მოგესალმებით,

გვინდა გაცნობოთ, რომ საქართველოს ოკუპირებული ტერიტორიებიდან დევნილთა,შრომის ჯანმრთელობის და სოციალური დაცვის სამინისტროს სსიპ სოციალური მომსახურების სააგენტოს ორგანიზებით, მიმდინარე წლის 21 დეკემბერს ტარდება 2018 წლის შემაჯამებელი კონფერენცია.

აღნიშნული ღონისძიების მიზანია საქართველოს შრომის ბაზრის ფორმირების სახელმწიფო სტრატეგიის ფარგლებში განხორციელებული ღონისძიებების, არსებული გამოწვევებისა და სამომავლო გეგმების გაცნობა ფართო საზოგადოებისათვის.

ამასთანავე, კონფერენციაზე წარდგენილი იქნება დასაქმების პროგრამების დეპარტამენტის მიერ 2018 წლის შემაჯამებელი ანგარიში და მოხდება წლის საუკეთესო დამსაქმებლებისა და საუკეთესო პარტნიორი ორგანიზაციების გამოვლენა-დაჯილდოება.

კონფერენციაზე მოწვეულნი იქნებიან სამთავრობო და არასამთავრობო ორგანიზაციების წარმომადგენლები, დამსაქმებლები, პარტნიორი ორგანიზაციები, დიპლომატიური კორპუსის წევრები, მედიის წარმომადგენლები და სხვა საპატიო სტუმრები.

გვაქვს პატივი, მოგიწვიოთ აღნიშნულ კონფერენციაზე.

კონფერენციის დეტალები:

თარიღი -21 დეკემბერი, პარასკევი

დაწყების და დასრულების დრო-11:00-15:00 (რეგისტრაცია დაიწყება 10:30 საათზე) ლოკაცია-სასტუმრო რუმს ჰოტელ თბილისი - „გარდენ ჰოლი“ მის: კოსტავას N 14

(შემოსასვლელი ჭოველიძის ქუჩიდან)

მოწვეულ სტუმართა რაოდენობა-130-150 ადამიანი

გთხოვთ, გვაცნობოთ პასუხი დასწრების შესახებ 20 დეკემბრის 13:00 საათამდე.

წინასწარ გიხდით მადლობას თანამშრომლობისთვის.

მოსაწვევი ბარათი (იხ. დანართი 1)

დღის წესრიგი (იხ. დანართი 2 )

კეთილი სურვილებით,

დასაქმების პროგრამების დეპარტამენტის უფროსი

მარინა ბეზარაშვილი