალკევება ხდება. რასაკვირიველია, ქვეყნისათვის და ჩვენთვის პრიორიტიეტი არის ბიოლოგიური ოჯახი – თუ სხვა რამ, ბავშვის ინტერესებისთვის უფრო უკეთესი არ არსებობს. შესაბამისად, სამწელიწადნახევრის განმავლობაში, როდესაც ბავშვი იმყოფებოდა მინდობით აღზრდაში, ბავშვის განვითარებაზე და მის ურთიერთობაზე ოჯახთან მუდმივი მეთვალყურეობა ხორციელდებოდა. ამ დროის განმავლობაში, ბავშვის ბიოლოგიური დედა სისტემატურად, თვეში რამდენჯერმე ნახულობდა ბავშვს და ჩართული იყო მის განვითარებაში,” – ამბობს მარი წერეთელი. როგორც წერეთელი განმარტავს, იმისთვის, რომ ბავშვი ზრუნვიდან სამომავლოდ გაიყვანონ, ამა თუ იმ პირის მნახველ და გამყვან პირად დარეგისტრირება უნდა მოხდეს. რეგისტრაციის წინ კი ხდება ამ ოჯახისა და ადამიანის ბიოფსიქოსოციალური შეფასება, რის შემდეგაც მას ენიჭება უფლება, ერთი მხრივ იყოს მნახველი, ხოლო, მეორე მხრივ, ბავშვი შემდგომ გაიყვანოს. “მსგავსი შეფასება მოხდა ამ შემთხვევაშიც. მე მინდა აღვნიშნო, რომ სამწელიწადნახევრის განმავლობაში სოციალურ სამსახურს არ დაუფიქსირებია ოჯახში ძალადობრივი დამოკიდებულების ნიშნები როგორც ამ ბავშვის, ასევე ამ ოჯახში მცხოვრები სხვა არასრულწლოვნების მიმართ. დედა დარეგისტრირდა მნახველ და გამყვან პირად იმ გეგმით, რომ სამომავლოდ აქტიური მონიტორინგის განამვლობაში უნდა დაწყებულიყო ბავშვის ოჯახში სამომავლო რეინტეგრაციაზე მუშაობა,” – ამბობს მარი წერეთელი. მისი თქმით, ამ დროისთვის ჯანდაცვის სამინისტროს შიდა აუდიტი საკითხს სწავლობს. რაც შეეხება 6 იანვრის შეტყობინებას, 6 იანვრამდე, მაშინ როდესაც დედის ვიზიტები ხდებოდა, ძალადობაზე შეტყობინება არ შესულა. რაც შეეხება ბავშვის ზრუნვიდან ბიოლოგიურ ოჯახში დაბრუნების გადაწყვეტილებას, მარი წერეთელი ამბობს, რომ ოჯახის ეკონომიკური მდგომარეობა გაუმჯობესდა, ხოლო დედას ბავშვის ზრუნვიდან რამდენიმე დღით გაყვანის უფლებაც კი ეძლეოდა. კითხვაზე, იცოდა თუ არა სოცსააგენტომ, რომ შსს-მ შემაკავებელი ორდერი გამოწერა, მარი წერეთელი პასუხობს, რომ ამ დროისთვის, მიმდინარეობს შიდა მოკვლევა და სხვა დეტალებზე კომენტარს ვერ გააკეთებს. “ოჯახი თანამშრომლობდა სოციალურ სამსახურთან. მათ ჰქონდათ წინსვლა. ზოგადად, სოციალური დაუცველობა არ ნიშნავს, რომ ბიოლოგიური ოჯახებიდან ბავშვები უნდა გიაყვანონ, პირიქით, ოჯახები უნდა გავაძლიეროთ. ამ კონკრეტული ოჯახის ბავშვების ჰიგიენური ნორმები ყოველთვის დაცული იყო, სხვა პირობებზე მსჯელობა კი ძალიან სადავო თემაა, მაშინ როდესაც მშობლებისა და შვილების მიჯაჭვულობაზეა საუბარი. ოჯახის გაუმჯობესება იყო, მზაობა იყო ოჯახის მხრიდან. ოჯახი აქტიურად იყო ჩართული ამ პროცესში, გადამისამართებული იყო სხვადასხვა სერვისში, ოჯახში მცხოვრები მამაკაცი იყო დასაქმებული, მას ჰქონდა საქმიანობა.. ბავშვის დაბრუნება მისი ჭეშმარიტი ინტერესი იყო. დედასაც ჰქონდა დიდი მიჯაჭვულობა, იყო მზრუნველი, მოდიოდა აქტიურად. ამ ბავშვის ინტერესი იყო, რომ გაზრდილიყო ბიოლოგიურ ოჯახთან. თუმცა კი, ბოლო შემთხვევასთან დაკავშირებით მიმდინარეობს მოკვლევა,” – განმარტავს მარი წერეთელი. მარი წერეთელი ასევე ამბობს, რომ ოჯახში მცხოვრები სხვა ბავშვები ამ დროისთვის მინდობით აღზრდაში არიან გადაყვანილნი. რაც შეეხება გარდაცვლილი ბავშვის ჯანმრთელობის მდგომარეობას, უწყებაში ამბობენ, რომ ის დაბადებიდან იმყოფებოდა ყველა საჭირო სამედიცინო დაწერესბულებაში შესაბამის აღრიცხვაზე, მას აქვს ფორმა 100-ები და განსაკუთრებული ავადობა არ აღენიშნებოდა.
კვირა.ჯი- http://kvira.ge/444674
აიპრეს.ჯი- https://ipress.ge/new/tseretheli-gardatsvlil-4-tslis-gogonas-gansakuthrebuli-avadoba-ar-hqonda/
---
23.01.2019
მედიასაშუალება: http://liberali.ge/news/view/42643/4-tslis-bavshvis-gardatsvalebashi-chveni-tanamshromlebis-pasukhismgeblobas-vikvlevt--auditi
4 წლის ბავშვის გარდაცვალებაში ჩვენი თანამშრომლების პასუხისმგებლობას ვიკვლევთ - აუდიტი
გარდაცვლილი 4 წლის ბავშვის საქმეზე ჯანდაცვის სამინისტროს შიდა აუდიტის სამსახურის უფროსმა, კახაბერ ძიმისტარიშვილმა ბრიფინგზე ისაუბრა. მისი თქმით, მიმდინარეობს შიდა მოკვლევა და წინასწარი კომენტარისგან თავს შეიკავებს. „ამ საკითხზე მუშაობა გუშინ დაიწყო, ახლაც მიმდინარეობს. ჩვენ ვადგენთ გარდაცვალების მიზეზებს და ჩვენი თანამშრომლების პასუხისმგებლობის საკითხს", - განაცხადა კახაბერ ძიმისტარიშვილმა. თბილისში 4 წლის გოგონას დაღუპვის ფაქტზე ბავშვის დედა დააკავეს. როგორც შსს-ს მიერ გავრცელებული განცხადებიდან გახდა ცნობილი, დედას შემაკავებელი ორდერი ჰქონდა გამოწერილი. არასრულწლოვნის დედა სისხლის სამართლის კოდექსის 381-ე პრიმა მუხლით დააკავეს, რაც შემაკავებელი ან დამცავი ორდერით გათვალისწინებული მოთხოვნებისა და ვალდებულებების შეუსრულებლობას გულისხმობს.
ექსპრესნიუს.ჯი- http://expressnews.com.ge/?id=77789
---
23.01.2019
მედიასაშუალება: https://www.ambebi.ge/article/231084-gvqavs-jandacvis-ministri-romelsac-ar-ainteresebs-da-ar-esmis-bavshvze-zrunva-ana-abashize/
"გვყავს ჯანდაცვის მინისტრი, რომელსაც არ აინტერესებს და არ ესმის ბავშვზე ზრუნვა" - ანა აბაშიძე
"ჩვენ გვყავს ჯანდაცვის მინისტრი, რომელსაც აბსოლუტურად არ აინტერესებს და არც ესმის ბავშვზე ზრუნვის კომპონენტი" - ამის შესახებ „პარტნიორობა ადამიანის უფლებებისთვის“ ხელმძღვანელმა ანა აბაშიძემ „პალიტრანიუსის“ გადაცემა „ნიუსრუმის“ ეთერში სანზონაში 4 წლის გოგონას გარდაცვალების საკითხზე საუბრისას განაცხადა. მისივე თქმით, ბავშვზე ზრუნვის ფუნქცია სახელმწიფოს ამ წუთას შეჩერებული აქვს. "მომხდარი უბედურება ძალიან ნათლად აჩვენებს იმ პრობლემებს, რომელიც სისტემაში არის. ეს პრობლემები ჯანდაცვის მინისტრიდან იწყება. წლების მანძილზე ჩვენ გვყავს ჯანდაცვის მინისტრი, რომელსაც პირდაპირ ვიტყვი, მორიდებისა და პოლიტკორექტულობის დაცვის გარეშე - აბსოლუტურად არ აინტერესებს და არც ესმის ბავშვზე ზრუნვის ნაწილი. მე არ ვიცი, ჯანდაცვის რეფორმების შეფასება ჩემი პროფესია არ არის, მაგრამ ჯანდაცვის სამინისტრო არ არის მხოლოდ ჯანმრთელობის საკითხების სამინისტრო. მას ეხება სოციალური საკითხებიც, ბავშვზე ზრუნვის საკითხებიც, რომელიც არავის აინტერესებს. მივიღეთ ლოგიკური შედეგი - ირღვევა მთელი სისტემა, რაც კი არსებობდა მანამდე. დღეს არც სოციალური სამსახური გვყავს და რეალურად ბავშვზე ზრუნვის ფუნქცია სახელმწიფოს ამ წუთას შეჩერებული აქვს. ამას ადასტურებს სტრასბურგის სასამართლოს გადაწყვეტილებებიც. პირდაპირ წერენ, რომ სოციალური მომსახურების სააგენტო ხშირ შემთხვევაში ბავშვის ჭეშმარიტი ინტერესის საწინააღმდეგოდ მოქმედებს" - აღნიშნა აბაშიძემ. მისივე თქმით, ბავშვზე ზრუნვის სისტემა არის ჩამონგრეული და პრაქტიკულად აღარ არსებობს. „ძალიან მძიმე ამბავია, მაგრამ ყველაზე სამწუხარო არის ის, რომ ეს არ არის პირველი შემთხვევა. ბავშვზე ზრუნვის სისტემა არის ჩამონგრეული, ის პრაქტიკულად აღარ არსებობს. ბევრი წელია, ამ თემაზე ვმუშაობთ და ყოველდღიურად ის სტანდარტიც კი, რაც გვქონდა და მუდმივად კრიტიკის ქვეშ იყო, ხელიდან გვეცლება. ორდერის გამოცემა ნიშნავს იმას, რომ შსს-მ იცოდა, რომ ბავშვზე ძალადობდნენ. სამინისტრომ გამოსცა ორდერი, რომელიც არ არის გაუქმებული, ძალაშია. შესაბამისად, ძალადობა ბავშვზე სახეზეა. ჩემი პირველი შეკითხვა არის ასეთი - როდესაც ორდერი გამოიცემა არასრულწლოვანის საქმეზე, რატომ არ ხდება სოციალური დაცვის სააგენტოს, როგორც ბავშვზე ზრუნვის ორგანოს, ავტომატურად ინფორმირება? ისინი ავტომატურ რეჟიმში უნდა შედიოდნენ ოჯახში, სწავლობდნენ ამ ყველაფერს. ორდერის გამოცემა პარალელურად, სოცმუშაკთან ერთად უნდა ხდებოდეს. ჯერ არ ვიცით, იყო თუ არა ჩართული ამ ამბავში სოცმუშაკი. თუ ის ჩართული იყო და ოჯახში ეს რისკები ვერ შეაფასა, მაშინ ეს ძალიან ტრაგიკული ამბავია. თუმცა არის შემთხვევები, როდესაც სოცმუშაკი ბავშვის ოჯახიდან გაყვანას ითხოვს, თუმცა სამართალდამცველები მას არ ეხმარებიან. მთლიანობაში არ გვაინტერესებს, ვინ ვის რა მოსთხოვა და ვინ ვისთან არ ითანამშრომლა - ეს იმ ბავშვს აღარ აინტერესებს“, - განაცხადა „პარტნიორობა ადამიანის უფლებებისთვის“ ხელმძღვანელმა. შეგახსენებთ, რომ გუშინ, შსს-მ თბილისში 4 წლის გოგონას გარდაცვალების ფაქტზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს. გამოძიების ფარგლებში დაკავებულია არასრულწლოვნის დედა, სისხლის სამართლის კოდექსის 381-ე პრიმა მუხლით, რაც შემაკავებელი ან დამცავი ორდერით გათვალისწინებული მოთხოვნებისა და ვალდებულებების შეუსრულებლობას გულისხმობს.
---
23.01.2019
მედიასაშუალება: http://ghn.ge/com/news/view/219578
ბავშვზე ძალადობის შემთხვევებში სახელმწიფოს მხრიდან გადადგმული ნაბიჯები ხშირად დაგვიანებულია და უშედეგო - ნინო ლომჯარია
სახალხო დამცველი ეხმიანება 4 წლის ბავშვის გარდაცვალების ფაქტს, რომლის სავარაუდო მიზეზი მის მიმართ ძალადობა გახდა. "ბავშვზე ძალადობა ქვეყნის პრობლემაა და არა ცალკეული ტრაგიკული შემთხვევა. ეს და სხვა არაერთი ფაქტი ნათლად აჩვენებს საქართველოში ბავშვზე ზრუნვის და ძალადობისგან დაცვის სისტემის გაუმართაობას. სახელმწიფო ეფექტურად არ ასრულებს მასზე დაკისრებულ ვალდებულებას – დაიცვას ბავშვები ძალადობის და არასათანადო მოპყრობისგან. სახალხო დამცველი თავის არაერთ ანგარიშსა და რეკომენდაციაში საუბრობს ბავშვის დაცვის სისტემის ხარვეზებსა და მათი გამოსწორების გზებზე, თუმცა ქმედითი ნაბიჯები ამ დრომდე არ გადადგმულა. სახალხო დამცველის აპარატის მიერ ჩატარებული მონიტორინგისა და ინდივიდუალური საქმეების შესწავლის შედეგები ცხადყოფს, რომ ბავშვის მიმართ ძალადობის შემთხვევებში სახელმწიფოს მხრიდან გადადგმული ნაბიჯები ხშირად დაგვიანებულია და უშედეგო. პრობლემურია შემთხვევების დროული გამოვლენა და დაცვის ღონისძიებების გადაუდებელი განხორციელება. დღემდე კრიტიკულად მცირეა სოციალური მუშაკების და ფსიქოლოგების რაოდენობა; შესაბამისად, არასაკმარისია მათი ჩართულობა, კვალიფიციური მხარდაჭერა და ეფექტიანი დაცვის ღონისძიებები, მათ შორის თანამშრომლობა შესაბამის უწყებებს შორის. პასუხისმგებელი პირების მხრიდან, კვლავ სუსტია ბავშვთა დაცვის მიმართვიანობის (რეფერირების) პროცედურების ცოდნა და აღნიშნულის საფუძველზე საკუთარი მოვალეობების გაცნობიერება. ბავშვის მიმართ ოჯახში ძალადობისა და უგულებელყოფის შემთხვევების იდენტიფიცირებისას დროულად და ყველა შემთხვევაში უნდა განხორციელდეს რეფერირება სსიპ სოციალური მომსახურების სააგენტოსთან და ხელი შეეწყოს შემაკავებელი და დამცავი ორდერების გამოყენებას. ასევე აუცილებელია სისტემატური და ეფექტური მონიტორინგი. თავის მხრივ, სსიპ სოციალური მომსახურების სააგენტომ ოჯახში ძალადობისა და უგულებელყოფის მსხვერპლი ბავშვები დროულად უნდა გადაიყვანოს უსაფრთხო გარემოში და უნდა უზრუნველყოს მათთვის შესაბამისი სერვისების შეთავაზება. ამავე დროს, ძალზე მნიშვნელოვანია ყურადღება გამახვილდეს საზოგადოებაში დამკვიდრებულ აღზრდის მცდარ სტერეოტიპებზე, რაც ბავშვის ძალადობის ნებისმიერი ფორმისგან დაცვის მაჩვენებელზე უარყოფითად აისახება. ყველას უნდა ესმოდეს, რომ მათი მოქალაქეობრივი პასუხისმგებლობაა რეაგირება მოახდინონ და მიმართონ შესაბამის უწყებებს ბავშვის მიმართ სავარაუდო ძალადობის შესახებ ინფორმაციის ქონის შემთხვევაში. არ აქვს მნიშვნელობა იქნება ეს ქუჩაში, სანათესაოსა თუ სამეზობლოში. რამდენიმე დღის წინ კიდევ ერთი ბავშვი, მძიმე სოციალური მდგომარეობისა და სავარაუდო უგულებელყოფის გამო „ჯართის“ შეგროვებისას დაიღუპა. მსგავსი შემთხვევები ყველა შესაბამისი უწყების მხრიდან მოითხოვს სიღრმისეულ ანალიზს და არ შეიძლება შეფასდეს უბედურ შემთხვევად, რადგან ამ ტრაგედიას აქვს მიზეზი და მას ბავშვთა სიღარიბე ჰქვია. სახელმწიფო პროგრამები სათანადოდ ვერ უზრუნველყოფს ოჯახის დაცვას სიღარიბისგან და კვლავ პრობლემად რჩება არასრულწლოვნების ბაზისური საჭიროებების დაკმაყოფილებაც კი. განსაკუთრებით პრობლემურია სოციალური პროგრამების დროში ეფექტიანობა და პრევენციული ხასიათი. ამის ერთ-ერთი მაგალითია „კრიზისულ მდგომარეობაში მყოფი ბავშვიანი ოჯახების გადაუდებელი დახმარების ქვეპროგრამა“. მიუხედავად იმისა, რომ ამ პროგრამის მიზანია ოჯახის გადაუდებელი საჭიროებების დროული დაკმაყოფილება, პროგრამაში ჩართვის შესახებ გადაწყვეტილების მიღება ხშირად თვეებისა და, რიგ შემთხვევებში, წლების განმავლობაში ჭიანურდება. სახალხო დამცველი მოუწოდებს საქართველოს მთავრობას, დაუყოვნებლივ გატარდეს ქმედითი ღონისძიებები ბავშვზე ზრუნვის და ძალადობისგან დაცვის არსებული სისტემის რეფორმირების მიმართულებით. სახელმწიფომ უნდა აიღოს პასუხისმგებლობა და შექმნას სოციალური სამსახურის ძლიერი მექანიზმი და ძალადობის შემთხვევებზე რეაგირების ეფექტიანი სისტემა. ამასთან, მნიშვნელოვანია შესწავლილ იქნას მოცემულ შემთხვევაში პასუხისმგებელ პირთა მხრიდან გატარებული ღონისძიებები და გაანალიზდეს, თუ რატომ ვერ მოხერხდა ბავშვის დაცვა ძალადობისგან. სახალხო დამცველის აპარატი თავის მხრივ შეისწავლის მომხდარ შემთხვევაში სახელწიფოს მხრიდან გატარებულ ღონისძიებებს და შეაფასებს მათ ეფექტიანობას", - ნათქვამია სახალხო დამცველის მიერ გავრცელებულ განცხადებაში. შეგახსენებთ, რომ გუშინ, 22 იანვარს, თბილისში, გლდანი-ნაძალადევის რაიონში მდებარე ერთ-ერთ საცხოვრებელ სახლში 4 წლის გოგო გარდაცვლილი იპოვეს. შსს-მ გოგონას გარდაცვალების ფაქტზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს. გამოძიების ფარგლებში დაკავებულია არასრულწლოვნის დედა, სისხლის სამართლის კოდექსის 381-ე პრიმა მუხლით, რაც შემაკავებელი ან დამცავი ორდერით გათვალისწინებული მოთხოვნებისა და ვალდებულებების შეუსრულებლობას გულისხმობს.
კვირა.ჯი- http://kvira.ge/444730
---
23.01.2019
„ჯანმრთელობის პრობლემები არ ჰქონია, სიცოცხლე უყვარდა... შოკში ვართ“ - 4 წლის გარდაცვლილი გოგონას მინდობით აღმზრდელი
ოჯახი, სადაც 4 წლის გარდაცვლილი გოგონა მინდობით იზრდებოდა ამბობს, რომ ბავშვს ჯანმრთელობასთან დაკავშირებით, პრობლემა არ ჰქონია. ისინი არ ეთანხმებიან ვერსიას, რომ გოგონა აგრესიული იყო და ხშირად ტიროდა. “ჩემიდან რომ წავიდა ბავშვი, მე მეტი არაფერი არ ვიცი. სოციალურიდან დამირეკეს და მითხრეს, რომ ბავშვი გარდაიცვალა და დედამ სცემა, ესე მითხრეს. ბავშვს არანაირი პრობლემა რ ჰქონდა, მინდა გითხრათ, იყო ჯანმრთელი, ნორმალურად მიდიოდა ზრდა-განვითარება. წყალში საათობით იჯდა ბავშვი და თამაშობდა. პირს, ხელებს თვითონ იბანდა ბავშვი. რომ შევიყვანდი თვითონ მიუშვერდა და ძალიან უხაროდა, თან თამაშით იბანდა. მე ვერ ვიტყვი, რომ ბავშვი ან გონებრივად იყო ჩამორჩენილი. ეს ჩვენი ოჯახის ძალიან დიდი ტრაგედიაა, იმიტომ, რომ მე ბავშვი სამწლინახევრამდე გავზარდე,“ - ამბობს 4 წლის ნინოს აღმზრდელი. დროებითი აღმზრდელებისთვის გოგონას გარდაცვალება შოკი იყო. „ერთად ვჭამდით, ვასეირნებდი, დავდიოდით ერთად, ისე იცინოდა გულიანად, იმის იოლად ყურება არ შეიძლებოდა. გაოცებული ვარ, რატომ, როგორ, რა მოხდა, არ ვიცი, ვერაფერს ვერ გეტყვით. ნამდვილად არ ველოდი ესეთ ამბავს. ძალიან გულიანი ბავშვი იყო, სიცოცხლე უყვარდა,“ - ამბობს ბავშვის აღმზრდელი მამა.
---
23.01.2019
რა ვიცით 4 წლის გოგონას გარდაცვალების შესახებ და რას ჰყვება თვითმხილველი, რომელმაც ნაცემი ბავშვი საავადმყოფოში ნახა
თბილისში 22 იანვარს გარდაცვლილი 4 წლის გოგონას საქმეში ჯერ კიდევ ბევრი პასუხგაუცემელი კითხვაა. ბავშვის დედას, ლელა ქსოვრელს ბრალს დღეს წაუყენებენ. ქალს გამოძიება ჯერჯერობით, მხოლოდ შემაკავებელი ორდერის დარღვევას ედავება, თუმცა დედას შესაძლოა ბრალი დაუმძიმდეს. გარდაცვლილის მამინაცვალი დედის მხრიდან ბავშვზე ძალადობას კატეგორიულად უარყოფს და სიკვდილის მიზეზად გაციებას ასახელებს. მეზობლები კი მშობლების მხრიდან ბავშვზე სისტემატიურ ძალადობაზე საუბრობენ და ამბობენ, რომ პოლიციამ ამასთან დაკავშირებით დედას შემაკავებელი ორდერიც კი გამოუწერა. ამასთან, ოჯახის ვერსიას თავდაყირა აყენებს თვითმხილველი, რომელმაც ნაცემი ბავშვი იაშვილის კლინიკაში თავად იხილა და დეტალებზე AMBEBI.GE-ს ესაუბრა. რას ამბობს ოჯახი 4 წლის გოგონას გარდაცვალების შესახებ? სანზონაში მცხოვრები 4 წლის გოგონას გარდაცვალების შესახებ მედიაში ინფორმაცია 22 იანვარს, საღამოს გავრცელდა. ადგილზე მისულ ჟურნალისტებს საგამოძიებო მოქმედებები დასრულებული დახვდათ. გარდაცვლილის ოჯახის წევრებთან გასაუბრების შედეგად, საქმის ასეთი ვერსია გამოიკვეთა: 4 წლის ბავშვის მამინაცვლის დედა, ბაბულია ძავაშვილმა ჟურნალისტებს უთხრა, რომ მცირეწლოვან ნინო ზ-ს ჯანმრთელობის პრობლემები ჰქონდა - გოგონას აღენიშნებოდა მაღალი სიცხე და ხველება. ქალმა კატეგორიულად გამორიცხა ინფორმაცია, რომ ბავშვი დედამ სცემა. "გუშინ ჩემს რძალს ბავშვმა ხმა არ გასცა. შემდეგ მე დავუძახე და არც მე მიპასუხა. სასწრაფოში დავრეკეთ. არანაირი ძალადობა არ ყოფილა. ბავშვს დაბანა არ უყვარდა და ტიროდა ხოლმე. მეზობლებს ამიტომ ეგონათ, რომ დედა სცემდა", - განაცხადა გარდაცვლილის ბებიამ. გარდაცვლილი გოგონას მამინაცვალი არკადი ძავრიშვილი აცხადებს, რომ მცირეწლოვანს ჯანმრთელობის პრობლემები ჰქონდა და ბავშვზე ძალადობა არასდროს მომხდარა. გარდაცვლილის მამინაცვალი მისი ოჯახის მიმართ ცრუ ინფორმაციის გავრცელებაში მეზობლებს, კერძოდ კი, მისი სახლის გვერდით მდებარე სტამბას ადანაშაულებს და აცხადებს, რომ აღნიშნულ სტამბას მისი საცხოვრებელი ფართის მითვისება უნდათ, ბავშვზე ძალადობა კი სწორედ აქედან გამომდინარე მოიგონეს. "სოციალურად დაუცველი ოჯახი ვართ. ბავშვს სუნთქვა უჭირდა, ასევე პრობლემები ჰქონდა ნაწლავებზე. ვმკურნალობდით კიდეც. ძალადობას იგონებენ მეზობლები. შემაკავებელი ორდერიც მათ გამო ჰქონდა ჩემს მეუღლეს. მათ თქვეს, რომ ბავშვს სცემდაო. ასეთი რამ არ ხდებოდა“, - განაცხადა არკადი ძავრიშვილმა. გარდაცვლილი გოგონას ოჯახის მეზობლების ვერსია ძავრიშვილების მეზობლების ინფორმაციით, მშობლები ბავშვზე სისტემატურად ძალადობდნენ. მათივე განცხადებით, გასულ კვირას ცემისგან ბავშვმა სერიოზული ტრავმები მიიღო, რის გამოც, ის გარკვეული პერიოდი საავადმყოფოში იყო გადაყვანილი. მეზობლების განცხადებით, მათ არაერთხელ მიმართეს პოლიციას, საქმის კურსში იყო უბნის ინსპექტორიც, თუმცა 4 წლის გოგონა ორ დედ-მამიშვილთან ერთად მაინც დედასთან და მამინაცვალთან ერთად ცხოვრობდა. მეზობლად მდებარე სტამბის დირექტორი ირაკლი დოლიძე, რომელსაც არკადი ძავრიშვილი ცრუ ინფორმაციის გავრცელებაში ადანაშაულებს, ყვება რომ, ხშირად მოუსმენია მეზობლებისგან ყვირილის და ძალადობის ხმა. "ნაცემი ბავშვები ხშირად მინახავს, თუმცა უშუალოდ ცემის ფაქტი არა. როდესაც იყო ყვირილი და ჩხუბი, არაერთხელ გამოგვიძახებია სოციალური აგენტები და პატრული. რაც შეეხება იმ საკითხს, რომ ჩვენ გვაქვს მაგ ფართის ინტერესი, არ შეესაბამება სიმართლეს. მათ დავა არა ჩემთან, არამედ მერიასთან აქვთ. უკანონოდ იყვნენ დასახლებული, შესაბამისად მერია და ზედამხედველობის სამსახური მათ გასახლებას ცდილობს. მაგათ კი გონიათ, რომ ეს ჩვენი ინტერესია" - განაცხადა დოლიძემ. რას ჰყვება თვითმხილველი, რომელმაც ნაცემი ბავშვი იაშვილის კლინიკაში ნახა ის, რომ ბავშვზე სავარაუდოდ, სისტემატიურად ძალადობდნენ, სოციალურ ქსელში გავრცელებულმა ფოტომაც დაადასტურა, რომელზეც 4 წლის გოგონას ცემის კვალი აღენიშნება. ერთ-ერთი თვითმხილველი AMBEBI.GE-ს უყვება, რომ 6 იანვარს იაშვილის კლინიკაში იმყოფებოდა და საკუთარი თვალით იხილა სასტიკად ნაცემი პატარა გოგონა, რომელიც საავადმყოფოში ექიმებმა შეიყვანეს. ბლოგერი ნინა ილურიძე ამბობს, რომ ბავშვს მთელი სახე დალურჯებული და გაწითლებული ჰქონდა და ეს არ იყო მხოლოდ ერთი დღის ცემის შედეგი. "სოციალურ ქსელში ვნახე ამ ბავშვის ფოტო და ვიცანი, თუმცა იქამდეც მივხდი, რომ მასზე იყო საუბარი. დაახლოებით ორი კვირის წინ, ჩემი ძმისშვილი მივიყვანეთ იაშვილის კლინიკაში და ზუსტად მაშინ ვნახე, რომ შემოიყვანეს დაახლოებით 4 წლის გოგონა. იყო საშინელ მგომარეობაში. იქ ვინც იყო და ნახა, ყველა შოკში ჩავარდა. ამას ნაცემიც აღარ ერქვა, ეს იყო წამება. თან მარტო იმ დღის დაზიანებები არ ეტყობოდა... მთელი სახე ჰქონდა საშინელ მდგომარეობაში, ზოგი იყო ლურჯი, ზოგან წითელი ფერის დაზიანება. გრძელმკლავიანი ეცვა, ამიტომ არ ვიცი სხეულის დანარჩენი ნაწილი რა მდგომარეობაში ჰქონდა. გაბურძგნული თმა და სახე ნამდვილად ვნახე. ეტყობოდა, რომ გაჭირვებული ოჯახიდან იყო და სხვისი ნაცვამი ტანსაცმელი ეცვა... რით სცემდნენ ვერ მივხდი, ჩარტყმები ეტყობოდა. მთელი სახე ჰქონდა გაუბედურებული და გარწმუნებთ, ეს არ იყო ერთი დღის გაკეთებული! ბავშვი სასწრაფომ მოიყვანა, ხელში აყვანილი გადმოიყვანეს ექიმებმა. კლინიკის დაცვის ბიჭს ვკითხეთ, რატომ არავინ ახლდა ბავშვს და მან გვითხრა, დედამ სცემა და დედამისი პატრულმა დააკავაო. გოგონა მიმღებში ეჯდათ ექიმებს და პატრონობდნენ. ბავშვი გაოგნებული, მობუზული იჯდა, შოკირებული იყო. აღარაფერი რომ არ ადარდებს, ისე გამოიყურებოდა... მე მგონი გათიშულიც კი იყო ამ ყველაფრისგან. ამ ბავშვის უკან, სახლში მიბრუნება როგორ შეიძლებოდა?!" - გვითხრა ნინა ილურიძემ, რომელმაც ნაცემი გოგონა იაშვილის კლინიკაში ნახა. ოფიციალური უწყების ბუნდოვანი განცხადებები 4 წლის ბავშვის დედა შინაგან საქმეთა სამინისტრომ გუშინვე დააკავა. უწყებაში განმარტეს, რომ 6 იანვარს ლელა ქსოვრელს შემაკავებელი ორდერი გამოუწერეს, თუმცა როგორც გახარიას უწყებაში აცხადებენ, ბავშვზე ძალადობის შესახებ ინფორმაცია არცერთმა დაკითხულმა პირმა არ მიაწოდა. "შინაგან საქმეთა სამინისტროს ქალაქ თბილისის პოლიციის დეპარტამენტის გლდანი-ნაძალადევის სამმართველომ მიმდინარე წლის 22 იანვარს, თბილისში 2014 წელს დაბადებული გოგონას გარდაცვალების ფაქტზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს. გამოძიების ფარგლებში დაკავებულია არასრულწლოვნის დედა, სისხლის სამართლის კოდექსის 381-ე პრიმა მუხლით, რაც შემაკავებელი ან დამცავი ორდერით გათვალისწინებული მოთხოვნებისა და ვალდებულებების შეუსრულებლობას გულისხმობს. ამ შემთხვევამდე შინაგან საქმეთა სამინისტროში გარდაცვლილი ბავშვის მიმართ ოჯახში შესაძლო ძალადობის ფაქტებზე შეტყობინება ერთხელ, 6 იანვარს შევიდა და ფიზიკური ძალადობის შესაძლო ფაქტზე დაიწყო გამოძიება. შეტყობინების საფუძველზე, ოჯახში მისულმა საპატრულო პოლიციის თანამშრომლებმა დაუყოვნებლივ დააკავეს მცირეწლოვანის დედა ლ. ქ. თავად მცირეწლოვანი კი პოლიციამ საავადმყოფოში გადაიყვანა და მომხდარის შესახებ ეცნობა სოციალურ სამსახურს. საქმეზე გამოიკითხა ბრალდებული და არაერთი მოწმე, მათ შორის ოჯახის წევრები, შეტყობინების ინიციატორი და პოლიციის თანამშრომლები. გამოკითხულმა მოწმეებმა უარყვეს ბავშვის მიმართ დედის მხრიდან რაიმე ფორმით ძალადობა. ოჯახის წევრების განცხადებით, ბავშვზე არსებული დაზიანებები გამოწვეული იყო მისი ჰიპერაქტიური ქცევით. ბრალის წარდგენის მტკიცებულებითი სტანდარტის არარსებობის მიუხედავად მის მიმართ პოლიციის მიერ გამოიწერა შემაკავებელი ორდერი, რომლის მიხედვით დედას ეკრძალებოდა არასრულწლოვანთან კონტაქტი. 22 იანვარს მომხდარი ფაქტის შემდეგ ლ.ქ. ორდერის დარღვევისთვის პოლიციამ სისხლის სამართლის წესით დააკავა. შინაგან საქმეთა სამინისტროში გენერალური ინსპექციის მიერ პარალელურად დაწყებულია შესწავლა და სამსახურეობრივი შემოწმება, რომელიც დაადგენს მიმდინარეობდა თუ არა ეფექტიანად შემაკავებელი ორდერის მონიტორინგი. მცირეწლოვანის გარდაცვალების ზუსტი მიზეზის დადგენის მიზნით, ტარდება საგამოძიებო ღონისძიებები, დანიშნულია სასამართლო-სამედიცინო ექსპერტიზა" - აღნიშნულია შს სამინისტროს მიერ გავრცელებულ განცხადებაში. უმძიმეს ფაქტთან დაკავშირებით, დღეს პირველად გააკეთა კომენტარი სოციალური მომსახურების სააგენტომ. მეურვეობა-მზრუნველობისა და სოციალური პროგრამების დეპარტამენტის უფროსის, მარი წერეთლის განცხადებით, 4 წლის გოგონა სახელმწიფო ზრუნვის ქვეშ იმყოფებოდა და დედა ბავშვს თვეში რამდენჯერმე ნახულობდა. მისივე ინფორმაციით, სამ წელიწადნახევარი ხდებოდა ბავშვის განვითარებაზე მეთვალყურეობა, ასევე ბიოლოგიურ ოჯახთან ურთიერთობაზე დაკვირვება. "კონკრეტული ბავშვის შემთხვევა ცნობილი იყო პრაქტიკულად ბავშვის დაბადებიდან, რადგან დედამ მიმართა სოციალურ სამსახურს და ითხოვა ბავშვის სახელმწიფო ზრუნვაში განთავსება, ოჯახის ეკონომიკური და სოციალური მდგომარეობის გამო. შესაბამისი რეაგირება მოხდა და ბავშვი მინდობით აღზრდაში იქნა გადაყვანილი (ეს ალტერნატიული ზრუნვის ფორმაა, სადაც მსგავსი და სხვა შემთხვევების დროს ხდება ბავშვების განცალკევება ოჯახიდან). ქვეყნისა და ჩვენთვის პრიორიტეტია ბიოლოგიური ოჯახი, თუ რამე სხვა არაა უკეთესი ბავშვის ჭეშმარიტი ინტერესისთვის. სამწელიწადნახევრის განმავლობაში დედა სისტემატურად, თვეში რამდენჯერმე სტუმრობდა, ჩართული იყო ბავშვის განვითარებაში... ამდენი წლის განმავლობაში არასდროს, სოციალური სამსახური არ აფიქსირებდა ამ ოჯახში ძალადობრივი დამოკიდებულების ნიშნებს ამ ბავშვისა და არც სხვა ბავშვების მიმართ" - აღნიშნა მარი წერეთელმა. მისივე თქმით, ძალადობაზე შეტყობინება 6 იანვრამდე არ იყო შესული და არც მაშინ იკვეთებოდა ძალადობის შემთხვევები, როცა ბავშვი დედას გაჰყავდა, ხოლო მისი ოჯახიდან განცალკევება მხოლოდ ეკონომიკური მიზეზების გამო მოხდა. "მოცემულ შემთხვევაში ბავშვის განცალკევება იყო მხოლოდ ეკონომიკური მდგომარეობის გამო და არა საფუძვლიანი ან უბრალოდ ეჭვის გამო ოჯახში ძალადობაზე. ასე რომ ყოფილიყო, რა თქმა უნდა, ინტეგრაცია ბევრად გვიან და არც მოხდებოდა. 3 წლის განმავლობაში არც ერთხელ ყოფილა ამის ნიშანი. დედას 1-3 დღით გაჰყავდა ხოლმე, ნებისმიერი ძალადობის ნიშანი იქნებოდა ამ დროს თვალსაჩინო, რაც არ ჩანდა. ოჯახი თანამშრომლობდა სოციალურ სამსახურთან, ჰქონდათ წინსვლა, ხოლო სოციალურად დაუცველობა არ ნიშნავს, რომ ბიოლოგიური ოჯახებიდან ბავშვები უნდა გავიყვანოთ. დანარჩენი ბავშვებიც ამ ოჯახში ცხოვრობდნენ, მათი ჰიგიენური ნორმები დაცული იყო, ხოლო მინიმუმ საცხოვრებელ გარემოს რას ვეძახით, ეს სადავოა. ოჯახისგან იყო გაუჯობესება, მამაკაცი იყო დასაქმებული, შესაბამისად, ეს იყო საფუძვლები მისი ინტეგრაციისთვის, ასევე, ჭეშმარიტი ინტერესიც, რომ ბავშვს ჰქონდა დიდი მიჯაჭვულობა ძალიან დედ-მამიშვილებთან, ასევე დედასაც ჰქონდა მიჯაჭვულობა ბავშვის მიმართ და რა თქმა უნდა, უმჯობესი იყო, ის გაზრდილიყო დედასთან" - განაცხადა წერეთელმა. 4 წლის გოგონას დედა, ლელა ქსოვრელი თავს დამნაშავედ არ მიიჩნევს და დუმილის უფლებას იყენებს. როგორც ქსოვრელის ადვოკატმა, ნინო ტაბატაძემ განაცხადა, მისი დაცვის ქვეშ მყოფს ბრალს დღეს, სავარაუდოდ, საღამოს წარუდგენენ.
---
23.01.2019
მედიასაშუალება: http://www.info9.ge/chven-shesakheb/203116-goris-raionshi-mamam-14-tslis-shvilze-seqsualurad-idzalada.html?lang=ka-GE
გორის რაიონში მამამ 14 წლის შვილზე სექსუალურად იძალადა
მამამ 14 წლის შვილზე სექსუალურად იძალადა. შემთხვევა გორის მუნიციპალიტეტში მოხდა. ფაქტის შესახებ სამართალდამცველებს 14 წლის გოგონას მეგობარმა აცნობა. რადიო "მოზაიკას" ინფორმაციით, მეგობარი მეჯვრისხევის პოლიციის განყოფილებაში მივიდა და დახმარება ითხოვა. მომხდარ ფაქტთან დაკავშირებით, პოლიციამ ფაქტზე გამოძიება დაიწყო. მომხდარზე სისხლის სამართლის საქმე 141-ე მუხლით აღიძრა, რაც გარყვნილ ქმედებას გულისხმობს. აღნიშნულის შესახებ საქმის კურსშია დედაც, რომელის განცხადებით, მის მეუღლეს ფსიქიკური პრობლემების აქვს. ამის შესამოწმებლად პოლიციამ მამაკაცს ექპერტიზა დაუნიშნეს. მიუხედავად იმისა, რომ პოლიციაში საქმის მოკვლევა გრძელდება, მამაკაცი ამ დრომდე დაკავებული არ არის. პოლიციასთან ერთად, საქმეში ჩართულია სოციალური მომსახურების სააგენტოც, რომლის ერთ-ერთი მიზანი ძალადობის მსხვერპლ ბავშვებზე ზრუნვაა
---
23.01.2019
მედიასაშუალება: http://medianews.ge/ge/saqartvelo-usafrtkho-qveknad-rcheba-gripze-gavrtselebuli-informatsia-gadacharbebulia/55424
`საქართველო უსაფრთხო ქვეყნად რჩება, გრიპზე გავრცელებული ინფორმაცია გადაჭარბებულია`
საქართველოს ტურიზმის ეროვნული ადმინისტრაცია უცხოელი ვიზიტორებისთვის სპეციალურ განცხადებას ავრცელებს. ორგანიზაციის განცხადებით, საქართველოში მოგზაურობა უსაფრთხოა, ხოლო მედიაში სეზონურ გრიპთან დაკავშირებით გავრცელებული ინფორმაცია გადაჭარბებულია. დაავადებათა კონტროლის ეროვნული ცენტრის სტატისტიკის მიხედვით, საქართველოში სეზონური გრიპით ავადობის შემთხვევები წინა ოთხი წლის სეზონის ანალოგიურია. “საქართველოს მთავრობა, მათ შორის ჯანდაცვის სამინისტრო და დაავადებათა კონტროლის ეროვნული ცენტრი იღებენ სისტემურ ზომებს, რათა მოახდინონ სეზონური ვირუსების გავრცელების პრევენცია. ქვეყანაში არსებული რისკის დონე შეადგენს 251 შემთხვევას, ყოველ 100,000 მაცხოვრებელზე. აღნიშნულ მაჩვენებელს შემცირების ტრენდი აქვს. ამასთანავე, ჯანდაცვის მსოფლიო ორგანიზაციის შეფასებით, საქართველოში დღეს არსებული ვითარება წინა წლებში არსებული მაჩვენებლების მსგავსია. შესაბამისად, ამ დროისთვის შესაბამისი უფლებამოსილი ორგანოები არ მიიჩნევენ, რომ სეზონურ გრიპთან დაკავშირებული ვითარება სცდება იმ მაჩვენებლებს, რაც წინა წლებში ფიქსირდებოდა. საქართველოში მოგზაურობის შეზღუდვასთან დაკავშირებით არც ჯანდაცვის მსოფლიო ორგანიზაცია არ გასცემს რეკომენდაციას. საქართველოს ტურიზმის ეროვნული ადმინისტრაცია და საქართველოს დაავადებათა კონტროლისა და საზოგადოებრივი ჯანდაცვის ეროვნული ცენტრი რეკომენდაციას უწევს მოგზაურებს, რათა დაიცვან ჰიგიენის აუცილებელი წესები რათა თავიდან იქნას აცილებული დაავადების გავრცელების ხელშეწყობა,”- წერია განცხადებაში.
---
23.01.2019
მშობლები, რომლებიც ბავშვებს არ ცრიან, გლობალურ ჯანმრთელობას უქმნიან საფრთხეს
მშობლები, რომლებიც თავიანთი შვილების აცრაზე უარს ამბობენ, გლობალური ჯანმრთელობისთვის ერთ-ერთ ყველაზე დიდ საფრთხეს წარმოადგენენ. ამ განცხადებას მსოფლიოს ჯანდაცვის ორგანიზაცია (WHO) ავრცელებს. ორგანიზაცია განმარტავს: „ვაქცინაცია ყველაზე ხარჯ-ეფექტიანი გზაა დაავადების თავიდან ასაცილებლად. იგი ყოველწლიურად 2-დან 3 მილიონამდე ადამიანს იცავს სიკვდილისგან. წითელას შემთხვევები, მსოფლიოს მასშტაბით, 30%-ით გაიზარდა. ამის ერთ-ერთი მიზეზი აუცრელობაა.“ მსოფლიო ჯანდაცვის ორგანიზაციის თქმით, თავდაჯერებულობის ნაკლებობა და უნდობლობა არის იმის მიზეზი, თუ რატომ მერყეობს ხალხი აცრის გაკეთებაზე. ეს კი ერთ-ერთი ყველაზე სერიოზული რისკია გლობალური ჯანმრთელობისთვის. ე.წ. „ანტი-ვაქსერების“ აზროვნების უკეთ გასააგებად სტელენბოსის უნივერსიტეტის მეცნიერებმა კვლევა წამოიწყეს. მის მიზანს იმის დადგენა წარმოადგენს, თუ რატომ უჭირს ხალხს ვაქცინის უსაფრთხოების დაჯერება. მსოფლიო ჯანდაცვის ორგანიზაცია აცხადებს, რომ 2019 წლის გლობალურ საფრთხეს წარმოადგენს გრიპის პანდემია. WHO-ს ანგარიშში ნათქვამია, რომ მსოფლიო გრიპის პანდემიის წინაშე კვლავ აღმოჩნდება, თუმცა ჯერ უცნობია როდის.
---
23.01.2019
გამყრელიძე: 4000 ადამიანია აცრილი,წითელას აღმოფხვრისკენ წავალთ თუ დამატებით დაახლოებით 200 000 ადამიანს ავცრით
დაახლოებთ 200 000 ათასი ადამიანი წელს თუ ავცერით დამატებით ქვეყანაში მაშინ სერიოზულად შევაჩერებთ კი არაა, წავალთ წითელას აღმოფხვრისკენ”,-განაცხადა დაავადებათა კონტროლის ეროვნული ცენტრის გენერალურმა დირექტორმა ამირან გამყრელიძემ. 37 Shares 37 წითელას ეპიდაფეთქებასა და გრიპის ვირუსთან დაკავშირებით ჯანდაცვის სამინისტროში სამუშაო შეხვედრა გაიმართა. ამჟამად აცრილია 4 ათასი მოქალაქე. “თუ ბავშვი არ არის 2-ჯერადად აცრილი 1-5 წლის ასაკში,აუცილებლად მიიყვანონ და აცრან.4 000 ადამიანია ქვეყანში უკვე აცრილი,ჩვენი გათვლებით დაახლოებით 200 000 ათასი ადამიანი წელს თუ ავცერით დამატებით, ქვეყანაში მაშინ სერიოზულად კი არ შევაჩერებთ წითელას,წავალთ წითელას აღმოფხვრისკენ”,-განაცხადა გამყრელიძემ “კურიერთან” მსგავსი სიახლეები
---
23.01.2019
საქართველოს სკოლების 88%-ში არ არის დაცული ჰიგიენური ნორმები - გაეროს ბავშვთა ფონდი და მსოფლიო ჯანდაცვის ორგანიზაცია
2018 წელს გაეროს ბავშვთა ფონდისა და მსოფლიო ჯანდაცვის ორგანიზაციის მიერ ერთობლივი გლობალური ანგარიში - „სასმელი წყალი, სანიტარია და ჰიგიენა სკოლებში“ გამოქვეყნდა. ანგარიშის მიხედვით, საქართველოს საჯარო სკოლების 26%-ში არ არის სუფთა სასმელი წყალი, აგრეთვე 26%-ში საერთოდ არ არის საპირფარეშოები, 40%-ში არ არის დაცული სანიტარული პირობები, 88%-ში არ არის დაცული ჰიგიენური ნორმები. გამოკვლეული სკოლების 27%-ში საერთოდ არ არის ხელსაბანი. მსოფლიო ჯანდაცვის ორგანიზაციის შეფასებით, თანამედროვე მსოფლიოში დაავადებათა საერთო ტვირთის 88% შეიძლება თავიდან იქნას აცილებული, თუ სასმელი წყლის ხარისხი გაუმჯობესდება, იქნება ადეკვატური სანიტარია, ჰიგიენა და წყლის რესურსების რაციონალური გამოყენება. ამ კუთხით, გაეროს ბავშვთა ფონდის კვლევამ საქართველოს საჯარო სკოლებში, საკმაოდ მძიმე ვითარება აჩვენა. იუნისეფის 2013 წლის კვლევის თანახმად, საჯარო სკოლების 26%-ში არ არის ე.წ. სანიტარული კვანძები. ქალაქის სკოლების 12%-ში და სოფლის სკოლების 23%-ში ტუალეტის ჯიხურები ან ნაწილობრივ ფუნქციონირებს ან/და არ ფუნქციონირებს. კვლევის მონაცემებით, ყოველ მეათე საჯარო სკოლაში ფუნქციონირებადი ხელსაბანი არ არის. კვლევის ერთ-ერთი მნიშვნელოვანი მიგნებაა, რომ სკოლებს წყალმომარაგების და სანიტარიის კუთხით აქვთ სერიოზული ინფრასტრუქტურული პრობლემები, გარდა ამისა, მნიშვნელოვანია ისიც, რომ მოსწავლეებში ძალიან დაბალია სანიტარული ნორმების შესახებ ცოდნა.
---
23.01.2019
მედიასაშუალება: http://reportiori.ge/inside.php?menuid=101&id=90215
ირმა ინაშვილი: გავაერთიანოთ ძალები სიღარიბის დასაძლევად! ყველას ეხება ეს!
პარლამენტის ვიცე-სპიკერი ირმა ინაშვილი კიდევ ერთხელ მოუწოდებს ხელისუფლებასა და საზოგადოებას, რომ სიღარიბის დასაძლევად ძალების გაერთიანებაა საჭირო და სოციალურ ქსელში შემდეგი სახის პოსტს აქვეყნებს. „25 წლის წინ, როცა ჭუბერზე ფეხით მოვდიოდით, სამაშველო ვერტმფრენებიდან პურს გვიყრიდნენ, რომ მინიმალური საკვები მიგვეღო, მაგრამ ამ პურის დიდი ნაწილი ხრამში ცვიოდა და ჩვენამდე ვერ აღწევდა. ფიზიკურად რომ გადავრჩენილიყავით, მცენარეების ბოლქვს, ბალახს ვჭამდით. მაშინ ვიფიქრე, რომ ჩემს სიცოცხლეში პურს უდიერად, უპატივცემულოდ არ მოვეპყრობოდი და ჩემს შვილებსაც პატარაობიდანვე ვასწავლიდი, რომ პურს გაფრთხილება სჭირდება. აჯობებს, გამხმარი პური დაფშვნა და ჩიტებს დაუყარო, ვიდრე ნაგავს გააყოლო. გამოცდილებამ მაჩვენა ისიც, რომ არც იმდენი პური უნდა შეიძინო, რასაც ვერ მიირთმევ. რატომ ვსაუბრობ პურზე და რატომ ვიხსენებ 25 წლის წინანდელ ისტორიას. მაშინ, იმ თოვლიან, ტკივილიან გზაზე, სიკვდილის გზაზე ვერ წარმოვიდგენდი, რომ გავიდოდა წლები, შეიცვლებოდა ეპოქა, საუკუნე და ჩვენი ერი კვლავ გამოკვების პრობლემის წინაშე იდგებოდა. მაშინ ვერ წარმოვიდგენდი, რომ 21-ე საუკუნის საქართველოში ადამიანების ნაწილს (და არცთუ უმნიშვნელო ნაწილს) ისევ ექნებოდა პურზე ხელმისაწვდომობის პრობლემა. საქართველოში, გაეროს მონაცემებით, ბავშვების 6,8% უკიდურეს სიღარიბეში ცხოვრობს, ხოლო 27,6% სიღარიბის ზღვარს ქვემოთაა, 15-დან 18 წლამდე ასაკის ყოველი მეხუთე ღარიბი ბავშვი ვერ იღებს განათლებას, სკოლამდელი აღზრდის დაწესებულებებში ვერ დადის 14 000 ბავშვი. 2017 წელს 4000 ოჯახი გამოიკითხა და აღმოჩნდა, რომ საქართველოში 50 000-ზე მეტი ბავშვი ფაქტობრივად შიმშილობს და მოკლებულია ჯანდაცვის, განათლების და მომავლის შექმნის პერსპექტივას. საჭიროა მოქმედება, საჭიროა არასტანდარტული, სწრაფი, ეფექტური ეკონომიკური პროგრამების განხორციელება, საჭიროა არა მარტო სოციალურ დაცვაზე ორიენტირება, არამედ სოციალურად დაუცველთათვის სამუშაო ადგილების შექმნა, რაზეც ჩვენ ჯერ კიდევ 2014 წლიდან ვსაუბრობთ. საჭიროა ადამიანების, ერის ფიზიკური გადარჩენა და ჩვენი მომავალი თაობის ფიზიკური გადარჩენა, რაც უნდა იყოს სახელმწიფოს უმთავრესი პრიორიტეტი, თორემ რა აზრი აქვს არჩევნებს, რა აზრი აქვს პოლიტიკას, რა აზრი აქვს საერთოდ ცხოვრებას, თუ იმ ქვეყნის პოლიტიკოსები გვქვია, სადაც ბავშვებს პური და კანფეტი ენატრებათ. გავაერთიანოთ ძალები სიღარიბის დასაძლევად! ყველას ეხება ეს, ხელისუფლებასაც და საზოგადოებასაც!“ - წერს ირმა ინაშვილი.
---
ბეჭდვითი მედია
24.01.2019
მეიდასაშუალება: რეზონანსი
ვინ არის 4 წლის გოგონას გარდაცვალებაზე პასუხისმგებელი: უფლებადამცველები სოცმუშაკების გულგრილობაზე საუბრობენ
შვილის მკვლელობაში ბრალდებული 4 წლის გოგონას დედა დუმს. გოგონას გარდაცვალებაში ბრალდებული დედა ბრალს არ აღიარებს და დუმილის უფლებას იყენებს. ამჟამად ის წინასწარი დაკავების იზოლატორშია მოთავსებული. 22 იანვარს მომხდარმა ტრაგედიამ მთელი საქართველო შეძრა და კიდევ ერთხელ მიახვედრა საზოგადოება, რომ ქვეყანაში ბავშვზე ძალადობისა და მისი უფლებების დაცვის კუთხით სავალალო მდგომარეობაა. ბავშვთა უფლებადამცველები "რეზონანსთან" აცხადებენ, რომ მომხდარ ფაქტთან დაკავშირებით არსებული პასუხისმგებლობა ყველა იმ ორგანოსა და პირს ეკისრება, ვინც ამ ძალადობის შესახებ ყველაფერი იცოდა, მაგრამ არაფერი გააკეთა. აღნიშნულ შემთხვევამდე კი შინაგან საქმეთა სამინისტროში გარდაცვლილი ბავშვის მიმართ ოჯახში შესაძლო ძალადობის ფაქტებზე შეტყობინება 6 იანვარს შევიდა. დედის მიმართ პოლიციის მიერ გამოიწერა შემაკავებელი ორდერი, რომლის მიხედვით, მას ეკრძალებოდა არასრულწლოვანთან კონტაქტი. ასევე სოციალურ სქელში გავრცელდა ფოტოები, სადაც 4 წლის გოგონა საავადმყოფოში იმყოფება და მას სახესა და სხეულზე ცემის კვალი ეტყობა. ის 6 იანვარს მამინაცვალმა საავადმყოფოში მიიყვანა და სწორედ ამის შემდეგ გახდა ცნობილი, რომ საკუთარმა დედამ სცემა. 22 იანვარს მომხდარი ფაქტის შემდეგ, ლელა ქსოვრელი ორდერის დარღვევისათვის პოლიციამ სისხლის სამართლის წესით დააკავა. ბავშვის მამინაცვალი კატეგორიულად უარყოფს, რომ დედა ბავშვზე ძალადობდა და მასზე არსებულ დაზიანებებს მხოლოდ ბანაობის დროს მიღებულ დაზიანებად ხსნის, თუმცა მედიასთან ბავშვის მეზობლები რადიკალურად სხვა ინფორმაციას ჰყვებიან და ამბობენ, რომ დედა მცირეწლოვან როგორც გარდაცვლილ გოგონაზე, ასევე მის 5 წლის ძმაზეც სისტემატურად ძალადობდა და ბავშვების ტირილის ხმა არაერთხელ გაუგონიათ. გოგონას გარდაცვალების ფაქტზე გამოძიება სისხლის სამართლის კოდექსის 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს. უფლებადამცველები ამბობენ, რომ 6 იანვარს ბავშვის საავადმყოფოში მოხვედრის შემდეგ, სოციალური სამსახურის მუშაკებს გოგონა და მისი ძმა უკვე ოჯახისა და დედისათვის უნდა განერიდებინათ და ის თავშესაფარში გადაეყვანათ. გვაზაურის ქუჩაზე გარდაცვლილი 4 წლის გოგო 3 წლის განმავლობაში მინდობით იზრდებოდა. აღმზრდელი ჰყვება, რომ ბავშვი მის ოჯახში ჯერ კიდევ ჩვილი მოხვდა და 3 წელი და 5 თვე იზრდებოდა მათთან. ქალი იხსენებს, რომ ბავშვი იყო სრულიად ჯანმრთელი. ის არ იყო ჰიპერაქტიური და აგრესიული. მისივე თქმით, ბავშვთან ხშირად მიდიოდა მისი ბიოლოგიური დედა. ის არ გამოირჩეოდა აგრესიულობით. უცნაური აღმზრდელს არაფერი შეუნიშნავს. აგვისტოში კი, ბიოლოგიური დედის მოთხოვნით, მინდობით აღზრდის პროგრამა შეწყდა. ამის მიზეზად დასახელდა ის, რომ ოჯახს ეკონომიური მდგომარეობა გაუუმჯობესდა. შესაბამისად, ბავშვი წაიყვანეს. ბავშვთა უფლებების დამცველი და ორგანიზაციის "პარტნიორობა ადამიანის უფლებებისათვის" წევრი ანა არღანაშვილი "რეზონანსთან" აცხადებს, რომ აუხსნელია და არ არსებობს ლოგიკური მიზეზი, რატომ არ დააშორა სოციალურმა სამსახურმა ბავშვი მშობელს, რომლის მიმართაც შემაკავებელი ორდერი იქნა გამოწერილი. ორდერი არ არის მხოლოდ ვარაუდი და უკვე იმას ნიშნავს, რომ კომპეტენტური ორგანოს მიერ შესაძლო საფრთხეები შეფასდა და საჭიროდ ჩაითვალა, რომ დედას ბავშვთან ახლო კომუნიკაცია აღარ ჰქონოდა. მისი თქმით, თუ ორდერი არ აღსრულდა, მაშინ მის გამოწერას აზრი არ ჰქონდა. ორდერი სწორედაც რომ ბავშვის ოჯახისა და მშობლებისაგან განრიდებას ითვალისწინებს. შესაბამისად, არ არსებობდა მიზეზი, რის გამოც ბავშვი კვლავ დედასთან იმყოფებოდა. "სოციალური სამსახურის მოვალეობაა, ყველა ეჭვი გადაამოწმოს. ნებისმიერ მეზობელს, რომელსაც შეეძლო ბავშვის ტირილის ხმა გაეგონა ან შესწრებოდა ძალადობის ფაქტს, აუცილებლად უნდა გაესაუბრო. აუცილებელია, ბავშვს არა მარტო გაესაუბრო, არამედ დააკვირდე. როგორც ვიცით, ამ ბავშვს გარკვეული ვერბალური შეზღუდვა ჰქონდა, ამიტომ მის მიმართ უფრო მეტი ყურადღება უნდა გამოეჩინათ. ასევე სავარაუდო მოძალადე დედა უნდა დაეკითხათ და მასზე დაკვირვება უნდა მომხდარიყო. სოციალური სამსახურის მუშაობა ძალიან ჩაღრმავებული, ხანგრძლივი და მტკიცებულებებით გამყარებული უნდა ყოფილიყო. თუმცა ჩვენს სოციალურ მომსახურებაში გარკვეული ხარვეზებია. მუშაკები ამ ყველაფერს 15-20 წუთში ვერ გააკეთებდნენ. თანამშრომლებს საკმაოდ დატვირთული გრაფიკი აქვთ და მთავრობას ამ კუთხით უკვე სერიოზული რეფორმები უნდა ჰქონდეს გატარებული. ერთ მუშაკს 100 ბავშვი რომ ჰყავს ჩაბარებული და თავს ვეღარ ართმევს, იმთავითვე ეს ბავშვები განწირული არიან. როგორ შეიძლება, ერთმა მუშაკმა ამდენ ბავშვს ყურადღება მიაქციოს და რისკების შეფასება შეძლოს? რომც ვიპოვოთ მუშაკი, რომელსაც ამ ბავშვის გარდაცვალებაზე პასუხისმგებლობას დავაკისრებთ, თუ სისტემური პრობლემა არ აღმოვფხვერით, იგივე კიდევ მოხდება და ამ ერთი ან ორი ადამიანის დასჯას აზრი არ ექნება", - აცხადებს უფლებადამცველი "რეზონანსთან". მისივე თქმით, ჩვენ პრევენციას არ ვაკეთებთ და სისტემური პრობლემის აღმოფხვრას არ ვცდილობთ, ეს კი შედეგობრივად არაფრის მომცემი არ არის. როგორც სოციალური სამსახურის მუშაკს, ასევე პატრულის თანამშრომელს ადგილზევე შეუძლია მიიღოს გადაწყვეტილება და ბავშვი ოჯახს განარიდოს, მას ამის უფლებას კანონი აძლევს. არღნიშვილი ამბობს, რომ სანამ არ დარწმუნდებოდნენ პოლიციისა და სოციალური სამსახურის მუშაკები, რომ ბავშვის უსაფრთხოება დაცული იყო, ტერიტორიიდან არ უნდა გასულიყვნენ. მათ კი პირიქით, ბავშვი სავარაუდო მოძალადე დედასთან დატოვეს. "თუ მამინაცვალი ამბობს, რომ ბავშვმა დაზიანებები ბანაობის დროს მიიღო და ეს სოციალურ სამსახურსაც აუხსნეს, ხომ უნდა დაკვირვებულიყვნენ, ბანაობის დროს მართლა ასე იქცევა და წყლის შიში აქვს თუ არა, მერე დაზიანებები ხომ უნდა შეეფასებინათ ექსპერტიზით, რის შედეგად ჰქონდა მიღებული - იქნებ ბავშვს კიდევ სხვა პრობლემა ჰქონდა? ის არგუმენტად როგორ გამოდგება, რომ მეზობლების ნათქვამი ოჯახმა არ დაადასტურა. მათ რა გააკეთეს გადასამოწმებლად?" - აცხადებს ანა არღნიშვილი "რეზონანსთან". სოციალური მომსახურების სააგენტოს მეურვეობა-მზრუნველობისა და სოციალური პროგრამების დეპარტამენტის უფროსი მარი წერეთელი აცხადებს, რომ ოთხი წლის გოგონა, რომელიც ნაძალადევის რაიონში გარდაიცვალა, სახელმწიფო ზრუნვის ქვეშ იმყოფებოდა და დედა მას ხშირად ნახულობდა. ოჯახის სოციალურ-ეკონომიური მდგომარეობის გამო, დედამ სოციალურ სამსახურს მიმართა და ითხოვა, გოგონა დროებით სახელმწიფო ზრუნვაში ყოფილიყო, რაზეც მოხდა შესაბამისი რეაგირება. "კონკრეტული ბავშვის შემთხვევა ჩვენთვის ცნობილი იყო პრაქტიკულად დაბადებიდან. დაბადების შემდგომ დედამ მიმართა სოციალურ სამსახურს და ოჯახის სოციალურ-ეკონომიური მდგომარეობის გამო ითხოვა დროებით ბავშვის სახელმწიფო ზრუნვაში განთავსება, რაზეც მოხდა შესაბამისი რეაგირება. ქვეყნისათვის და ჩვენთვისაც პრიორიტეტი არის ბიოლოგიური ოჯახი. მინდობით აღზრდის პერიოდში ხდებოდა როგორც ბავშვის განვითარებაზე მეთვალყურეობა, ასევე ბიოლოგიურ ოჯახთან ურთიერთობის მეთვალყურეობა. დედა ხშირად ნახულობდა და ჩართული იყო ბავშვის განვითარებაში. გოგონა მინდობით აღზრდაში სამ-ნახევარი წლის განმავლობაში იმყოფებოდა", - განაცხადა მარი წერეთელმა. "ამდენი წლის განმავლობაში სოციალური სამსახური არ აფიქსირებდა აღნიშნულ ოჯახში ძალადობრივი დამოკიდებულების ნიშნებს როგორც ამ ბავშვის, ასევე ოჯახში მცხოვრები სხვა არასრულწლოვნების მიმართ. დედა დარეგისტრირებული იყო მნახველ-გამყვან პირად იმ გეგმით, რომ შემდგომში აქტიური მონიტორინგის პირობებში ბავშვის საბოლოო რეინტეგრაცია მომხდარიყო. გუშინ საღამოდან სამინისტროსა და სააგენტოს შიდა აუდიტის სამსახურმა მოკვლევა დაიწყო. რასაკვირველია, თანამშრომლების გადაცდომისა და სამსახურებრივი პასუხისმგებლობის საკითხი თუ დადგება, მოკვლევის შედეგს მყისიერად გაგაცნობთ", - განაცხადა წერეთელმა. მისივე თქმით, ოჯახში მცხოვრები ბავშვები ამ ეტაპზე მინდობით აღზრდაში გადაიყვანეს. "ძალადობაზე შეტყობინება 6 იანვრამდე არ შემოსულა, არც 4 წლის გოგონას და არც დანარჩენების მიმართ ძალადობის ნიშნები არ გამოკვეთილა. აქტიური მონიტორინგი ყოველთვის ხდებოდა. სოციალური სააგენტო არ ადასტურებს, რომ ბავშვს ჰქონდა ცერებრული დამბლა", - განაცხადა მარი წერეთელმა.
---
24.01.2019
მეიდასაშუალება: მესინჯერი
4 წლის გოგონას გარდაცვალების ფაქტთან დაკავშირებით გარდაცვლილის დედა დააკავეს
შსს-ის ინფორმაციით, 4 წლის გოგონას გარდაცვალების ფაქტთან დაკავშირებით გარდაცვლილის დედა დააკავეს. მას შემაკავებელი ორდერით არასრულწლოვანთან კონტაქტი ეკრძალებოდა. გავრცელებული ინფორმაციით, დედა ბავშვზე ძალადობდა. გამოძიება გაუფრთხილებლობით სიცოხლის მოსპობის მუხლით მიმდინარეობს. ბავშვის დედა თავს დამნაშავედ არ სცნობს და ბრალს არ აღიარებს. სოციალური მომსახურების სააგენტოს წარმომადგენელი, მარიამ წერეთელი ამბობს, რომ ბავშვი სახელმწიფოს მზრუნველობის ქვეშ იყო და დედას ის თვეში რამდენჯერმე მიჰყავდა სახლში.
---
24.01.2019
მეიდასაშუალება: ახალი თაობა
წითელას აცრისგან თავი არ შეიკავოთ
საქართველოში წითელას ეპიდაფეთქებაა. ჯერ კიდევ პირველი იანვრიდან 16 იანვრის ჩათვლით, წითელას 312 შემთხვევა დაფიქსირდა. ამ დაავადების გავრცელების არეალებად კი კახეთი, იმერეთი და სამეგრელო დასახელდა. დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორი ამირან გამყრელიძე ამ პერიოდში საუბრობდა აღნიშნულ პრობლემაზე და ხაზგასმით აღნიშნავდა, რომ დაავადების შემთხვევათა 56%, ძირითადად, 20-დან 40 წლამდე ასაკის პირებზე მოდის. თუ რატომ გვხვდება წითელათი ინფიცირებულთა უფრო დიდი რიცხვი მოზრდილებში, რა არის მისი პრევენციის ერთადერთი გზა და რა შემთხვევაშია საჭირო ექიმის ჩარევა, ამაზე `ახალ თაობასთან~ ინფექციონისტი მაია ზალდასტანიშვილი საუბრობს. _ როგორც ვიცით, წითელა ბავშვთა ინფექციაა, თუმცა მოზრდილებშიც გვხვდება, თან საკმაოდ რთულად. რატომ ხდება ასე? _ მოზრდილ ადამიანს ხშირად თან ახლავს სხვადასხვა ქრონიკული დაავადებები და ამიტომ იჩენს უფრო რთულად თავს. საერთოდ ბავშვთა ინფექციაა, მაგრამ ცუდად ჩატარებული ან არჩატარებული აცრები იწვევს იმას, რომ მოზრდილ ადამიანსაც ხვდება, თორემ წესით მოზრდილს არ უნდა შეხვდეს თუ დროულად აქვს ჩატარებული პროფილაქტიკური აცრები და კარგად, მაგრამ, სამწუხაროდ, ჩაშლილმა აცრის სისტემამ გამოიწვია ის, რომ ძალიან ხშირია და უფრო მეტად მოზრდილი პაციენტები მოდიან კლინიკაში, ვიდრე ბავშვები. _ ძირითადად, ხომ ბავშვობაში იცრებიან და რამდენ ხანს ძლებს ეს ვაქცინაცია. ანუ მოზრდილ ასაკში რა დრომდე შეგვიძლია, რომ არ ჩავიტაროთ? _ აცრისგან არანაირად არ უნდა შევიკავოთ თავი არც ერთ შემთხვევაში. აცრას უკუჩვენება არ აქვს. თუკი ალერგიული რეაქცია არ აქვს პაციენტს ვაქცინაზე, არანაირი უკუჩვენება არ ექნება. წლინახევრის ასაკში და 5 წლის ასაკში როდესაც აიცრება ადამიანი, ეს იძლევა იმუნიტეტს და 90 პროცენტი დაცულია პაციენტი, თუმცა, შესაძლოა, შეხვდეს, მაგრამ პროცესი უფრო მსუბუქად მიდის. _თუ შეიძლება, რომ ვისაც H1N1 ტიპის ვირუსზე აქვს აცრა გაკეთებული, წითელაზეც აიცრას? რამდენად რეკომენდებულია ეს. _დაახლოებით 2 კვირის შემდეგ შეიძლება ჩაიტარონ წითელას ვაქცინა. _ კიდევ ვისთვის არ შეიძლება ვაქცინის გაკეთება? _ არ შეიძლება იმისთვის, ვისაც ვაქცინაზე ალერგია აქვს ან იმ დროს აქვს მწვავე დაავადება და მაღალი ცხელება. სხვა შემთხვევაში, ყველა ადამიანისთვის შესაძლებელია. _ ორსულებისთვისაც? _ ორსულებისთვისაც შესაძლებელია ვაქცინაცია, მაგრამ ჯობს თავი შეიკავონ. _ რა შემთხვევაშია რთული წითელასთან გამკლავება? _ საერთოდ, ინტოქსიკაციით მიმდინარე დაავადებაა და სანამ არ მოხდება სხეულის დაფარვა გამონაყრით, გამკლავება უფრო ხშირად მიდის ძალიან კეთილთვისებიანად, მაგრამ იმ შემთხვევაში, თუ ძალიან გაგრძელდება სიცხე, ძალიან აიწია ტემპერატურამ, შეუპოვარი გახდა 5 დღეზე მეტხანს, გაუჭირდა სუნთქვა და ძალიან ძილიანობს პაციენტი, ამ შემთხვევაში უნდა მოხდეს მისი ჰოსპიტალიზაცია. სხვა შემთხვევაში ჰოსპიტალიზაცია აუცილებელი არ არის. _ პრევენციისთვის აცრის გარდა რამე შეგვიძლია გავაკეთოთ? _ მისი პრევენცია მხოლოდ აცრით შეიძლება, სხვა არაფრით.
---
24.01.2019
მეიდასაშუალება: რეზონანსი
ღორის გრიპის შემთხვევებმა იკლო, თუმცა თებერვალ-მარტში შეიძლება ახალმა ტალღამ იფეთქოს
გრიპის დიაგნოზით გარდაიცვალა 33 წლის მამაკაცი, რომელიც ბათუმის რეფერალური საავადმყოფოდან, ოჯახის მოთხოვნით, ტრაპიზონის კლინიკაში გადაიყვანეს. იყო თუ არა გარდაცვალების მიზეზი ე.წ. ღორის გრიპი, ჯერჯერობით ცნობილი არ არის. ამასთანავე, ბათუმში დაიღუპა კიდევ ერთი ადამიანი - 48 წლის ქალი, რომელიც 12 იანვარს კლინიკაში იქნა მოთავსებული. მიზეზი აქაც სავარუდოდ ე.წ ღორის გრიპია. დღევანდელი მდგომარეობით, აჭარაში ლაბორატორიულად დადასტურებული H1N1-ის ვირუსით, ჯამში 6 ადამიანია გარდაცვლილი. ე.წ. ღორის გრიპთან დაკავშირებით რა ვითარება გვაქვს დღეს და დღევანდელი მდგომარეობით, თუ არსებობს საფრთხე იმისა, რომ გრიპის ვირუსის ახალმა ტალღამ იფეთქოს, „რეზონანსი" ექიმ-ინფექციონისტს, მაია ბუწაშვილს ესაუბრა. მისი თქმით, გრიპის ვირუსმა კლება დაიწყო, თუმცა ოდნავი მატება შეიძლება თებერვლისა და მარტის თვეში მაინც გვქონდეს, ამიტომაც საზოგადოებას აცრისკენ მოუწოდებს. „გასაგებია, რომ ლეტალური შემთხვევები ყოველთვის ძალიან ტრაგიკულია, მაგრამ საერთოდ, სიტუაცია მაინც გაუმჯობესებისკენ მიდის. სრულიად რეალისტურია, რომ თებერვალ-მარტში ახალი ტალღა იყოს, რადგან გრიპს მიმდინარეობა ახასიათებს და ეს არ არის გასაკვირი. ამიტომაც, ვინც ჯერ აცრილი არ არის, კიდევ აქვს აზრი, რომ აიცრას," - განაცხადა მაია ბუწაშვილმა. ამავე საკითხზე „რეზონანსი" დაავადებათა კონტროლის ცენტრის სამეცნიერო საბჭოს ხელმძღვანელს, პაატა იმნაძეს ესაუბრა, რომელიც ეპიდემიის საფრთხეს გამორცხავს. „ეპიდემიის საფრთხე არ ყოფილა მაშინ, როდესაც მაქსიმუმი იყო ავადობა, ახლა დაკლებულია უკვე. ოდნავი მატება არ არის გამორიცხული, მაგრამ ეპიდემიაზე საუბარი არაა," - განაცხადა პაატა იმნაძემ.
---