From : Lela Tsotsoria <ltsotsoria@moh.gov.ge>
To : ketibakaradze@gmail.com <'ketibakaradze@gmail.com'>; Nino Nijaradze <nnijaradze@gmail.com>; guram.kiknadze@yahoo.com <'guram.kiknadze@yahoo.com'>; ioseliani.nfmtc@gmail.com <'ioseliani.nfmtc@gmail.com'>; ta.todua@evex.ge <'ta.todua@evex.ge'>; n.bolkvadze@rhc.ge <'n.bolkvadze@rhc.ge'>; Khatuna Barbakadze <kbarbakadze@gh.ge>; Davit.barabadze@medalpha.ge <'Davit.barabadze@medalpha.ge'>; nino_moroshkina@yahoo.com <'nino_moroshkina@yahoo.com'>; klimiashvilir@who.int <'klimiashvilir@who.int'>; Tako Ugulava <tugulava@unicef.org>; Nino.KOCHISHVILI@eeas.europa.eu <'Nino.KOCHISHVILI@eeas.europa.eu'>; tsirbiladze@usaid.gov <'tsirbiladze@usaid.gov'>; George Mataradze <mataradze@unfpa.org>; rusudan.chkhubianishvili@caritas.cz <'rusudan.chkhubianishvili@caritas.cz'>; nfmtc@nilc.org.ge; ele_nika21@yahoo.com; m.shikhashvili@yahoo.com
Subject : პჯდ საბჭოს წევრებს
Cc : Tamar Gabunia <tgabunia@moh.gov.ge>; Ekaterine Adamia <eadamia@moh.gov.ge>; Giorgi Tsotskolauri <gtsotskolauri@moh.gov.ge>; giorgi chavchavadze <gchavchavadze@moh.gov.ge>; tmeliqidze@yahoo.com; tazaladze@ssa.gov.ge; Amiran Gamkrelidze <A.Gamkrelidze@ncdc.ge>; Avtandil Talakvadze <atalakvadze@moh.gov.ge>; Zaal Kapanadze <zkapanadze@moh.gov.ge>
Received On : 08.05.2020 13:10

პატივცემულო საბჭოს წევრებო,

 

როგორც თქვენთვის ცნობილია, 2020 წლის 30 აპრილის მდგომარეობით, საყოველთაო ჯანმრთელობის დაცვის პროგრამის გეგმური ამბულატორიული მომსახურების მიმწოდებელ დაწესებულებებში დარეგისტრირებული ბენეფიციარების რაოდენობის ანალიზის შესაბამისად, თვითმმართველ ქალაქებში – ქ. თბილისში, ქ. ბათუმსა და ქ. ქუთაისში, დადგენილებით განსაზღვრული პირობა დააკმაყოფილა 49 დაწესებულებამ, მათ შორის:

ა) 13,000 და მეტი ბენეფიციარი - 40 (მ.შ. ქ. თბილისში - 28, ქ. ბათუმში - 6, ქ. ქუთაისში - 6) დაწესებულება;

ბ) ქალაქების მუნიციპალიტეტებში არსებულ დაბებსა და სოფლებში მდებარე სამედიცინო დაწესებულებები - 4 დაწესებულება;

გ) იძულებით გადაადგილებულ პირთა საოჯახო მედიცინის ცენტრები - 5 დაწესებულება.

 

გარდა ზემოაღნიშნული დაწესებულებებისა, პჯდ საბჭოს 2020 წლის 30 აპრილის და 5 მაისის სხდომებზე მიღებული გადაწყვეტილებების შესაბამისად, „საქართველოს მთავრობის 2013 წლის 21 თებერვლის N36 დადგენილებით დამტკიცებული „საყოველთაო ჯანმრთელობის დაცვის სახელმწიფო პროგრამის“ ფარგლებში თვითმმართველ ქალაქებში – ქ. თბილისში, ქ. ბათუმსა და ქ. ქუთაისში გეგმური ამბულატორიული მომსახურების მიმწოდებლად გამონაკლისის სახით სამედიცინო დაწესებულებების განსაზღვრის შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 7 მაისის N189/ო ბრძანებით, ქ. თბილისში, ქ. ბათუმსა და ქ. ქუთაისში გეგმური ამბულატორიული მომსახურების მიმწოდებლად, გეოგრაფიული ხელმისაწვდომობის გათვალისწინებით, დამატებით განისაზღვრა 36 (მ.შ. ქ.თბილისში - 31, ქ. ბათუმში - 3 და ქ. ქუთაისში - 2) დაწესებულება.

აღნიშნული დაწესებულებების შერჩევისას საბჭომ გაითვალისწინა შემდეგი გარემოებები: (1) კოვიდ 19-ის ეპიდემიის გამო საშუალოზე მაღალი სამიზნე მოსახლეობის მქონე დაწესებულებებს არ მიეცათ აქტიური მარკეტინგის ჩატარების შესაძლებლობა, რამაც შეაფერხა დამატებითი მოსახლეობის მოზიდვა; (2) ამ დაწესებულებების გეოგრაფიული განაწილება ქმნის მოსახლეობისთვის ბაზისურ სერვისებზე ოპტიმალურ გეოგრაფიულ ხელმისაწვდომობას და ამასთანავე, დაწესებულებებს აქვთ მოსახლეობის დამატებისა და გაფართოვებისთვის საჭირო ინფრასტრუქტურა.

შესაბამისად, 2020 წლის 1 მაისიდან, საყოველთაო ჯანდაცვის პროგრამის გეგმური ამბულატორიული მომსახურების მიმწოდებლად, არსებული 140 დაწესებულებიდან სულ შეირჩა 85 დაწესებულება. აღნიშნულ დაწესებულებებში განაწილებულია რეგისტრირებული მოსახლეობის 95%. რაც შეეხება, დანარჩენ მოსახლეობას (რეგისტრირებული მოსახლეობის 5%),  რომლებიც რეგისტრირებულნი იყვნენ პროგრამის მიღმა დარჩენილ სამედიცინო დაწესებულებებში, მათი გადანაწილება, ამჟამად მოქმედი პროგრამის შესაბამისად, უნდა უზრუნველყოს სსიპ სოციალური მომსახურების სააგენტომ, ბენეფიციარების ავტომატური გადამაგრებით გეოგრაფიულად ახლოს მყოფ სამედიცინო მომსახურების მიმწოდებელ დაწესებულებებში. ამასთან, აღნიშნულ ბენეფიციარებს 2 თვის შემდეგ მიეცემათ გეგმური ამბულატორიული მომსახურების მისაღებად საჭირო რეგისტრაციისთვის თავისუფალი არჩევანის გაკეთების უფლება. ხოლო, პჯდ დაწესებულებებს გეგმური ამბულატორიული მომსახურებისათვის  სააგენტოს მიერ გადამაგრებული ახალი მოსარგებლეების სპეციალური სააღრიცხვო (მკაცრი აღრიცხვის) დოკუმენტით (მოსარგებლის თანხმობის ფორმა) რეგისტრაცია არ მოეთხოვებათ 2020 წლის 1 ნოემბრამდე.

 

გაცნობებთ, რომ პაციენტთა გადამაგრების პროცესის ეფექტურად წარმართვის მიზნით, ქვეყანაში არსებული ეპიდსიტუაციისა და ბენეფიციარების ინტერესების გათვალისწინებით,  მიზანშეწონილად ჩაითვალა, ბენეფიციარს თავიდანვე მიეცეს გეგმური ამბულატორიული მომსახურების მისაღებად საჭირო რეგისტრაციისთვის თავისუფალი არჩევანის უფლება პროგრამაში დარჩენილ დაწესებულებებს შორის (მოსარგებლეების რეგისტრაცია უნდა განხორციელდეს სპეციალური სააღრიცხვო (მკაცრი აღრიცხვის) დოკუმენტით (მოსარგებლის თანხმობის ფორმა).

აღნიშნული ცვლილება დასამტკიცებლად წარედგინა საქართველოს მთავრობას.

 

 

პატივისცემით,

 

ლელა წოწორია

 

ჯანმრთელობის დაცვის პოლიტიკის სამმართველო

პოლიტიკის დეპარტამენტი,

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო.

აკ.წერეთლის 144.  0119. ქ.თბილისი, საქართველო.

(+995) 577 949491; (+995) 32 510038 1115.