•           ქვეყანაში COVID 19-ის გავრცელების პრევენციის მიზნით მოქმედი საგანგებო მდგომარეობის ფარგლებში, 17 აპრილის 12:00 სთ-დან, 27 აპრილამდე დაწესებულია მსუბუქი ავტომობილებით გადაადგილების შეზღუდვა.

•           ხელისუფლების მიერ კოვიდ19-თან ბრძოლის პროცესში დაწესებული ყველა შეზღუდვა თუ გატარებული ღონისძიებები ,რა თქმა უნდა, არ და ვერ იქნება ვინმეს თვითმიზანი. სწორედ ამ შეზღუდვების და სწორი, დროული  ნაბიჯების შედეგია, ის, რომ დღეს ჩვენ არ გვყავს ათასობით დაინფიცირებული და გარდაცვლილი.

•           სამწუხაროდ, გარდაიცვალა კიდევ ერთი პაციენტი და გვაქვს COVID 19-ით გარდაცვალების 5 შემთხვევა. ასევე, 411 დაინფიცირების შემთხვევა და აქედან ბოლო 24 საათის განმავლობაში დაგვემატა მხოლოდ 3 ახალი შემთხვევა, ეს შემცირებული მაჩვენებელი სწორედ გატარებული ზომების შედეგია.

•           გახანგრძლივებული საგანგებო მდგომარეობის ფარგლებში, ჩვენ მათ შორის, ეპიდემიოლოგიური ვითარების გათვალისწინებით, ნაბიჯ-ნაბიჯ მოვხსნით მათ შორის გადაადგილების შეზღუდვებსაც.

•           უწყებათშორისი საკოორდინაციო საბჭოს დღევანდელი გადაწყვეტილებით, რეგიონებში, კონკრეტულად კი სოფლებში, სასოფლო-სამეურნეო საქმიანობის შეუფერხებლად გაგრძელების მიზნით, დაშვებული იქნება მსუბუქი ავტომობილებით საათობრივი გადაადგილება - მათ ექნებათ შესაძლებლობა დილის 6 საათიდან 8 საათამდე, ანუ 2 საათის განმავლობაში და საღამოს 6 საათიდან 7 საათამდე, ანუ 1 საათის განმავლობაში გადაადგილდნენ ამ სამუშაოების საწარმოებლად. ადგილობრივი მუნიციპალიტეტები და რეგიონული შტაბები განახორციელებენ შესაბამისი ნებართვების გაცემას. 

•           ამასთან, მანქანით გადაადგილების შექმნილი რთული ეპიდემიოლოგიური ვითარების მიუხედავად შეზღუდვა არ ეხება კრიტიკულად აუცილებელი ობიექტების ფუნქციონირებისთვის მოძრავ თანამშრომლებს და ავტოსატრანსპორტო საშუალებს, რომლითაც ისინი გადაადგილდებიან.

•           მათი სია და რაოდენობა:

1.         საკვები პროდუქტის, სურსათისა და სამედიცინო დანიშნულების საქონლის/ფარმაცევტული პროდუქტის მიტანის მომსახურების (ე.წ. „დელივერი სერვისი“) გაწევის მიზნით თანამშრომელები:

•           ქვეყნის მასშტაბით აქტიურად განაგრძობენ მუშაობას აფთიაქები, რომელთაც აქვთ გადაადგილების ნებართვა და რომელთა რაოდენობა გახლავთ 2 835, მათ შორის 4 დიდი სააფთიაქო ქსელი, რომელსაც გააჩნია 901 ობიექტი.

•           ქვეყანაში ნებართვით ფუნქციონირებს 5000 -ზე მეტი სასურსათო მაღაზია;

•           ასევე, 1300 პურ-ფუნთუშეულის საცხობი, საწარმო, მაღაზია;

2.         ქვეყანაში 1000-მდე სამედიცინო დაწესებულება ფუნქციონირებს, აქედან 300-ზე მეტი საავადმყოფო და მათი თანამშრომლები;

3.         სამედიცინო მომსახურების გაწევის/მიღების მიზნით გადაადგილება;

4.         ჟურნალისტური საქმიანობის განხორციელების მიზნით, მედიასაშუალებების წარმომადგენლები;

5.         საერთაშორისო და ადგილობრივ სატვირთო გადაზიდვები;

6.         შენობების საერთო დასუფთავებისა და დეზინფექციის მომსახურების გაწევის მიზნით გადაადგილება;

7.         ბანკომატების, სწრაფი გადახდის აპარატებისა და ტერმინალების უწყვეტი ფუნქციონირებისათვის საჭირო საქმიანობის განხორციელების მიზნით გადაადგილება და ინკასაცია;

8.         კერძო დაცვითი საქმიანობის განხორციელების მიზნით გადაადგილებას;

9.         მიცვალებულის გადასვენების/დაკრძალვის მიზნით გადაადგილება;

10.       საფოსტო და საკურიერო მომსახურების მიზნით გადაადგილება;

11.       ელექტროენერგიის, ბუნებრივი გაზის, წყლის მიწოდების, ასევე სატელეკომუნიკაციო და ნარჩენების მართვასთან დაკავშირებული მომსახურების მიზნით გადაადგილება;

12.       ტექნიკური საფრთხის შემცველი ობიექტების (მათ შორის ლიფტი, გაზსადენი და სხვა), ასევე წყლის/გაზის/ელექტროენერგიის/ინტერნეტის შეკეთების მომსახურების გაწევის მიზნით გადაადგილება;

13.       საჯარო დაწესებულებების მიერ განსაზღვრული პირები, რომელთა გადაადგილებაც კრიტიკულად აუცილებელია სამსახურებრივი მოვალეობის შესასრულებლად; მათ შორის არიან მუნიციპალიტეტების დასუფთავებისა და სხვა მუნიციპალური სერვისების მიმწოდებელი თანამშრომლები;

14.       სხვა დაშვებული ეკონომიკური საქმიანობის უზრუნველყოფის მიზნით ეწ მიკროავტობუსების გადაადგილება და სხვ.

•           ყველა მათგანის ფუნქციონირება კრიტიკულად მნიშვნელოვანია თავად ჩვენი ქვეყნის მოქალაქეებისთვის.

•           სადაც გამოვლინდება ავტოსატრანსპორტო საშუალებით უნებართვოდ გადაადგილება, კანონის შესაბამისად ხდება რეაგირება. შინაგან საქმეთა სამინისტრო ყოველდღიურად აქვეყნებს მონაცემებს დარღვევების გამოვლენისა და შესაბამისი დაჯარიმების შესახებ.

•           გუშინ, მოქალაქეებს უჭირდათ სამთავრობო ერთიან ცხელ ხაზზე - 144-ზე დაკავშირება, სადაც მხოლოდ გუშინ შემოვიდა 260 ათასამდე ზარი. ოპერატორები მაქსიმალურად ცდილობენ მოქალაქეების პრობლემის მოგვარებას, თუმცა, ძალიან დიდი რაოდენობის შემომავალი ზარებიდან გამომდინარე ხარვეზები იქმნება. ეს ხდება ხოლმე რეგულაციის ამოქმედების პირველ 2 დღეს. 

•           მოსახელობის ინფორმირების მიზნით, ვებ-გვერდზე www.StopCoV.ge გამოქვეყნდა ხშირად დასმული კითხვები და მათზე პასუხები, რაც ხელს შეუწყობს ცხელ ხაზზე შემომავალი ზარების შემცირებას.

 

იხილეთ ხშირად დასმულ კითხვებზე პასუხები:

https://www.facebook.com/GeorgianGovernment/posts/1661711860633378