·         პრემიერ-მინისტრის ხელმძღვანელობით, საქართველოს მთავრობის დელეგაცია, მონაწილეობას იღებს მიუნხენის უსაფრთხოების კონფერენციაში და მის ფარგლებში მრავალ მნიშვნელოვან ორმხრივ შეხვედრას მართავს უმაღლეს დონეზე.

 

·         მოგეხსენებათ, მიუნხენის უსაფრთხოების კონფერენცია უაღრესად მნიშვნელოვანი საერთაშორისო ფორუმია და როგორც ყველა საერთაშორისო ფორუმზე, აქაც საქართველო განიხილება, როგორც რეგიონის ლიდერი ქვეყანა და საერთაშორისო თანამეგობრობის ღირსეული პარტნიორი.

 

·         კონფერენციაზე საქართველო პოზიციონირებს როგორც რეგიონში ლიდერი ქვეყანა დემოკრატიული რეფორმების განხორციელების თვალსაზრისით, ასევე ეკონომიკური განვითარების, სატრანზიტო პოტენციალის, მზარდი ინვესტიციების, საერთაშორისო საფინანსო ინსტიტუტების რეიტინგების კუთხით; საქართველო ასევე აღიქმება როგორც უსაფრთხოების მნიშვნელოვანი კონტრიბუტორი.

 

·         როგორც მთავრობის მეთაურმა აღნიშნა, კონფერენციაზე კარგად გამოჩნდა საქართველოს მზარდი როლი ევროპული უსაფრთხოების არქიტექტურასა და შავი ზღვის უსაფრთხოების ნაწილში და ამ კუთხით საქართველო უნდა იყოს და არის სანდო და სტაბილური პარტნიორი.

 

·         აღსანიშნავია, რომ დღეს საქართველოს პრემიერ-მინისტრი გიორგი გახარია დაესწრო მიუნხენის 56-ე უსაფრთხოების კონფერენციის გახსნით სესიასაც. გახსნით სიტყვაში კონფერენციის თავმჯდომარემ, ვოლფგანგ იშინგერმაც, ხაზგასმით აღნიშნა, რომ ევროპის უსაფრთხოების არქიტექტურა საქართველოს და უკრაინის უსაფრთხოების გარეშე წარმოუდგენელია.

 

·         ასევე, პრემიერმა დღეს ორმხრივი შეხვედრა გამართა ამერიკის შეერთებული შტატების თავდაცვის მდივან მარკ ტ. ესპერთან. ეს შეხვედრა განსაკუთრებით მნიშვნელოვანი იყო, ვინაიდან ჩვენს მთავარ სტრატეგიულ პარტნიორთან, აშშ-სთან ურთიერთობა ჩვენი ქვეყნის პრიორიტეტია და ასეთ მაღალ თანამდებობის პირთან პირდაპირი კომუნიკაცია, ერთის მხრივ ამყარებს ჩვენს სამაგალითო თანამშრომლობას თავდაცვისა და უსაფრთხოების სფეროში, მეორეს მხრივ კი აძლიერებს ჩვენს სტრატეგიულ პარტნიორობას.

 

·         შეხვედრაზე მხარეებმა დეტალურად განიხილეს ის უმნიშვნელოვანესი პროექტები რომელიც საქართველოში ამერიკელი პარტნიორების მხარდაჭერით ხორციელდება და ჩვენს თავდაცვისუნარიანობას მნიშვნელოვნად აძლიერებს. საქართველოს თავდაცვის გასაძლიერებლად აშშ-ს მიერ გამოხატული მხარდაჭერა არის ჩვენს ქვეყნებს შორის არსებული მჭიდრო სტრატეგიული კავშირის მკაფიო დადასტურება. როგორც პრემიერმა აღნიშნა, შეხვედრაზე დაისახა  უახლოესი წლების თანამშრომლობის გეგმები, პირველ რიგში უსაფრთხოებისა და თავდაცვის მიმართულებით.

 

 

·         აღსანიშნავია, რომ საგარეო საქმეთა და თავდაცვის მინისტრები, მიუნხენის საერთაშორისო კონფერენციის ფარგლებში, კიდევ 2 დღის განმავლობაში გააგრძელებენ შეხვედრებს კოლეგა მინისტრებსა და საერთაშორისო ექსპერტებთან. ასევე, ისინი სიტყვით წარსდგებიან პანელებზე და მონაწილეობას მიიღებენ ფართო დისკუსიებში.

 

·         ძალიან მნიშვნელოვანია, რომ თავდაცვის მინისტრი, ირაკლი ღარიბაშვილი, მიუნხენის უსაფრთხოების კონფერენციის ფარგლებში, მნიშნელოვან შეხვედრებს გამართავს ნატოს გენერალურ მდივანთან და მის მოადგილესთან. მინისტრი ასევე სიტყვით გამოვა ნატოს ჩრდილოატლანტიკური საბჭოს სხდომაზე, სადაც განიხილება მტკიცე მხარდაჭერის მისიის საკითხები და კიდევ ერთხელ დადასტურდება საქართველოს მზაობა და მხარდაჭერა ამ მისიის მიმართ.

 

·         ასევე, ძალიან მნიშვნელოვანია, რომ საგარეო საქმეთა მინისტრი, დავით ზალკალიანი, მრავალი ორმხრივი შეხვედრის პარალელურად, კონფერენციის ფარგლებში წარსდგება პანელზე, რომელიც ეხება შავი ზღვის უსაფრთხოების თემატიკას. დავით ზალკალიანი ისაუბრებს საქართველოს როლსა და ფუნქციაზე შავი ზღვის რეგიონში, რადგანაც, მოგეხსენებათ, სწორედ შავ ზღვას ენიჭება განსაკუთრებული როლი უსაფრთხოების კონტექსტში.

 

·         საბოლოო ჯამში, მიუნხენის კონფერენციაზე საქართველოს მთავრობის დელეგაცია საერთაშორისო თანამეგობრობასთან კიდევ ერთხელ გაუსვამს ხაზს, რომ საქართველო პარტნიორებთან ერთად აგრძელებს მსოფლიო მშვიდობისა და უსაფრთხოების განმტკიცებისთვის წვლილის შეტანას, რაც რა თქმა უნდა აძლიერებს ჩვენი ქვეყნის უსაფრთხოებასაც.

 

·         დელეგაცია მაქსიმალურად იყენებს კონფერენციის ყველა ფორმატს იმისთვის, რომ საქართველო და საქართველოსთვის აქტუალური საკითხები - ოკუპაცია, ქვეყანაში მიმდინარე რეფორმები, დემოკრატიული და ეკონომიკური განვითარება და რეგიონალური უსაფრთხოება საერთაშორისო თანამეგობრობის დღის წესრიგში აქტიურად განიხილებოდეს.

 

კითხვის დასმის შემთხვევაში პრემიერის ფატუ ბენსუდასთან შეხვედრის შესახებ:

 

·         საქართველოს პრემიერ-მინისტრი, იუსტიციის მინისტრთან ერთად, შეხვდა ჰააგის პროკურორ ქალბატონ ფატუ ბენსუდას, რომელსაც  რამდენიმე წელია აგვისტოს ომის საქმეზე მიყავს გამოძიება.

 

·         ბენსუდასთან ქართული მხარე უკვე რამდენიმე წელია თანამშრომლობს იმისათვის, რომ ამ საქმეზე სასიცოცხლოდ მნიშვნელოვანი პრიორიტეტები დეტალურად იქნას გამოძიებული. ეს პრიორიტეტებია აგვისტოს ომის დროს ქართველების ეთნიკური წმენდა, ჩვენი სამხედრო ტყვეების წამება და წამების შედეგად დამდგარი სიცოცხლის ხელყოფის ფაქტები. შესაბამისად, საქართველო მომავალშიც გააგრძელებს პროკურორის ოფისთან თანამშრომლობას.

 

·         როგორც წესი პროკურორი და მისი გამომძიებლები არ საუბრობენ გამოძიების კონკრეტულ დეტალებზე, არამედ ისინი ამბობენ არის თუ არა პროგრესი. პრემიერთან დღევანდელ შეხვედრაზე ითქვა, რომ პროგრესი არის.